5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၂၆၊ ၂၀၁၄
M-Media

Statement_on_USCIRF_Visit_to_Burma_United_States_Commission_on_International_Religious_Freedom
.နိုင်ငံတကာ ဘာသာရေး လွတ်လပ်ခွင့်ဆိုင်ရာ (အမေရိကန် ကော်မရှင်)အဖွဲ့ဝင်များဖြစ်သည့် အမ် ဇူဒီ ဂျက်ဆာနှင့် အဲရစ် ပီ ရှဝါ့ဇ် တို့ မြန်မာနိုင်ငံသို့ ငါးရက်ကြာသွားရောက် လည်ပတ် ခဲ့ပြီးနောက် ၎င်းတို့ တွေ့ရှိခဲ့ရသည်များနှင့် ပတ်သက်၍ ကြေညာချက်တစ်စောင်ကို သြဂုတ်လ် ၂၃ ရက်နေ့တွင် ထုတ်ပြန်ခဲ့သည်။

– မိမိတို့၏ ဤခရီးစဉ်မှာ မြန်မာနိုင်ငံသို့ ကော်မရှင်နာအဆင့် ပထမဆုံး သွားရောက်ခဲ့ခြင်းဖြစ်သည်။ ခရီစဉ်အတွင်း မိမိတို့မှာ ပြည်ထောင်စု အစိုးရ၊ ပြည်နယ် အစိုးရများ၊ ရန်ကုန်ရှိ တိုင်းရင်းသားနှင့် ဘာသာရေးအဖွဲ့အစည်းများ၊ အစိုးရမဟုတ်သည့် အဖွဲ့များ၊ ဒေါ်အောင်ဆန်းဆုကြည် အပါအ၀င် နိုင်ငံရေးပါတီများမှ ကိုယ်စားလှယ်များ၊ ဘာသာရေးခေါင်းဆောင်များနှင့် တွေ့ဆုံခဲ့သည်။ ထို့ပြင် မိမိတို့မှာ ရန်ကုန်၊ မန္တလေး၊ မိတ္ထီလာနှင့် နေပြည်တော်သို့လည်း သွားရောက် ခဲ့ကြသည်။ မိတ္ထီလာတွင် ၂၀၁၃ ခုနှစ် မတ်လ အတွင်း ရုတ်တရက် ဖြစ်ပွားခဲ့သည့်  အကြမ်းဖက်တိုက်ခိုက်မှုကြောင့် အိုးအိမ်စွန့်ခွာ ထွက်ပြေးခဲ့ရသည့် ဗုဒ္ဓဘာသာနှင့် မွတ်စလင် လူ့အဖွဲ့အစည်းမှ ပြည်သူများနေထိုင်သည့် ကယ်ဆယ်ရေး စခန်းများကိုလည်း သွားရောက်ခွင့်ရခဲ့သည်။

ဘာသာရေးလွတ်လပ်ခွင့်အား ချိုးဖောက်မှုများ၊ တိုင်းရင်းသားလူနည်းစုများနှင့် ဘာသာရေးလူနည်းစုများကို အကြမ်အးဖက်မှု၊ ခွဲခြားဆက်ဆံမှုများ ရှိနေသည့် အတွက်ကြောင့် လူ့အဖွဲ့အစည်းအတွင်း သည်းခံမှုနှင့် ပူးပေါင်းပါဝင်စေမှု တိုးမြှင့်ပေးရန်အတွက် မိမိတို့က မြန်မာနိုင်ငံသို့ သွားရောက်လည်ပတ်ခဲ့ခြင်းဖြစ်သည်။ မိမိတို့ ပြန်လည်ရောက်ရှိလာပြီးနောက် တွေ့ရှိချက်များကို အစီရင်ခံစာ တစ်စောင်ထုတ်ပြန်ရန် ရည်ရွယ်ခဲ့သည်။ ယနေ့ မိမိတို့ဖော်ပြထားသည့် အချက်အလက်များမှာ ကနဦးတွေ့ရှိချက်များ ဖြစ်သည်။

