11 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဖေဖော်ဝါရီ ၂၄၊ ၂၀၁၅
M-Media
မိုးဝေ စုစည်းတင်ဆက်သည်။

– ဒီတစ်ပတ်ကြားရက်မှာ ကစားခဲ့တဲ့ လီဗာပူးလ်နဲ့ ဘက်ခီတက်စ်တို့ရဲ့ ယူရိုပါ ၃၂ သင်းအဆင့် ရှုံးထွက်ပွဲ ပထမအကျော့မှာ လီဗာပူးလ်က ဘောလုံးမင်းသား မာရီယိုဘာလော့တယ်လီရဲ့ ပင်နယ်တီလုကန်မှုကို လူတိုင်းတွေ့ခဲ့ကြပါတယ်။ အသင်းခေါင်းဆောင် ဟန်ဒါဆန်ရဲ့ ပင်နယ်တီကန်ဖို့ ပြင်ဆင်မှုကို အတင်းလုပြီး ကန်သွင်းခဲ့တဲ့ ဘာလော့တယ်လီရဲ့ ဒီလုပ်ရပ်ကို ၀ါရင့်ကွင်းလယ်လူ ဂျရတ်အပါအ၀င် အသင်းဖော် တစ်ချို့ကတောင် ဝေဖန်ခဲ့ကြပါတယ်။ နောက်ပြီး ဒီအဖြစ်အပျက်က လီဗာပူးလ်အသင်းရဲ့ စည်းလုံးညီညွတ်မှု ကိုလည်း ထိခိုက်စေခဲ့ပါတယ်။

ဒါပေမယ့် ပယ်နယ်တီလုကန်တဲ့ ဒီလို လုပ်ရပ်မျိုးကို ဘာလော့တယ်လီ တစ်ယောက်တည်း ဆောင်ရွက်ခဲ့တာတော့ မဟုတ်ပါဘူး။ အရင်ကလည်း အဲဒီလို အဖြစ်အပျက်တွေရှိခဲ့ဖူးပြီး နာမည်ကြီး ကစားသမားတွေလည်း ပါဝင်ခဲ့ပါတယ်။ ဒါ့ကြောင့် ဘောလုံးလောကရဲ့ ပင်နယ်တီလု ကန်တဲ့ ဖြစ်ရပ် ၁၀ ခုကို M-Media ပရိတ်သတ်ကြီး အတွက် ဖော်ပြပေးလိုက်ပါတယ်။

နံပါတ် ၁၀ – ခရစ္စတီယာနို ရော်နယ်ဒို VS ကားလို့စ်တီဗက်ဇ်

Penalty-squabbles

၂၀၀၇ ခုနှစ် မန်ယူနဲ့ ဒါဘီကောင်တီတို့ပွဲမှာ ဖြစ်ခဲ့တာပါ။ ပင်နယ်တီရတဲ့အချိန်မှာ မန်ယူက ၃ ဂိုး ၁ ဂိုးနဲ့ အနိုင်ရနေတဲ့အချိန်ဖြစ်ပြီး တီဗက်ဇ်က ၂ ဂိုးသွင်းပေးထားပါတယ်။ ဟက်ထရစ်လိုချင်တဲ့ တီဗက်ဇ်တစ်ယောက် ပင်နယ်တီကန်ဖို့ ပြင်ဆင်နေတဲ့ ရော်နယ်ဒိုထံကနေ သူကန်လိုတဲ့အကြောင်း အခြေအတင် သွားပြောခဲ့ပါတယ်။ ဒါပေမယ့် ဂိုးဆာလောင်နေတဲ့ ရော်နယ်ဒိုကလည်း သူကိုယ်တိုင်ကန်သွင်းလိုတာကြောင့် မပေးခဲ့ဘဲ အမှားအယွင်းမရှိ ကန်သွင်းနိုင်ခဲ့ပါတယ်။

