2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

မေ ၁၄၊ ၂၀၁၅
M-Media

juve

– ဒီနေ့မနက်မှာ ကစားခဲ့တဲ့ ချန်ပီယံလိဂ် လက်ရှိချန်ပီယံ ရီးယဲလ်မက်ဒရစ်နဲ့ ဂျူဗင်တပ်စ်တို့ရဲ့ပွဲမှာတော့ ၁ ဂိုးစီ သရေကျခဲ့ပြီး နှစ်ကျော့ပေါင်း ၃ ဂိုး ၂ ဂိုးနဲ့ ဂျူဗင်တပ်စ်တို့ ၁၂ နှစ်အတွင်း ပထမဆုံးအကြိမ် ဗိုလ်လုပွဲကို တက်ရောက်နိုင်ခဲ့ပါတယ်။

အိမ်ကွင်းပီပီ ရီးယဲလ်တို့ ပွဲအစကတည်းက တင်ကစားခဲ့ပြီး ၂၃ မိနစ်မှာ ရော်ဒရီဂက်စ်ကြောင့်ရတဲ့ ပင်နယ်တီကို ရော်နယ်ဒိုက အမှားအယွင်းမရှိ ကန်သွင်းယူနိုင်ခဲ့ပါတယ်။ ပထမပိုင်းရဲ့ ကျန်တဲ့အချိန်တွေမှာလည်း ရီးယဲလ်တို့ ဂိုးသွင်းခွင့်အချို့ ရခဲ့ပေမယ့် ပထမအကျော့မှာ အဆုံးသတ်ညံ့ဖျင်းလို့ ဝေဖန်ခံခဲ့ရတဲ့ တိုက်စစ်မှူး ဂါရက်ဘေးလ် ဒီနေ့ပွဲမှာလည်း အဆုံးသတ် မသေချာတာ၊ ဂျူဗီဂိုးသမားနဲ့ နောက်တန်းက အဆင့်ဆင့် ဖြတ်ထုတ်နိုင်ခဲ့တာကြောင့် ဂိုးအဖြစ်တော့ မပြောင်းလဲနိုင်ခဲ့ပါဘူး။

ဒုတိယပိုင်းမှာ ဂျူဗီက ပိုကောင်းခဲ့ပြီး ရီးယဲလ်ဂိုးပေါက်ကို ပြန်ခြိမ်းခြောက်လာနိုင်ခဲ့ပါတယ်။ ၅၇ မိနစ်မှာ ဗီဒဲလ်နဲ့ ပေါ့ဘာတို့ရဲ့ တွဲလုံးကနေတစ်ဆင့် ရီးယဲလ်တိုက်စစ်မှူးဟောင်း မိုရာတာက ချေပဂိုး သွင်းယူခဲ့ပြီးတဲ့ နောက်ပိုင်းမှာတော့ ဂျူဗီတို့ ခံစစ်ကို အထိုင်ချကစားသွားခဲ့ပြီး ပွဲဟာ သရေနဲ့ ပြီးဆုံးခဲ့တဲ့အတွက် ဂျူဗီတို့ ချန်ပီယံလိဂ် ဖိုင်နယ်ကို ၈ ကြိမ်မြောက် တက်ရောက်နိုင်ခဲ့ပါတယ်။ချန်ပီယံလိဂ်လို့ အမည်ပြောင်းပြီးတဲ့နောက်ပိုင်း ပထမဆုံး ၂ ကြိမ်ဆက်ချန်ပီယံဖြစ်ရမယ်ဆိုတဲ့ ရီးယဲလ်တို့ရဲ့အိပ်မက်ကတော့ ပျက်ပြယ်ခဲ့ရပါတယ်။

ရာသီကုန်ရင် အသင်းကထွက်ရမယ်လို့ သတင်းတွေထွက်နေတဲ့ အန်ဆယ်လော့တီက အသင်းဟာ ကံမကောင်းခဲ့ဘူးလို့ ကာကွယ်ခဲ့ပါတယ်။

“ဒီညမှာ ကျွန်တော်တို့ အကောင်းဆုံးကစားခဲ့ပါတယ်။ ဒါပေမယ့် ကျွန်တော်တို့ ကံမကောင်းခဲ့ပါဘူး။ ကျွန်တော်တို့ ထိန်းချုပ်နိုင်ခဲ့သလို အခွင့်အရေးတွေများကြီးလည်း ရခဲ့ပါတယ်။ ပွဲအတွင်းမှာ ကျွန်တော်တို့ နည်းနည်းလေး ကံမကောင်းခဲ့ပါဘူး။ အခွင့်အရေးတွေ အများကြီးရခဲ့ပေမယ့် ဒုတိယဂိုးတော့ မသွင်းနိုင်ခဲ့ပါဘူး” လို့ ပွဲအပြီးမှာ ပြောကြားခဲ့ပါတယ်။

အသင်းရဲ့အနာဂတ်နဲ့ပတ်သက်ပြီး မေးမြန်းရာမှာတော့ ရာသီကုန်မှ အသင်းနဲ့ဆွေးနွေးသွားမယ်လို့ ဖြေကြားခဲ့ပါတယ်။

ဂျူဗီနည်းပြ အယ်လီဂရီက ရီးယဲလ်ကိုအနိုင်ရတာဟာ အံ့မခန်းရလဒ်ဖြစ်ပြီး ပျော်ရွှင်မိတယ်လို့ ဆိုပါတယ်။

“ရီးယဲလ်မက်ဒရစ်ကို ဖြုတ်ချခဲ့တာ အံ့မခန်းရလဒ်ပါပဲ။ ကျွန်တော်တို့အသင်းဟာ အခက်အခဲအကျပ်အတည်း အများကြီးကို ကျော်ဖြတ်လာခဲ့ရတာပါ။ မိုနာကိုနဲ့ပွဲကလွဲလို့ ကျွန်တော်တို့ အမြဲတမ်း ကောင်းကောင်းကစားနိုင်ခဲ့ပါတယ်။ အသင်းဟာ ကိုယ်တိုင် အာမခံချက်ရှိနေပြီး တစ်ချိန်လုံး တိုးတက်နေပါတယ်။ နောက်ဆုံးဗိုလ်လုပွဲကို ရောက်သွားတာဟာ ကျွန်တော်တို့အတွက် တော်တော်လေး ကျေနပ်စရာပါ။ ဒီရလဒ်နဲ့ ကျွန်တော်တို့ ထိုက်တန်ပါတယ်။ ကျွန်တော်တို့ တော်တော်ကောင်းခဲ့ပြီး ပထမပိုင်းမှာရခဲ့တဲ့ အခွင့်အရေးတွေကို အသုံးချနိုင်ခဲ့ရမှာပါ” လို့ အလ်လီဂရီနီက ပြောကြားခဲ့ပါတယ်။

ဖလားသုံးလုံးလမ်းကြောင်းပေါ်မှာရှိနေတာနဲ့ပတ်သက်လို့ သူက “အဲဒါနဲ့ပတ်သကပြီး တွေးမနေပါဘူး။ ဗုဒ္ဓဟူးနေ့မှာ ကျွန်တော်တို့ဟာ နောက်ထပ်အရေးပါတဲ့ ရည်မှန်းချက်တစ်ခုဖြစ်တဲ့ ကိုပါဖိုင်နယ်ကစားရပါမယ်” လို့ ပြောခဲ့ပါတယ်။

Ref: UEFA.com, Goal

Leave a Reply