ဘာသာရေးလွတ်လပ်ခွင့်၊ လူ့အခွင့်အရေးတို့၏ အရေးကြီးပုံနှင့် ပတ်သက်၍ မြန်မာနိုင်ငံသား အများစု၏ ဖွင့်ဟမှုများကို ကြားရသည့်အတွက်ကြောင့် အလွန်ပင် အားရမိသည်။ မြန်မာနိုင်ငံ အတွင်းရှိ တိုင်းရင်းသားနှင့် ဘာသာရေး လူ့အဖွဲ့အစည်းအားလုံးအတွက် ဥပဒေရေးရာနှင့် လက်တွေ့ပိုင်းတွင် တန်းတူညီမျှမှု ရှိရေးက ပြုပြင်ပြောင်းလဲရေးလုပ်ငန်းစဉ်အတွက် အရေးပါသည့် အချက်ဖြစ်သည်ဟု ၎င်းတို့က သတိပြုမိသည်။ “နိုင်ငံသား တစ်ယောက်ချင်းစီနှင့် နိုင်ငံသားတိုင်း အတွက် တူညီသောအခွင့်အရေး သေချာစေခြင်း” ဟူသည့်  သမ္မတ ဦးသိန်းစိန်ပြောကြားခဲ့သော ရည်ရွယ်ချက်ကို ထပ်မံပြောကြားခဲ့သည့် တာဝန်ရှိသူများနှင့်လည်း မိမိတို့ တွေ့ဆုံခဲ့သည်။

မိမိတို့ ကော်မရှင်အနေဖြင့် မြန်မာနိုင်ငံအား ဆယ်စုနှစ် တစ်ခုကျော်ကြာ စောင့်ကြည့်ခဲ့ပြီး ဗုဒ္ဓဘာသာဝင်နှင့် ဗုဒ္ဓဘာသာဝင် မဟုတ်သူ အားလုံး၏ ဘာသာရေး လွတ်လပ်ခွင့်အပေါ် ကန့်သတ်မှုများနှင့် ပတ်သက်၍ စိုးရိမ်မိသည်ဟု ထုတ်ဖော်ပြောကြားခဲ့သည်။ မြန်မာနိုင်ငံတွင် မကြာသေးမီနှစ်များ အတွင်း ဆောင်ရွက် ခဲ့သော နိုင်ငံရေး အကျဉ်းသားများ လွှတ်ပေးမှု၊ လွတ်လပ်စွာ ထုတ်ဖော်ပြောဆိုမှု ကန့်သတ်ချက်များအား ဖြေလျော့ပေးမှုနှင့် အခြားသော အားတက်ဖွယ်ကောင်းသည့် တိုးတက်မှုများကို မိမိတို့မှ လှိုက်လှိုက်လှဲလှဲပင် ကြိုဆိုခဲ့သည်။ သို့သော် ဘာသာရေး လူနည်းစုများအပေါ် ဥပဒေအရ လည်းကောင်း၊ နည်းဥပဒေအရလည်းကောင်း လက်တွေ့ပိုင်းအရ လည်းကောင်း ဆိုးဆိုးရွားရွား၊ ထင်ထင်ရှားရှား ခွဲခြားဆက်ဆံမှုနှင့် ပတ်သက်၍ မိမိတို့၏ စိုးရိမ်မှုကို ပေါ်လွင်စေရန် လာရောက်ခြင်းဖြစ်သည်။ ထိုကဲ့သို့ ခွဲခြားဆက်ဆံမှုရလဒ်က အဆိုပါ လူနည်းစုဘာသာဝင်များအတွက် မတူညီသော အမှတ်သညာများ ဖြစ်ပေါ်စေသည်။ ဥပမာအားဖြင့် နိုင်ငံသားဖြစ်မှုနှင့် ပတ်သက်သည့် အသိအမှတ်ပြု စာရွက်စာတမ်းများ၊ အခွင့်အရေးများ ဖြစ်သည်။ ထို့ပြင် အခြားသော ကန့်သတ်ချက်များဖြစ်သည့် လူနည်းစု ဘာသာဝင်များ၏ ဘာသာရေးအသင်း အဖွဲ့ ဖွဲ့စည်းခြင်းအား တားဆီး ပိတ်ပင်ထားခြင်း၊ ခရစ်ယာန်များ၏ ဘာသာရေးကျင့်သုံးမှုကို ခက်ခဲအောင်ဆောင်ရွက်ခြင်းတို့လည်း ရှိနေပြီး ဘာသာရေး လူနည်းစုများအား တိုက်ခိုက်များ အတွက် အပြည့်အ၀ တာဝန်ရှိနေသူများကို အရေးယူရန် ပျက်ကွက်မှုကိုလည်း မိမိတို့မှ စိုးရိမ်မိသည်။
ရခိုင်ပြည်နယ်တွင် ရိုဟင်ဂျာများမှာ ညှင်းပန်းနှိပ်စက်ခြင်း ခံနေရသည်ဟု သတင်းများ ရရှိသည့်အတွက် မိမိတို့မှ စိတ်မကောင်းဖြစ်ရသည်။ ရိုဟင်ဂျာ လူ့အဖွဲ့အစည်း၏ အခွင့်အရေးများကို စနစ်တကျ၊ ကျယ်ကျယ်ပြန့်ပြန့်၊ ကမ်းကုန်အောင် ချိုးဖောက်မှုများ ရှိသည်ဟူသော သတင်းများအား ဘက်မလိုက်သော မည်သည့် လေ့လာစောင့်ကြည့်သူများက မေးခွန်း မထုတ်ခဲ့ကြချေ။ လုပ်ရပ်များဖြင့် လည်းကောင်း၊ လစ်လျူရှုခြင်းအားဖြင့်လည်းကောင်း၊ လူ့အခွင့်အရေး ထိုကဲ့သို့ အလွဲသုံးစား လုပ်နေခြင်းက ရိုဟင်ဂျာ လူ့အဖွဲ့အစည်း အတွင်း သေဆုံးခြင်း၊ ဒဏ်ရာအနာတရရှိခြင်း၊ အိုးအိမ်စွန့်ခွာ ထွက်ပြေးရခြင်း၊ အခြေခံ ကျန်းမာရေးစောင့်ရှောက်မှုနှင့် အခြားသော ၀န်ဆောင်မှုများ ငြင်းပယ်ခံရခြင်း၊ လွတ်လပ်စွာ ပြောင်းရွှေ့ သွားလာခွင့် ငြင်းပယ် ခံရခြင်း၊ နိုင်ငံသားဖြစ်ခွင့် ငြင်းပယ် ခံရခြင်းနှင့် အခြားသော ချိုးဖောက်ခံရမှုများ ဖြစ်ပေါ်စေခဲ့သည်။ ရခိုင်ပြည်နယ်မှာ မြန်မာနိုင်ငံတွင် အဆင်းရဲဆုံးပြည်နယ်ဖြစ်ပြီး ထိုပြည်နယ်အတွင်းရှိ လူ့အဖွဲ့အစည်း အားလုံးမှာ ဂရုစိုက်မှု၊ ပူပန်မှုများကို ထိုက်ထိုက်တန်တန်ရရှိကာ၊ ရိုဟင်ဂျာများ ရင်ဆိုင်နေရသည့် ကြောက်မက် ဖွယ်ကောင်းသော အခြေအနေများနှင့် ပတ်သက် ၍လည်း အစိုးရ၏ အရေးယူမှုကို ချက်ချင်းလိုအပ်သည်။

