5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

စက်တင်ဘာ ၁၆ ၊ ၂၀၁၄
M-Media
-ဆောင်းပါးရှင်- ညီသွေး
fight-for-freedom.4
အင်အားကြီးတိုင်း ၀ိုင်း အနိုင်ယူခဲ့တဲ့ခေတ်၊ ရာထူးအာဏာရှိတိုင်း ထင်သလို ခြယ်လှယ်မယ်ဆိုတဲ့ခေတ်၊ လက်နက်အားကိုးနဲ့ အနိုင်ကျင့်ဗိုလ်ကျ စိုးမိုးမယ် ဆိုတဲ့ခေတ်က ကုန်ဆုံးစပြုနေပါပြီ။ မတရားလျှင်၊ မမှန်လျှင် အရင်ခေတ်ကလို ငုံ့ခံကြရတဲ့ နင်းပြားတွေ၊ အနှိမ်ခံတွေ၊ လက်နက်မဲ့တွေ၊ အခြေခံပြည်သူလူထုတွေဟာ ရနိုင်သမျှအားတွေနဲ့ ဒီ IT ခေတ်ထဲမှာ မှန်ကန်တဲ့ ဘက်မလိုက်တဲ့ ပြည်သူ့မီဒီယာအားတွေနဲ့ အမှန်တရားကို မက်မက်မောမောဆုပ်ကိုင်လာကြတာ ဒီရာစုထဲမှာ တစ်နိုင်ငံပြီး တစ်နိုင်ငံ၊ တစ်အုပ်စုပြီး တစ်အုပ်စု ပိုပိုပြီးတိုးလာတာကို တွေ့မြင်နေရပါတယ်။

လူ့အခွင့်အရေးမပြောနဲ့ တိရစ္ဆာန်အခွင့်အရေးတောင် အပြည့်အ၀ရှိပါတယ်ဆိုတဲ့ အမေရိကပြည်ထောင်စု၊ တရားဥပဒေစိုးမိုးမှုကလည်းအပြည့်၊ ဒီလိုနိုင်ငံမှာတောင် လူမည်းဆယ်ကျော်သက် လက်နက်မဲ့တစ်ယောက်ကို ရဲကပစ်သတ်လိုက်မိပြီးနောက် ဖြစ်ပွားခဲ့ရတဲ့ ဂယက်တွေဟာ လှိုင်းထန်တဲ့ အခြေအနေရောက်သွားရပါတယ်။ မှားပြီးသွားပြီ၊ မှားတာက ရဲတပ်ဖွဲ့၊ အာဏာပိုင်အဖွဲ့၊ ပြည်သူကို ပြန်လည်တောင်းပန်၊ လျော်ကြေးကျေနပ်အောင်ပေး၊ တာဝန်ရှိသူကို ထိထိရောက်ရောက် အပြစ်ပေး အရေးယူ။ ဒီလိုဆိုလျှင် အားလုံးအလျင်အမြန် အေးအေးချမ်းချမ်းပြီးဆုံးသွားနိုင်သည့်ကိစ္စ။ ဒါကို လက်နက်အားကိုး၊ အာဏာအားကိုးပြီး ပြည်သူကို အကြမ်းဖက်နှိမ်နှင်း လိုက်တာကစပြီး၊ မရှုနိုင်မကယ်နိုင်၊ မီးတောက်တွေကြီးလာရတာ အဓိက တာဝန်ရှိသူတွေရဲ့ မတော်မတည်မှု၊ ဘက်လိုက်မှု၊ အသားအရောင်ခွဲခြားမှုတွေကြောင့် ဆိုတာသိသာနေပါတယ်။ ဒါကြောင့် မတရားမှုကို မတရားမှုနှင့် ငြိမ်းသက်လို့မရဘူးဆိုတာ ဒီပြည်သူတွေက ပြသခဲ့တာပါ။ အမှားတစ်ခုရဲ့ ဂယက်ဟာ ဖိနှိပ်ထားလေ အုံကြွလေ၊ လှိုက်လောင်လေ၊ အနာဆွေးကြီးတစ်ခုကို အန္တရယ်များလေပါပဲ။ ဖုံးအုပ်ထားလေ အနံ့ထွက်လေ၊ ကာကွယ်ထားလေ စည်းပေါက်လေပါပဲ။

