4 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
5 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
5 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
5 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
5 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
5 years ago
ASEAN ထိပ်သီးများ ရိုဟင်ဂျာအရေး ဆွေးနွေး
5 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
5 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
5 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
5 years ago
ဘာသာပေါင်းစုံ ဆုတောင်းပွဲ (ရုပ်သံ)

နိုဝင်ဘာ ၄ ၊ ၂၀၁၄
M-Media
U-Aung-Thaung
မြန်မာအစိုးရရဲ့ အာဏာရ ကြံခိုင်ရေး ပါတီ၏ ထိပ်တန်းရာထူးဖြစ်သည့် အကြံပေးဖြစ်ပြီး သြဇာကြီးသူ ဦးအောင်သောင်းကို နိုင်ငံရေးပြုပြင်ပြောင်းလဲရေးအား ယိုင်နဲ့စေခြင်းနှင့် အကြမ်းဖက်မှုတွန်းအားပေးခြင်းတို့ကြောင့် ပြီးခဲ့သည့်သောကြာနေ့ (၃၁.၁၀.၂၀၁၄) ရက်တွင် အမေရိကန်ဘဏ္ဍာရေးဌာနမှ အမည်ပျက်စာရင်းသွင်းလိုက်သည်။

လက်ရှိနှစ်များ အတွင်း မြန်မာနိုင်ငံ၌ ဂယက်ရိုက်ခဲ့သော မွတ်စ်လင်မ် ဆန့်ကျင်ရေး အကြမ်းဖက်မှုများကို ကျားကန်ပေးနေသူဟု သံသယ၀င်ခြင်းအပေါ် သူ့အား အမေရိကန်၏ ပိတ်ဆို့မှု စာရင်းတွင် ထည့်သွင်းခံရခြင်းဖြစ်နိုင်သည်ဟု နိုင်ငံရေး သုံးသပ်သူများနှင့် မြန်မာ့အရေး ကျွမ်းကျင်သူများက ဆိုသည်။ သို့သော် ထိုခြေလှမ်းသည် မြန်မာအစိုးရအား ပြန်လည်ပြုပြင်ရေး လုပ်ငန်းစဉ်၌ အရှိန်မလျှော့ချစေရန် သတိပေးအချက်ပြမှုကို လုံးလုံးလျားလျား ရည်ရွယ်ပုံရသည်ဟုလည်း ၎င်းတို့က ထောက်ပြသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ USDP ၏ ပြည်သူ့လွှတ်တော် အမတ် ဦးအောင်သောင်းမှာ စစ်အုပ်ချုပ်ရေးကာလက ဗိုလ်ချုပ်တစ်ဦး၊ ၎င်းပြင် စက်မှု(၁) ၀န်ကြီးတစ်ဦး ဖြစ်ခဲ့သည်။ သူ့ကို စစ်တပ်၏ အမာခံလူတစ်ဦး၊ သူနှင့် သူ့သားများမှာ အာဏာရှင်ဟောင်း ဗိုလ်ချုပ်မှူးကြီးသန်းရွှေနှင့် နီးစပ်မှုကို အသုံးချ၍ လုပ်ငန်းချဲ့ထွင်ကာ သူကြွယ်ဖြစ်နေသူများ အဖြစ် တွေ့ကြရသည်။

ဝါရှင်တန်က ဦးအောင်သောင်း အကြောင်း အလေးအနက် ထားလာခြင်းမှာ မြန်မာနိုင်ငံ၏ လူနည်းစုဝင် မွတ်စ်လင်မ်တို့အပေါ် အမုန်းတရားဖြန့်ချိနေသည့် ဗုဒ္ဓအမျိုးသားရေးဝါဒီ သံဃာအုပ်စုဖြစ်သော ၉၆၉ အဖွဲ့နှင့် ဆက်နွှယ်မှု ရှိနေခြင်းကြောင့် ဖြစ်နိုင်ကြောင်း ၀ါရင့် စာနယ်ဇင်းသမားနှင့် မြန်မာ့အရေးကျွမ်းကျင်သူ ဘာတီးလ် လင့်တ်နာမှ ဆိုသည်။

