5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၂၂၊ ၂၀၁၄
M-Media

Islam and Other Religions
    (အသင် တမန်တော်) ပြောလေလော့။ ကျွန်ုပ်တို့သည် အလ္လာဟ်အသျှင်မြတ်နှင့် ကျွန်ုပ်တို့ပေါ် ထုတ်ပြန်ချမှတ်ခံရသည့် အရာ(ကုရ်အာန်ကျမ်းတော်မြတ်)ကို လည်းကောင်း၊ (တမန်တော်) အစ်ဗ်ရာဟီမ်၊ (တမန်တော်) အစ္စမာအီလ်၊ (တမန်တော်) အစ္စဟာ့က်၊ (တမန်တော်)ယအ်ကူးဗ်နှင့် (၎င်း၏)သားမြေးမြစ်တို့ အပေါ် ထုတ်ပြန်ချမှတ်ခံရသည့်အရာ(တရားတော်)ကိုလည်းကောင်း၊ (တမန်တော်)မူစာ၊ (တမန်တော်)အီစာနှင့် အခြားတမန်တော်တို့အပေါ် ၎င်းတို့၏ ဖန်ဆင်းရှင်မြတ် အထံတော်မှ ပေးအပ်ခြင်းခံရသည့်အရာ(ကျမ်းတော်)များကိုလည်းကောင်း သက်ဝင်ယုံကြည်ကြပါ၏။ ကျွန်ုပ်တို့သည် နဗီတမန်တော်များအကြား အချင်းချင်း ခွဲခြား(သေးသိမ်စေ)မှု ပြုလုပ်ကြမည် မဟုတ်ပါ။ ထို့ပြင် ကျွန်ုပ်တို့သည် အသျှင့်အမိန့်တော်ကို နာခံကြသူများ(မွတ်စ်လင်မ်များ) ဖြစ်ကြပါသည်။
          ကျမ်းမြတ်ကုရ်အာန်၊ ကဏ္ဍစဉ်(၃) အားလိအင်မ်ရာန်၊ ပါဒစဉ်(၈၄) – (၃း၈၄)

    ကျမ်းမြတ်ကုရ်အာန်ရှိ ဤအမိန့်တော်မှ အသိပေးနေသည်မှာ မွတ်စ်လင်မ်တို့သည် တစ်ချိန်က လူသားထုထံ စေလွှတ်ခဲ့သော နဗီတမန်တော်အပေါင်းကို သက်ဝင်ယုံကြည်ကြရမည် ဖြစ်သည်။ တမန်တော်တစ်ပါးပါးကိုသော်လည်းကောင်း၊ သူမှ သူ့နောက်လိုက်တို့အား သွန်သင်ခဲ့သည့် မည်သည့်ဘာသာတရား လမ်းစဉ်ကိုမျှ လည်းကောင်း  မလေးမစားပြုလုပ်ခွင့် မရှိကြောင်း ဆိုလိုထားပါသည်။ မွတ်စ်လင်မ်တစ်ဦးအဖို့ ဘာသာရေးဆိုင်ရာယုံကြည်ချက်ဟူသည် မိမိ၏ လွတ်လပ်စွာရွေးချယ်ခွင့်မှ ထွက်ပေါ်လာရပေမည်။ သာသနာရေးရာများတွင်လည်း မလွန့်သာ မလူးသာအောင် အတင်းအကြပ်ဆောင်ရွက်မှုမျိုး အသုံးမပြုရန် ဖန်ဆင်းတော်ရှင်မြတ်ကလည်း အမိန့်ပေးထားပြီးဖြစ်၏။

    သာသနာ့လမ်းစဉ်၌ အတင်းအကြပ်(စနစ်)ဟူသည်မရှိ၊ သစ္စာတရား(လမ်းစဉ်မှန်)သည် မိစ္ဆာတရား(လမ်းစဉ်မှား)မှ ထင်ရှားပြီးဖြစ်ချေသည်။
        ကျမ်းမြတ်ကုရ်အာန်၊ ကဏ္ဍစဉ်(၂) အလ် ဗကရဟ်၊ ပါဒစဉ်(၂၅၆) – (၂း၂၅၆)

