5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

နိုဝင်ဘာ ၇ ၊ ၂၀၁၄
M-Media

DSCN0091

USCIRF ၏ ကိုယ်စားလှယ် ၂ ဦး သြဂုတ်လအတွင်း မြန်မာနိုင်ငံ ခရီးစဉ်အတွင်း ဘာသာပေါင်းစုံ ချစ်ကြည်ရေးအသင်းမှ ကိုယ်စားလှယ်များနှင့် တွေ့ဆုံစဉ်

– အမေရိကန်သမ္မတ ဘာရက်အိုဘားမား မြန်မာနိုင်ငံသို့ လာရောက်ရန် ရှိနေချိန်တွင် အမေရိကန် နိုင်ငံတကာ ဘာသာရေး လွတ်လပ်ခွင့် ကော်မရှင် USCIRF က မြန်မာနိုင်ငံအတွင်း ဘာသာရေး လွတ်လပ်ခွင့် ချိုးဖောက်မှုများ၊ လူ့အခွင့်အရေး ချိုးဖောက်မှုများနှင့် ပတ်သက်၍ အစီရင်ခံစာ တစ်စောင်ကို ယနေ့တွင် ထုတ်ပြန်လိုက်သည်ဟု သိရသည်။

“ဘာသာရေးလွတ်လပ်ခွင့်နှင့် လူ့အခွင့်အရေး ချိုးဖောက်မှုများက ပြုပြင်ပြောင်းလဲရေးကို ကြီးမားစွာနှောက်ယှက်နေ” (Burma: Religious Freedome and Related Human Rights Violations are hindering Broader Reform) ဟူသော ခေါင်းစဉ်ဖြင့် ထုတ်ပြန်ခဲ့ခြင်းဖြစ်ပြီး သြဂုတ်လအတွင်းက ကော်မရှင်နာ အမ် ဇူဟ်ဒီ၊ အဲရစ် ပီ ရှက်ဝါ့ဇ်နှင့် အခြားနှစ်ဦးတို့ မြန်မာနိုင်ငံသို့ လာရောက်ပြုလုပ်ခဲ့သည့် လေ့လာဆန်းစစ်မှုမှ တွေ့ရှိခဲ့သော အချက်များကို ဖော်ပြထားသည်။

အဆိုပါ လာရောက်လေ့လာမှုတွင် ရိုဟင်ဂျာမွတ်စလင်များကို ပစ်မှတ်ထားသည့် ခွဲခြားဆက်ဆံမှုများနှင့် ကြောက်မက်ဖွယ်ကောင်းသည့် စော်ကားတိုက်ခိုက်ခြင်း၊ အမုန်းတရားများကြောင့် မွတ်စလင်များနှင့် ပတ်သက်၍ သည်းမခံနိုင်ခြင်း၊ မြန်မာနိုင်ငံရှိ လူနည်းစု ဘာသာရေးလူ့အဖွဲ့အစည်းများ အားလုံးအပေါ် သက်ရောက်သည့် ဘာသာရေးနှင့် နိုင်ငံရေး အထင်ကရပုဂ္ဂိုလ်များတွင် ရှိနေသော လူမျိုးကြီးဝါဒ၊ လူမျိုးရေးခွဲခြားမှု အမြစ်တွယ်နေသော ဥပဒေများ၊ ပေါ်လစီများနှင့် အဆိုပြုထားသော ဥပဒေမူကြမ်း၊ ရိုဟင်ဂျာမွတ်စလင်များ နိုင်ငံသားဖြစ်ခွင့်ကို ပိတ်ပင်ထားမှု၊ မွတ်စလင်များ၏အသိအမှတ်ပြုရေး စာရွက်စာတမ်းများ အာမခံချက်အတွက် ထိခိုက်နစ်နာစေသော ကျင့်သုံးမှုများ စသည့် ကိစ္စရပ်မျာအား အထူးအလေးထား လေ့လာ ဆန်းစစ်ခဲ့ကြသည်။

ယခုထုတ်ပြန်ခဲ့သည့် အစီရင်ခံစာ၌ ရခိုင်ပြည်နယ်တွင် အိုးအိမ်စွန့်ခွာ ထွက်ပြေးခဲ့ရသော ရိုဟင်ဂျာမွတ်စလင်များအား လူသားချင်းစာနာထောက်ထားမှုဆိုင်ရာ အကူအညီများ ပေးအပ်မှုကို ခွင့်ပြုရန်နှင့် ၎င်းတို့အား လွတ်လပ်စွာ လှုပ်ရှားသွားလာခွင့်ပေးရန်၊ မြန်မာနိုင်ငံတွင် မျိုးဆက်ပေါင်းများစွာနေထိုင်ခဲ့ပြီး အခြားမည်သည့်တိုင်းပြည်ကမှ မဟုတ်သည်ကို သိရှိနေသည့် ရိုဟင်ဂျာများ၏ နိုင်ငံသားဖြစ်ခွင့်အား ငြင်းပယ်၍ မရသည်ကို သေချာစေရန်အတွက် ရခိုင်ပြည်နယ်တွင် ဆောင်ရွက်ရန် စီစဉ်ထားသော “ရခိုင်စီမံချက်” (Rakhine State Action Plan) ကို ပြင်ဆင်ရန် စသည့်ကိစ္စများအတွက် အမေရိကန်အစိုးရ အနေဖြင့် မြန်မာ့နိုင်ငံရေးခေါင်းဆောင်များအား ဖိအားပေးရန် တိုက်တွန်းထားသည်။

