3 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
3 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
4 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၃၁ ၊ ၂၀၁၅
M-Media
နှင်းဆီခင်ရေးသည်။
the best person
စာတစ်အုပ်မှာဖတ်ဖူးတယ်။ “သူများတကာ အပေါ်ကောင်းတဲ့သူဟာ ကိုယ့်အပေါ်အကောင်းဆုံး ဖြစ်စေတဲ့သူ” တဲ့။

စိတ်ကူးတွေ အတွေးတွေရှိတဲ့သူတိုင်း စိတ်ဖိစီးမှုနှင့်ကင်းတယ်လို့ မရှိပါဘူး။ ဆင်ခြင်ဥာဏ်ရှိတဲ့ လူ့သဘာဝအရ စိုးရိမ်သောကဖြစ်တာ ဆန်းတယ်လို့မှ မဟုတ်တာ။ ဆိုပါစို့။ တိရစ္ဆာန်တွေဆိုရင် စိတ်သောကမရှိဘူး။ ဘာဖြစ်လို့လဲ သူတို့မှာ နောက်နေ့အတွက်တို့ နက်ဖြန်အတွက်တို့ဆိုတဲ့ အတွေးစိတ်ကူးဆိုတာမှ မရှိပဲကိုး။ လူဆိုတာက တိရစ္ဆာန်နှင့် နှိုင်းမရအောင် အသိဥာဏ်ကြွယ်သူတွေမို့ သောကနှင့်ယှဉ်တဲ့ ဆင်ခြင်ဥာဏ်သုံးခြင်းဆိုတာ ရှိနေပါတယ်။ သောကတို့ စိုးရိမ်မှုဆိုတာက လူရဲ့အမြွာ ကိုယ်ပွားလို့ပဲ ဆိုရမလား။ သောကကင်းတယ်လို့ မဆိုနိုင်ဘူးပေါ့နော်။ တစ်ဦးစီရဲ့ခံနိုင်ရည်နှင့် အရည်အသွေးပေါ်လိုက်လို့ အနည်းငယ်အများ ခံစားရတာချင်းတော့ ကွာတာပေါ့။ ကောင်းပြီ နေ့စဉ်ဘဝမှာ အခက်အခဲတွေကြောင့်ကြမှုတွေနှင့် လုံးထွေး ရစ်ပတ်နေရတာကြောင့် ချုံးကျသလို ခံစားသွားရတယ်လို့ ဆိုကြတယ်။ ဒါဆိုရင် သက်တမ်းမစေ့ခင် ဘဝသေနေရင်ရပြီပေါ့။ မဖြစ်သင့်တာပဲလေ။ အဲဒီအကြောင်းအရာနှင့် ပတ်သက်ပြီး ကမ္ဘာ့ စိတ်ပညာရှင်တွေက ဆန်းစစ် လေ့လာတင်ပြထားကြတယ်။ ကိုယ့်အတွက် အသုံးတည့်မယ်ဆိုရင် လိုက်နာကျင့်သုံး ကျင့်ကြံကြည့်ရအောင်ပါ။

အခက်အခဲ တစ်စုံတစ်ရာကြုံတိုင်း ရှောင်ဖယ်ဖို့ စိတ်မကူးသင့်ပါဘူးတဲ့။ ဘာဖြစ်လို့လဲဆိုတော့ ရင်မဆိုင်ဝံ့ဘဲ ရှောင်တိမ်းခြင်းက စိုးရိမ်စိတ်ကြောက်စိတ်ကို ပိုကဲစေနိုင်တာကြောင့်ပါလို့ ဆိုတယ်။ သတ္တိရှိရှိ ရင်ဆိုင်လိုက်တဲ့အခါ မကြာခဏဆိုသလိုပါပဲ အဲဒီအခက်အခဲဟာ လွယ်ကူ အဆင်ပြေသွားတတ်သလို တစ်ခါတစ်ရံမှာတော့ လုံးဝပျောက်ကွယ်သွားတဲ့အထိ ဖြစ်သွားရော။

တစ်ခါကပေါ့။ အင်္ဂလိပ်လူမျိုး တစ်ယောက်က အမေရိကန်နိုင်ငံကို အလည်အပတ်သွားခဲ့တယ်။ တောင်ပိုင်းဒေသ အနှံ့ သူငယ်ချင်း တစ်ယောက်က ကားနှင့်မောင်းပို့တယ်။ အဲဒီမှာရှိတဲ့ ပေါင်းမြက်ဟာ ကြီးထွားလာတဲ့အခါ နွယ်ပင်တွေလိုဖြစ်လာပြီး လေတိုက်လိုက်ရင် အကုန်ခွေပြီး လုံးသွားရော။ လမ်းမှာအဲဒီပေါင်းမြက်လုံးကြီး တစ်လုံးကို တွေ့လိုက်ရတော့။