ဤသည်မှာ သာသနာကိုင်းရှိုင်းသူတစ်ဦး၏ အသိတရားပင် ဖြစ်၏။ တစ်ပါးသူတို့အပေါ် အဓမ္မသတ်မှတ်လိုက်နာစေရမည် မဟုတ်။ ကမ္ဘာမြေပေါ်တွင် ထိုအချက်က စာရိတ္တစွမ်းအင်ကို တည်ဆောက်ပေး၏။ ဤသည်ကား တမန်တော် မုဟမ္မဒ်(ငြိမ်းချမ်းသာယာမှု ခ,ညောင်းပါစေသား)၏ ဘ၀နှင့်ဓလေ့များ၌ အလွန်ထင်ရှားသော စည်းမျဉ်းတစ်ရပ်အဖြစ် တွေ့ကြရပါမည်။ သို့သာမက ယင်းအချက်သည် လူမျိုး၊ အယူဝါဒ၊ ယဉ်ကျေးမှုပေါင်းစုံရှိသော မဒီနဟ်လူ့အဖွဲ့အစည်းနှင့် အတူ ရေးဆွဲပြဋ္ဌာန်းခဲ့သည့် ဖွဲ့စည်းပုံအခြေခံဥပဒေလည်း ဖြစ်ခဲ့ပေသည်။ ၎င်းက ဘာသာခြား လူ့အဖွဲ့အစည်းအားလုံး၏ လွတ်လပ်စွာ ၀တ်ပြုကိုးကွယ်ခွင့်ကို အာမခံချက်ပေးထား၏။ ဤအချက်က ကျမ်းဂန်အား နမော်နမဲ့ဖတ်ရှုသူအပေါင်း၏ နှလုံးသားကို လင်းဝင်းသွားစေသော ကုရ်အာန့်ဝိဥာဉ်၊ သဘောထားကြီးမှုနှင့် နားလည်မှုဆိုင်ရာ အနှစ်သာရတစ်ရပ် ဖြစ်ခဲ့၏။ လူသားတို့အား လူမျိုးအသွယ်သွယ်အဖြစ် ဖန်ဆင်းခြင်းမှာ အချင်းချင်းမှတ်မိသိရှိရန်၊ တစ်ဦးနှင့်တစ်ဦး စာနာနားလည်ဆက်ဆံတတ်စေရန်ဖြစ်ကြောင်း အလ္လာဟ်အသျှင်မြတ်က ကျမ်းမြတ်ကုရ်အာန်၌ မိန့်တော်မူထားပေသည်။

    အို – လူသားအပေါင်းတို့ ! ငါအသျှင်မြတ်သည် အသင်တို့အား အမျိုးသားတစ်ဦးနှင့် အမျိုးသမီးတစ်ဦးမှ (စတင်)ဖန်ဆင်းတော်မူခဲ့၏။ ထို့ပြင် ငါအသျှင်မြတ်သည် အသင်တို့ တစ်ဦးကိုတစ်ဦး (မုန်းတီးခွဲခြားဆက်ဆံစေရန် မဟုတ်မူဘဲ) သိမြင်မှတ်မိစေအံ့သောငှာ လူမျိုးစု/မျိုးနွယ်များအဖြစ် ဖန်တီးတော်မူခဲ့၏။ ဧကန်စင်စစ် အသျှင်မြတ်၏ထံတော်ပါးတွင် အသင်တို့အနက် အမြတ်ဆုံးသောသူမှာ အသင်တို့အနက်မှ (အသျှင့်ပေါ်ထားရှိသည့် အကြောက်တရားဖြင့်) အဖြောင့်မတ်ဆုံးသူသာ ဖြစ်သည်။ မုချမလွဲ အလ္လာဟ်အသျှင်မြတ်သည် အကြွင်းမဲ့သိမြင်တော်မူသော၊ ကြားသိတော်မူသော အသျှင်သခင်ဖြစ်တော်မူ၏။
         ကျမ်းမြတ်ကုရ်အာန်၊ ကဏ္ဍစဉ်(၄၉) အလ် ဟုဂျုရသ်၊ ပါဒစဉ်(၁၃) – (၄၉း၁၃)

