5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

စည်သူအောင်မြင့်
ရန်ကုန်တိုင်းမ် သတင်းစာ၊ ၁၁-၁၂-၁၃။ စာ-၆။

KIA news

အံ့သြ တုန်လှုပ်ဖို့ကောင်းတဲ့ သတင်းတစ်ခု နေပြည်တော်ကောင်စီ နယ်မြေဘက်က ထွက်ပေါ်လာပါတယ်။ သတင်းမှာ ဖော်ပြထားတာက နေပြည်တော် မြို့မဈေး ဈေးတာဝန်ခံက တကယ့် လူမြင်ကွင်းကြီးမှာ ဗီနိုင်းအနီစ နဲ့ ကပ်ထားတဲ့ အသိပေးကြေငြာချက် ကပ်ထားတဲ့ ကိစ္စပါ။ အဲဒီ ကြေငြာချက်ထဲမှာ ဆီးဂိမ်းကာလ အဖျက်အမှောင့် လုပ်ငန်းတွေ လုပ်ကိုင်ဖို့ ကေအိုင်အေ ဌာနချုပ်ကနေ အကြမ်းဖက်သမား (၃) ယောက် စေလွှတ်လိုက်တယ်၊ သူတို့ရဲ့ ပုံပန်းသဏ္ဍာန် အချက်အလက်ဟာ ဘယ်သူတွေဖြစ်တယ်၊ အဲဒီ လူတွေကို တွေ့ရင် တာဝန်ရှိသူတွေကို အကြောင်းကြားပါ ဆိုတဲ့ အသိပေးစာ ဖြစ်ပါတယ်။ ဒီစာပါ ဖော်ပြချက်၊ နောက်ဆက်တွဲ သတင်းဌာနတွေရဲ့ ဖော်ပြချက်တွေကို ဆက်စပ်တွေးကြည့်ရင် အစိုးရ၊ စစ်တပ် အာဏာပိုင်တွေအားလုံး လုံခြုံရေး စီမံခန့်ခွဲရေး တင်းတင်းကြပ်ကြပ် လုပ်ကိုင်ဆောင်ရွက်နေတဲ့ နေပြည်တော်က အာဏာပိုင် တစ်ချို့ အဖျက်အမှောင့် လုပ်ငန်း လုပ်နေသလား ဆိုတာ သံသယ ဖြစ်ဖွယ် တွေ့လာရပါတယ်။ ဒီကနေ့ ဒီအကြောင်း ဆွေးနွေးတင်ပြပါ့မယ်။

အသိပေးကြေငြာချက်ပါ ဖော်ပြချက်အရ ဆီးဂိမ်းကို အဖျက်အမှောင့်လုပ်ဖို့ ကေအိုင်အေက လွှတ်လိုက်တဲ့သူတွေဟာ ရန်ကုန်က အစ္စလာမ် ဘာသာရေး အစွန်းရောက်တွေနဲ့ ဆက်သွယ်ဆောင်ရွက်မယ်ဆိုတာ၊ ကေအိုင်အေက ဗိုလ်ကြီးအဆင့် ကရင် လူမျိုးတစ်ယောက်၊ ဒုအရာခံဗိုလ်အဆင့် ကရင်လူမျိုးတစ်ယောက်၊ တပ်ကြပ်အဆင့်ရှိတဲ့ ကချင်လူမျိုးတစ်ယောက် ပေါင်း အကြမ်းဖက်သမား (၃) ယောက်ဆိုပြီးလည်း ပါဝင်ပါတယ်။

ပထမ တစ်ချက် စဉ်းစားဖို့ကတော့ အဲဒီ အသိပေးကြေငြာချက် ဖြစ်နိုင်မဖြစ်နိုင် ဆိုတာပါ။ ဘယ်လိုမှ မဖြစ်နိုင်တဲ့ အချက် အများကြီးတွေ့ရပါတယ်။ ရန်ကုန်က အစ္စလာမ် အစွန်းရောက်တွေနဲ့ ဆက်သွယ် လုပ်မယ် ဆိုတဲ့ ကိစ္စ၊ ဆီးဂိမ်းကို ဖျက်မယ် ဆိုတဲ့ ကိစ္စ၊ ကေအိုင်အေ တပ်ထဲက ဗိုလ်ကြီးအဆင့်နဲ့ ဒုအရာခံဗိုလ်အဆင့် ကရင်လူမျိုးတွေ ကိစ္စ တစ်ခုမှ မဖြစ်နိုင်ပါဘူး။ ဒီလို မဖြစ်နိုင်ဘူး ဆိုတာကိုလည်း ကေအိုင်အို နည်းပညာ အဖွဲ့ တာဝန်ရှိသူ ဦးဒေါင်ခါးက ဆီးဂိမ်းကို ၀ိုင်းလုပ်ပေးဖို့ပဲ ရှိတယ်၊ ဖျက်ဖို့ မရှိဘူးလို့ ပြောဆိုထားပြီးဖြစ်တဲ့ အကြောင်း ရှင်းပါတယ်။ အလားတူ ကေအိုင်အို ပြောခွင့်ရ ဦးလနန်ကလည်း ကရင်၊ ဗမာတွေကို ကေအိုင်အေ မှာ ဗိုလ်ကြီးအဆင့် ပေးထားတာလည်း မရှိဘူး၊ အခု ကိစ္စဟာလည်း မဖြစ်နိုင်ဘူး၊ ဒါ တမင်သက်သက် သိက္ခာကျအောင် လုပ်တဲ့ ကိစ္စ ဆိုပြီး ရှင်းပါတယ်။

