5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

စက်တင်ဘာ ၁၅ ၊ ၂၀၁၄
M-Media
-ဆောင်းပါးရှင်-နှင်းဆီခင်
Brave-cat-14573874391
ရဲရင့်တယ် သတ္တိရှိတယ်ဆိုတာ လူငယ်တွေရဲ့ ထင်ရှားတဲ့ အရည်အသွေးတစ်မျိုးလို့ ဆိုရမှာပါ။ မှန်ကန်တာ တစ်ခုခုအတွက် ဆုံးဖြတ်ချက်ခိုင်ခိုင်ချ၊ ပြီးစီးအောင်လုပ်။ ဒါဟာ လူငယ်တွေအတွက် အောင်မြင်တဲ့ဘ၀ တည်ဆောက်ဖို့ အခြေခံစွမ်းရည်တွေပဲပေါ့။ အရာရာကို ဝေခွဲမရနိုင်ဘဲ ကိုယ်ပိုင် ဆုံးဖြတ်ချက်ချဖို့လည်း ချီတုံချတုံဖြစ်နေခြင်းဟာ ကိုယ့်ကိုကိုယ် ယုံကြည်မှု နည်းပါးတဲ့သဘော။ ဒီတော့လည်း သူများတကာရဲ့သြဇာလွှမ်းမိုးမှုအောက်မှာ သိသိသာသာ မျောပါပြီး ဘ၀မှာအောင်မြင်မှုနှင့် ဝေးသည်ထက် ဝေးတတ်ပါတယ်။

တကယ်တော့ လူငယ်တွေဟာ များသောအားဖြင့်ကတော့ မြတ်တယ်၊ တက်ကြွဖျက်လတ်တယ်။ မှန်ကန်မှုတစ်ခုခု အတွက် နောက်မဆုတ်တမ်း အခိုင်အမာ ဆောင်ရွက်လေ့ ရှိကြတယ်။ “ရဲရင့်ခြင်း”၊ “သတ္တိရှိခြင်း” ဆိုတာ နားလည်မှု လွဲမှားလွယ်တဲ့ ဝေါဟာရတွေလို့ ဆိုကြတယ်။ ရုပ်ရှင်တွေ ဗီဒီယိုတွေမှာ တွေ့မြင်ရတတ်တဲ့ အက်ရှင်ဇာတ်လမ်းတွေဟာ သတ္တိရှိသူတွေရဲ့ စွမ်းဆောင်ချက်ပဲလို့ တချို့လူငယ်တွေ အမှတ်မှားလေ့ရှိကြတယ်။ သတ္တိရှိခြင်းဆိုတာရဲ့ ဥပမာတွေ အတွက် ရုပ်ရှင်၊ ဗီဒီယိုကားတွေကို ကြည့်ရှုပြီး အကဲခတ်စရာ မလိုသလို ကွာလှမ်းလှတဲ့ ရှေးသမိုင်းကြောင်းတွေကို ပြန်ပြီးလေ့လာနေစရာလည်း မလိုအပ်ဘူးလေ။ ဘာဖြစ်လို့လဲဆိုတော့ သတ္တိရှိတယ်ဆိုတာကို ဖော်ကျူးဖို့အတွက် (တချို့က သဘာဝလွန်၊ စိတ်ကူးယဉ်) ထူးဆန်း အံ့သြစရာဖြစ်ရပ်တွေ၊ ဒဏ္ဍရီတွေ စွန့်စားမှုတွေကို အခြေခံပြီးမှ အောင်မြင်မှုရတဲ့ အချက်ကို ထောက်ပြတာကိုး။ အထူးသဖြင့် တိုက်ပွဲတွေ၊ အောင်ပွဲတွေကို မှီငြမ်း ကိုးကားထားတာများတယ်။ တကယ်တော့ ရဲရင့်ခြင်းအတွက် ဥပမာကောင်းတွေကို ရနိုင်တဲ့ အလွယ်ကူဆုံး နည်းလမ်းတစ်ခုကတော့ မိဘ၊ ဘိုးဘွားတွေဆီက တစ်ဆင့်ကြားနာရခြင်းတွေပါပဲ။

