4 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
4 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
4 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
5 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
5 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
5 years ago
ASEAN ထိပ်သီးများ ရိုဟင်ဂျာအရေး ဆွေးနွေး
5 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
5 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
5 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
5 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇန်နဝါရီ ၁၃ ၊ ၂၀၁၆
M-Media
ရေးသူ- မာန်ထက်သျှံ

10401923_1072940296059562_4718095873592944199_n

ဓါတ်ပုံ – The Voice

၂၀၁၆ ခုနှစ်၊ ဇန်နဝါရီလ ၉ရက်နေ့။

ဥတုရာသီမှာ ဆောင်းတွင်း နံနက်ခင်း။

ချမ်းစိမ့်စိမ့် ဆောင်းမှာ ရန်ကုန်မြေရဲ့ ကောင်းကင်တဝိုက်မှာ မီးခိုးမှိုင်းများက နေရာယူဆဲ။

စိုးရိမ်စိတ်၊ ကြောက်လန့်စိတ် ပူပင်သောကများနဲ့ လူအများရဲ့ စိတ်ကိုထိုအရာက ဖျက်စီးခဲ့လေတယ်။

အဖြစ်အပျက်ကား မင်္ဂလာတောင်ညွှန့်မြို့နယ်မှ မင်္ဂလာဈေးကြီး မီးလောင်မှု။

မီးသတ်ကား ဥသြသံများ ညံနေတဲ့ ထိုနေရာတဝိုက်ကို လူအများ တိုးဝှေ့ကြည့်ရှုနေသည်။ မီးသတ်သမားများက မီးငြိမ်းသတ်၊ ကြက်ခြေနီနဲ့ ရဲတပ်ဖွဲ့ဝင်များက အသင့်အနေအထား၊ ဓါတ်ပုံရိုက်သူကရိုက်၊ ဗီဒီယိုမှတ်တမ်းယူသူကယူ ၊ တစ်ဦးနဲ့တစ်ဦး တီးတိုးပြောသူကပြောနဲ့ လူတွေရဲ့ မျက်စိအစုံကတော့ မီးတောက်များ လျှံထွက်ရာ မင်္ဂလာဈေးကြီး အပေါ်ဆုံးထပ်သို့ တဝဲလည်လည်။

မင်္ဂလာဈေးဆိုတာ ရန်ကုန်မြို့သာမက အနယ်အနယ်အရပ်ရပ်က လူထု အားပြုရာ ဆေးပစ္စည်းနှင့် အ၀တ်အထည် လက်လီလက်ကား လက်လီလက်ကား အရောင်းဆိုင်များ၊ အနယ်နယ်အရပ်ရပ်သို့ ကုန်ပစ္စည်းများ ကူးလူးရောင်းဝယ်နေတဲ့ ဌာနကြီးပါ။

နိစ္စဓူဝ ဘဝမှာ လက်လုပ်လက်စား နေ့စားအလုပ်သမားများ အလုပ်သမများ မှသည် ရောင်းသူဝယ်သူအစုံစုံဖြင့် စည်ကားနေသော မြို့တော်ရန်ကုန်ရဲ့ ကုန်စည်ကူးသန်းရာ ဈေးကြီး တစ်ခုဖြစ်ပါတယ်။ ဈေးတဝိုက်မှာ ဈေးဖွင့်ချိန်မှ ပိတ်ချိန်တိုင်အောင် ယာဉ်ကြောပိတ်ဆို့ နေတတ်ပြီး ဈေးအတွင်းမှာလည်း လူသွားလမ်း မရှိလောက်အောင် စည်ကားခဲ့သော ဈေးကြီးဖြစ်သည်။

အခုတော့ မင်္ဂလာဈေးဆိုတာ မီးလောင်ပြင်တစ်ခု ဖြစ်ခဲ့ပြီး လူသူကင်းမဲ့တဲ့ သုသာန်တစပြင်အလား အောက်မေ့ရတယ်။

မီးလောင်မှု အကြောင်းရင်းကို ပြန်လည်ဆန်းစစ်တော့ ဆိုင်အမှတ် ၄၅၁မှာ လိပ်ဆွဲ တံခါးတပ်ဆင်ရန် ဆိုင်ရှင်က အပ်နှံတာကြောင့် ဈေးပိတ်ချိန်အတွင်း ဝင်ရောက် လုပ်ကိုင်ရာ ပေါ့ဆမီးမှ တဆင့် ဝါယာရှော့ခ်ဖြစ်ကာ မီးလောင်ကျွမ်းခြင်းဖြစ်ကြောင်း ကနဥိး သတင်းထုတ်ပြန်ချက်တွေ အရ သိရှိရပါတယ်။ သို့ပေမယ့် မီးလောင်ရတဲ့ အကြောင်းအရင်းကို တိကျစွာ ဖော်ပြနိုင်ဖို့ ရှာဖွေစစ်ဆေးနေဆဲ ဖြစ်ပြီး ဇန်နဝါရိ ၁၈ ရက်နေ့ နောက်ဆုံး ထားပြီး အစီအရင်ခံစာကို တိုင်းဒေသကြီး အစိုးရကို တင်ပြသွားဖို့ ရှိတယ်လို့လဲ သိရပါတယ်။

