10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

မေလ-၁၃၊ ၂၀၁၃
M-Media
တွေ့ဆုံမေးမြန်းသူ – ဆူးထက်

“နာမည်ရလာတဲ့ စာပေလောကမှ မွတ်စလင် စာရေးဆရာများအား လူမျိုးရေး ပုတ်ခတ် လှုံဆော်မှုများ ပြုလုပ်လာ”  (ဧရာဝတီတိုင်းဒေသကြီး သတင်းစာ ဆရာအသင်း အမှုဆောင်  ကဗျာဆရာ ထက်ဝေး နှင့်အင်တာဗျူး)

Htet Way
အင်တာနက် စာမျက်နှာများတွင် ဘာသာရေး ပဋိပက္ခအသွင်ဆောင်တဲ့ စာတွေ၊ အကြမ်းဖက်မူကို လှုံ့ဆော် တဲ့စာတွေ အများအပြားပေါ်ထွက်လာနေပါတယ်။ ယခု ဆိုရင် အင်တာနက် စာမျက်နှာတွေမှာပါ နာမည်ရလာတဲ့ စာပေလောကက မြန်မာမွတ်စလင်  စာရေးဆရာတွေကိုပါ ပုတ်ခတ်ပြီး ကုလားလို့ သုံနှုန်းတိုက်ခိုက်တာတွေကို တွေ့လာရပါတယ်။ ယခုချိန်မှာ ခေတ်စားနေတဲ့ ဘာသာရေး အကြမ်းဖက်မူတွေကို ခုတုံးလုပ်ပြီး မသမာသူများမှ ကုလားဆိုတဲ့ အသုံးအနှုန်းကို တွင်တွင်သုံးပြီး စာပေသမားများကို တိုက်ခိုက်တာ၊ အင်တာနက် စာမျက်နှာများတွင် ရေးသား တိုက်ခိုက် နေမူတွေနှင့် ပတ်သက်၍ လက်ရှိ ဂျာနယ်၊ မဂ္ဂဇင်းအစုံတွင် စာရေးနေသော ဧရာဝတီတိုင်းဒေသကြီး သတင်းစာ ဆရာအသင်း အမှုဆောင်  ကဗျာဆရာ ထက်ဝေးအား M-Media မှတွေ့ဆုံ မေးမြန်းခဲ့ပါတယ်။

M-Media – အင်တာနက် စာမျက်နှာတွေမှာ ဆရာကို ‘ကုလား’လို့ သုံးနှုန်းပြီး တိုက်ခိုက်တာကို ဆရာအနေ့နဲ့ သိရှိတာများရှိပါသလား။ နည်းနည်းလောက် ပြောပြပေးပါဆရာ။