နံပါတ် ၉ – ပါအိုလို ဒီကာနီယို VS ဖရန့်လမ်းပတ်

2

လမ်းပတ်တစ်ယောက် ၀က်စ်ဟမ်းမှာကစားနေတဲ့အချိန် နုစဉ်အခါက ဖြစ်ခဲ့တာပါ။ ၂၀၀၀ ပြည့်နှစ်က ဘရက်ဖို့ဒ်နဲ့ ကန်တဲ့ အဲဒီပွဲမှာ ၀က်စ်ဟမ်းက ၄ ဂိုး ၂ ဂိုးနဲ့ ရှုံးနေတဲ့အချိန် ပင်နယ်တီရခဲ့ပါတယ်။ ဒီပင်နယ်တီကို လမ်းပတ်က ကန်ဖို့အသွား အီတလီဝါရင့်တိုက်စစ်မှူး ဒီကာနီယိုက လမ်းပတ်ရဲ့ လက်ထဲက ဘောလုံးကို အတင်းလုပြီး “မင်းငယ်ပါသေးတယ်ကွာ” ဆိုတဲ့ အဓိပ္ပါယ်မျိုး သက်ရောက်တဲ့ အမူအရာကိုလည်း လက်နဲ့ လုပ်ပြခဲ့ပါတယ်။ ဒါပေမယ့် ဒီကာနီယိုရဲ့ ဒီပင်နယ်တီဟာ ၀င်ခဲ့ပြီး ပွဲအပြီးမှာတော့ ၀က်စ်ဟမ်းက ၅ ဂိုး ၄ ဂိုးနဲ့ အနိုင်ရခဲ့ပါတယ်။

နံပါတ် ၈ – ဖရန့်လမ်းပတ် VS ဒီဒီယာ ဒရော့ဘာ

8

ဒီကာနီယိုနဲ့ ပင်နယ်လုပွဲအပြီး ၁၀ နှစ်အကြာ ချယ်ဆီးမှာကစားစဉ် ၂၀၁၀ ခုနှစ်က ဖြစ်ခဲ့တာပါ။ ချန်ပီယံပြေးလမ်းပေါ်မှာရှိနေတဲ့ ချယ်ဆီး ၀ီဂန်နဲ့ကစားတဲ့ပွဲမှာ ပင်နယ်တီရခဲ့ပါတယ်။ အသင်းရဲ့ ပင်တိုင်ပယ်နယ်တီကန်သွင်းသူဖြစ်တဲ့ လမ်းပတ်ထံကနေ တိုက်စစ်မှူး ဒရော့ဘာက ပင်နယ်တီပေးကန်ဖို့ တောင်းဆိုခဲ့ပါတယ်။ လမ်းပတ်ကတော့ လိမ္မာပါးနပ်စွာ ငြင်းခဲ့ပြီး သူ့ရဲ့ ပင်နယ်တီကိုလည်း ၀င်အောင် ကန်သွင်းနိုင်ခဲ့ပါတယ်။ ပင်နယ်တီကန်ချင်တဲ့ ဒရော့ဘာတစ်ယောက် ဒုတိယပိုင်းရတဲ့ ပင်နယ်တီတစ်လုံးကိုတော့ ကန်ခွင့်ရခဲ့ပါတယ်။

နံပါတ် ၇ – ဂွာဒီယိုလာ VS အာဂျန်ရော်ဘင်

7

ကစားသမားချင်းဖြစ်ခဲ့တဲ့ ပယ်နယ်တီလုပွဲမဟုတ်ဘဲ နည်းပြနဲ့ဖြစ်ခဲ့တဲ့ ရှားရှားပါးပါးဖြစ်ရပ်ပါပဲ။ ၂၀၁၃ ခုနှစ် ဘွန်ဒစ်လီဂါပွဲအဖြစ် မိန့်ဇ်အသင်းနဲ့ ကစားရာမှာ ဘိုင်ယန်တို့ ပင်နယ်တီရခဲ့ပြီး ရော်ဘင်က ကန်ဖို့ ပြင်ဆင်ပါတယ်။ အဲဒီအချိန်မှာ နည်းပြဂွာဒီယိုလာက တိုက်စစ်မှူး သောမတ်စ်မူလာကို ကန်ဖို့ပြောခဲ့ပြီး ရော်ဘင်တစ်ယောက် နည်းပြအပေါ် အမျက်ရှခဲ့ပါတယ်။ အဲဒီပွဲပြီးနောက်ပိုင်း ချန်ပီယံလိဂ်ပွဲစဉ်တစ်ခုမှာ ရရှိခဲ့တဲ့ ပင်နယ်တီကို ရော်ဘင်က မကန်ဘူးလို့ငြင်းခဲ့ပြီး နည်းပြကို သပိတ်မှောက်ခဲ့ပါတယ်။

နံပါတ် ၆ – မာရီယိုဘာလော့တယ်လီ VS စတားရစ်၊ ဟန်ဒါဆန်

6

ဒီတစ်ပတ်ဖြစ်ခဲ့တဲ့ ဖြစ်ရပ်ဖြစ်ပြီး ဟန်ဒါဆန်ဆီက ဘောလုံးလုတဲ့ ဘာလော့တယ်လီကို တိုက်စစ်မှူး စတားရစ်ခ်ျကလည်း ၀င်ရောက်ကန့်ကွက်ခဲ့ပြီး အချေအတင်ဖြစ်ခဲ့ရပါတယ်။ ဒါပေမယ့် ပင်နယ်တီမှတ်တမ်းကောင်းရှိတဲ့ ဘာလော့တယ်လီတစ်ယောက် အမှားအယွင်းမရှိဘဲ ကန်သွင်းနိုင်ခဲ့ပြီး သူ့ရဲ့ ဒီဂိုးကြောင့်ပဲ လီဗာပူးလ်တို့ နောက်တစ်ဆင့်တက်ရေး အသက်ရှူချောင်ခဲ့ပါတယ်။

