8 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
12 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
12 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇန်န၀ါရီ ၁၀၊ ၂၀၁၅
M-Media

cahr

– ဗုဒ္ဓဟူးနေ့က သေနတ်သမားများ၏ တိုက်ခိုက်ခြင်းကို ခံခဲ့ရသော Charlie Hebdo သတင်းစာတိုက်က ဘာသာတရားများအပေါ် စော်ကားရေးသားခြင်းကို အမေရိကန်ရှိ ခရစ်ယာန် ကက်သလစ်အသင်း Catholic League က ဝေဖန်လိုက်ပြီး အကြမ်းဖက်လုပ်ရပ်များအား လှုံ့ဆော်ပေးသည့် အဆိုပါ စော်ကားမှုများကိုလည်း သည်းခံ၍ မဖြစ်ဟု ပြောကြားလိုက်သည်။

ထိုတိုက်ခိုက်မှုအတွင်း အယ်ဒီတာအပါအ၀င် သတင်းစာတိုက်မှ ၁၀ ဦးနှင့် ရဲတပ်ဖွဲ့ ၂ ဦး စုစုပေါင်း ၁၂ ဦး သေဆုံးခဲ့သည်။ Catholic League ဥက္ကဌ ဘီလ် ဒိုနိုဟူကမူ ထိုသတင်းစာက တမန်တော်မိုဟာမက်အား စော်ကားမှုအတွက် မွတ်စလင်များ ဒေါသထွက်ခြင်းမှာ မှန်ကန်သည်ဟု အသင်းမှထုတ်ပြန်သော ကြေညာချက်တွင် ဖော်ပြခဲ့သည်။

သို့သော်လည်း သေနတ်ဖြင့်ဝင်ရောက်ပစ်ခတ်သည့် လုပ်ရပ်ကိုမူ ရှုတ်ချခဲ့သည်။

`ဘယ်လောက်ပဲဆိုးရွားဆိုးရွား- စော်ကားမှုကို တုံ့ပြန်တဲ့အနေနဲ့ သတ်ဖြတ်တာမျိုးကိုတော့ ပြတ်ပြတ်သားသားကို ရှုတ်ချရမှာပါ။ ဒါ့ကြောင့် ပဲရစ်မှာဖြစ်ခဲ့တာကို သည်းခံလို့ မရပါဘူး။ သိုပေမယ့် ဒီလုပ်ရပ်ကိုဖြစ်အောင် လှုံ့ဆော်ပေးတဲ့ သည်းမခံနိုင်စရာ လုပ်ရပ်မျိုးကိုလည်း လွှတ်ထားလို့ မရပါဘူး´ ဟု အဆိုပါ ကြေညာချက်တွင် ဖော်ပြထားသည်။

ထို့ပြင် Charlie Hebdo သတင်းစာ၏ အစ္စလာမ်နှင့် ခရစ်ယာန်ဘာသာတရားများကို လွန်လွန်ကျူးကျူး စော်ကားမှုများကိုလည်း အဆိုပါ ကြေညာချက်တွင် ထောက်ပြခဲ့သည်။

`ခရစ်ယာန်သီလရှင်တွေ လိင်စိတ်ကို ကိုယ်တိုင်ဖြေသိပ်နေတာမျိုး၊ ပုပ်ရဟန်းမင်းကြီးတွေ ကွန်ဒုံးစွပ်ထားတာမျိုး စတဲ့ ကာတွန်းတွေကို သူတို့ ဖော်ပြခဲ့ကြပါတယ်။ ပြီးတော့ တမန်တော်မိုဟာမက်ကိုလည်း ကာမမှုနဲ့ ဆက်နွယ်တဲ့ ပုံစံမျိုးနဲ့ ဖော်ပြခဲ့ပါတယ်´

ထို့ပြင် Charlie Hebdo သတင်းစာမှာ ခရစ်ယာန်တို့၏ Holy Trinity (ခမည်းတော်၊ သားတော်၊ သန့်ရှင်းသောဝိဥာဉ်တော် သုံးခုပေါင်း၍ဖြစ်သော ဘုရားသခင်) ကို လိင်တူချစ်သူပုံစံမျိုးနှင့် ပေါင်းစပ်ကာ ဖော်ပြခြင်း၊ ခရစ်ယာန်ဘုန်တော်ကြီးမျာအား စော်ကားခြင်း စသည့် ကာတွန်းများကိုလည်း အကြိမ်ကြိမ် ရေးဆွဲဖော်ပြခဲ့သည်။

ထိုကဲ့သို့ ခရစ်ယာန်နှင့် အစ္စလာမ်သာသနာများအား စော်ကားသည့် ကာတွန်းများ ရေးသားခဲ့မှုကို သတင်းစာတိုက်မှ တာဝန်ရှိသူများက မည်သည့် အရေးယူမှုမှ မပြုလုပ်ခဲ့သော်လည်း ၂၀၀၈ ခုနှစ်က ဂျူးဘာသာအား စော်ကားသည့်ကာတွန်း ရေးဆွဲခဲ့သူ ကာတွန်းဆရာအား ထုတ်ပယ်ခဲ့သည်။

Catholic League ကြေညာချက် နောက်ဆုံးတွင် `အမေရိကန် ဖွဲ့စည်းပုံအခြေခံဥဒေ၏ ဖခင်´ ဂျိမ်းမက်ဒီဆင်၏ ပြောစကားဖြစ်သော `လွတ်လပ်မှုဆိုတာကြီးကို အဲဒီလွတ်လပ်မှု အလွဲသုံးစားလုပ်ခြင်းနဲ့ အာဏာကို အလွဲသုံးစားလုပ်ခြင်းက အန္တရာယ်ပေးပါလိ့မ်မယ်´ ဟူသည့် စကားကို ဖော်ပြခဲ့ပြီး မိမိတို့အနေနှင့် လွတ်လပ်စွာပြောဆိုခွင့်ကို ရရှိရမည် ဖြစ်သော်လည်း
အဆိုပါ လွတ်လပ်ခွင့်၏ တန်ဖိုးကို လေးစားလိုက်နာရမည်ဟု ဖော်ပြခဲ့သည်။

Ref : washingtonpost

Leave a Reply