11 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၅ ၊ ၂၀၁၄
M-Media
Obama waves to reporters after returning via Marine One helicopter to the White House in Washington
– ကမ္ဘာတစ်ဝှမ်း အောက်တိုဘာ ၅ရက်နှင့် ၆ ရက်နေ့များတွင် ကျရောက်မည့် အစ္စလာမ်ဘာသာဝင်တို့၏ အီဒွလ်အသွဟာပွဲတော်အတွက် အမေရိကန်သမ္မတ ဘာရက်အိုဘားမားက နှုတ်ခွန်းဆက်စကား ပြောကြားခဲ့သည်ဟု သိရသည်။

အောက်တိုဘာ ၄ ရက် စနေနေ့က ပြောကြားခဲ့ခြင်းဖြစ်ပြီး ကမ္ဘာ တစ်ဝှမ်းရှိ အစ္စလာမ်ဘာသာဝင်များနှင့် ဟဂ်ျဘုရားဖူး ခရီးသွားကြသူများအတွက်လည်း ဆုမွန်ကောင်း တောင်းပေးခဲ့သည်။

“ကျွန်တော်တို့ရဲ့ မွတ်စလင် အိမ်နီးချင်းတွေ၊ မိတ်ဆွေသူငယ်ချင်းတွေဟာ အီးဒ်ပွဲ ဆင်နွှဲဖို့ စုရုံးနေကြတဲ့အချိန် ကမ္ဘာ့အကြီးမားဆုံးနဲ့ လူမျိုးအစုံဆုံး ဟဂ်ျကျင့်စဉ်ကို ဆောင်ရွက်နေကြတဲ့ သန်းပေါင်းများစွာသော မွတ်စလင်တွေထဲမှာ အမေရိကန်မွတ်စလင် ထောင်ပေါင်းများစွာဟာလည်း ပါဝင်နေပါတယ်။ ဒါဟာ လူမျိုးတွေ၊ အုပ်စုတွေ၊ ဘာသာအယူဝါဒတွေ၊ ကျား၊ မ၊ အသက်အရွယ်မတူတာတွေ ဘယ်လိုပဲဖြစ်ဖြစ် အားလုံးဟာ တူညီတဲ့လူသားတွေဖြစ်တယ်ဆိုတာကို သတိပေးနေတာလည်း ဖြစ်ပါတယ်” ဟု အိုဘားမားက ပြောကြားခဲ့သည်။

အီဒွလ်အသွဟာနေ့ရက်တွင် အစ္စလာမ်ဘာသာဝင်များမှာ ဆင်းရဲသားများအား အသားဝတ္ထုများ လှူဒါန်းခြင်း၊ ဆာလောင်မွတ်သိပ်နေသူများ၊ နာမကျန်းဖြစ်နေသူများ၊ ဖိနှိပ်ချုပ်ချယ်ခံရသူများနှင့် ပဋိပက္ခဒဏ်ကို ခံစားနေရသူများအား အကူအညီပေးခြင်းဖြင့် အခြားသော လူ့အဖွဲ့အစည်းများနှင့် ဆက်သွယ်ဆောက်ရွက်မှုများကိုလည်း ပြုလုပ်ကြသည်။

အိုဘားမားကမူ အစ္စလာမ်ဘာသာဝင်များ ထိုကဲ့သို့ ဆောင်ရွက်မှုများက တမန်တော်ကြီး အီဗရာဟင်၏ အယူဝါဒများ၏ ရင်းမြစ်များကို မျှဝေခြင်း၊  ငြိမ်းချမ်းရေး၊ ဂုဏ်သိက္ခာနှင့် တရားမျှတမှုကို မျှဝေရာတွင် လူ့အဖွဲ့အစည်းများအားလုံး မည်ကဲ့သို့ အတူတကွ ဆောင်ရွက်နိုင်မည်ကို ပြသသည့် ခိုင်မာသော ပြယုဂ်တစ်ခုဖြစ်ကြောင်း ထည့်သွင်းပြောကြားခဲ့သည်။

“အမေရိကန်ပြည်သူတွေကိုယ်စား ဒီအားလပ်ရပ်အတွင်း ကျွန်တော်တို့ဟာ အနွေးထွေးဆုံး နှုတ်ခွန်းဆက်သလိုက်ပါတယ်။ ဟဂ်ျကျင့်စဉ်တွေကို ဆောင်ရွက်သူတွေရဲ့ ငြိမ်းချမ်းရေးတောင်းဆု၊ ကမ္ဘာတစ်ဝှမ်း ဘာသာအယူဝါဒအားလုံးက လူတွေရဲ့ ငြိမ်းချမ်းရေးတောင်းဆုတွေအားလုံး ပြည့်ဝကြပါစေ။ အီးဒ်မူဘာရက်ပါ” ဟု နောက်ဆုံးတွင် အိုဘားမားက ဆုမွန်ကောင်းတောင်းပေးခဲ့သည်။

အာရပ်ကမ္ဘာ၊ အမေရိကန်ပြည်ထောင်စု၊ ကနေဒါနှင့် ဥရောပနိုင်ငံများတွင် မွတ်စလင်များမှာ အီဒွလ်အသွဟာကို အောက်တိုဘာ ၅ ရက်နေ့တွင် ပြုလုပ်ကြမည်ဖြစ်ပြီး၊ အိန္ဒိယနှင့် အိန္ဒိယတိုက်ငယ်အတွင်းရှိ နိုင်ငံများမှာ အောက်တိုဘာ ၆ ရက်နေ့တွင် ပြုလုပ်မည်ဖြစ်သည်။

ref_ Whitehouse News

Leave a Reply