နံပါတ် ၅ – ပတ်ဂျင်မ် ကာဆာမီ VS အော်လန်ဒိုဆိုးလ်

5

၂၀၁၁ ခုနှစ် ချယ်ဆီးနဲ့ ဖူလ်ဟမ်တို့ ကစားခဲ့တဲ့ပွဲမှာ ဖူလ်ဟမ်က ပင်နယ်တီရခဲ့ပါတယ်။ အဲဒီပင်နယ်တီကို ပင်တိုင် ပင်နယ်တီကန်သူ ဆိုးလ်က ကန်ရမှာဖြစ်ပေမယ့် နည်းပြမာတင်ဂျိုးလ်က တိုက်စစ်မှူး ကာဆာမီကို ကန်ခိုင်းခဲ့ပါတယ်။ ဒါပေမယ့် ကံဆိုးစွာနဲ့ပဲ ကာဆာမီရဲ့ ပင်နယ်တီဟာ လွဲချော်သွားခဲ့ပါတယ်။

နံပါတ် ၄ – ပါဘလို အော်စ်ဗာလ်ဒို VS ဖရန်စစ္စကို တော့တီ

4

အီတလီဘောလုံးသမိုင်းမှာ အရုပ်အဆိုးဆုံး ပင်နယ်လုပွဲ ဖြစ်ခဲ့ပါတယ်။ ရိုးမားနဲ့ ဆမ်ဒိုရီးယားတို့ ကစားခဲ့တဲ့ ၂၀၁၃ ခုနှစ်က အဲဒီပွဲမှာ ရိုးမားက ၃ ဂိုး ၁ ဂိုးနဲ့ ရှုံးနေချိန် ပင်နယ်တီရခဲ့ပါတယ်။ ဒီပယ်နယ်တီကို ၀ါရင့် ကွင်းလယ်လူ အသင်းခေါင်းဆောင် တော့တီက ကန်ဖို့ ပြင်ဆင်နေစဉ်မှာ အော်စ်ဗာလ်ဒိုက အတင်းအဓ္ဓမ ၀င်လုခဲ့ပါတယ်။ တော့တီကလည်း မပေးခဲ့ဘဲ သူတို့ နှစ်ဦး တွန်းလားထိုးလားအထိ ဖြစ်ခဲ့ပါတယ်။ နောက်ပိုင်းမှာတော့ အော်စ်ဗာလ်ဒိုက အဲဒီဖြစ်ရပ်နဲ့ပတ်သက်ပြီး တောင်းပန်ခဲ့ပါတယ်။

“ပရိတ်သတ်တွေကို ကျွန်တော်တောင်းပန်ချင်ပါတယ်။ ဖရန်စ္စကို (တော့တီ) ကို မလေးမစားလုပ်ချင်တာမျိုး မဟုတ်ခဲ့ပါဘူး။ ရိုးရိုးသားသား ပင်နယ်တီပဲ ကန်ချင်ခဲ့တာပါ”

နံပါတ် ၃ – ကီဗင် မီရာလက်စ် VS လေတန်ဘိန်း

3

ယခုနှစ် ဇန်န၀ါရီ ဒုတိယပတ်အတွင်းမှာ ကစားခဲ့တဲ့ အဲဗာတန်နဲ့ ၀က်စ်ဘရွန်းတို့ပွဲမှာ ဖြစ်ပွားခဲ့တာပါ။ ၄၄ မိနစ်မှာ ရတဲ့ပင်နယ်တီကို ပင်တိုင်ပင်နယ်တီကန်သွင်းသူ လေတန်ဘိန်းကိုကျော်ပြီး မီရာလက်စ်က ကန်သွင်းဖို့ လုပ်ခဲ့တာကြောင့် အသင်းဖော် နိုင်စမစ်နဲ့ လူကာကူတို့က တားခဲ့ကြပါသေးတယ်။ ဒါပေမယ့် မီရာလက်စ်က လက်မခံခဲ့ဘဲ ကန်သွင်းခဲ့ပေမယ့် မ၀င်ခဲ့တာကြောင့် နောက်ဆုံးကစားခဲ့တဲ့ ၁၃ ပွဲမှာ ပထမဆုံး အနိုင်ရမယ့် အခွင့်အရေးကို အဲဗာန်တန်တို့ လက်လွှတ်ခဲ့ရပါတယ်။ ဥရောပမှာ ပင်နယ်တီအကောင်းဆုံး လေတန်ဘိန်းကို ပေးမကန်ခဲ့ဘဲ တစ်ကိုယ်ကောင်းဆန်ခဲ့တဲ့ မီရာလက်စ်ရဲ့လုပ်ရပ်ကို ပရီးမီးယားလိဂ်က ၀ါရင့် ကစားသမားတွေကလည်း ဝေဖန်ခဲ့ကြပါတယ်။

