10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၂၂၊ ၂၀၁၄
M-Media
လမင်း
10617524_559113697527328_671125478_n
ရန်ကုန်။ ။ မြန်မာနိုင်ငံလူငယ်များ အစည်းအရုံးမှ ဦးစီးကျင်းပသည့် ပထမအကြိမ် လူငယ်ရုပ်ရှင်ပွဲတော်တွင် ၀င်ရောက်ယှဉ်ပြိုင်သည့် ဆုရဒါရိုက်တာများမှ ဆုပေးပွဲ ပြုလုပ်ခဲ့သည့် သြဂုတ်လ ၁၂ ရက်မှယနေ့ထိ ဆုကြေးငွေ မရရှိသေးကြောင်းကို  သြဂုတ်လ ၂၂ ရက်နေ့တွင် သတင်းစာ ရှင်းလင်းပွဲ တစ်ရပ်ပြုလုပ်ကာ ပြောဆိုခဲ့ကြသည်။

“ကျွန်မတို့ အခုလို ပွဲမျိုးပြုလုပ်ရခြင်းဟာ ဆုကြေးငွေကြောင့် ပြုလုပ်တာ မဟုတ်ပါဘူး။ လူငယ် အစည်းအရုံးက ဥက္ကဌက သူဘယ်နေ့ ပေးမယ်လို့ပြောထားပြီးရင် လူငယ်တွေ အချင်းချင်း လေးစားတဲ့အနေနဲ့ ကတိတစ်ခုကို တန်ဖိုးထားသင့်ပါတယ်။ လူငယ်အစည်းအရုံးဆိုတာ လူငယ်တွေကို ကိုယ်စားပြုဖွဲ့ထားတဲ့ အဖွဲ့ဖြစ်ပြီး လူငယ်တွေကို သိက္ခာကျအောင် လုပ်တယ်ထင်လို့ ဒီပွဲကိုလုပ်ခဲ့ခြင်းဖြစ်ပါတယ်” ဟု ဆုရ ဒါရိုက်တာတစ်ဦးဖြစ်သူ မခင်စုကြည်က သုံးသပ်ပြောကြားခဲ့သည်။

နိုင်ငံတကာ လူငယ်များနေ့တွင် မြန်မာနိုင်ငံလူငယ်များ အစည်းအရုံးမှ ဆုပေးပွဲပြုလုပ်ခဲ့ပြီး ဆုကြေးငွေများကို အခက်အခဲကြောင့် ဆုရ ဒါရိုက်တာများကို ပေးအပ်ခဲ့ခြင်း မရှိဘဲ အကြောင်းအမျိုးမျိုးကြောင့် ဟူ၍ မြန်မာနိုင်ငံ လူငယ်များအစည်းအရုံး ဥက္ကဌ ကိုဇွဲရန်နိုင်မှ ရက်များ အမျိုးမျိုးပြောင်းလဲ ချိန်းဆိုခဲ့ကြောင်း၊ ယနေ့ထိတစ်စုံတစ်ရာ အကြောင်းပြန်ကြားခြင်း မရှိသေးသည့်အတွက် သတင်းစာရှင်းလင်းပွဲပြုလုပ်ရခြင်းဖြစ်ကြောင်းကိုလည်း ဆုရဒါရိုက်တာ တစ်ဦးဖြစ်သူ ကိုလွင်ကိုကိုဦးက ရှင်းလင်းပြောဆိုခဲ့သည်။

အဆိုပါသတင်းစာ ရှင်းလင်းပွဲတွင် ပထမအကြိမ်လူငယ် ရုပ်ရှင်ပွဲတော် အတွက် ကူညီထောက်ပံ့ပေးသည့် ကုမ္ပဏီ တစ်ခုဖြစ်သော ပါရမီစွမ်းအင် ကုမ္ပဏီလီမီတက်မှ ငွေကျပ်သိန်း ၃၀ အား မြန်မာနိုင်ငံလူငယ်များ အစည်းအရုံးမှ ဗဟိုအလုပ်အမှုဆောင် ကိုကျော်ဝဏ္ဍ အားလွဲပြောင်းပေးအပ်ခဲ့ပြီး ကိုကျော်ဝဏ္ဍမှ ဆုရဒါရိုက်တာ ၄ ဦးအနက် ၃ ဦးအား ၁၀ သိန်းစီ ပြန်လည်ပေးအပ်ခဲ့သည်။

“အခုလို အမှားအယွင်းတွေဖြစ်သွားတဲ့အတွက် ကျွန်တော်တို့ အစည်းအရုံးအနေနဲ့ အနှုးအညွတ်ကိုတောင်းပန်ချင်ပါတယ်။ ဆုရဒါရိုက်တာတွေကို လျစ်လျူရူသလို စိတ်အနှောင့်အယှက်တွေဖြစ်သွားရင်လည်း တောင်းပန်ချင်ပါတယ်။ နောက်နောင် လုပ်မဲ့ပွဲတွေမှာလည်း အခုလိုအမှားတွေကို သင်ခန်းစာယူပြီး အကောင်းဆုံးဖြစ်အောင် ပြုလုပ်သွားမှာဖြစ်ပါတယ်” ဟု မြန်မာနိုင်ငံလူငယ်များအစည်းအရုံးမှ ဗဟိုအလုပ်အမှုဆောင် ကိုကျော်ဝဏ္ဍက တောင်းပန် စကားပြောဆိုခဲ့သည်။

မြန်မာနိုင်ငံလူငယ်များအစည်းအရုံးမှ ဦးဆောင်ပြုလုပ်သည့် မြန်မာနိုင်ငံတွင် ပထမဆုံးအကြိမ်အဖြစ် လူငယ်ရုပ်ရှင်ပွဲတော်အား သြဂုတ်လ ၇ ရက်နှင့် ၈ ရက်နေ့တို့တွင် ပြသခဲ့ပြီး အကောင်းဆုံး မှတ်တမ်းရုပ်ရှင်ဆု၊ အကောင်းဆုံးဇာတ်လမ်းတိုဆု၊ အကောင်းဆုံးအထူးပြုလုပ်ချက်ဆု၊ ပရိတ်သတ် အကြိုက်ဆုံးဆုတို့ကို သြဂုတ်လ ၁၂ ရက်နေ့ နိုင်ငံတကာလူငယ်များနေ့တွင် ပေးအပ်ချီးမြှင့်ခဲ့သည်။

Tags:

Leave a Reply