ပြည်သူတွေတစ်ကယ် အာရုံမလွဲဖို့ ကတော့ ဟောင်းလောင်း ခေါင်းလောင်းတွေထက် ပိုအရေးကြီးလာတဲ့ ခေါင်းပေါင်း အရေးပါခင်ဗျ။

ကတိမတည်မှုတွေ၊ ဖိနှိပ်ချုပ်ချယ်မှုတွေ၊ မတရားဖမ်းဆီးအမိန့်ချမှုတွေ၊ အဓမ္မမြေယာ သိမ်းမှုတွေ နှိုင်းချင်နဲ့ မြန်မာ အနာဂတ်အရေးကလည်း တွေးကြည့်တိုင်း ရင်လေးစရာတွေချည်းများပါတယ်။ ဂုဏ်သိက္ခာနဲ့ ဂတိသစ္စာ တည်ကြည်မှုနဲ့ စိတ်ချယုံကြည်မှုကို ပြရမည့် ရွေးကောက်ပွဲကော်မရှင်က မြန်မာသိ ကမ္ဘာသိ ကြားဖြတ်ရွေးကောက်ပွဲ ကျင်းပပေးမည့်ဆိုသည့် ဂတိကို မီးဖုတ်စားလိုက်ပါပြီ။ ခိုးဖူးဇရှိတဲ့ ကလေးတစ်ယောက်ဟာ ပစ္စည်းပျောက်တိုင်း ယိုးစွပ်ခံရတတ်ပါတယ်။ ဒါကြောင့် ရွေးကောက်ပွဲကော်မရှင်ရဲ့ ဂတိမတည်တဲ့ဇဟာ ၂၀၁၅ ရွေးကောက်ပွဲကြီးမှာ ရိုက်ခက်လာနိုင်ပါတယ်။ တန်ဖိုးရှိတဲ့ ပြည်သူတွေရဲ့မဲတွေကို ယုံကြည်စိတ်ချစွာ အပ်နှံခံရမည့် အဖွဲ့အစည်းဟာ အခုလို ဂတိမတည်မှန်းကြိုသိရတဲ့အတွက် ရွေးကောက်ပွဲဝင်မည့်ပါတီတွေအနေနဲ့ စုပေါင်းတိုင်ပင်ဆွေးနွေးပြီး နောင်တစ်ကြိမ် ဒီလိုဖြစ်အောင် ကြိုတင်ပြင်ဆင်မှုတွေ၊ ပြောင်းလဲသင့်တာတွေ ပြောင်းလဲဖို့ ခိုင်မာမှုရှိတဲ့ နည်းဥပဒေစည်းမျဉ်းတွေချမှတ်ထားဖို့ တောင်းဆိုသင့်ပါတယ်။ ကော်မရှင်ရဲ့ ဒီဂတိဖျက်မှုဟာ “ဒီပုတ်ထဲက ဒီပဲ” “ပုလင်းတူဗူးဆို့” စတဲ့ စကားပုံတွေကို ပြန်အမှတ်ရစေပြီး ကြံ့ခိုင်ရေးပါတီရဲ့ စိုးရိမ်မှုတွေနဲ့ ကော်မရှင်အဖွဲ့ဝင်လူကြီးတွေရဲ့ စိုးရိမ်မှုတွေဟာ တစ်ထပ်တည်းကျသွားပုံရတယ်လို့ပဲ ဖြေတွေးလေးတွေးမိပါတယ်။

