4 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
4 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
4 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
4 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
4 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
5 years ago
ASEAN ထိပ်သီးများ ရိုဟင်ဂျာအရေး ဆွေးနွေး
5 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
5 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
5 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
5 years ago
ဘာသာပေါင်းစုံ ဆုတောင်းပွဲ (ရုပ်သံ)

နိုဝင်ဘာ ၂၄ ၊ ၂၀၁၄
M-Media
.နှင်းဆီခင်ရေးသည်။
nursing mother
“သုံးလွန်တင်မှကြိုး ” … တဲ့။ လူတွေသတ်မှတ်ထားကြတာ အမှန်ပဲပေါ့။ သုံးပင်လိမ်ထားတဲ့ ကြိုးကမှတကယ့်ကိုခိုင်ပြီး အသုံးအစွဲခံတာကိုး။ အပ်ချည်မျှင် ကလေးကစလို့ သဘောင်္ကျောက်ဆူးကြိုး အထိ ကြိုးမှန်သမျှ ခိုင်ခိုင်နှောင်းနှောင်းချည်လို့တွယ်လို့ရနိုင်တယ်လေ။ ဒါတွေကလည်း မြင်သာထင်သာလည်း ရှိတယ်။

ဒါပေမယ့် နှလုံးသားရဲ့အနက်ရိူင်းဆုံးနေရာမှာ သံယောဇဉ်ရှိသမျှ လူချင်းချည်နှောင်ထားဖြစ်တဲ့ ကြိုးလေးတစ်မျှင်ဟာ သေးသွယ်သလောက် အင်အားကြီး လွန်းလှပါတယ်။ အထူးသဖြင့်တော့ အမေနှင့် သားတွေသမီးတွေ အကြားထားကြတဲ့ ကြိုးမျှင်လေးပေါ့။ ဝတ္တု၊ ဆောင်းပါး၊ ကဗျာစာညွှန့် စတာတွေနှင့် ဟိုးပဝေဏသီ ကတည်းကပဲ အမေ့မေတ္တာကိုဖော်ညွှန်း လာခဲ့ကြတာ ခုချိန်ထိလည်း ရေးဖွဲ့လို့ မကုန်နိုင်သလို နောက်နောင် ကမ္ဘာကြီးတည်သရွေ့ရေးလို့ ကုန်မှမဟုတ်ပါဘူးနော်။

အမေနှင့် ပတ်သက်သမျှ အမှတ်တရလေးတွေကလည်း အကြောင်း တိုက်ဆိုင်လို့ပဲဖြစ်ဖြစ်၊ တမင်ရည်ရွယ်လို့ပဲဆိုဆို ရင်ထဲကိုဖျက်ခနဲ ဝင်ရောက်လာတတ်သည်ပဲ။ တကယ်တော့လေ ရင်ထဲမှာ အကြာကြီးကြာအောင်ထားပြီးမှ လောကကြီးထဲကို ပို့ဆောင်ပေးခဲ့တာ မဟုတ်လား။ အမေနှင့် သားသမီးကြားမှာ တွယ်ငြိထားတဲ့ သံယောဇဉ်ကြိုးက မမြင်ရသည့်တိုင် ခိုင်မှခိုင်ပေါ့။

ဘဝမှာဘယ်လိုအခက်အခဲလေးကြုံကြုံ “အမေ” လို့နုတ်ကအလိုလိုတမိတတ်ကြတာကို သိစိတ်ရော မသိစိတ်မှာပါ စူးစူးနစ်နစ်မြတ်နိုးနေတဲ့ သံယောဇဉ် အထုကြောင့်ပဲဆိုတာတော့ ငြင်းမရပါဘူးနော်။ မိသားစုတစ်ခုမှာ အဖေနှင့်အမေဟာ နေလိုလလို သြဇာတိက္ကမကြီးသူတွေပါ။ ဒါပေမယ့် ရင်နှင့် အမျှခံစားလာရတဲ့အခါ အဖေ့ထက် (အရှိန်ကြောင့်) အမေ့အနားကပ်ပြီး တိုးတိုးမွှတ်မွှတ် ရင်ဖွင့်ဖြစ်သည်ပဲပေါ့။ အမေ့ဆီကအကောင်းဆုံး အကြံညဏ်တွေရတာ မရတာအပထား “အမေရှိတယ်။ ဘာမှမစိုးရိမ်နဲ့” ဆိုတဲ့ စကားရပ်လေးနှင့်တင် ရင်ထဲကအပူတွေ တစ်ဝက်လောက်အရည်ပျော်ပြီးသားဖြစ်ကုန်ရော။