ဒါဆိုရင် ဆက်ပြီးစဉ်းစားရမှာက ဒီ အသိပေးကြေငြာချက်ကို ဘယ်သူက ထုတ်တာလဲ၊ ဘယ်သူရဲ့ ညွှန်ကြားချက်နဲ့ ထုတ်တာလဲ ဆိုတာပါ။ နေပြည်တော်လို အာဏာပိုင်တွေအတွက် တကယ့် အရေးအကြီးဆုံး နေရာမျိုးမှာ တော်ရုံတန်ရုံလူရဲ့ ညွှန်ကြားချက်နဲ့ ဒီလို ညွှန်ကြားချက်မျိုး မထုတ်နိုင်ပါဘူး။ မထုတ်ရဲပါဘူး။ ဒီကိစ္စ သတင်းဌာန တွေက မေးမြန်း စူးစမ်းကြည့်တဲ့အခါ နေပြည်တော်ရဲချုပ်ရုံးက ဒုရဲမှူးချုပ်တစ်ယောက်က သူတို့နေ့စဉ် သတင်းဖလှယ်နေတယ်၊ အဲဒီ သတင်း အစီရင်ခံတာ မရှိဘူး။ သူကိုယ်တိုင် မြို့မဈေးကိုသွားတယ်၊ အဲဒီ ကြေငြာချက်ကို မတွေ့ရဘူးလို့ ဆိုပါတယ်။ ဒါပေမယ့် သတင်းဌာနတွေက ရိုက်ပြတဲ့ ဓာတ်ပုံမှာတော့ နေပြည်တော် မြို့မဈေးရှေ့မှာ ထင်ထင်ရှားရှား ကပ်ထားတာ တွေ့မြင်ရပါတယ်။ နောက် ဘောဂသီရိ အဝေးပြေးကွင်းနဲ့ တော်ဝင်ကားဂိတ်နားမှာလည်း ကပ်ထားတဲ့အကြောင်း နေပြည်တော် မထသ အဝေးပြေး ဥက္ကဌ ဦးဝင်းဆွေက အတည်ပြုပါတယ်။ သူပြောတာနဲ့ ဒုရဲမှူးချုပ်ပြောတာကတော့ ကွဲလွဲနေပါတယ်။ အလားတူ သမ္မတ ပြောခွင့်ရ ဒုဝန်ကြီး ဦးရဲထွဋ်ကတော့ သူက အဲဒီ သတင်းမကြားရဘူး၊ အဲဒီသတင်း မဖြစ်နိုင်ဘူးလို့ ထင်မြင်တဲ့အကြောင်း ပြောတယ်လို့ ဆိုပါတယ်။

တာဝန်ရှိသူ ဘယ်သူတွေမှ အတည်မပြုနိုင်ပေမယ့် ဒီ ကြေငြာချက်ရဲ့ အကျိုးသက်ရောက်မှုကတော့ ကြီးတာ သေခြာပါတယ်။ ကေအိုင်အေ ကချင်ပြည်လွတ်မြောက်ရေး တပ်မတော်ကို အကြမ်းဖက် အဖွဲ့အဖြစ်၊ ဆီးဂိမ်းကို ဖျက်ဆီးမယ့် အဖွဲ့အဖြစ် စွတ်စွဲထားတာမို့ လက်ရှိ တည်ဆောက်နေဆဲ ငြိမ်းချမ်းရေး လုပ်ငန်းစဉ်ကို အလွန်ထိခိုက်စေပါတယ်။ ကေအိုင်အို ကေအိုင်အေ တင်မက ကချင်လူမျိုးတွေကိုယ်တိုင် ဗမာ အာဏာပိုင်တွေ အနေနဲ့ ဒီလို မဟုတ်မမှန် လုပ်ကြံစွတ်စွဲမှုတွေကို သိက္ခာမဲ့စွာ လုပ်တယ်ဆိုပြီး မုန်းတီးမှုတွေ၊ နာကျည်းမှုတွေ ဖြစ်ပေါ်စေမှာ ဖြစ်ပါတယ်။ (ခုကိုပဲ သတင်းမီဒီယာတွေနဲ့ လူမှုကွန်ယက်တွေမှာ ပျံ့နှံ့ခဲ့ပါပြီ။)