ဖြေ – (Mandalay Gazette Myanmar)မှာ ရေးသားထားတာကို ဖတ်ရပါတယ်။  ဒါကလည်း လူတချို့က မလိုလို့ စွပ်စွဲ ရေးသားထားတာဖြစ်ပါတယ်။ ကျွန်တော် အိမ်မဲမြို့နယ် မဂ္ဂဇင်းလုပ်တဲ့ အခါမှာ တစ်ကြိမ်တစ်ခါမှ မထွက်ဖူးတဲ့ မြို့နယ် မဂ္ဂဇင်း ဖြစ်တဲ့အတွက် စာပေစိတ်ဓာတ်နဲ့ စာပေလုပ်ရှားမှုလည်း ဖြစ်အောင်၊ မြို့နယ်မှာလည်း မှတ်တမ်းလေးတစ်ခု ဖြစ်အောင် စိတ်ကူးခဲ့ပါတယ်။ နောက်မြို့နယ်က စာပေစိတ်ဝင်စားတဲ့ လူတွေလည်း ကလောင်သွေးလို့ရအောင် ဆိုတဲ့ ရည်ရွယ်ချက်နဲ့ပါ။ ဒါကို ကုလားမဂ္ဂဇင်းလို့ ခေါင်းစဉ်တပ်ပြီး ရေးတာပါ။ ကျွန်တော်တို့ မဂ္ဂဇင်းကို မြို့နယ်က ကော်မတီ သေချာဖွဲ့ပြီး မြို့နယ် အုပ်ချုပ်ရေးမှုးက တာဝန်ပေးအပ်တာပါ၊ ဒီတာဝန်ကို စာရေးဆရာ အသင်းကို ထမ်းဆောင်စေချင်ခဲ့တာပါ ဒါပေမယ့် စာရေးဆရာ အသင်းကရော၊ မြို့နယ် မဂ္ဂဇင်းကရော၊ ကျွန်တော့်ကို တာဝန်ပေးပါတယ်၊ စာရေးဆရာ အသင်းထဲမှာ ကျွန်တော်ပါခဲ့ပါတယ်၊ ဒီတာဝန်ကို ထမ်းဆောင်ရင် ကိုယ့်အလုပ်တွေ အများကြီး ပျက်မယ်ဆိုလည်း သိပါတယ်။ ဒါပေမယ့် တာဝန်ယူမယ့်သူ မရှိတဲ့အတွက် ကျွန်တော်ပဲ ယူလိုက်တာပါ။ ဒါကို အုပ်ချုပ်ရေးမှုး နားကပ်နေတဲ့ လူ၊ ကုလားမဂ္ဂဇင်း စသဖြင့် စွပ်စွဲပြောဆိုနေကြတာကို ဖတ်ရပါတယ်။ နောက်တစ်ခုက မြို့ပေါ်ကလူအားလုံး လက်ခံသော်လည်းပဲ နှစ်ဦး၊သုံးဦးရဲ့ သဘောထားနဲ့ ဘယ်သူဘယ်ဝါမှန်း မသိနိုင်တဲ့ အင်တာနက်မှာ ရေးသားနေကြတာပါ။

ဒါပေမယ့် ခုချိန်မှာ အင်တာနက် စာမျက်နှာတွေမှာ ထိုးနှက်ပြီးရေးသားတာတွေဟာ တစ်မြို့လုံးရဲ့သဘောထား မဟုတ်ဘဲ၊ လူတစ်ဦး နှစ်ဦးရဲ့ သဘောထား ဆိုတာကိုလည်း ကွဲကွဲပြားပြား သိပါတယ်၊ ဘယ်သူ ဘယ်ဝါ ဆိုတာလည်း ခန့်မှန်းလို့ရပါတယ်၊ အခု ခေတ်စားနေတဲ့ ဘာသာရေး အကြမ်းဖက်မူတွေမှာ ကုလားဆိုတဲ့ အသုံးအနှုန်းကို သုံးပြီးတော့ ပြောဆိုရေးသားနေတာကို Mandalay Gazette Myanmar ၀က်ဆိုက်ဒ်မှာ ကိုယ့်ကို ခင်မင်တဲ့ ကိုလေးစားတဲ့ သူတွေရဲ့ လေးစား ခင်မင်မူပျက်အောင် တမင်ရည်ရွယ်ပြီး ထိုးနှက်နေတာဖြစ်တယ်။ အိမ်မဲမှာ စာရေးဆရာ တစ်ယောက်ရှိတယ်၊ အဲဒီလူက ကုလားကြီးကွာ မင်းတို့ လက်မခံကြနဲ့ လို့စည်းရုံးရေး သဘောဆောင်သလို၊ နောက်တစ်ခုက သူ့ စာဖတ်ပရိသတ်၊ သူ့နဲ့ခင်မင်သူတွေက သူ့ကို မုန်းသွားအောင်၊ ဒီလူရဲ့ စာပေအနုပညာကို လက်မခံတော့အောင်ဆိုတဲ့ အဆိုးရည်ရွယ်ချက်နဲ့ လုပ်တယ်လို့ ထင်မြင်မိပါတယ်။ ကျွန်တော်ဖြစ်စေချင်တာက သူ့ရဲ့စာမကောင်းဘူးဆိုရင် စာပေ ဝေဖန်ရေး သဘောမျိုး ရေးစေချင်ပါတယ်။ သတင်းစာ ဆရာတစ်ယောက် အနေနဲ့ ဆိုရင်လည်း ဒီလူဟာ သတင်းစာသမားတစ်ယောက်အနေနဲ့ ရပ်တည်တာ အဂတိ လိုက်စားတယ်၊ ကျင့်ဝတ်ချိုးဖောက်တယ် စသဖြင့် တိတိပပ ဂျာနယ်တွေမှာ တရားဝင် ရေးစေချင်ပါတယ်။ အခုဟာက ဘယ်သူက ရေးမှန်းမသိ၊ ဘာအကြောင်းဆိုတာလည်း အကြောင်းအရာ ခိုင်ခိုင်လုံလုံ မရှိ၊ သူပြောချင်တာက ကဗျာဆရာ ထက်ဝေးက ကုလားဖြစ်နေတယ် ဆိုတာကိုပဲ သူပြောချင်နေတာကို တွေ့ရပါတယ်။