နံပါတ် ၂ – ဂျိုနသန် ဒီ ဂူဇ်မန် VS နသန်ဒိုင်ယာ

22

ဆွမ်းဆီးအသင်းရဲ့ သမိုင်းတစ်လျှောက် အကြီးအကျယ်ဆုံးနေ့မှာ ဖြစ်ပွားခဲ့တဲ့ ပင်နယ်တီလုပွဲပါ။ ၂၀၁၃ ခုနှစ် လိဂ်ဖလားပြိုင်ပွဲ ဗိုလ်လုပပွဲမှာ ဘရက်ဖို့ဒ်နဲ့ကစားစဉ် ၃ ဂိုး ပြတ်နဲ့ နိုင်နေတဲ့ ဆွမ်ဆီးတို့ ပင်နယ်တီရခဲ့ပါတယ်။ အဲဒီအချိန်မှာ ၂ ဂိုးသွင်းပေးထားတဲ့ နသန်ဒိုင်ရာက ပင်နယ်တီကန်ဖို့ လုပ်နေစဉ်မှာပဲ ဂူဇ်မန်က ဘောလုံးကိုအတင်းတောင်းခဲ့ပါတယ်။ ဒါပေမယ့် နသန်ဒိုင်ယာက မပေးခဲ့ပါဘူး။ ပွဲအပြီးမှာတော့ ဆွမ်ဆီးက ၅ ဂိုး ပြတ်နဲ့ အနိုင်ရခဲ့ပြီး အသင်းသမိုင်းတစ်လျှောက် ပထမဦးဆုံး အဓိကဖလားကို ရရှိခဲ့ပြီး နသန်ဒိုင်ယာကလည်း သူရဲကောင်း ဖြစ်ခဲ့ပါတယ်။

နံပါတ် ၁ – မာဆယ်လို ထရော့တာ VS ကီဗင် အို ကွန်နောရ်

1

၂၀၁၃ ခုနှစ်က အင်္ဂလန် ပထမတန်း အရေးပါတဲ့ ဘရန့်ဖို့ဒ်နဲ့ ဒွန်ကက်စတာတို့ရဲ့ ပွဲမှာ ဖြစ်ပွားခဲ့တဲ့ ပင်နယ်တီလုပွဲပါ။ အဲဒီပွဲဟာ ဘရန့်ဖို့ဒ်အသင်းရဲ့ သမိုင်းမှာ အရေးပါတဲ့ ပွဲဖြစ်ပြီး ဒီပွဲသာအနိုင်ခဲ့ရင် ချန်ပီယံရှစ်ကို ပထမဆုံး တက်ရောက်နိုင်မှာဖြစ်ပါတယ်။ ပွဲပြီးကာနီးအထိ ဂိုးမရှိသရေကျနေခဲ့ပြီး နောက်ဆုံးမိနစ်မှာ ဘရန့်ဖို့ဒ်တို့ ပင်နယ်တီ ရခဲ့ပါတယ်။ သမိုင်းဝင်မယ့် အဲဒီပင်နယ်တီကို ဖူလ်ဟမ်က အငှားလာကစားနေတဲ့ ထရော့တာက ပုံမှန်ပင်နယ်တီကန်နေကျ အို ကွန်နောရ်ဆီကနေလုပြီး ကန်သွင်းခဲ့ပါတယ်။ ဒါပေမယ့် ဂိုးအဖြစ်မပြောင်းလဲနိုင်ခဲ့ပါဘူး။ ဘောလုံးဟာ ဘားတန်းထိထွက်ခဲ့ပြီး နောက်တစ်မိနစ်မှာ ဒွန်ကက်စတာအသင်းက ဂိုးသွင်းနိုင်ခဲ့တာမို့ ဘရန့်ဖို့ဒ်တို့ရဲ့ မဟာအိပ်မက်ကြီးဟာလည်း ပျက်ပြယ်ခဲ့ရပါတယ်။ ထရော့တာတစ်ယောက်တော့ ဘ၀မှာ အိပ်မက်ဆိုးတစ်ခု ရလိုက်တာပါပဲ။

ref:mirror

 

Tags:

Leave a Reply