အထက်ပါဒတော်မှ အချက်တစ်ရပ်အား အထူးပြုဖော်ညွှန်းထားပါသည်။ အစ္စလာမ်၌ သဘောထားသေးသိမ်မှု၊ တစ်ဖက်စောင်းနင်း အတ္တစွဲအတွက်သော် လည်းကောင်း၊ အသားအရောင်၊ လူမျိုး၊ နိုင်ငံသားနှင့် အလားတူအတွေးအမြင်မျိုးပေါ် အခြေခံထားသော ဘ၀င်ရူးမာန်ထောင်ပလွှားမှု အတွက်သော်လည်းကောင်း နေရာမရှိချေ။ အစ္စလာမ်၏ သဘောထားကြီးမြင့်မှုအပေါင်း ပါဝင်နေသည့် ဤအချက်က ဘ၀အရေးအရာအားလုံးနှင့် မွတ်စ်လင်မ့်အရေးအရာအားလုံးအပေါ် သက်ရောက်လျက်ရှိသည်။

ရှေးကျမ်းရပုဂ္ဂိုလ်များအဖြစ် ရည်ညွှန်းထားသော ဂျူးနှင့် ခရစ်ယာန်တို့အား ခိုင်မာသည့် ဘာသာရေးလူ့အဖွဲ့အစည်းများအဖြစ် မွတ်စ်လင်မ်တို့က လက်ခံရမည်ဖြစ်ကြောင်း ရှင်းလင်းစွာ ဖော်ကျူးထားပေသည်။

ထို့ပြင် အသင်တို့သည် ရှေးကျမ်းရသူများကို (ယုံကြည်မှုအကွဲအလွဲကိစ္စများတွင် ငြင်းခုံခြင်းထက်) ကောင်းမွန်(သိမ်မွေ့)သည့်နည်းလမ်းဖြင့်သာ အပြန်အလှန်ပြောဆိုလော့။ သို့ရာတွင် ထိုသူတို့အနက်မှ မတရားသူများကိုမူ (ပြတ်သားစွာ ဆက်ဆံပါလေ)။ …..
ကျမ်းမြတ်ကုရ်အာန်၊ ကဏ္ဍစဉ်(၂၉) အလ် အန့်ကဘူးသ်၊ ပါဒစဉ်(၄၆) – (၂၉း၄၆)

မွတ်စ်လင်မ်တို့အနေနှင့် မိမိတို့အချင်းချင်းအကြားတွင်ဖြစ်စေ၊ အခြားသူများနှင့်ဖြစ်စေ အချေအတင်အငြင်းပွားခြင်း၊ အမျက်ဒေါသ (၀ါ) အဆိုးမြင်ခံစားချက်များမှ တတ်စွမ်းသမျှ ရှောင်ကြဉ်ကြရန် ဤပါဒတော်မှ သွန်သင်ထားပါသည်။

သမိုင်းခြေရာ
—————
More in Common Than You Think : Bridge Between Islam and Christianity စာအုပ်တွင် စာရေးသူ ဒေါက်တာ ၀ီလျံဘေကာ Dr. William Baker က မွတ်စ်လင်မ်တို့သည် တိုရာကျမ်းနှင့် ဓမ္မသစ်ကျမ်းများအား ဖန်ဆင်းရှင်၏ဗျာဒိတ်အသိပေးချက်များအဖြစ် အမြင်ထားရှိပုံ၊ ဂျူးနှင့် ဂျူးအယူဝါဒအပေါ် အစ္စလာမ်မှ ပစ်မှတ်ထားခြင်း မရှိပုံကို ရှင်းလင်းတင်ပြထားသည်။

အုမိုင်ယဒ်မင်းဆက် လက်ထက် စပိန်နိုင်ငံတွင်လည်းကောင်း၊ အဘ္ဘာစစ် ခလီဖာများ လက်ထက် ဘဂ္ဂဒက်တွင်လည်းကောင်း ခရစ်ယာန်နှင့်ဂျူးတို့သည် မွတ်စ်လင်မ်များနှင့် လက်ရည်တစ်ပြင်တည်း ကျောင်းနှင့် တက္ကသိုလ်များ တက်ခွင့်ရခဲ့ကြသည်။ သို့သာမက အဆောင်လခ၊ ကျောင်းလခများကိုလည်း နိုင်ငံတော် စားရိတ်ဖြင့် တန်းတူညီမျှ အကုန်ကျခံပေးခဲ့သည်။ စပိန်ကို အုပ်ချုပ်ခဲ့သည့် မူးရ်တို့ နိုင်ငံပြင်ပသို့ မောင်းထုတ်ခံရသောအခါ ကျူးကျော်အုပ်ချုပ်သူ ခရစ်ယာန်များက ဂျူးတို့အပေါ် ပြင်းထန်စွာ နှိပ်စက်ညှင်းပန်းကြသည်။ ကံကောင်းထောက်မစွာဖြင့် ထွက်ပြေးလွတ်မြောက်ခဲ့သူများအနက် အချို့မှာ မော်ရိုကိုသို့လည်းကောင်း၊ အချို့သည် တူရကီအင်ပါယာသို့လည်းကောင်း ရာနှင့်ချီ၍ ရောက်ရှိခဲ့ကြ၏။