နောက်ထပ်ရင်လးစရာတစ်ခုက ကျောက်မီးသွေးစက်ရုံတွေ တစ်ရုံပြီးတစ်ရုံ တိုးချဲ့ဆောက်လုပ်ဖို့ကြိုးစားနေတာဟာ “ပြည်သူ့အစိုးရ” ဆိုတဲ့ သံသယဖြစ်လာစရာ အကြောင်းပါ။ ပြည်သူ့အကျိုးစီးပွားကို ဦးစားပေးရမည့် အစိုးရက ပြည်သူတွေရေရှည် အနာဂတ်မှာ ဆိုးကျိုးတွေနဲ့သာ ကျိန်းသေရင်ဆိုင်ရမယ်လို့ တက်သိပညာရှင်တွေ ကျွမ်းကျင်သူတွေက ထောက်ပြပြီး တစာစာပိတ်သိမ်းဖို့တောင်းဆိုနေတဲ့ကြားက ပိုတိုးပြီး အကောင်အထည်ဖော်နေတာဟာ ဘာသဘောတရားလဲဆိုတာ လေ့လာ ဆန်းစစ်သင့်ပါတယ်။ ကုန်ခါနီးမီးစာအရမ်းတောက်နေသလို ကုန်ဆုံးသွားတော့မယ့် အခွင့်အရေးတွေကို ရသရွေ့တော့ သိမ်းကျုံးထည့်သွားမယ်ဆိုတဲ့ စိတ်ကူးတွေနဲ့ ဇွတ်မှိတ်လုပ်နေသလားလို့ ထင်စရာပါပဲ။ ဒီစီမံကိန်းတွေ အကောင်အထည်ဖော်ပြီးရင် ဘယ်သူတွေပဲ လတ်တလော အခွင့်ထူးခံစားရမယ်ဆိုတာ အားလုံးအသိပါပဲ။

နောက်ရင်မောစရာ တစ်ခုကလည်း မိကျောင်းကန်သပိတ်စခန်းအရေးပါ။ အမှတ်တမဲ့ကြည့်ရင် ဒီလူလေးတစ်ခုရဲ့မြေယာမဲ့နေတဲ့ ဒုက္ခတစ်ခုပါပဲ။ ဒါပေမဲ့ ဒီဒုက္ခသည်တွေနဲ့ ထိပ်တိုက်ရင်ဆိုင်နေရတာ စစ်တပ် ဒါကြောင့် ဖြေရှင်းပေးမယ်ဟု ပြောဆိုနေသော်လည်း လက်တွေ့မှာတော့ သပိတ်စခန်းခေါင်းဆောင်ကို ထောင် (၂) နှစ်ချမှတ် ခံလိုက်ရတဲ့ သတင်းကအဖြေပါပဲ။ “ငါတို့တွေကိုမထိနဲ့၊ ဘယ်သူ့ကိုမှ ဂရုမစိုက်နိုင်ဘူး”၊ ဦးကျိုးသွားအောင် ချိုးပြမယ်ဆိုတာကို ပြနေသလဲပါပဲ။ ကမ္ဘာအကြံပေးအဖွဲ့ဝင်အရေအတွက် အများဆုံးပါဝင်တဲ့ အစိုးရအဖွဲ့အနေနဲ့လည်း တိုင်းပြည်အရေးကိစ္စတစ်ခုကို (၆) လခန့်ကြာမြင့်နေပြီဖြစ်ပေမယ့် ပြေလည်အောင် ဖြေရှင်း မပေးနိုင်တဲ့အတွက် အချိန်အကြာဆုံး ပဋိပက္ခမဖြေရှင်းနိုင်သော အစိုးရဆိုပြီး နောက်ထပ် စံချိန်တစ်ခုထပ်ရနိုင်စရာ ရှိပါတယ်။

ကမ္ဘာ့အရည်အသွေး အမြင့်ဆုံး ပတ္တမြားဒီမြေမှာ ရှိပါတယ်။ ကမ္ဘာ့ အကြီးဆုံးကျောက်စိမ်းတုံး ဒီမြေမှာထွက်ခဲ့တယ်။ ကမ္ဘာ့အကြီးဆုံး ဓါတ်ငွေ့သိုက် ဒီမြေအောက်မှာ ရှိပါတယ်။ ကမ္ဘာ့ အကောင်းဆုံးရေမြေ တောတောင်သဘာဝ ဒီမြေမှာရှိနေပါသေးတယ်။ ဒါပေမဲ့ ကမ္ဘာ့ အဆင်းရဲဆုံး တိုင်းပြည်တွေထဲမှာလည်း ဒီနိုင်ငံပါနေဆဲ။ စစ်ဘေးဒုက္ခသည် အများဆုံးထဲမှာလည်း ဒီနိုင်ငံပါတယ်။ ဂျီဒီပီအချိုး အနိမ့်ဆုံးထဲကလည်း မလွတ်သေး။ ဒါဘာကြောင့်လဲလို့ အမေးရှိခဲ့လျှင် ကမ္ဘာ့အရှည်ကြာဆုံး အာဏာရှင်စနစ်နဲ့ ကမ္ဘာ့လောဘ အကြီးဆုံး အစိုးရအဖွဲ့ဝင်တွေနဲ့ အုပ်ချုပ်ခဲ့လိုက်တဲ့ အတွက် အခုလို ကမ္ဘာ့ စံချိန်သစ်တွေကို ရရှိခဲ့တာပါလို့ပဲ အဖြေပေးရမှာပါပဲ။