လင့်တ်နာက “သူက ၉၆၉ နောက်ကွယ်က ကြိုးကိုင်နေသူလို့ အမေရိကန်ဖက်က ယုံကြည်ထားပုံရတယ်။ ၉၆၉ လုပ်ရပ်များဟာ ပြန်လည်ပြုပြင်ရေးလို့ ခေါ်ဆိုထားတဲ့ လုပ်ငန်းစဉ်ကို အတားအဆီးဖြစ်စေတယ်” ဟုဆိုပြီးနောက် “ ဦးအောင်သောင်းက ပြန်လည် ပြုပြင်ရေးတွေကို အဟန့်အတားပြုမှုမှာ အမှန်တကယ် ပါဝင်ပတ်သက်ခြင်း ရှိ/မရှိဆိုတာကတော့ ပြောရခက်ပါတယ်” ဟူ၍ ဖြည့်စွက်ပြောကြားသည်။

အလွတ်တန်းနိုင်ငံရေး သုံးသပ်သူ တစ်ဦးဖြစ်သည့် ဦးရန်မျိုးသိန်းက အမေရိကန်အစိုးရသည် ဦးအောင်သောင်းအား ပိတ်ဆို့ အရေးယူမှုမပြုမီ ယင်းလှုပ်ရှားမှုအတွင်း ပါဝင်ပ တ်သက်မှုရှိသည်ကို ခိုင်မာသောအချက်အလက်များ ရရှိထားပြီးဖြစ်မည်ဟု ယုံကြည်ရကြောင်း ဆိုသည်။

“အမေရိကန်အစိုးရအနေနဲ့ ဒီဆုံးဖြတ်ချက် မကြေငြာခင် သူ့အကြောင်းကို အနုစိပ်စုံစမ်းစစ်ဆေးမှု ပြုလုပ်ထားလိမ့်မယ်လို့ သံသယ၀င်စရာ မရှိဘူးဗျ။ ဒါပေမယ့် မြန်မာပြည်ကို အိုဘားမားရဲ့ခရီးစဉ် မစတင်မီ ကပ်ပြီး ကြေငြာတာကတော့ ထူးခြားနေပါတယ်”။

အရပ်ဖက်လူ့အဖွဲ့အစည်းများနှင့် သုတေသီများ၏ အဆိုအရ  ၂၀၁၅ အထွေထွေရွေးကောက်ပွဲ၏ရှေ့ပြေး မြန်မာ့နိုင်ငံရေးအပြောင်းအလဲအပေါ် မတည်မငြိမ်ဖြစ်စေရာ၌ လည်းကောင်း၊ အချိန်ကိုက် လူမျိုးရေးဝါဒကျင့်သုံးရာ၌ လည်းကောင်း ၉၆၉ ကဲ့သို့ အကြမ်းဖက်မှုဖြစ်အောင် လှုံ့ဆော်သော အဖွဲ့များကို အသုံးချနေခြင်းဖြစ်သည်။

ဦးအောင်သောင်းအား မန္တလေးရှိ ဦးဝီရသူ၏ကျောင်းတိုက်သို့ ၀င်ထွက်သွားလာမှု ရှိနေခဲ့သည်ကို တွေ့ခဲ့ကြရပြီး၊ မန္တလေးတိုင်းအတွင်း တောင်သာ အမည်ရှိ ဗုဒ္ဓဘာသာဝင် စစ်သွေးကြွနယ်မြေကို ထူထောင်ခဲ့သည်ဟု သတင်း တစ်ရပ်က ဆိုထားသည်။
wiratu-and-aung-toung2
၂၀၁၃ ခုနှစ် ဇွန်လအတွင်းပြုလုပ်သော အင်တာဗျူး တစ်ရပ်၌ ဦးအောင်သောင်းက ၉၆၉ လုပ်ငန်းတွင် မည်သည့် ပါဝင်ပတ်သက်မှု မရှိကြောင်း ငြင်းဆိုခဲ့ကာ ထိုလုပ်ငန်း၏ခေါင်းကိုင် ဦးဝီရသူ၏ကျောင်းတိုက်သို့ ထင်ထင်ရှားရှား သွားလာခြင်း အပေါ် အရေးမကြီးသယောင် ဆိုခဲ့သည်။ သမ္မတဦးသိန်းစိန်၏ ပြန်လည်ပြုပြင်ရေး လုပ်ငန်းစဉ်ကို မိမိမှအားပေး ထောက်ခံသည်ဟုလည်း သူက ပြောသည်။