ထိုဒေသများဝယ် သူတို့၏မျိုးဆက်များသည် သီးခြားလူ့အဖွဲ့ အစည်းအသွင်ဖြင့် နေထိုင်လျက်ရှိပြီး၊ သူတို့အချင်းချင်း အကြား ရှေးဟောင်း စပိန်စကားကို ပြောဆိုကြ ဆဲဖြစ်သည်။ မတရားအုပ်ချုပ်မှုမှ အလွတ် ရုန်းထွက်လာသော ထိုသူအားလုံး အတွက် တစ်ခုတည်းသော ခိုကိုးရာသည်ကား မွတ်စ်လင်မ် အင်ပါယာ တစ်ခုတည်းသာ ဖြစ်ခဲ့ပေသည်။ စာပေခေတ်ဖြစ်သော (၁၈)ရာစုနှစ်အထိ အနောက်တိုင်း ခရစ်ယာန်တို့သည် မွတ်စ်လင်မ်တို့၏ ယုံကြည်မှုများကို မသိရှိခဲ့၊ သိရှိဖို့လည်း အရေးမစိုက်ခဲ့ပေ။ သို့သာမကသေး အရှေ့တိုင်း ခရစ်ယာန်တို့၏အမြင်ကိုလည်း အရေးတယူဖြင့် သိနားလည်အောင် မကြိုးစားခဲ့ကြ။ ခရစ်ယာန်ကျောင်းတော် ၀ါဒမှာ နှစ်ခြမ်းကွဲခဲ့ရသည်။ အဆုံးသတ်တွင်တော့ မိမိတို့၏ကိုယ်ပိုင် သာသနာ့ပုံဟန်ကို ကျင့်သုံးခွင့်ပြုပြီး ကွဲပြားမှုကို လက်ခံပေးခဲ့ကြသည့် မွတ်စ်လင်မ်တို့၏ အုပ်ချုပ်မှုကို နှစ်သက်လိုလားသူ ခရစ်ယာန်များမှာ ရိုမန်ကက်သလစ်ဝါဒသို့ လုံးလုံးလျားလျား အဓမ္မသွတ်သွင်းခံလိုက်ရသည်။

အကယ်၍သာ ထိုအခါကာလများ၌ ခရစ်ယာန်အယူဝါဒအား မွတ်စ်လင်မ်တို့မှ နားလည်သလို ဥရောပသားတို့ အစ္စလာမ်အကြောင်း များများစားစား သိရှိခဲ့ပါလျှင် အကျည်းတန်လှစွာသော ခရူးဆိတ်စစ်ပွဲများ ဖြစ်ပွားခဲ့မည် မဟုတ်ချေ။ ၎င်းတို့သည် အယူအဆအမှားအယွင်းပေါ် အကြွင်းမဲ့ အခြေခံ ခဲ့ခြင်းကြောင့်သာ ဖြစ်ခဲ့ရကြောင်း ဂစ်ဘင်က ရှင်းပြထား၏။