ရင်းနှီးတဲ့သူငယ်ချင်း တစ်ယောက်ပြောဖူးတာက သူရဲ့အဖေက သူငယ်ငယ်လေးကတည်းက ဆုံးသွားခဲ့တယ်။ သူက တစ်ဦးတည်းသောသမီး၊ သူ့အဖေဆုံးတဲ့ အချိန်မှာ အမေက အသက်သုံးဆယ်ပဲ ရှိသေးတယ်။ အမေက ငယ်ပင် ငယ်ပေမဲ့လည်း သတ္တိရှိတယ်။ အလုပ်ကြိုးစားတယ်။ နောက်ပြီးတအား အလုပ်လုပ်တယ်။ ကျွန်မရဲ့ သူငယ်ချင်းကို အထူးကု ဆရာဝန်ကြီးတစ်ယောက်ဖြစ်ချင်တဲ့ အထိ သူ့အမေဟာ ရုန်းကန်လှုပ်ရှားခဲ့တယ်။ ခုချိန်မှတော့ အသက် ၇၀ နီးနေပြီလေ။ ဒါပေမဲ့ သမီးရှာဖွေ လုပ်ကျွေးတာနှင့်ချည်း အိမ်မှာ နားနေတာမျိုး မဟုတ်ဘူး။ ဘာသာရေး၊ လှုမှုရေး ကိစ္စတွေမှာ တစ်နိုင်တစ်ပိုင် လှုပ်ရှားဆောင်ရွက်တုန်း။ အိမ်တွင်းစီးပွားရေးလုပ်ငန်းကို ဦးဆောင်နေတုန်းမို့ အမေရဲ့ ထက်မြတ်တဲ့ အရည်အသွေးတွေအတွက် သူငယ်ချင်းက အားပါးတရ ဂုဏ်ယူပြီးပြောလေ့ရှိတယ်။

သတ္တိရှိခြင်းဆိုတာကို မီးထွက်နေတဲ့ သေနတ်တွေ၊ တလက်လက်ထနေတဲ့ ဓားသွားတွေနှင့်တူတယ် လို့အမြဲတမ်း ယူဆလို့မရပါဘူး။ တကယ်တမ်းပြောရရင် ခက်ခဲတဲ့ ဆုံးဖြတ်မှု တစ်ခုခုကို ကြုံရရင် ချက်ချင်း အသုံးပြုနိုင်စွမ်းဟာ သတ္တိလို့လည်း ဆိုနိုင်တယ်။ သတ္တိရှိတယ်ဆိုတာ “ဘယ်လိုဖြစ်မလဲ” ဆိုတဲ့ တွေဝေတဲ့ အတွေးမျိုး လုံးဝမရှိဘူး။ တစ်စုံတစ်ယောက်ဟာ သတ္တိရှိတယ်ဆိုရင် သူနှင့်အတူ ကိုယ်ရည်အသွေး၊ စွမ်းရည်၊ အားပေးခြင်း၊ ရည်ရွယ်ချက်နှင့် လေးနက်တဲ့ ယုံကြည်မှုစတာတွေကို တစ်ပါတည်း ရှိနေအောင် ကြိုးစားလေ့ရှိတယ်။ သတ္တိရှိသူတွေအတွက် ကိစ္စတစ်စုံတစ်ရာကို ဆောင်ရွက်တော့မယ်ဆိုရင် သူရဲ့ပင်ကိုယ် အရည်အသွေးတွေကို အသုံးချပြီး ချမှတ်ထားတဲ့ အစီအစဉ်အပေါ် အခြေခံပြီး ဆောင်ရွက်တယ်။ သူရဲ့အတိတ်ကိုပြန်ကြည့်ကောင်းကြည့်မယ်။ ဒါကလည်း သင်ခန်းစာယူစရာ၊ အတွေ့အကြုံ ဗဟုသုတစတာတွေကို ငဲ့ကြည့်တဲ့သဘော၊ လက်ရှိအနေအထားကို အကောင်းဆုံးဖြစ်အောင် လက်တွေ့ကျကျ အသုံးချတယ်။ ပြီးမှ အနာဂတ်ဘ၀ရဲ့ အောင်မြင်မှု အတွက် အလေးအနက်ထားပြီး ကြိုးပမ်းတယ်။ ဒါဟာ သတ္တိရှိခြင်း၊ ရဲရင့်ခြင်းပဲပေါ့။

စာတစ်အုပ်မှာ ဖတ်ခဲ့ဖူးတဲ့အကြောင်းအရာတစ်ခုကိုပြောပြရင်၊ ဖိလစ်ပိုင်နိုင်ငံသား မိန်းကလေးတစ်ဦးဟာ သူ့ဘ၀တိုးတက်မှုအတွက် အမေရိကန်နိုင်ငံ နယူးဂျာစီဒေသကို သူနာပြုဆရာမ အလုပ်လုပ်ဖို့ထွက်လာခဲ့တယ်။ ဒါဟာ သူ့အတွက် ဘ၀မှာ ပထမဦးဆုံးအကြိမ် လေယာဉ်စီးဖူးခြင်းပါပဲ။ အဲဒီတုန်းက သူ့အသက်က ၁၈ နှစ်။ သူ့ဘ၀ရဲ့ အနာဂတ်ဟာ ဘယ်လိုဖြစ်မလဲဆိုတာ မတွေးနိုင်တဲ့ တကယ့်ကို စွန့်စားမှုကြီးတစ်ခုလို့ ဆိုရမယ်။ ဒါပေမဲ့ သူကချထားပြီးတဲ့ ဆုံးဖြတ်ချက်ကို အခိုင်အမာ ဆုပ်ကိုင်ပြီး မဖြစ်မနေကြိုးစားရာမှာ (တစ်နှစ်အတွင်း) သူနာပြုတာဝန် ထမ်းဆောင်ခွင့်ရခဲ့တယ်။ အလုပ်မှာ အာရုံနှစ်ပြီး တအားကြိုးစားတဲ့ သူမရဲ့ ထူးခြားတဲ့ အရည်အသွေးကို အထက် အရာရှိကြီးတွေက သတိထားမိလာတဲ့ အထိ ဖြစ်လာတယ်။ ဒီတော့လည်း ရာထူးရော ၀င်ငွေပါ တိုးသည်ထက်တိုးလာရင်း အခြေခိုင်တဲ့ ဘ၀လေးတစ်ခုကို ပိုင်ဆိုင်ခွင့်ရလာတယ်။