ကြေငြာချက်မှာ ကေအိုင်အေ ကို အစ္စလာမ် အစွန်းရောက်တွေနဲ့ ဆက်စပ်ထားတဲ့အတွက် ဘာသာရေး မုန်းတီးမှုလည်း ဖြစ်ပေါ်စေနိုင်ပါတယ်။ မခိုင်မာတဲ့ စွတ်စွဲချက်နဲ့ အာဏာပိုင်တွေကိုယ်တိုင် ဘာသာရေး မုန်းတီးမှု ပေါ်ပေါက်အောင် လုပ်တဲ့ အလွန် အန္တရယ်ကြီးတဲ့ ဆိုးရွားတဲ့ လုပ်ရပ်အဖြစ် ရှုမြင်နိုင်ပါတယ်။ ကြေငြာချက်ထဲမှာ ကေအိုင်အေက ဗိုလ်ကြီးအဆင့် ကရင် လူမျိုးဆိုပြီးလည်း ထည့်ထားလိုက်ပါသေးတယ်။ ဒါဟာလည်း ကရင်မုန်းတီးရေး ဖြစ်ပေါ်စေလာနိုင်တဲ့ အချက်ဖြစ်ပါတယ်။ ခြုံငုံပြောရရင် ဒီကြေငြာစာ ဖော်ပြချက်ဟာ ငြိမ်းချမ်းရေးလုပ်ငန်းစဉ်ကို ထိခိုက်စေတာ၊ လူမျိုးတစ်မျိုးနဲ့ တစ်မျိုး၊ ဘာသာတစ်ခုနဲ့ တစ်ခု မုန်းတီးမှု ပေါ်ပေါက်စေမယ့် ဖော်ပြချက်မျိုးပဲ ဖြစ်ပါတယ်။

ဒီလိုကြေငြာချက်တွေ လမ်းဘေးမှာ စက္ကူနဲ့ ဝေတယ်ဆို ဒီလောက် ပြသနာ မရှိပါဘူး။ နေပြည်တော် အထင်ကရ ဈေးမှာ ဈေးတာဝန်ခံက ကြေငြာတာပါ။ ဒီအတွက် ဒီ ကြေငြာစာကပ်ဖို့ ဘယ်သူ ညွှန်ကြားသလဲ ဆိုတာ ဖော်ထုတ်ဖို့ အရေးကြီးပါတယ်။ ဒီ လုပ်ရပ်ထဲမှာ အာဏာပိုင်တွေထဲက ဘယ်အဆင့်လောက်အထိ ပါဝင်ပါတ်သက်နေမလဲ ဆိုတာ စုံစမ်းဖော်ထုတ်ဖို့ လိုပါတယ်။ တကယ်လို့သာ တာဝန်အရှိဆုံးဆိုတဲ့ ရဲချုပ်ရုံးက ပါဝင်ပါတ်သက်နေတယ် ဆိုရင်တော့ ငြိမ်းချမ်းရေးအတွက် အခြေအနေ မကောင်းပါဘူး၊ တိုင်းပြည်အတွက် အခြေအနေ မကောင်းပါဘူး။

အခြားတစ်ဖက်မှာတော့ အာဏာပိုင်တွေဟာ ဒီကိစ္စကို ဖုံးဖုံးဖိဖိ ဖြေရှင်းမယ် ဆိုရင်လည်း တိုင်းပြည်နဲ့ ပြည်သူတွေအတွက် မကောင်းပါဘူး။ ဗမာအပါအ၀င် တိုင်းရင်းသားတွေအားလုံး၊ ဗုဒ္ဓဘာသာဝင်တွေ အပါအ၀င် အခြားဘာသာဝင်တွေ အားလုံး ထိပ်ပိုင်း အာဏာပိုင်တွေကိုယ်တိုင် အဖျက်အမှောင့်လုပ်ငန်း လုပ်နေကြတယ်လို့ မှတ်ယူသွားကြမှာ ဖြစ်ပါတယ်။ ဒါကြောင့် ဒီ ကြေငြာစာကပ်ဖို့ ဘယ်အဖွဲ့အစည်းက ဘယ်အဆင့်ရှိသူက ဘာအချက်တွေအရ ညွှန်ကြားတယ် ဆိုတာ ဖော်ထုတ်ပြီး ပြည်သူတွေကို ပွင့်ပွင့်လင်းလင်း ရှင်းပြပါလို့ တောင်းဆိုလိုက်ရပါတယ်။

စည်သူအောင်မြင့်။

ဓါတ်ပုံ-7Days

https://www.facebook.com/sithu.aungmyint/posts/226656444183830

Leave a Reply