ထို့ပြင် မြန်မာနိုင်ငံရှိ ဘာသာရေး လူနည်းစုများ၏ အခြေခံ အခွင့်အရေးများ ရရှိရန်အတွက် မြန်မာအစိုးရအား ဖိအားပေးရန်၊ သည်းခံမှုနှင့် ပြန်လည်ရင်ကြားစေ့ရေး လုပ်ငန်းများအတွက် တိုက်တွန်း အားပေးရန်၊ မြန်မာနိုင်ငံရှိ လူ့အခွင့်အရေးနှင့် ပတ်သက်၍ မကြာမီထွက်လာတော့မည့် ကုလသမဂ္ဂ ဥပဒေမူကြမ်းအပါအ၀င် နိုင်ငံ အတွင်း ဘာသာရေး လွတ်လပ်မှုနှင့် လူ့အခွင့်အရေးများ မြှင့်တင်ရေး နိုင်ငံတကာမှ လုပ်ဆောင်မှုများကို ပံ့ပိုးကူညီရန်အတွက်လည်း အမေရိကန်အစိုးရအား အဆိုပါ အစီရင်ခံစာတွင် တိုက်တွန်းထားသည်။

လူမျိုးအမည်ကို ကိုယ်တိုင်သတ်မှတ်ခြင်းမှာ လူ့အဖွဲ့အစည်းတစ်ခု၏ အခွင့်အရေးဖြစ်ကြောင်း အသိအမှတ်ပြုသည့်အနေဖြင့် အမေရိကန်တာဝန်ရှိသူများက “ရိုဟင်ဂျာ” ဟူသော အသုံးအနှုန်းကိုသာလျှင် သုံးနှုန်ရန်လည်း တိုက်တွန်းထားသည်။ အသေးစိတ် အချက်အလက်များကို အောက်ပါ လင့်ခ်ပါ အစီရင်ခံစာတွင် ဖတ်ရှုလေ့လာနိုင်သည်။

http://www.uscirf.gov/sites/default/files/BurmaReport.ReligiousFreedomAndHumanRightsViolations.pdf

USCIRF ၏ မြန်မာနိုင်ငံသို့ သွားရောက် လည်ပတ်မှုမှာ နိုင်ငံတကာ ဘာသာရေးလွတ်လပ်ခွင့် အက်ဥပဒေအောက်တွင် မြန်မာနိုင်ငံမှာ “စိုးရိမ်ရသည့် နိုင်ငံ” (CPC) အဖြစ် ထင်ရှားစေခြင်းလည်းဖြစ်သည်။ မြန်မာနိုင်ငံတွင် ဘာသာရေးလွတ်လပ်ခွင့်ကို ကမ်းကုန်အောင် ချိုးဖောက်မှုကို စနစ်တကျ ဆောင်ရွက်ခဲ့ပြီး၊ ခုလက်ရှိတွင်လည်း ဆက်လက်ချိုးဖောက်မှုများကြောင့် အမေရိကန်အစိုးရမှာ မြန်မာနိုင်ငံအား စိုးရိမ်ရသည့် နိုင်ငံတစ်နိုင်ငံအဖြစ် ဆယ်စုနှစ် တစ်ခုကျော်ကြာ သတ်မှတ်ထားခဲ့သည်။

နိဂုံးချုပ်အနေဖြင့် မြန်မာနိုင်ငံတွင် ပြုပြင်ပြောင်းလဲရေးဖော်ဆောင်ရန်နှင့် ဘာသာရေးလွတ်လပ်ခွင့်၊ လူ့အခွင့်အရေးများကို လေးစားရန်အတွက် အမေရိကန်အစိုး အနေဖြင့် CPC အဖြစ် သတ်မှတ်ထားခြင်းကို အသုံးချရန် အကြံပြုချက်များကိုလည်း USCIRF ၏ အဆိုပါ အစီရင်ခံစာတွင် ထည့်သွင်းဖော်ပြထားသည်။

ref_ United States Commission on International

Tags:

Leave a Reply