ပြည်တွင်းသတင်းဂျာနယ်တခုကို တိုင်းမီးသတ်ဦးစီးမှူး ဦးသော်ဒါရဲ့ ပြောချက်အရ မင်္ဂလာဈေးမှာ တပ်ဆင်ထားတဲ့ အလိုအလျောက်ရေဖျန်းစနစ်(water sprinkler ) ဟာ အတုဖြစ်နေကြောင့် ငြိမ်းသတ်နိုင်ခြင်း မ၇ှိဘဲ မီးလောင်မှုကို ပိုပြီးဆိုးရွားစေခဲ့တယ်လို့ သိရပါတယ်။

စီမံခန့်ခွဲမှုညံ့ဖျင်းပြီး လျှပ်စစ်သွယ်တန်း မှုများကိုလည်း ကျွမ်းကျင်သည့် ပညာရှင်များမပါဘဲ ဖြစ်သလို သွယ်တန်းထားကြောင်း ရန်ကုန်မြို့တော် စည်ပင်သာယာရေး ကော်မတီဝင် (၇) ဦးခင်လှိုင် (ဇောတိက)  Eleven မီဒီယာကို အောက်ပါအတိုင်း ပြောကြားခဲ့ပါတယ်။

“ဈေးထဲမှာ မလိုအပ်တဲ့ ပစ္စည်းတွေ လှောင်ထားတယ်။ လျှပ်စစ်သွယ်တန်းမှုတွေကို ပုံမှန်စစ်ဆေးတာ မရှိဘူး။ မီးဘေးကာကွယ်မှုစနစ် အားနည်းတယ်။ မီးသတ်ဆေးဘူး။ ရေပုံးလောက်ပဲရှိတယ်။ ဈေးထဲမှာ မီးလောင်ရင် အလိုအလျောက်ရေ ဖြန်းတဲ့စနစ်ကလည်း အလုပ်မဖြစ်ဘူး။ ဒါကြောင့် ဒီမီးလောင်မှု ဖြစ်စဉ်မှာ အဓိကတရားခံက ရန်ကုန်မြို့တော် စည်ပင်သာယာရေး ကော်မတီ (ဈေးများဌာန) ပဲဖြစ်ပါတယ်။ ဒီဖြစ်စဉ်သည် လူညံ့ဖျင်းမှုကြောင့် ဖြစ်တာ။ ဒါကြောင့် နိုင်ငံတော် တာဝန်ရှိသူတွေ အနေနဲ့ ဘယ်လိုဆက်လုပ် ရမယ်ဆိုတာ ဆုံးဖြတ်ပေါ့”

ဇန်နဝါရီလ ၉ရက်နေ့ နံနက် ၁နာရီ မိနစ် ၂၀ က လောင်လိုက်တဲ့မီးဟာ ဈေးရဲ့ စတုတ္ထထပ်နဲ့ အပေါ်ဆုံးထပ်အားလုံးကို ကူးစက် လောင်ကျွမ်းခဲ့ပြီး မနက် ၅နာရီရောက်မှသာ မီးသတ်တပ်ဖွဲ့က မီးကို ထိန်းနိုင်ခဲ့ပါတယ်။ ယင်းနေ့ ညနေပိုင်း အထိတိုင်အောင် မီးကြွင်းမီးကျန်များကို ငြိမ်းသတ်ခဲ့ရတယ်။

မင်္ဂလာဈေးမှာ ဆိုင်ခန်းပေါင်း ၅၀၀၀ကျော်ရှိရာ မီးဘေးသင့် ဆိုင်ခန်း မှာ တတိယထပ်တွင် ၇၉၁ခန်း ၊ စတုတ္ထထပ်မှာ ၇၉၇ခန်းနဲ့ အပေါ်ဆုံးဆိုင်ခန်း ၄၈ခန်း စုစုပေါင်း ၁၆၃၆ခန်း ဖြစ်ပါတယ်။ အဆိုပါဆိုင်ခန်းများကို ရွှေမင်္ဂလာဈေးနဲ့ ကားပါကင်ဝင်းအတွင်း ၅ပေပတ်လည် နေရာဆိုင်ခန်းများဖြင့် ယာယီနေရာချပေးသွားမယ်လို့လည်း သိရပါတယ်။ မီးလောင်မှုရဲ့ တန်ဖိုးမှာ ကျပ်ငွေ ၃၆ ဘီလီယံကျော် (သိန်းပေါင်း ၃ သောင်းကျော်) ရှိပါတယ်။