တနင်္လာနေ့အထိ ဦးအောင်သောင်းထံမှ မည်သည့် မှတ်ချက်မျှ ထွက်ရှိမလာသေးချေ။

ဦးအောင်သောင်းသည် မွတ်စ်လင်မ် ဆန့်ကျင်ရေး အကြမ်းဖက်မှု ပါဝင်ပတ်သက်ခြင်း ရှိမရှိကို မိမိ မသိရှိပါကြောင်း ဦးဝီရသူက ဆိုသည်။

“မန္တလေးမှာ သူပြောဆိုခဲ့တာကတော့ ဒီဖြစ်ရပ်တွေရဲ့နောက်ကွယ်မှာ သူပါဝင် ပတ်သက်နေတယ်လို့ လူတွေ စွပ်စွဲနေတဲ့အပေါ် စိုးရိမ်မိတယ်ဆိုတာပါပဲ”။

ဤသည်မှာ ၂၀၁၁ ခုနှစ်မှစ၍ ဦးသိန်းစိန်၏ပြန်လည်ပြုပြင်ရေး အစိုးရ တက်လာချိန်အတွင်း အမေရိကန်မှ အမည်ပျက် စာရင်းသွင်းမှု ဒုတိယအကြိမ်မြောက်ဖြစ်သည်။ ပထမတစ်ဦးမှာ တပ်မတော် ကာကွယ်ရေးဝန်ကြီးဌာနမှ (နယ်စပ်ရေးရာဝန်ကြီးဟောင်း) ဒုတိယ ဗိုလ်ချူပ်ကြီး သိန်းဌေးဖြစ်ပြီး၊ မြန်မာနိုင်ငံသို့ မြောက်ကိုးရီးယား လက်နက်များ တရားမ၀င် တင်သွင်းမှုကြောင့် ယမန်နှစ်အစောပိုင်း၌ အမေရိကန်ဘဏ္ဍာရေးဌာနက သူ့အား ပိတ်ဆို့စာရင်းသွင်းခဲ့သည်။

ယခုနှစ် မြန်မာနိုင်ငံ၌ လက်ခံကျင်းပမည့် အာဆီယံနှင့်အရှေ့အာရှနိုင်ငံများ ထိပ်သီးညီလာခံသို့ သမ္မတအိုဘားမားမှ နိုဝင်ဘာ ၁၂-၁၃ ရက်တွင် လာရောက် မည်ဖြစ်သည်။ ထိုသို့ မလာရောက်မီ ပြီးခဲ့သည့်သောကြာနေ့က ကြေငြာချက်ထွက်လာခဲ့သည်။

လတ်တလော ကာလများအတွင်း အိုဘားမား အစိုးရအပေါ် ကွန်ကရက်၏ဝေဖန်မှု ကြီးထွားလာနေခဲ့သည်။ ဒေါ်အောင်ဆန်းစုကြည်၏ ဖွဲ့စည်းအုပ်ချုပ်ပုံအခြေခံ ဥပဒေပြန်လည်ပြင်ဆင်ရေး အဆိုတင်သွင်းမှုကို အစိုးရမှ ကာဆီးလိုက်ပြီးနောက် မြန်မာ့ပြုပြင်ပြောင်းလဲရေး လုပ်ငန်းစဉ် နှောင့်နှေးမှု မဖြစ်စေရန် တွန်းအားပေးထား သလို ကချင် ပဋိပက္ခနှင့် နိုင်ငံမဲ့ ရိုဟင်ဂျာများအပေါ် ပြုမူ ဆက်ဆံရေးကို စိုးရိမ်သောကဖြစ်နေကြောင်း ကွန်ကရက်မှ ဆိုနေသည်။

ဦးအောင်သောင်းကို စစ်တပ် အခြေပြုနိုင်ငံရေး ပါတီဖြစ်သော USDP ၏ ခေါင်းဆောင် တစ်ဦး အနေဖြင့် တွေ့ကြရပြီး၊ ၂၀၀၃ ခုနှစ် ဒေါ်အောင်ဆန်းစုကြည်၏ နယ်လှည့်ခရီးစဉ်တွင် သူမ၏နောက်လိုက် ဒါဇင်များစွာကို သတ်ဖြတ်ခဲ့သော တိုက်ခိုက်ရေး အုပ်စုနှင့် ချိတ်ဆက်နေသူလည်း ဖြစ်သည်။