သူ့ဘ၀ရဲ့ တစ်ဆစ်ချိုးလို့ဆိုရမယ်။ ရိုးသားကြိုးစားပြီး လုပ်ငန်း ကျွမ်းကျင်တာကြောင့် ဆေးရုံအုပ်ချုပ်မှု ဒါရိုက်တာ အဖွဲ့ဝင်တစ်ယောက်က အထင်ကြီးလေးစားရာက ဘ၀လက်တွဲဖော် အဖြစ်ကမ်းလှမ်းလာတဲ့အထိပါပဲ။ သူတို့ဟာ သာယာတဲ့ အိမ်ထောင်တစ်ခုကို တည်ဆောက်နိုင်ခဲ့ကြသလို အခုချိန်မှာတော့ အငြိမ်းစားယူပြီး သားသမီး၊မြေးတွေနှင့် ဘ၀ကို ပျော်ပျော်ကြီးခံစားခွင့်ရနေကြပါပြီ။ ဆုံးဖြတ်ချက်မှန်ပြီး သတ္တိရှိရှိ စွန့်စားခဲ့ခြင်းရဲ့ ရလဒ်လို့ဆိုရမယ်။ တစ်ခုရှိတာက ကိုယ်တိုင်ကလည်း အရည်အချင်းပြည့်ဝပြီး ကိုယ့်ကိုကိုယ် ယုံကြည်မှုရှိဖို့လည်း လိုတာပေါ့လေ။

သတ္တိရှိခြင်း၊ ရဲရင့်ခြင်းဆိုတာ ကြောက်ရွံ့မှုတွေအတွက် ကြိုပြီး စိုးရိမ်ပူပန်လေ့မရှိဘဲ ဘ၀ရဲ့ စိန်ခေါ်မှုမှန်သမျှကို ရင်ဆိုင်ဝံ့တာမျိုး။ ရရှိလာမယ့်ရလဒ်ကိုတွေးမနေဘူး။ ကိုယ့်ဘက်ကတာဝန်ကျေကျေ ကြိုးစားဖို့ပဲအာရုံနှစ်ထားတယ်။ ကြောက်ရွံ့ စိုးရိမ်မှုက ရှေ့က ကာဆီးနေတတ်တာ သဘာဝပဲလေ။ ဖြစ်မှဖြစ် ပါ့မလား၊ အောင်မြင်ပါ့ မလား ရယ်လို့ တွေးမိတတ်တာပေါ့။ ဒါပေမဲ့ သတ္တိရှိတဲ့ စိတ်ဓာတ်က စိုးရိမ်မှုတွေ၊ ဝေခွဲမရတဲ့ စိတ်တွေကို အဝေးကြီး ရောက်သွားအောင် ဖယ်ရှား ပစ်လိုက်နိုင်စွမ်း ရှိပါတယ်။ ဒါ့အပြင် လောကဓံ အခက်အခဲ အကျပ်အတည်းတွေကို တိုးဖောက်နိုင်အောင် တွန်းအားပေးနေတယ်။ ဘ၀မှာ တိုးတက် အောင်မြင်ချင်တယ်ဆိုတဲ့သူဟာ ကြုံတွေ့လာတဲ့ အခက်အခဲတွေ စိန်ခေါ်မှုတွေကို သတ္တိရှိရှိ ရင်ဆိုင်ဖြေရှင်းဖို့က အဓိကကျတယ်။ ထပ်လောင်းပြီးပြောရရင် ကြောက်ရွံ့စိုးရိမ်မှုတွေဟာ သတ္တိရဲ့ အပေါင်းအဖော်ပဲဆိုတာ မမေ့သင့်ဘူး။ အဲလိုတွဲပြီးပါလာတဲ့ စိုးရိမ်စိတ်တွေကို ကျော်လွန်နိုင်ပြီဆိုရင်တော့ သေချာနေတာက အောင်မြင်မှုဆိုတာ မဝေးတော့ဘူး။ ကိုယ့်ရဲ့လက်တစ်ကမ်းအလိုမှာလေ………

နှင်းဆီခင်

Leave a Reply