ဟို တလောကလည်း လူထုအော်သံမှာ သတင်းစာဆရာကြီး ဆိုပြီးတော့ အမျိုးမျိုး ရေးသားတာ တွေ့ရတယ်၊ အဲဒါကတော့ ရေးသားသူရဲ့ ဆန္ဒနဲ့ မညီညွှတ်တဲ့ အခါ ဒီလိုရေးသားတာပါပဲ၊ ဥပမာ လူတစ်ယောက်က သူဖြစ်ချင်တဲ့ ဆန္ဒကို သတင်းစာထဲ ထည့်ပေးပါ၊ ဂျာနယ်ထဲ ထည့်ပေးပါလို့ လာပြောတယ်၊ ဒါပေမယ့် သူဖြစ်စေချင်တဲ့ ဆန္ဒက အများလက်ခံနိုင်တဲ့ အကြောင်းအရာ မဟုတ်ဘူး၊ စာနယ်ဇင်း ကျင့်ဝတ်နဲ့ မညီဘူး၊ ဒါကို မလုပ်ပေးတဲ့ အပေါ်မှာ အပြစ်တင်ပြီးတော့ ရေးသားတယ်၊ လူမျိုး ဘာသာကို ထိခိုက်ပြီးတော့ ဒီလူ အညွန့်တုံးပါစေ၊ ဒီလူ့ကို လူတွေ အခင်အမင် ပျက်ပါစေ ဆိုတဲ့ မကောင်းတဲ့ စိတ်စေတနာနဲ့ ရေးသားဖော်ပြနေတာကို တွေ့ပါတယ်၊ သို့သော် သည်းခံပါတယ်၊ ဥပက္ခာပြုထားပါတယ်၊ ကျွန်တော်ရဲ့ အနုပညာ ပန်းတိုင်ကို ရောက်အောင်ပဲသွားနေပါတယ်၊ ကိုယ်စိတ်ဝင်စားရာ၊ ကိုယ်ဝါသနာပါရာ၊ ကိုယ်ပျော်မွေ့ရာဖြစ်တဲ့ စာပေအနုပညာကို ဆက်လက်ရေးသားနေမှာ ဖြစ်ပါတယ်၊ နောက်ကျွန်တော်က အိမ်မဲမြို့ပေါ်မှာလည်းပဲ ဘာသာရေး အသင်းအဖွဲ့ရှိတယ်၊ တကယ့် မြန်မာလူမျိုးကို ချစ်တဲ့၊ မြန်မာဝတ်စားဆင်ယင်မူကို မြတ်နိုးတဲ့ မြန်မာဆန်ဆန်နေတဲ့ မြန်မာမွတ်စလင် လူငယ်များ ဘာသာရေး အဖွဲ့မှာလည်း ကျွန်တော် ဥက္ကဌ တာဝန် ယူထားပါတယ်။