“ရှေ့မှာကျောက်တုံးကြီးတိုက်တော့မယ်၊ သတိထား သူငယ်ချင်း” ဆိုပြီး အလန့်တကြားထအော်တယ်။ အမေရိကန်သားက မရှောင်ဘဲ တည့်တည့်မောင်းချသွားတော့ ကျောက်တုံးကြီးဘယ်များရောက်သွားသလဲဆိုပြီး မေးတဲ့အခါမှ ကျောက်တုံးမဟုတ်ဘဲ ပေါင်းမြက်တွေ ထွေးလုံးနေတာဆိုတာ သိသွားတယ်။ အမေရိကန်သားက အားပါးတရရယ်မောပစ်လိုက်တာပေါ့။

ဒီလိုပါပဲ၊ ကြောက်ရွံ့စိုးထိတ်မှုတော်တော်များများဟာ အမှန်တကယ် မဟုတ်တဲ့ ပေါင်းမြက်တွေလိုပါပဲ။ သောကတွေ စိုးရိမ်မှုတွေဟာ ကိုယ့်ရဲ့နောက်ကျောတည့်တည့်မှာ ကပ်ပြီး ရှိနေတယ်ဆိုရင် ရှေ့သို့အားသွန်ပြီး ပြေးတာထက် လှည့်ပြီးရင်ဆိုင်လိုက်ဖို့လိုတယ်။ တစ်ခုရှိတာက ထူပူတုန်လှုပ်ခြောက်ချား စိတ်ကြီးနှင့်တော့ မဟုတ်ဘူးပေါ့။ စိတ်ကိုအတည်ငြိမ်ဆုံးထားပြီး ရဲရဲဝံ့ဝံ့ရင်ဆိုင်ဖို့တော့ လိုမယ်။ ဒါဆိုရင်တော့ ချက်ချင်း မဟုတ်ရင်တောင်မှ အချိန်အတိုင်းအတာတစ်ခုမှာ နိုင်နိုင်နင်းနင်း ကိုင်တွယ်ဖြေရှင်းနိုင်မှာတော့ သေချာတယ်။ ကြောက်အားလန့်အား ရင်ဆိုင်ဖြေရှင်းဖို့ဆိုရင်တော့ စိတ်ဖိစီးမှုတွေ တိုးသည်ထက် တိုးလာပြီသာမှတ်။

စိုးရိမ်ကြောင့်ကြမှုကြောင့် စိတ်ဖိစီးမှုတွေများလာတဲ့ အခါ ဘာမှဆက် မလုပ်ဘဲ သက်တောင့်သက်သာနားပစ်လိုက်ပါလို့ ပညာရှင်တွေက အကြံပြုတယ်။ “ဒီလောက်သောကပွေနေချိန်မှာ ဘယ်လာနားလို့ရပါမလဲ” လို့စောဒကတက်နိုင်တယ်။ လက်တွေ့မှာတော့ လူရောစိတ်ပါ ဖြေလျော့ပြီး နားနေလိုက်တာဟာ အင်အားသစ်တွေတိုးလာပြီး အခက်အခဲကို အကောင်းဆုံးရင်ဆိုင်နိုင်စွမ်းရှိလာမယ်တဲ့။ ပူစရာတွေကိုပူလေ ပိုပြီးပူရလေပါပဲ။ ကြောက်စိတ်ကိုအစာကျွေးနေရင်ပိုပြီး ရှင်သန်နေမှာမို့ မကျွေးဘဲထားလိုက်ရင် အလိုလိုသေဆုံးသွားတဲ့ သဘောမျိုး။