တမန်တော်၏ ဗဟုဝါဒအခြေတည် ဖွဲ့စည်းပုံဥပဒေ
——————————————————-
သာသနာအသစ်တစ်ရပ်ထူထောင်ရန် ကုရ်အာန်ကျမ်းက မည်သည့်အခါမျှ မကြွေးကြော်ခဲ့။ တမန်တော် မုဟမ္မဒ်သည် တမန်တော်အားလုံးအနက် အလ္လာဟ်အသျှင်မြတ် ထံတော်မှ အဆုံးသတ် ဗျာဒိတ်တော်ကို သယ်ဆောင်ပို့ချသူ၊ ကနဦးရှေးကျမ်းဂန်များ၏ သစ္စာတရားတို့ကို အတည်ပြုခြင်းဟုသာ တစိုက်မတ်မတ် ဖော်ညွှန်းလျက်ရှိ၏၏။ ဤသို့ အလျဉ်မပြတ် ရှေ့ဆက်သယ်ဆောင်လာမှုက အခြားဘာသာဝင်များအပေါ် တမန်တော်၏ ဂါရ၀တရားကို ရှင်းလင်းစွာ တွေ့မြင်နိုင်မည်ဖြစ်သည်။

တမန်တော် မုဟမ္မဒ်(ငြိမ်းချမ်းမေတ္တာ သက်ရောက်စေသား)၏ တာဝန်မှာ နူးဟ်(Noah)၊ အစ်ဗ်ရာဟီမ်(Abraham)၊ မူဆာ(Moses)၊ ဒါဝူးဒ်(David) နှင့် အီစာ(Jesus)တို့၏ သာသနာ့လမ်းစဉ် အစစ်အမှန်အား ပြန်လည်ထိန်းသိမ်းဖော်ဆောင်ရန် ဖြစ်၏။ ပေါ်ထွန်းခဲ့ပြီးသော ဘာသာတရားများအပေါ် အစ္စလာမ်၏ ရှုထောင့်ကို အောက်ပါ ကုရ်အာန့်ပါဒတော်များက ပိုမို ရှင်းလင်းသွားစေပေမည်။

အသျှင်မြတ်သည် အသင်တို့အတွက် အကြင်သာသနာတော်ကိုပင် သတ်မှတ်ပြဋ္ဌာန်းတော်မူခဲ့သည်။ ထိုသာသနာတော်ပကိုပင် လိုက်နာရန် အသျှင်မြတ်က (တမန်တော်)နူးဟ် ကို အမိန့်ပေးတော်မူခဲ့သည်။ ထို့ပြင် ငါအသျှင်မြတ်သည် ထိုသာသာနာတော်ကိုပင် အသင်(မုဟမ္မဒ်)ထံသို့ ထုန်ပြန်တော်မူခဲ့သည်။ ထို့ပြင် ငါအသျှင်မြတ်သည် ထိုသာသနာကိုသာ လိုက်နာရန် (တမန်တော်)အစ်ဗရာဟီမ်၊ (တမန်တော်)မူစာနှင့် (တမန်တော်)အီစာတို့အားလည်း အမိန့်ပေးတော်မူခဲ့သည်။
                      ကျမ်းမြတ်ကုရ်အာန်၊ ကဏ္ဍစဉ်(၄၂) အရှ် ယှူးရာ၊ ပါဒစဉ်(၁၃) – (၄၂း၁၃)

    သို့ဖြစ်လေရာ အသင်သည် ဖိတ်ခေါ်လျက်ရှိနေပါလေ။ အသင့်အား ပညတ်သည့်အတိုင်း မြဲမြံစွာ ရပ်တည်ပါလေ။ ၎င်းတို့၏ အချည်းနှီးအလိုဆန္ဒများကို မလိုက်နာလေနှင့်။ သို့ရာတွင် ဤသို့ပြောလော့။ “ငါသည် အလ္လာဟ်အသျှင်မြတ် ပို့လွှတ်ပေးတော်မူသော ကျမ်းဂန်မှန်သမျှ သက်ဝင်ယုံကြည်ပါ၏။ ငါသည် အသင်တို့အကြားတွင် သမာသမတ်ကျစွာ စီရင်ဆောင်ရွက်ရန် အမိန့်ပေးခြင်းခံရ၏။ အလ္လာဟ်အသျှင်မြတ်သည် ငါတို့၏ဖန်ဆင်းရှင်ဖြစ်သလို အသင်တို့၏ ဖန်ဆင်းရှင်လည်း ဖြစ်တော်မူ၏။ ငါတို့၏လုပ်ရပ်များသည် ငါတို့အတွက်ဖြစ်ပြီး၊ အသင်တို့၏လုပ်ရပ်များသည် အသင်တို့အတွက်ဖြစ်သည်။ ငါတို့နှင့်အသင်တို့ အကြားဝယ် ပြိုင်ဆိုင်ငြင်းခုံစရာ ဘာမျှမရှိချေ။ အလ္လာဟ်အသျှင်မြတ်သည် ငါတို့အားလုံးကို စုရုံးလျက် ထိုအသျှင်ထံပါးသို့ (အဆုံးသတ်တွင်) ဆောင်ယူခြင်းကို ခံကြရပေအံ့”။
               ကျမ်းမြတ်ကုရ်အာန်၊ ကဏ္ဍစဉ်(၄၂) အရှ် ယှူးရာ၊ ပါဒစဉ်(၁၅) – (၄၂း၁၅)