အမေရိကန်အစိုးရ၏ ဆုံးဖြတ်ချက်မှာ ဦးအောင်သောင်းအပေါ် တစ်သီးပုဂ္ဂလ အားဖြင့်သာ ဦးတည်ပြီး အစိုးရယန္တရား တစ်ခုလုံးပေါ် ရည်ရွယ်မှု မရှိကြောင်း ဖော်ပြထားသော်လည်း၊ ပြန်လည်ပြုပြင်ရေး လုပ်ငန်းစဉ်အား အရှိန်မလျှော့ချရန် နေပြည်တော်ကို သတိပေးချက် အဖြစ် ပေါ်လွင်နေသလို မြန်မာနိုင်ငံပေါ် ထားရှိသော အိုဘားမား၏ပေါ်လစီ အပေါ်ကိုလည်း နှစ်သိမ့်လိုက်ခြင်းဖြစ်သည်ဟု လူထုဖိုရမ် လုပ်ငန်းကော်မတီ အမှုဆောင်ဒါရိုက်တာ ဦးကျော်လွင်ဦးက ဆိုသည်။

“ဦးအောင်သောင်းဟာ စစ်တပ် အမာခံတစ်ဦးအဖြစ် အစိုးရ အသိုင်းအ၀ိုင်းမှာရော လွှတ်တော်ထဲမှာပါ နာမည်ကြီးပါတယ်။ ဒါပေမယ့် သူ့လိုလူတွေ အများကြီးပါ။ ဒါကြောင့် အမေရိကန်နိုင်ငံထဲက နိုင်ငံရေး ကစားပွဲမှာ သူ့ကို ဆွဲသုံးလိုက်ခြင်းလို့ ကျွန်တော် ယူဆရခြင်းဖြစ်ပါတယ်။ သို့သော် ယခင်ကလည်း ဦးသိန်းဋ္ဌေးအပေါ် အမေရိကန်အစိုးရက ပိတ်ဆို့မှုပြုခဲ့တာ ဒီကအစိုးရအပေါ် သြဇာသက်ရောက်မှု မရှိခဲ့ပါဘူး။ ဒီတစ်ကြိမ်မှာလည်း ကြီးမားတဲ့ အကျိုးသက်ရောက်မှု ဖြစ်လာမယ်လို့ ကျွန်တော် မထင်ဘူးဗျ”။

အမည်ပျက်စာရင်းသွင်းလိုက်ခြင်းနှင့် ထိုဆုံးဖြတ်ချက်ကို ဦးသိန်းစိန်အစိုးရ အတွက် အချက်ပြ သင်္ကေတပြုခြင်းက အိုဘားမား အစိုးရနှင့် ဦးသိန်းစိန် အစိုးရတို့အကြား ဆက်ဆံရေးကို ထိခိုက်နိုင်ဖွယ် မရှိကြောင်း လင့်တ်နာမှ ပြောကြားသည်။

အမေရိကန်၏ ဒီမိုကရေစီ၊ လူ့အခွင့်အရေးနှင့် အလုပ်သမားရေးရာ လက်ထောက် အတွင်းရေးမှူး တွမ်မာလီနော့စကီးက မြန်မာနိုင်ငံ၏ပြန်လည်ပြုပြင်ရေးလုပ်ငန်းစဉ်ကို လမ်းကြောင်းပေါ်ပြန်တင်ရေး အတွက် အထောက်အကူဖြစ်စေရန် အမည်ပျက်စာရင်း ထုတ်ပြန်ခြင်းဖြစ်သည်ဟု ဧရာဝတီသို့ ပြောပြသည်။