ဘယ်စံချိန်မှ မချိုးနိုင်ရင်သာ နေရမယ်။ ဟောင်းလောင်း စံချိန်ကျတော့ မြန်မာ့မယ်တွေ စွမ်းနိုင်သမျှနော်။ ဒါတောင် ခရောင်းပြန်တောင်းနေလို့ ဟောင်းလောင်း ဒုက္ခရှုပ်သမျှကလည်း မြန်မာ့အရေး ဒုက္ခတွေကို ခေတ္တခဏ လွှမ်းမိုးလိုက်ပါသေးတယ်။ ဟောင်းလောင်းအတူ ခေါင်းလောင်းကလည်း ဒဏ္ဍရီတွေ၊ တဘောင်တွေ၊ နဂါးသိုက်တွေ၊ ယတြာတွေနဲ့ ပြည်သူကို ဖမ်းစားဖို့ အလံတလူလူနဲ့ တာဆူလိုက်ပါသေးတယ်။ အစာမကြေလို့ မက်တဲ့ အိမ်မက်တွေနဲ့ ဘာအဖြေမ မထွက်ဘူးဆိုတာ တဖြည်းဖြည်းလူတွေ သဘောပေါက်လာပါပြီ။ ပြည်သူတွေတစ်ကယ် အာရုံမလွဲဖို့ကတော့ ဟောင်းလောင်း ခေါင်းလောင်းတွေထက် ပိုအရေးကြီးလာတဲ့ ခေါင်းပေါင်း အရေးပါခင်ဗျ။

ကျွန်တော်တို့ရဲ့ခေါင်းပေါင်းတွေ ဘယ်လောက် ခေါင်းကောင်းသလဲဆိုတာကြည့်ပါ။ သူများနိုင်ငံ တော်တော်များများ ကျောက်မီးသွေး စက်ရုံတွေစွန့်ပြီး၊ ဓါတ်ငွေ့တွေလေအား လျှပ်စစ်တွေနဲ့ သွားနေပြီဆိုမှ ဆိုးကျိုးများမယ့် ကျောက်မီးသွေးကို ပြန်အစပြု ဓါတ်ငွေ့တွေရောင်းထုတယ်ခင်ဗျ။ သဘာဝသံယံဇာတ အရင်းအနှီးလုံးဝမရှိတဲ့ စင်ကာပူမှာ ကျည်ဆံ ရထားပြေးဆွဲနေပေမယ့် မြေပေါ်မြေအောက် သံယံဇာတ အပြည့်အ၀ရှိတဲ့ မြန်မာမှာ မြို့ပတ်ရထားတောင် အချိန်မှန် မပြေးဆွဲနိုင်သေးဘူးဗျ။ သူများတွေက စွန့်ပစ်ရေကိုတောင် ပြန်အသုံးချဖို့ ကြိုးစားနေကြတဲ့အချိန် ကိုယ့်မှာရှိတဲ့ ရေချိုရေသန့်တွေထဲ ရေပုပ်ရေညစ်တွေ စီးဝင်ဖြစ်ပေါ်စေမယ့် စီမံကိန်းတွေတစ်ခုပြီးတစ်ခု ခွင့်ပြုနေတယ်ခင်ဗျ။ ဥရုချောင်းဆိုလည်း ညောင်းသွားပြီ။ သံလွင်မြစ်လည်း ကြံဖန်စစ်ပြီးမှ သုံးလို့ရတော့မယ်။ မြစ်ဆုံကိုတောင် အချစ်ကုန်အောင်လုပ်ကြံပြီးမှ ပြည်သူအပေါင်းက သောင်းသောင်းဖြဖြ၀ိုင်းကာကွယ်ကြလို့ ကံကောင်းထောက် မကျန်ခဲ့ရတာဆိုတော့ ကျွန်တော်တို့ ခေါင်းပေါင်းတွေရဲ့ လာရာနဲ့ လားရာ စေတနာကို ခန့်မှန်းလို့ရပါပြီ။