တစ်ခါတစ်ရံမှာပေါ့။ ကိုယ့် ရင်ထဲကသောကတွေ ခံစားချက်တွေကို (အမေသိရင် စိတ်ဆင်းရဲမှာစိုးလို့) အမေမသိအောင် သိုဝှက်ထားချင်တယ်။ ဒီတော့ ဖုံးဖုံးဖိဖိ ဟန်မပျက်နေတာပေါ့။ ဒါပေမယ့် ကိုယ့်အမေလေ၊ ဘယ်သူဘယ်ဝါကိုညာလို့ရချင်ရမယ်။ ရင်ထဲကဖြစ်လာခဲ့တဲ့ သားသမီးတွေရဲ့ မျက်လုံးလေးတွေကို ကြည့်လိုက်ရုံနှင့် ရင်ကိုဖောက်ထွင်းမြင်ပြီးသားဖြစ်နေပြီလေ။ အဲဒီလိုသိဖို့ပြင်ဖို့အတွက် အမေ့မှာ ဘွဲ့တွေ တစ်သီကြီးရှိစရာမလိုပါဘူး။ အတန်းပညာလည်းမလိုဘူး။ အမေတိုင်းကျွမ်းကျင်ပြီးသား။

အဲဒါကြောင့် ပြေလေ့ရှိတာပေါ့။ အိမ်ဦးနတ်ဖြစ်တဲ့ အဖေဆိုတာ မိသားစုတစ်ခုရဲ့ဦးခေါင်းဆိုရင် အမေဟာ အဲဒီဦးခေါင်းကို လှည့်ပေးနိုင်စွမ်းရှိတဲ့ လည်ပင်းပါပဲတဲ့။ ထက်မြတ်တဲ့ ဦးခေါင်းအတွက် လည်ပင်းဆိုတာ မရှိမဖြစ် အရေးပါတဲ့သဘော။

ကျွန်မလေ အမေ့ကိုအမြဲတမ်းခံစားနေမိတယ်။ အမေဟာ နူးညံ့သိမ်မွေ့တယ် ဒါပေမယ့် သားတွေသမီးတွေ အတွက်ဆိုရင် တောင်တွေကိုတောင်ရွှေ့ပစ်နိုင် စွမ်းရှိတဲ့အစွမ်းရှိတယ်။ ကျွန်မလေ နူးညံ့သိမ်မွေ့ခြင်းနဲ့ အင်အားတွေပြည့်နေတတ်တဲ့ မိန်းမသားတွေကို တအားကြီးကြည်ညိုလေးစားမိတယ်။ အမေ့ဆီကလေ ကျွန်မဟာ လူမှုရေးနဲ့လူသားကောင်းကျိုးတွေ ဆောင်ရွက်ဖို့ တွန်းအားတွေရခဲ့တာပါ။ ကျွန်မ ငယ်ငယ်လေးကတည်းကပဲ အမေကအဲဒီစိတ်ဓာတ်တွေပြုစုလေ့ကျင့်ပေး ခဲ့တာပေါ့။ “အမေဟာ ကျွန်မဘဝမှာ အမြင့်မြတ်ဆုံးအမျိုးသမီးတစ်ယောက်ပါ” လို့ကမ္ဘာကျော်အနုပညာသရုပ်ဆောင် အင်ဂျလီနာဂျိုလီက ရင်ဖွင့်စကားပြောကြားခဲ့ဖူးတယ်။

အမေနှင့် ပတ်သက်ပြီး ရင်ထဲကစူးနစ်ထိရှခဲ့ရတဲ့ စကားစုလေးတွေကို ကျွန်မဒီကနေ့အထိ မှတ်မိနေဆဲပါ။ အဲဒီအထဲမှာ ကျွန်မမကြာခဏဆိုသလို ဖတ်ပြီးခံစားရလွန်းတဲ့စာညွှန့်လေး တစ်ခုကို မျှဝေခံစားကြည့်မယ်ဆိုရင်တော့

