10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

မေလ-၁၈၊ ၂၀၁၃
M-Media
ထွန်းတောက်

မိတ္ထီလာ ။        ။  အကြမ်းဖက်ခံရမှု ၂-လပြည့်ကာလတွင် မိတ္ထီလာမြို့ရှိ မွတ်စလင်မ်များအား ထပ်မံ အကြမ်းဖက်မည်ဟု ခြိမ်းခြောက်မှုများ ရှိနေသည်ဟု သတင်းများ ပေါ်ထွက်နေကြောင်းသိရသည်။

မတ်လနှောင်းပိုင်းမှာ စတင်အကြမ်းဖက်ခံခဲ့ရတဲ့ မိတ္ထီလာမြို့ဟာ အခုဆိုရင် ၂-လ တာကာလပြည့်မြောက်တော့မှာဖြစ်ပါတယ်။ အကြမ်းဖက်ခံရသည့် မွတ်စလင်မ်ဒုက္ခသည် တော်တော်များများဟာ မိမိနေအိမ်များသို့ ပြန်ခွင့်ရခဲ့ပြီဖြစ်ပါတယ်။

မိတ္ထီလာမြို့မှာ ပေါ်ပေါ်ထင်ထင် အုပ်စုလိုက် အကြမ်းဖက်လုပ်ရပ်များကို လုပ်ဆောင်ခဲ့သည့် အကြမ်းဖက်သမားများကို ယခုအချိန်ထိ ဖော်ထုတ်ဖမ်းဆီးရုံးတင်စစ်ဆေးနိုင်ခြင်း မရှိသော်လည်း ဘုန်းကြီးတစ်ပါး သေဆုံးခဲ့မှုကြောင့် သံသယရှိသူများအဖြစ် မွတ်စလင်မ် ၇-ယောက်ကို ဖမ်းဆီးတရားစွဲဆို ရုံးတင်စစ်ဆေးမှုများပြုလုပ်ခဲ့ပါတယ်။ ၁၆-နှစ်အောက် ကလေးတစ်ဦးကိုတော့ ကလေးသူငယ် တရားရုံးသို့ လွှဲပြောင်းခဲ့ပြီးဖြစ်ပါတယ်။ အဆိုပါ ၆-ဦးအား သံသယရှိသူများအနေဖြင့် ဖမ်းဆီးခဲ့သော်လည်း ယင်းသူတို့မှာ ဘုန်းကြီးသေဆုံးမှုတွင် ပါဝင်ပတ်သက်နေသူများမဟုတ်ပဲ သံသယရှိသူအနေနှင့် စွဲချက်တင် စစ်ဆေးခဲ့ခြင်းသာဖြစ်ပါတယ်။

ဘုန်းကြီးသေမှုနှင့်ပတ်သက်ပြီး တရားခံအဖြစ် ၀န်ခံလာစေရန် ဖိအားပေးမှုများလည်းရှိခဲ့ကြောင်း သိရပါတယ်။ ယခုအခါ လာမယ့် မေလ ၂၁-ရက်နေ့မှာ အဆိုပါ ၆-ဦးအား တရားရုံးတော်မှ အမိန့်ချမှာဖြစ်ပါတယ်။ ယင်းအမိန့်ချမည့်ရက် နီးကပ်လာသည့်အချိန်တွင် မိတ္ထီလာမြို့ပေါ်၌ အကြမ်းဖက်ရန် ခြိမ်းခြောက်မှုများ ထပ်မံပေါ်ပေါက်လာပြန်ပါတယ်။ ယင်း ၆-ဦးအား တရားရုံးတော်မှ သေဒဏ်မချမှတ်ပါက မိတ္ထီလာမြို့ပေါ်ရှိ မွတ်စလင်မ်များအား ထပ်မံ အကြမ်းဖက်မည်ဟု မိတ္ထီလာမြို့ရှိ အကြမ်းဖက်သမားများက ခြိမ်းခြောက်နေကြောင်း မိတ္ထီလာမြို့ခံတစ်ဦးက ပြောပြလာပါတယ်။

အဆိုပါ ခြိမ်းခြောက်မှုကြောင့် မိတ္ထီလာရှိ အချို့သော မွတ်စလင်မ်များဟာ မိတ္ထီလာမြို့ကို စွန့်ခွာထွက်သွားကြပြီး၊ တချို့သော မွတ်စလင်မ်များကတော့ ပထမအကြိမ်ကဲ့သို့ အကြမ်းဖက်မှုများ ထပ်မံပြုလုပ်ခံရမည်ကို လွန်စွာစိုးရိမ်ထိတ်လန့်နေကြပါတယ်။ ဒါကြောင့် ဒီလို အကြမ်းဖက်မှု ထပ်မံမဖြစ်ပွားစေရန်အတွက် တာဝန်ရှိသူများအနေနှင့် ကြိုတင်ကာကွယ်မှုများ ပြုလုပ်ပေးပါရန်လည်း မိတ္ထီလာမြို့ခံက M-Media ကို ပြောပြလာပါတယ်။

Leave a Reply