နိုင်ငံရေးပြုပြင်ပြောင်းလဲရေး ကြိုးပမ်းမှုက ဆိုးရွားသည့် ဤစိုးရိမ်ပူပင်မှုများကို မဖြေရှင်းနိုင်သေးသည့် အတွက် မိမိတို့က စိတ်ပျက်မိသည်။ တစ်ချိန်တည်းမှာပင် ထိုပြဿနာများအား အသေးစိတ်ဖြေရှင်းမှုများအား မြင်ရရန် အတွက် မိမိတို့ မျှော်လင့်မိသည်။ ထို့ပြင် ဘာသာကူးပြောင်းခြင်းဆိုင်ရာ ဥပဒေနှင့် အခြားသော ဘာသာရေး လူမျိုးရေးနှင့်ဆိုင်သည့် ဥပဒေများကဲ့သို့ ပြုပြင်ပြောင်းလဲရေး ကတိက၀တ်နှင့် မအပ်စပ်သော လုပ်ရပ်များကိုလည်း မိမိတို့က စိုးရိမ်မိသည်။

နိဂုံးချုပ်နေဖြင့် မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ်ကို အရှိန်မြင့်လာစေရေး အမေရိကန်နှင့် အခြားသော အစိုးရများက ကြိုးပမ်းကြရန် မိမိတို့မှ တိုက်တွန်းလိုက်သည်။ လုံ့လ၀ိရိယအပြည့်ဖြင့် ကြိုစားဆောင်ရွက်နေပြီး လူ့အခွင့်အရေး၊ သည်းခံမှုနှင့် ဘာသာရေးဆိုင်ရာ လွတ်လပ်ခွင့်တို့ကို အားပေးမြှင့်တင်ရန် အတွက် ကိုယ်တိုင် စွန့်လွှတ် အနစ်နာခံရလေ့ရှိသည့် တက်ကြွလှုပ်ရှားသူများနှင့် အစိုးရများက ဆက်သွယ်ဆောင်ရွက်သင့်သည်။ လူ့အခွင့်အရေးနှင့် ဘာသာရေးဆိုင်ရာ လွတ်လပ်ခွင့်၊ အထူးသဖြင့် ဆိုးရွားသော ညှင်းပန်းနှိပ်စက်မှုများ၏ သားကောင်ဖြစ်နေရသည့် ရိုဟင်ဂျာမွတ်စလင်များ၏ အခွင့်အရေး စသည်တို့အတွက် ထောက်ပံ့ရန် အစိုးရအနေဖြင့် အခွင့်အလမ်းများကို ရှာဖွေသင့်သည်။

.လေးမောင် ဘာသာပြန်သည်။

Leave a Reply