ဒီပုံအတိုင်းသာ ဆက်သွားမယ်ဆိုလျှင်ဖြင့် စစ်မှန်တဲ့ ဒီမိုကရေစီ၊ ပြည့်ဝတဲ့ ဒီမိုကရေစီ အရသာ ဟင်းလျာကို ကျွန်တော်တို့ပြည်သူတွေ ခံစားရဖို့ဆိုတာတော့ ၂၀၁၅ မပြောနဲ့ ၂၀၂၀ နဲ့လည်း မသေချာပါဘူး။ ပြင်ရမယ်။ ပြင်ရပါမယ်။ အချိန်မီအားလုံး ပြင်ပါမှ ပြည်သူအားလုံးရင်မှာ အေးချမ်းရပါလိမ့်မယ်။ ဘာတွေပြင်ရမလဲ။ ဂတိမတည်တဲ့ ရွေးကောက်ပွဲ ကော်မရှင်ကို ပြင်ရမယ်။ ဖွဲ့စည်းပုံအခြေခံဥပဒေရဲ့ အမြီးအမှောက်မတည့်မှုတွေကို ပြင်ရမယ်။ လွှတ်တော်ထဲက စစ်တပ် အချိုးအစားကို ပြင်ရမယ်။ စီတန်းလမ်းလျှောက်လို့ ဖမ်းဆီးထောင်ချမှုတွေကို ပြင်ရမယ်။ မီဒီယာတွေဖိနှိပ်မှုတွေကို ပြင်ရမယ်။ သမ္မတမိန့်ခွန်းနဲ့ အလုပ်တစ်ခြား စီဖြစ်နေတာ ကိုပြင်ရမယ်။ အထက်နဲ့အောက် တစ်လွဲစီ ဖြစ်နေရတာတွေကိုပြင်ရမယ်။ ဥပဒေရဲ့အထက်ရောက်နေတဲ့ အဲဒီအထက်ကလာတဲ့ အမိန့်တွေ ဆိုတာကို ပြင်ရမယ်။ တစ်ဖက်သက်အကျိုး ခံစားခွင့်တွေနဲ့ ချုပ်ဆိုခဲ့ကြတဲ့ စီမံကိန်းတွေကို ပြင်ရမယ်။ ပြင်ရမှာတွေ များလွန်းလို့ ပြင်ဆင်စရိတ်နဲ့ ဖြိုချ အသစ်ပြန်ဆောက်ဖို့ စရိတ်သိပ် မကွာတော့လို့ ဖြိုချလိုက်တော့လည်း “အားလုံးကောင်းဖို့လုပ်ကြတာပဲ ဘယ်သူတွေဘာပြောလို့လဲ” ခင်ဗျာပေါ့ဗျာ။ အင်း…. အခုပြောခဲ့တဲ့ ပြင်ဖို့ဟာတွေ အားလုံးဟာ သေသေချာချာ ဖြစ်လာဖို့ဆိုတာကတော့ ဘာမှမသေချာဘူးလို့ ပြောလို့ရပါတယ်။

သေချာတာတစ်ခုကတော့ ပြည်သူတွေဟာ သမ္မတကြီး ကယ်လိမ့်နိုး၊ လွှတ်တော် ဥက္ကကြီး ကယ်လိမ့်နိုး၊ လွှတ်တော်အမတ်တွေ ကယ်လိမ့်နိုး၊ ဒေါ်အောင်ဆန်း စုကြည်ပဲ  ကယ်လိမ့်နိုး “အဲဒီ ကယ်လိမ့်နိုး” ဆိုတာလေးတွေနဲ့ပဲ နေ၀င်လို့ မိုးချုပ်ပြီးရင် နောက်တစ်နေ့ နေအထွက်မှာ စားမှုနေမှုအတွက် ၀မ်းစာရှာဖို့ ကိုးခြောက်ကိုးသုံး နဲ့ကိုယ်အားကိုယ်ကိုပြီး လမ်းပေါ်ထွက်လာရမှာကတော့ အားလုံးသော အားလုံးသော မရေရာ မသေချာမှုတွေထဲကမှ လုံးဝအသေချာဆုံး တစ်ခုဖြစ်တာပါပဲ။

ညီသွေး

Leave a Reply