M-Media – ဆရာက မြန်မာစာ ကျူရှင်ဆရာ လုပ်ခဲ့တယ်လို့ သိရပါတယ်။ အဲဒီအကြောင်းလေး ပြောပြပေးပါ။

ဖြေ – ဆရာက တက္ကသိုလ်ဝင်တန်း (၁၀တန်း) ကို ၁၃-နှစ်တိတိ မြန်မာစာ ကျူရှင်သင်ခဲ့ပါတယ်၊ ဆရာမကြီး လူထုဒေါ်အမာက ဆရာမောင်သန်းဝင်း(ရန်ကုန်တက္ကသိုလ်) ကိုပြောသလို “ကိုးကွယ်ရာ ဘာသာသာ ခြားနားတာ၊ လူမျိုးအနေနဲ့ ခြားနားတာမဟုတ်” ဆိုတဲ့ ခံယူချက်အတိုင်း မြန်မာစာကို ချစ်ပြီး ကျူရှင်ဆရာ အဖြစ် ၁၃-နှစ် လုပ်ခဲ့တယ်၊ မြန်မာစာသင်ရင် ကျောင်းသားအင်အားနည်းမယ်၊ ဆင်းရဲမယ် ဆိုတာ သိတယ်၊ သို့သော်ကျွန်တော်က ကဗျာ၊ စာပေတွေကို ၀ါသနာပါတဲ့သူ ဖြစ်တယ်၊ မြန်မာစာကို ချစ်တဲ့ အတွက် မြန်မာစာ ကျူရှင်ဆရာ လုပ်ခဲ့ပါတယ်၊ ဒီလို မြန်မာစာပေကို ချစ်မြတ်နိုးပြီး စာပေလှုပ်ရှားမူတွေ အများကြီး လုပ်ခဲ့တယ်၊ စာပေဟောပြောပွဲတွေ အိမ်မဲမှာ လုပ်ခဲ့တယ်၊ အခု မြို့နယ် မဂ္ဂဇင်းမှာလည်း အပင်ပန်းခံပြီးတော့ စာမူတွေ စုတယ်၊ အပင်ပန်းခံပြီးတော့ ကျွန်တော်တို့ အိမ်မဲမြို့မှာ ထွက်ရှိခဲ့တဲ့ မဂ္ဂဇင်းကို မဂ္ဂဇင်းကောင်းတစ်အုပ် ဖြစ်အောင် ကြိုးစားခဲ့ပါတယ်။

M-Media – ဆရာ စာပေတွေ ရေးသားဖြစ်တဲ့ အကြောင်းလေးနဲ့ စာရေးရတဲ့ ရည်ရွယ်ချက်လေးကို ပြောပြပေးပါဦး။

ဖြေ  –  ကျွန်တော် စာပေရေးသားရတဲ့ အဓိက ရည်ရွယ်ချက်က ပြည်သူလူထု အားလုံးအတွက်ပါ၊ ကလောင်နာမည် ထက်ဝေးနဲ့ ရသစာပေတွေရေးတယ်၊ ကဗျာတွေရေးတယ်၊ ၀တ္ထုတွေ ရေးတယ်၊ ဆောင်းပါးတွေ ရေးတယ်၊ မန္တလေးအလင်း သတင်းဂျာနယ်မှာလည်း ညီမလေးဖတ်ဖို့ ဆိုတဲ့ ဆောင်းပါးကို ပင်တိုင်ရေးခဲ့ပါတယ်၊ ဂျာနယ်တော်တော်များများမှာလည်း ရေးပါတယ်၊ နယ်မှာနေတာ ဖြစ်တဲ့ အတွက် လောလောဆယ်တော့ ပုံမှန်တော့ မပါဘူး။ သို့သော်လည်းပဲ တော်တော်များများ စုံအောင် ရေးပါတယ်။