ယင်းပါဒတော်နှင့်သက်ဆိုင်သည့်ဖြစ်စဉ်မှာ ခရစ်သက္ကရာဇ် (၆၂၂)ခုနှစ်တွင် ဖြစ်ခဲ့သည်။ မက္ကဟ်မြို့တွင် (၁၃)နှစ်တိုင်တိုင် အစ္စလာမ့် အဆုံးအမများကို ဟောကြား သွန်သင်ပြီးနောက် တမန်တော်မြတ်သည် မဒီနဟ်မြို့သို့ ကြွတော်မူသည်။ ထိုနေရာဝယ် များစွာသောသူတို့သည် မိမိအား လက်ခံကြိုဆိုခြင်း၊ မိမိ၏ တာဝန်ဝတ္တရားများနှင့် စပ်လျဉ်း၍ မိမိအားကူညီရန် အသင့်ရှိနေခြင်းအား တွေ့ရ၏။ ထိုစဉ်က မဒီနဟ်မြို့နှင့် ၎င်းဝန်းကျင်ဒေသ၌ အာရဗ်မျိုးနွယ်စုများနှင့် ဂျူးအနွယ်များ အများအပြား အခြေစိုက်နေထိုင်လျက်ရှိသည်။ ထို့အပြင် လူမျိုးအသီးသီးနှင့် ရောမ၊ ပါးရှင်း၊ အီသီယိုးပီးယားဇာတိသားတို့လည်း မဒီနဟ်တွင် ရှိနေခဲ့ကြသည်။

လူမျိုး၊ အယူဝါဒကွဲပြားစုံလင်သည့် ကျောထောက်နောက်ခံရှိ ဤလူ့အဖွဲ့အစည်းကြီး၏ အနာဂတ် ရေရှည်ကောင်းကျိုးအလို့ငှာ တမန်တော်မုဟမ္မဒ်သည် ဗဟုဝါဒအခြေတည် ဖွဲ့စည်းအုပ်ချုပ်ပုံ အခြေခံစည်းမျဉ်းတစ်ရပ်ကို ရေးဆွဲခဲ့သည်။ ဆက်လက်၍ ယင်းဥပဒေအရ လူထုအားလုံးအတွက် တန်းတူအခွင့်အရေးနှင့် ၀တ္တရားများကိုလည်းကောင်း၊ ဘာသာရေး ဟောပြောကျင့်သုံးမှုဆိုင်ရာနှင့် ကုန်သွယ်ရေးဆိုင်ရာ လွတ်လပ်မှုကိုလည်းကောင်း ချမှတ်သည်။ သို့သာမက မိမိတို့လူ့အဖွဲ့အစည်းလုံခြုံရေးဆိုင်ရာ အန္တရာယ်မှန်သမျှမှ ကာကွယ်ရန် ဂျူးဘာသာဝင်များနှင့် မွတ်စ်လင်မ်များ နှစ်ဖက်စလုံး၌ တန်းတူအခွင့်အရေးနှင့် တာဝန်ဝတ္တရားများ ရှိကြောင်း၊ အပြန်အလှန်နားလည်မှုနှင့်တစ်ကွ တရားမျှတစွာဆက်ဆံကြရမည့်အကြောင်း ထည့်သွင်းဖော်ပြထား၏။ အဆိုပါ ကြေငြာစာတမ်းမှ ဖွဲ့စည်းပုံအခြေခံစည်းမျဉ်းများအနက် အစိပ်အပိုင်းတစ်ရပ်လေးအား ရှုပါလေ။