“ပြန်လည်ပြုပြင်ရေးလုပ်ငန်းစဉ်ကို တည်ဆောက်နေကြတဲ့ အစိုးရအဖွဲ့ဝင်တွေ၊ အစိုးရ မဟုတ်သူတွေကို ကူညီဖို့ ကျွန်တော်တို့ လုပ်နိုင်စွမ်းရှိတဲ့အထဲက ဘယ်အရာမဆို ဆောင်ရွက်သွားမှာပါ။ ဒါပေမယ့် ဆန့်ကျင်ဖက် လမ်းကြောင်းကို တွန်းပို့နေတဲ့ အင်အားစုတွေရှိနေတာကိုလည်း ကျွန်တော်တို့ဖက်က လုံးဝ သတိမလွတ်ပါဘူး။ ဒါ့အပြင် ကျွန်တော်တို့ အမြဲပြောဆိုနေတဲ့ အတိုင်း အဲ့ဒီသူတွေကို လိုအပ်လာရင် တန်ပြန်တုန့်ပြန်သွားပါမယ်”။

အာဏာရှင်အစိုးရ အဖွဲ့ဝင်ဟောင်းအများစု ပါဝင်နေသော ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီ၏ အမျိုးသား လွှတ်တော် အမတ် ဦးလှဆွေက မိမိ၏ပါတီ မှေးမှိန်စေရေးအလို့ငှာ ဦးအောင်သောင်း အပေါ် အမည်ပျက်စာရင်းသွင်းရန် အိမ်ဖြူတော်ကို တောင်းဆိုတိုက်တွန်းခဲ့သည်ဟုဆိုပြီး ဒေါ်အောင်ဆန်း စုကြည်၏ အမျိုးသားဒီမိုကရေစီ အဖွဲ့ချုပ်အား စွပ်စွဲထားသည်။

“(ဒီလို) အမည်ပျက် စာရင်းထုတ်ပြန်မှုဟာ NLD နဲ့ အနီးကပ် ဆက်ဆံရေးရှိနေတဲ့ အမေရိကန်က USDP ကို တိုက်ခိုက်ချက် တစ်ရပ်လို့ ကျွန်တော် မြင်ပါတယ်။ ဦးအောင်သောင်းပေါ်ပြုလုပ်တဲ့ အမေရိကန်ရဲ့လုပ်ရပ်ကို ကျွန်တော် ရှုတ်ချပါတယ်။ ဒါဟာ အမေရိကန်ရဲ့ ညစ်ပတ်တဲ့လုပ်ရပ်လို့ ထပ်ဆိုရမှာဖြစ်ပါတယ်”။

NLD ၏ ပြည်သူ့ လွှတ်တော်အမတ် ဦးဝင်းထိန်အနေနှင့် အမေရိကန် ဘဏ္ဍာရေးဌာန၏ ဆုံးဖြတ်ချက် အပေါ် နားမလည်နိုင်ကြောင်း၊ ဦးအောင်သောင်းသည် ပြန်လည်ပြုပြင်ရေး လုပ်ငန်းစဉ်အား ထောက်ခံလာသူဟု မိမိမှယုံကြည်ကြောင်း ပြန်လည်တုန့်ပြန်ခဲ့သည်။

“လွှတ်တော်ထဲမှာ သူနဲ့ပြောဆိုမိသလောက် သူဟာ ကျွန်တော့်အမြင်အရ ရပ်တည်ချက်ပျော့ပြောင်းလာသူလို့ ပြောနိုင်ပါတယ်။ သူဟာ နိုင်ငံရေးသမားဘ၀မှာ ရှိနေသေးသမျှ  ၉၆၉ အဖွဲ့အပါအ၀င် အဖွဲ့အစည်းပေါင်းစုံကို တွေ့ဆုံနိုင်တယ်လေ။ ဒေါ်အောင်ဆန်းစုကြည်လည်း အမျိုးသား ရင်ကြားစေ့ရေးကို လုပ်နေပြီဖြစ်တယ်။ ဒီလိုကာလမျိုးမှာမှ သူ့ကို ဘာကြောင့် (အမည်ပျက်)စာရင်းထဲ သွင်းရတာလဲ ?”။ ဦးဝင်းထိန် ပြောကြားခဲ့တာပါ။

 

XXXXXXXXXXXXXXXXXXXXXXXX
ဧရာဝတီသတင်းဌာန အင်္ဂလိပ်ပိုင်းတွင် ဖော်ပြထားသည့် ဆောင်းပါးရှင်  KYAW HSU MON ၏ “Aung Thaung Blacklisted for Links to Anti-Muslim Violence: Analysts” ကို မြင့်မိုရ်မောင်မောင် မှ ဆီလျော်အောင် မြန်မာပြန်ဆိုသည်။

Leave a Reply