“Mother- Mum: A shoulder to cry on”
အမေ… အမေဆိုတာမှီပြီး မှီခိုဖို့ပခုံးတစ်စုံပါလို့ပဲ ဆိုပါရစေ။
အမေ… အဆုံးမဲ့မေတ္တာတွေပေးခဲ့တဲ့သူ၊ မှီပြီးငိုဖို့ပခုံးတစ်စုံလေ။
သိပ်ချစ်တဲ့အမေရယ်
သမီးရဲ့နေ့ရက်တွေကို သက်တံရောင်အလင်းတွေနဲ့ပြည့်စေသူပါ။
အမေ့အပြုံးလေးဟာ နေမင်းကြီးရဲ့အရောင်လိုတောက်ပလွန်းပါတယ်။ အမေ့အသံက သမီးရင်ထဲက ကြောက့်ရွံ့စိုးရိမ်စိတ်တွေကို ဖယ်ရှားပစ်နိုင်စွမ်းရှိတယ်အမေ။ အမေ့အနမ်းတွေက သမီးပါးပြင်ပေါ်က မျက်ရည်တွေကို ခန်းခြောက်သွားစေတယ် အမေ။

ဒီလောကကြီးကို အမေခက်ခဲ ပင်ပန်းမှုတွေနဲ့ သမီးကိုပို့ဆောင်ပေးခဲ့တယ်နော်။ သမီးနှလုံးသားမှာအမေဟာ အမြဲတမ်းစိုးမိုးနေမှာပါ။ သမီးကို ယုယကြင်နာမှုတွေနဲ့ နွေးထွေးမှုတွေပေး ခဲ့တဲ့ အမေ့ကို ကျေးဇူးတင်လိုက်တာအမေရယ်။ ပြီးတော့ အမေ့ရင်ခွင်မှာ သမီးကိုဖက်ရင်း စိတ်ဓာတ်ခွန်အားတွေ ပေးခဲ့တယ်နော် အမေ။

သမီးရယ်…။
သမီးလေးပါးပြင်က မျက်ရည်စတွေ ခန်းခြောက်ဖို့ပေးစရာအမေ့မှာ စိန်တွေမရှိပါဘူး။
သမီးရဲ့အပျော်လေးတွေအတွက် အားပါးတရပေးအပ်ဖို့နီလာတွေလည်း အမေ့မှာမရှိပါဘူး။ ဒါပေမယ့် သမီးရယ်…။ အမေ့မှာလေ သမီးမှီပြီးငိုဖို့ ပခုံးတစ်စုံတော့ရှိနေဆဲပါကွယ်။

နောက်ပြီးသမီးရင်ထဲက လှို့ဝှက်ချက်တွေဖွင့်ပြောရင် အမေနားထောင်ပေးဖို့ အဆင်သင့်ပါ။

အမေ့မှာလေ… သမီးနွေးထွေးအောင်ပွေ့ဖက်ထားဖို့ လက်အစုံနဲ့ သမီးရင်အေးအောင်ချော့မော့ဖို့ နှလုံးသားတစ်စုံအမြဲရှိနေတယ်ဆိုတာ သမီးလေးယုံ။

အမေ့ရင်ထဲ ထိုးဖောက်မြင်နိုင်စွမ်းကတော့ သားသမီးတိုင်းမှာ မရှိပါဘူး။ အမေနေရာကိုရောက်လာတဲ့အခါကျမှသာ အမေတစ်ယောက်ရဲ့အချစ်နှင့် သံယောဇဉ်ထုထည်ကို ခပ်ရေးရေးကလေး ခံစားမိလာရာက အသက်အရွယ်ရလေ နစ်နေအောင် ခံစားမိလေပဲဆိုတာ လက်တွေ့ကြုံ ဆုံရတဲ့အခါ သိလာမှာပါ။ ဒီတော့လည်း အမေ့မေတ္တာတွေကို တသသဆင်ခြင်မိရင်…
စာကြွင်း— လွမ်းလိုက်တာ အမေရယ်

နှင်းဆီခင်

Tags:

Leave a Reply