M-Media –  ဟုတ်ကဲ့ပါဆရာ။ ဆရာ့အနေနဲ့ M-Media ကတဆင့် စာဖတ်သူတွေကို ဘာများ ဖြည့်စွက်ပြောပြချင်ပါသေးသလဲ။

ဖြေ – ကျွန်တော် စာပေရေးသားရတဲ့ ရည်ရွယ်ချက် ကတော့ ကိုယ့်ရင်ထဲမှာ ခံစားနေရတဲ့ အကြောင်းအရာ ခံစားချက်လေးတွေကို ဖော်ကျူးသလို သုတပိုင်းဆိုင်ရာမှာ အများသူဌာတွေမှာ အလင်းရစေချင်လို့၊ သိစေချင်လို့ သဘောနဲ့ ရေးသာပါ။ သုတ၊ ရသ အစုံ ရေးတာက ပြည်သူတွေ အကျိုးအတွက်ပါပဲ၊ ဘာသာလူမျိုး မခွဲခြားဘူး၊ အားလုံးအတွက်ပါ၊ ကိုယ်သိတာလေးတွေ၊ ကိုယ်တတ်တာလေးတွေကို တင်ပြပေးတယ်၊ တစ်ထောင့်တစ်နေရာကနေ အစက်ပြောက်လေး တစ်ခုပဲ ဖြစ်ပါစေ စာပေအပေါ်မှာ တာဝန်ကျေအောင် ထမ်းရွက်တာပါ။ သတင်းနဲ့ ပတ်သက်လို့လည်း ကလောင်ခွဲတွေနဲ့ ရေးပါတယ်၊ ကြေးမုံ သတင်းစာမှာ ဇော်ထက်(အိမ်မဲ) အမည်နဲ့ သတင်းတွေ ရေးတာဟာ ပြည်သူတွေ အတွက်ပါပဲ၊ ပြည်သူတွေ သိအောင်၊ ပြည်သူတွေ မြင်အောင် သတင်းအချက်အလက်တွေကို ရည်ရွယ်ချက်ကြီးကြီးနဲ့ သတင်းစာကျင့်ဝတ်နဲ့ ညီအောင် ကြိုးစား ရေးပါတယ်၊ ဂျာနယ်တွေမှာလည်း ရေးပါတယ်၊ ကျွန်တော်ရေးတဲ့ သတင်းတွေဟာ ပြည်သူတွေ အမှန်တကယ် သိသင့် သိထိုက်တဲ့၊ သိဖို့လိုအပ်တဲ့ သတင်းတွေကို ရေးပေးပါတယ်။

M-Media –  ကျေးဇူးတင်ပါတယ်ဆရာ။ ဆရာ့ရဲ့ ရှိတဲ့အချိန်ထဲကနေ အခုလို မအားမလပ်ကြားထဲက ဖြေကြားပေးတာအတွက်ကို ပိုပြီးကျေးဇူးတင်ပါတယ်။
ဖြေ –  အခုလို မေးမြန်းပေးတဲ့ အတွက် ကျွန်တော်ကလည်း M-Media ကို ကျေးဇူးအထူး တင်ရှိပါတယ် ခင်ဗျား။

* ဆရာထက်ဝေး ရန်ကုန်ကိုရောက်ရှိပြီး အိမ်မဲသို့ ပြန်ခါနီးအခိုက်အတန့် ရသလောက်အချိန်အတိုင်းအတာအတွင်းမှာ မေးမြန်းခဲ့ခြင်းဖြစ်ပါတယ်။ မအားတဲ့ကြားကနေ စိတ်ရှည်ရှည်ဖြေကြားပေးတဲ့ ဆရာထက်ဝေးကို M-Media မှ ကျေးဇူးအထူးတင်ရှိပါတယ်ခင်ဗျာ။

Leave a Reply