မည်သို့ပင်ဆိုစေကာမူ ဈေးသူဈေးသားများ ၊ နိစ္စဓူဝ အလုပ်နဲ့ ကျင်လည်နေရတဲ့ အောက်ခြေလူတန်းစား အလုပ်သမားများ အတွက်တော့ လတ်တလောဝမ်းရေး အတွက် ရင်လေးစရာပင်။ ဒုတိယအကြိမ် မီးတောက်များ ဝါးမျိုခံရတဲ့ မင်္ဂလာဈေးကို မှီခို လုပ်ကိုင်နေရတဲ့ လက်လုပ်လက်စားများ ရောင်းသူဝယ်သူများရဲ့ စားဝတ်နေရေးကို ပြေလည်ဖို့ ဘယ်လိုရှေ့ဆက်ရမယ်ဆိုတ သူတို့အတွက် မရေရာမသေချာ။

မင်္ဂလာဈေးကြီးဟာ ၂၀၁၀ခုနှစ် မေလ ၂၄ရက်နေ့မှာလည်း မီး ဒဏ်သင့်ဖူးပါတယ်။ အဲ့တုန်းက မီးလောင်ခဲ့တဲ့ အထပ်ရှိ ကွန်ကရစ် ကြမ်းခင်းကို ဖြိုချပြီး steel structure ပုံစံဖြင့် ဒီဇိုင်းထုတ်ကာ မွမ်းမံ တည်ဆောက်ခဲ့ပါတယ်။ ယခုမီးလောင်မှုမှာ သံကူယက်မများဟာ ကျိုးကျ သွားကြောင်း သိရပါတယ်။ ဒါ့ကြောင့် လက်ရှိမင်္ဂလာဈေးကြီးကို ဖြိုဖျက်ပြီး အသစ်တဖန် ပြန်လည် တည်ဆောက် ရတော့မှာ ဖြစ်ပါတယ်။

၁၉၉၈ခုနှစ်က တည်ဆောက်ခဲ့တဲ့ မင်္ဂလာဈေးရဲ့ ပုံစံကို ပြန်လည်ဆန်းစစ်လျှင် ဒီဇိုင်းနဲ့ လေဝင်လေထွက် စနစ်မမှန်ခြင်း ၊ မီးလောင်လျင် အလိုအလျောက် ရေဖြန်းသည့်ပိုက်များ စံမှီအောင် တပ်ဆင်ထားခြင်းမရှိခြင်း၊ မီးဘေး လုံခြုံရေးစနစ် လစ်ဟာမှုရှိခြင်း ၊ လုံခြုံရေးအားနည်းခြင်း ၊ အရေးပေါ် ဝင်ပေါက်ထွက်ပေါက်များ အလွန်နည်းပါးခြင်း စတဲ့ အားနည်းချက်တွေကို တွေ့ရပါတယ်။

တစ်ခါမှားလျှင် သတိလစ်ဟင်း၍ မှားလို့ လက်ခံနိုင်သည်။ ဒုတိယအကြိမ် မီးလောင်ဒဏ်သင့်သည်ဆိုတာကတော့ သေချာ ပြန်လည် ဆန်းစစ်ဖို့ လိုပါလိမ့်မည်။

မင်္ဂလာဈေးကြီး မီး ဘာကြောင့် လောင်တာလဲ ဆိုတာကတော့ မီးလောင်ရာကို ကြည့်ပြီး သို့လော သို့လော အတွေးများဖြင့် မီးလောင်ရာ တဝိုက်ပြောနေကြတဲ့ စကားသံများပဲ ဖြစ်ပါတယ်။

ယခုတစ်ကြိမ် မင်္ဂလာဈေးကြီး မီးလောင်တာ ဘယ်သူ့မှာ တာဝန်ရှိလဲ ဆိုတာကတော့ မေးခွန်းထုတ်စရာပင်။ ဈေးအုပ်ချုပ်ရေး အဖွဲ့ရဲ့ တာဝန်လား။ လျှပ်စစ် တာဝန်ခံရဲ့ လစ်ဟင်းမှုလား။ လျှပ်စစ် အသုံးပြုသူတွေရဲ့ ပေါ့ဆမှုလား၊ အလိုအလျောက်ရေဖျန်းစနစ်(water sprinkler )  အတု တပ်ခဲ့သူရဲ့မှာ ရော တာဝန်ရှိသလား ၊ စံချိန်စံညွှန်းမမှီ ဆောက်လုပ်ခဲ့တာကို စိစစ်ဖို့ ပျက်ကွက်ခဲ့တဲ့ ရန်ကုန်မြို့တော်စည်ပင် မှာ တာဝန်ရှိသူတွေလား  ဆိုတာကတော့ သက်ဆိုင်ရာက ဖော်ထုတ်ပြီး မဖြစ်မနေ အရေးယူရမှာ ဖြစ်ပါတယ်။

သေချာတာတစ်ခုကတော့ မီးလောင်မှုကြောင့် လူအများဒုက္ခရောက်တာကတော့ အမှန်ပင်ဖြစ်သည်။

ဒါ့ကြောင့် နောက်နောင်များမှာ အခြားဈေးကြီးများလည်း မီးဘေး လုံခြုံရေးအတွက် ကြိုတင်ပြီး စနစ်ကျတဲ့ အစီအမံများ ချမှတ်ပြီး ကြိုတင် ပြင်ဆင်ထားသင့်ကြောင်း အကြံပြု ရေးသားလိုက်ရပါသည်။

Leave a Reply