အောင်းဖ် မျိုးနွယ်စုဝင် ဂျူးတို့သည် မွတ်စ်လင်မ်တို့နှင့် တစ်နိုင်ငံတည်းသားများ ဖြစ်ကြသည်။ ဂျူးတို့ထံ သက်ဆိုင်ရာ ဘာသာတရား ရှိသလို မွတ်စ်လင်မ်တို့ထံလည်း သက်ဆိုင်ရာဘာသာတရား ရှိနေကြသည်။ မိမိတို့အချင်းချင်းပေါ်ဖြစ်စေ တစ်ပါးသူတို့အပေါ်ဖြစ်စေ ပြစ်မှုကျူးလွန်သူများ၊ မတရားသူများမှအပ ၎င်းတို့၏ ခေါင်းဆောင်နှင့်နောက်လိုက်များကို အကာအကွယ်ပေးကြရမည်။ အလားတူစွာပင် အန် နဂ်ျဂျားရ်၊ အလ် ဟာရိဆ်၊ စအီဒဟ်၊ ဂျုရှမ်၊ အလ်အောင်းစ်၊ ဆအ်လဘဟ်၊ ဂျဖ်နဟ် မျိုးနွယ်စုများ၊ ဆအ်လဘဟ်နှင့် အလ် ယှုအိုင်းဘဟ်၏ မိသားစုဝင်များမှ ဂျူးတို့သည်လည်း ဤဥပဒေအောက်တွင် အကျုံးဝင်သည်။ ကောင်းရာပြု ကျင့်ခြင်းသည် ပြစ်မှုများအား ကာကွယ်မှုတစ်ရပ်ဖြစ်သည်။ မိမိ၏လုပ်ရပ်သည် မိမိအပေါ်၌သာ တာဝန်ရှိ၏။ ဤစည်းမျဉ်းသည် မည်သည့် မတရားသူ (၀ါ) ဒုစရိုက်သားအတွက်မျှ အကာအကွယ်ပေးရန် မဖြစ်စေရ။ မတရားမှု သို့မဟုတ် ပြစ်မှုဒုစရိုက် ကျူးလွန်သူမဟုတ်လေလျှင် (ပြည်ပရန်အား ကာကွယ်ရင်ဆိုင်ရန်) စစ်ထွက်တိုက်သူဖြစ်စေ၊ နေအိမ်တွင်း ချန်ရစ်သူဖြစ်စေ မြို့တွင်း၌ ဘေးကင်းလုံခြုံမှု ရှိစေရမည်။ ဤစည်းမျဉ်းစာတမ်းအား လေးစားလိုက်နာသူတိုင်းကို လည်းကောင်း၊ အသျှင်မြတ်အပေါ် အကြောက်တရားရှိသူတိုင်းကိုလည်းကောင်း၊ အသျှင့်စေတမန်တော် မုဟမ္မဒ်ကိုလည်းကောင်း အလ္လာဟ်အသျှင်မြတ်မှ ကာကွယ်စောင့်ရှောက်တော်မူပါစေ။                     (အိဘ်နု ဟိရှာမ်)

မဒီနဟ် ဖွဲ့စည်းပုံစည်းမျဉ်းသည် တမန်တော်မုဟမ္မဒ် ရေးဆွဲပြဋ္ဌာန်းတော်မူသည့် ဂန္ထ၀င်စာချုပ်စာတမ်းတစ်ရပ်ဖြစ်သည့်အပြင် မတူကွဲပြားသောလူ့အဖွဲ့အစည်းတို့ စုပေါင်းနေထိုင်သောနယ်မြေ၏ ဥပဒေသကြီး ဖြစ်ခဲ့သည်။

** မှတ်ချက် ** ထိုစဉ်ကာလ မဒီနဟ်မြို့တွင် (လူအင်အားထက်) သြဇာအင်အား အကြီးမားဆုံး အယူဝါဒဆိုင်ရာအုပ်စုမှာ ဂျူး နှင့် မွတ်စ်လင်မ်များ ဖြစ်ကြသည်။ ခရစ်ယာန်၊ နတ်ဘုရားကိုးကွယ်သူ၊ ဘာသာမဲ့ စသည်များ အတန်အသင့်ရှိနေကြသော်လည်း သြဇာလွှမ်းမိုးမှု မကြီးမားခဲ့ပါ။ ထို့ကြောင့် ဂျူးနှင့်မွတ်စ်လင်မ်လူ့အဖွဲ့အစည်းတို့ဖြင့် အဓိက ဦးတည်ဖော်ညွှန်းထားကြောင်း သိရပေမည်။ (ဘာသာပြန်ဆိုသူ)