နောက်တစ်ခုရှိတာက ကိုယ်စိုးရိမ်နေတဲ့အရာရဲ့အကျိုးဆက်က ဘာများဖြစ်လာနိုင်မလဲဆိုတာကို ခေါင်းပူအောင်စဉ်းစားမနေဖို့ အရေးကြီးတယ်။ သစ်ပင်တွေကို စိုက်ပျိုးပြီးတဲ့အခါ လုပ်သင့်လုပ်ထိုက်တဲ့စောင့်ရှောက်မှုတွေ ပေးမယ်။ ပြီးတော့ သူတို့ဘာသာ ရှင်သန်စေမယ်ဆိုရင် လွတ်လွတ်လပ်လပ် ကြီးထွားလာမှာပါ။ အပင်သန်မှသန်ပါ့မလားဆိုတဲ့ စိတ်နှင့် အမြစ်ကို ခဏခဏတူးတူးကြည့်နေရင်တော့ အပင်သန်မှာ မဟုတ်တာ သေချာတယ်။ ဒီလိုပါပဲ ကိုယ်ရင်ဆိုင်နေရတဲ့ သောကပြေရာပြေကြောင်း ခေါင်းအေးအေးထားပြီး အတတ်နိုင်ဆုံး ဖြေရှင်းဖို့ပဲလိုတယ်။ ဖြစ်ပေါ်လာနိုင်တဲ့ အကျိုးဆက်ကို ကျော်တွေးပြီး ပူနေလို့ကတော့ တစ်ပူပေါ်ဆင့်နေမဲ့  အပူတွေကအများကြီးပါ။

နေ့စဉ်လှုပ်ရှား ရုန်းကန်နေကြရတဲ့ဘဝမှာ အလိုမပြည့်တာတွေ၊ စိုးရိမ်သောကတွေနှင့် အခက်အခဲတွေ ဆိုတာ ကိုယ့်ဆန္ဒပါသည်ဖြစ်စေ မပါသည်ဖြစ်စေ လုံးထွေးရင်းနှီးနေကြစမြဲပါ။ ဒါပေမယ့် ဒါတွေဟာ ဖြစ်ရိုးဖြစ်စဉ်တွေပဲဆိုတဲ့အတွေးကို မြင်လာမယ်ဆိုရင်တော့ ကိုင်တွယ်ဖြေရှင်းနိုင်ဖို့ လွယ်သွားပြီ။ အဓိကကတော့ အလုပ်မှာနှစ်မြှပ်ထားခြင်း၊ ဇွဲလုံ့လနှင့် ဘာသာတရားအပေါ် အလေးထားမှုဆိုတာတွေဟာ ကိုယ့်ဘဝအတွက် ထွက်ပေါက်တွေဆိုတာ မေ့မထားသင့်ဘူးလို့ ဆိုပါတယ်။

အခက်အခဲတစ်ခုခုကြုံရင် သူများအတွက် ဘာမှမဟုတ်ပေမယ့် ကိုယ့်အတွက်တော့ အကြီးကြီးမှ တကယ့်ကိုအကြီးကြီး။ ဒီတော့ လူတကာကို ဖွင့်ပြောနေတာထက် ကိုယ်တိုင်ကြိုးစားပြီး ရုန်းကန်နိုင်ဖို့က မရှိမဖြစ်လိုအပ်တဲ့အရည်အသွေးပါပဲ။

ကိုယ့်အပေါ် စာနာနားလည်ပေးတာ၊ ကိုယ်ချင်းစာ စိတ်ထားစေချင်တာက ကိုယ့်ရဲ့အတ္တ၊ ဒါပေမယ့် အရာခပ်သိမ်းဟာ ကိုယ်မျှော်လင့်ထားတဲ့အတိုင်း ဖြစ်ချင်မှဖြစ်သလို မှန်းသလောက်လည်းရချင်မှရတာလေ။ ဒီတော့ ကိုယ်ကြုံလာသမျှ လောကဗျာပါဒတွေ အတွက် ပညာရှင်တွေညွှန်ပြထားသလို ဆင်ခြင်ဥာဏ်သုံးပြီး ဖြေရှင်းမယ်ဆိုရင် သေချာတယ်။ ကိုယ့်ဘဝကိုနေပျော်စရာလေးဖြစ်အောင် ဖန်တီးယူနိုင်မှာပါ။

မနာလိုဝန်တိုစိတ်တွေကင်းကင်းထားပြီး သူများအပေါ်စိတ်ကောင်းထားကြည့်မယ်ဆိုရင်ပေါ့။ ကိုယ့်ရဲ့သောကတွေပြေလျှော့ပြီး ကိုယ်တိုင်အကောင်းဆုံးသူတစ်ဦးဖြစ်လာနိုင်ပါတယ်လို့လည်း ဆန်းစစ်ဖော်ပြထားပါတယ်။ ကောင်းစိတ်ထားတတ်ခြင်းဟာစိတ်ကို (လုံးဝမဟုတ်သည့်တိုင်) အတန်အသင့်အေးချမ်းစေမှာမို့ စိတ်ကြည်လင်လန်းဆန်းမှု အပြည့်နှင့် နေ့သစ်တွေကို ဖြတ်ကျော်နိုင် ပါမယ်ဆိုတဲ့အကြောင်း။

နှင်းဆီခင်

Tags:

Leave a Reply