1 year ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

နိုဝင်ဘာ ၁၈ ၊ ၂၀၁၄
M-Media
14-11-14_Kanela-Zuko-Bosnia-Elects-First-Veiled-MP
– ဟိဂျဘ် ၀တ်ဆင်ထားသည့် ဘော့စနီးယားမှ မွတ်စလင် အမျိုးသမီးတစ်ဦးမှာ လွှတ်တော် ကိုယ်စားလှယ်အဖြစ် ရွေးချယ်ခံခဲ့ရပြီး ဟိဂျဘ် ၀တ်ဆင်ထားသော ဘော့စနီးယား မွတ်စလင် အမျိုးသမီးများအတွက် မျှော်လင့်ချက် သတင်းစကား တစ်ခုကို ပို့ဆောင်နိုင်ခဲ့သည်။

အသက် ၃၈ နှစ်အရွယ် မွတ်စလင်အမျိုးသမီး ကာနီလာ ဇူကိုဖြစ်ပြီး အောက်တိုဘာနှောင်းပိုင်းက ပြုလုပ်ခဲ့သည့် ရွေးကောက်ပွဲတွင် ရွေးချယ်ခံခဲ့ရခြင်း ဖြစ်သည်။ ထိုကဲ့သို့ ရွေးချယ်ခံရမှုကြောင့် ဘောလ်ကန် တိုင်းပြည်တစ်ခုဖြစ်သည့် ဘော့စနီးယား လွှတ်တော်ရှိ အမျိုးသမီးအမတ် ၂၂ ဦးတွင် ပထမဆုံး ဟိဂျဘ်ဝတ်ဆင်သည့် အမျိုးသမီး ဖြစ်လာမည်ဖြစ်သည်။

“ကျွန်မ အခုလိုရွေးချယ်ခံရခြင်းဟာ အမျိုးသမီးအားလုံးအတွက် အထူးသဖြင့် ပုဝါဆောင်းထားတဲ့ အမျိုးသမီးတွေအတွက် သတင်းစကားကောင်းတစ်ခု ဖြစ်ပါတယ်” ဟု ဇူကိုက Anadolu သတင်းအေဂျင်စီသို့ နိုဝင်ဘာ ၁၃ ရက် ကြာသာပတေးနေ့တွင် ပြောကြားခဲ့သည်။

ဇူကိုမှာ နိုင်ငံရေးလောကအတွင်းသို့ လွန်ခဲ့သည့် ၁၀ စုနှစ်တစ်ခုကျော်က ၀င်ရောက်ခဲ့ခြင်းဖြစ်ပြီး ဘော့စနစ်နှင့် ဆာလ်ဗစ်မွတ်စလင်များပါဝင်သည့် Democratic Action ပါတီဝင်တစ်ဦး ဖြစ်သည်။

သူမမှာ အထူးအရည်အချင်းများ၊ ပါရမီများနှင့် ပရော်ဖက်ရှင်နယ် သင်ကြားမှုများအပေါ် မူတည်ပြီး လူ့အဖွဲ့အစည်းအား ဦးဆောင်နိုင်သည့် အမျိုးသမီးများ၏ အဓိကအခန်းကဏ္ဍအတွက် အလေးထား လုပ်ဆောင်နေသူလည်း ဖြစ်သည်။

အမျိုးသမီးများ၏ အိမ်ထောင်ရှင်မနှင့် မိခင်ကဏ္ဍများနှင့် ပတ်သက်၍ သူမက

“နိုင်ငံရေးကိစ္စတွေကို ဆောင်ရွက်ရာမှာ အမျိုးသမီးတွေဟာ အမျိုးသားတွေထက် နှစ်ဆ ခက်ပါတယ်။ နိုင်ငံရေးနယ်ပယ်မှာတောင်မှ အမျိုးသမီးတွေဟာ သူတို့ရဲ့ အခြားကဏ္ဍတွေဖြစ်တဲ့ အိမ်ရှင်မကဏ္ဍနဲ့ မိခင်ကဏ္ဍတွေကို ဘယ်တော့မှ မမေ့သင့်ပါဘူး” ဟု ဇူကိုက ဆိုသည်။

ဇူကိုမှာ ကလေး ၃ ယောက်၏ မိခင်ဖြစ်ပြီး ကျဆုံးသွားသည့် စစ်သားများ၏ ကလေးများကို စောင့်ရှောက်ပေးနေသည့် Fatma Association အဖွဲ့၏ ဥက္ကဌလည်းဖြစ်သည်။

“ဒီနေ့ခေတ်မှာ အမျိုးသမီးတွေဟာ မဲပေးခွင့်ရပြီး အရွေးခံခွင့်လည်း ရှိနေပါပြီ။ အမျိုးသမီးတွေဟာ ပုဝါဆောင်းထားထား မထားထား၊ လူမှုရေး ဖွံဖြိုးတိုးတက်မှုနဲ့ ပတ်သက်ပြီး သူတို့ကိုယ်တိုင် ပညာဆည်းပူးရပါမယ်” ဟု အမျိုးသမီးများ၏ အခွင့်အရေးနှင့် ပတ်သက်၍ သူမက ထပ်လောင်းပြောကြားခဲ့သည်။

ခရိုအက်၊ ဆာ့ဘ်နှင့် ဘော့စနီးယား လူမျိုးများနေထိုင်ကြသည့် ဘော့စနီးယားတွင် အောက်တိုဘာလက ပြုလုပ်ခဲ့သော ရွေးကောက်ပွဲမှာ ၁၉၉၀ ပြည့်နှစ် စစ်ပွဲများပြီးနောက် ဘော့စနီးယားတွင် ၇ ကြိမ်မြောက်ပြုလုပ်သည့် ရွေးကောက်ပွဲလည်းဖြစ်သည်။

Tags: ,

Leave a Reply