2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

စက်တင်ဘာ ၁ ၊ ၂၀၁၄
VOA (မြန်မာပိုင်း)

6FC3F35E-FE3B-4619-85E1-E7A587B413B0_w640_r1_s
ဘင်္ဂလားဒေ့ရ်ှနိုင်ငံအတွင်းက ဒုက္ခသည်စခန်းတွေမှာ ရှိနေကြတဲ့ ရိုဟင်ဂျာဒုက္ခသည်တွေထဲ ၂၄၅၁ ယောက်ကို လာမယ့် နှစ်လ အတွင်း မြန်မာအစိုးရက ပြန်လည် လက်ခံဖို့ ဘင်္ဂဘားဒေ့ရ်ှအစိုးရနဲ့ သဘောတူညီမှု ရရှိသွားပြီဖြစ်ကြောင်း ဘင်္ဂလားဒေ့ရ်ှနိုင်ငံထုတ် သတင်းမီဒီယာတွေမှာ ရေးသား ဖော်ပြကြ ပါတယ်။

မြန်မာနိုင်ငံသားဖြစ်ကြောင်း သက်သေအထောက်အားရှိသူ ရိုဟင်ဂျာ ဒုက္ခသည် ၃၂,၀၀၀ ထဲက ပထမအသုတ်အဖြစ်နဲ့ ၂,၄၅၁ ယောက်ကို လာမယ့် ၂ လအတွင်း ပြန်လည်ခေါ်ယူနိုင်ရေး စတင်ဆောင်ရွက်ဖို့ မြန်မာအစိုးရဖက်က သဘောတူလိုက်ကြောင်း မြန်မာအစိုးရ ကိုယ်စားလှယ် နိုင်ငံခြားရေးဝန်ကြီး ဌာနာ ဒုတိယ၀န်ကြီး ဦးသန့်ကျော်နဲ့ တွေ့ဆုံဆွေးနွေးခဲ့တဲ့ ဘင်္ဂလားဒေ့ရှ် နိုင်ငံခြားရေးဝန်ကြီးဌာန အတွင်းဝန် Md Shahidul Haque က တွေ့ဆုံ ဆွေးနွေးပွဲအပြီး သတင်းထောက်တွေကို ပြောကြားခဲ့ပါတယ်။

သြဂုတ်လ ၃၀ ရက်နေ့က ပြုလုပ်တဲ့ FOC ခေါ် ဘင်္ဂလားဒေ့ရှ် – မြန်မာ ၈ ကြိမ်မြောက် နိုင်ငံခြားရေးရုံး ညှိနှိုင်းဆွေးနွေးပွဲအတွင်း ဒီသဘောတူညီချက်ကို ရရှိခဲ့တာ ဖြစ်ပါတယ်။ နှစ်နိုင်ငံအကြား အခုလို ထူးခြားတဲ့ သဘောတူညီမှု ရရှိလိုက်ပေမယ့် တခြား သဘောထား မတိုက်ဆိုင်တဲ့ အကြောင်းအရာတွေလည်း အများအပြား ရှိနေတုန်းပဲလို့ ဆိုပါတယ်။

ဘင်္ဂလားဒေ့ရ်ှဘက်ကနေ မြန်မာပြည်ကို ပြန်ပို့မယ့် ရိုဟင်ဂျာတွေ နှစ်ဖက် ပြန်လည် စစ်ဆေးပြီးမှ ပြန်ပို့မှာဖြစ်ပြီး အဲဒီအထဲမှာ ၂၀၀၅ နှစ်နောက်ပိုင်း ရိုဟင်ဂျာတွေက မွေးဖွားတဲ့ သားသမီးတွေလည်း ပါဝင်မယ်လို့ ဆိုပါတယ်။

တရားဝင်ပြုစုထားတဲ့ စာရင်းဇယားတွေအရ ၁၉၉၁ ခုနှစ်မှာ မြန်မာစစ် အစိုးရရဲ့ နှိပ်စက်ညှဉ်းပန်းမှုကြောင့် ဘင်္ဂလားဒေ့ရ်ှဖက်ကို ၂,၅၀,၈၇၇ ယောက် ထွက်ပြေးသွားတယ်လို့ ဆိုပါတယ်။ အဲဒီအထဲက ၂,၃၆,၅၉၉ ယောက်ကို ကုလသမဂ္ဂရဲ့ ကြီးကြပ်ကွပ်ကဲမှုနဲ့ ၂၀၀၅ ခုနှစ်က မြန်မာနိုင်ငံကို ပြန်ပို့ ခဲ့ပြီး ဖြစ်ပါတယ်။

လက်ရှိမှာတော့ Cox’s Bazar ခရိုင်အတွင်းက ဒုက္ခသည်စခန်း ၂ ခုမှာ ရိုဟင်ဂျာဒုက္ခသည် စုစုပေါင်း ၃၂,၀၀၀ လောက် ရှိတယ်လို့ ခန့်မှန်းထားပါတယ်။ ဒါပေမယ့် ရိုဟင်ဂျာတွေက ကလေးမွေးဖွားမှုနှုန်း များလွန်းတာကြောင့် သူတို့ရဲ့ အရေအတွက်ဟာလည်း တဖြည်းဖြည်း များပြားလာနေတယ်လို့ ဘင်္ဂလားဒေ့ရှ အစိုးရ အရာရှိတွေက ပြောပါတယ်။ ဒီကိစ္စနဲ့ပတ်သက်လို့ မြန်မာအစိုးရဖက်က အတည်ပြု ပြောဆိုခြင်း မရှိသေးပါဘူး။

http://burmese.voanews.com/content/rohingya-refugee-bangaladesh-/2434263.html

Leave a Reply