လူသားဝါဒ
————
မဒီနဟ်တွင် ဥပဒေပြုပြဋ္ဌာန်းခြင်းအား ကျော်လွန်ပြီးကြည့်ရှုလိုက်သော် တမန်တော် မုဟမ္မဒ်(ငြိမ်းချမ်းမင်္ဂလာသက်ရောက်စေသား)သည် မိမိ၏နေ့တစ်ဓူဝ ဘ၀အတွင်း မိမိတို့နှင့် မတူကွဲပြားသူများအပေါ် ယှဉ်တွဲနေထိုင်မှုကိုလက်ခံခြင်းနှင့် လေးစားခြင်းစိတ်ဓာတ်ကိုလည်း လက်တွေ့ကျင့်ဆောင်တော်မူခဲ့သည်။ တမန်တော်မြတ်သည် ဂျူးဖြစ်စေ၊ မွတ်စ်လင်မ်ဖြစ်စေ နာမကျန်းသူများထံ သွားရောက်တွေ့ဆုံလေ့ရှိသည်။ တစ်ခါသော် မိမိ၏ရှေ့တော်မှောက်တွင် ဂျူးလူမျိုးတစ်ဦး၏ ဈာပနသယ်ဆောင်သွားရာ ကိုယ်တော်မြတ်သည် သူသေအပေါ် လေးစားသမှုကို ပြသသည့်အနေဖြင့် မတ်တပ်ရပ်တော်မူခဲ့သည်။ “ သူသေ ဂျူးတစ်ဦးအတွက် အဘယ်ကြောင့် ကိုယ်တော်မြတ်မှ မတ်တပ်ရပ်တော်မူပါသနည်း ” ဟု မေးမြန်းသည်၌ တမန်တော်မြတ်က “ သူသည်လည်း လူသားတစ်ဦး မဟုတ်ပေသလော ” ဟု ပြန်လည်ဖြေကြားတော်မူခဲ့လေသည်။
(အလ် ဗုခါရီကျမ်း)

မွတ်စ်လင်မ်တို့အပေါ် ဦးတည်ပြီး လူမျိုးရေးတံဆိပ်ကပ်ခြင်း နှင့် ပစ်မှတ်ထားသတ်ဖြတ်ခြင်း ပြုလုပ်နေသော ခေတ်သမယ၌ တမန်တော် မုဟမ္မဒ်(ငြိမ်းချမ်းမင်္ဂလာ သက်ရောက်စေသား)၏ သဘောထားများက လက်တွေ့ကျသည့် (အစ္စလာမ့်) ဘ၀ပုံဟန်အား အတင့်တယ်ဆုံး ဖော်ကျူးနေပါသတည်း။

xxxxxxxxxxxx

(ကျမ်းကိုး)
၁။ “The Prophet of Islam and the Jews: Basis of Conduct, Acceptance, Respect and Cooperation” ( March 26, 2006 ) By : Burhan, Fysal
၂။ “Madras Lectures on Islam” ( 1927 ) By : Pickthall, Marmaduke Muhammad

စာရေးသူ Shahul Hameed သည် Reading Islam ၀က်ဘ်ဆိုဒ်၏ အတိုင်ပင်ခံတစ်ဦး၊ အိန္ဒိယနိုင်ငံ ကာလကတ္တားမှ Kerala Islamic Mission ၏ ဥက္ကဌ ဖြစ်သည်။ ဘာသာတရားဆိုင်ရာ နှိုင်းယှဉ်သုံးသပ်ချက်များ၊ အမျိုးသမီးတို့၏အခန်းကဏ္ဍ၊ သိပ္ပံနှင့်လူ့တန်ဖိုး စာအုပ်များကို ရေးသားခဲ့သည်။ သူ၏ Islam and Other Religions ရေးသားချက်အား “ဂျူလိုင်ရဲရင့်” မှ ဆီလျော်အောင်ပြန်ဆိုရေးသားထားခြင်းဖြစ်သည်။

Leave a Reply