5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇန်န၀ါရီ ၁၇၊ ၂၀၁၆
M-Media

tk

ရန်ကုန်မြို့ဆင်ခြေဖုံး တိုက်ကြီးရှိ ရွာတစ်ရွာတွင် တောဆင်ရိုင်းအန္တရာယ်ကြောင့် သစ်ပင်ပေါ်တွင် အိမ်ဆောက်ထားပုံ

– လယ်ယာမြေများ ချဲ့ထွင်လာခြင်းကြောင့် နယ်မြေကျဉ်းလာခဲ့သည့် ဆင်ရိုင်းများမှာ မြန်မာနိုင်ငံရှိ ပြည်သူများကို ကြောက်ရွံ့စိတ်များ ဖြစ်ပေါ်လာစေပြီး၊ စပါးခင်းများသို့ ၎င်းတို့ အစာလာရှာသည့်အခါ ရွာသားများမှာ သစ်ပင်ပေါ်တွင်ဆောက်လုပ်ထားသည့် အိမ်များတွင် သွားရောက်ခိုလှုံရသည်အထိ ဖြစ်နေသည်။

ရန်ကုန်မြို့ဆင်ခြေဖုံး တိုက်ကြီးမြို့အနီးတစ်ဝိုက်ရှိ အဆိုပါဆင်ရိုင်းများက ကောက်ပဲသီနှံများကို နင်းချေပစ်သည်။ အိမ်များကို ဖျက်ဆီးပြီး ၎င်းတို့၏လမ်းကြောင်းတွင်ရှိသည့် လူများကိုပင် သတ်ဖြတ်ကြသည်ဟု ရွာသားများက ဆိုသည်။ ထို့ကြောင့် ကြက်ချောင်းရွာရှိ ရွာသားမျာမှာ မြေပြင်မှမြင့်မားသောနေရာတွင် သစ်ဝါးများအသုံးပြု၍ ခိုလှုံရာ နေရာများကို ဖန်တီးကြရလေသည်။

“ကျွန်တော်တို့ရဲ့တဲကို သစ်ပစ်ပေါ် ပြောင်းလိုက်ရတယ်။ ဒါဆိုရင် ကျွန်တော်တို့ ဘေးကင်းပြီပေါ့” ဟု ရွာသာတစ်ဦးဖြစ်သူ ဆန်းလွင်က ရှင်းပြခဲ့သည်။ ဆင်ရိုင်းများနီးလာသည့်အခါ သစ်ပင်ပေါ်ရှိ ၎င်း၏ ဓနိမိုးအိမ်သို့ တစ်ဟုန်ထိုးပြေးတက်ရသည်ဟုလည်း ၎င်းက ပြောကြားခဲ့သည်။

ရန်ကုန်မြို့မြောက်ဖက် ကီလိုမီတာ ၁၀၀ အကွာအဝေးတွင်ရှိသည့် ကြက်ချောင်းရွာမှာ လယ်ယာလုပ်သားများနေထိုင်သည့် ရွာဖြစ်သည်။ ရွာသားများကတော့ ဆင်ရိုင်းများ၏ ဒုက္ခမခံရမီ လွန်ခဲ့သည့် ၃ နှစ်ကအချိန်ကို ပြန်တမ်းတနေကြသည်။

ယခုတွင်တော့ ဆင်များ၏ ပြင်းထန်သော ခြေသံများကို ကြားပြီဆိုသည်နှင့် ၀ါးလှေကားများကိုသုံး၍ သစ်ပင်ရှိ ၎င်းတို့၏ တဲများသို့ ပြေးတက်ကြရသည့် အခြေအနေသို့ ရောက်ရှိလေသည်။ ထိုအဖြစ်ပျက်မျိုးက တစ်ပတ်လျှင် ၃၊ ၄ ကြိမ်ခန့် ပုံမှဖြစ်နေသည်။

“သူတို့ကို ဖမ်းသွားစေချင်တယ်ဗျာ။ ဒါမှ ကျွန်တော်တို့လည်း အေးအေးဆေးနေလို့ရမှာ” ဟု အသက် ၅၇ နှစ်အရွယ်လယ်သမားဖြစ်သူ သန်းရှင်က ပြောကြားခဲ့သည်။

tk 2

စံမြန်းရာ သစ်တောဘုံနန်းများ သိသိသာသာဆုံးရှုံးလာသည့် ဆင်များ၊ ဆင်များ၏ အကြမ်းဖက်မှုကို ခံရသည့် ရွာသားများ စသည်တို့မှာ ဒေသအတွင်း အဆိုးရွားဆုံးဖြစ်နေသော မြန်မာနိုင်ငံ၏ စိုးရိမ်ဖွယ်ရာ သစ်တောပြုန်းတီးမှု၏ ထိခိုက်မှုများမှ အချို့သာ ဖြစ်လေသည်။

၁၉၉၀ မှ ၂၀၁၀ ခုနှစ်အတွင်း မြန်မာနိုင်ငံကို ဖုံးလွှမ်းနေသော သစ်တောများ၏ ၂၀ ရာခိုင်နှုန်းနီးပါး ဆုံးရှုံးခဲ့သည်ဟု ကုလသမဂ္ဂ၏ စားနပ်ရိက္ခာနှင့် လယ်ယာစိုက်ပျိုးရေးအဖွဲ့၏ အဆိုအရ သိရသည်။

အဆိုပါ သစ်တောပြုန်းတီးမှုဖြစ်စေသော အကြောင်းအရင်းများမှာ စစ်အာဏာရှင်လက်ထက် ဆယ်စုနှစ်များစွာကြာ မျက်စိပိတ်၊ နားပိတ်ကာလအတွင်း သစ်ခုတ်ခြင်း၊ စီးပွားဖြစ် လယ်ယာလုပ်ငန်းအတွက် လယ်ယာမြေ ပမာဏအများအပြား ချဲ့ထွင်ခြင်းတို့ကြောင့်ဖြစ်ကြောင်း ကျွမ်းကျင်သူများက ဆိုကြသည်။

မြန်မာနိုင်ငံရှိ အာရှဆင်ရိုင်းအုပ်များက ဒေသအတွင်း အရေအတွက်အများဆုံးဖြစ်သည်ဟု သတ်မှတ်ထားရကြောင်း ကမ္ဘာ့တောရိုင်းတိရစ္ဆာန် ရန်ပုံငွေအဖွဲ့၏ စာရင်းအရ သိရသည်။

သို့သော်လည်း ၎င်းတို့၏ နေထိုင်ကျက်စားရာ သစ်တောများ ဆုံးရှုံးလာမှု၊ ဆင်စွယ်လိုချင်မှု မြင့်တက်လာခြင်းနှင့်၊ ခရီးသွားလုပ်ငန်းအတွက် တိရစ္ဆာန်များကို ထိုင်းနိုင်ငံသို့ မှောင်ခိုတင်ပို့မှုတို့က ထိုဆင်များ မျိုးတုန်းပျောက်ကွယ်မှု အန္တရာယ်ကို မြင့်တက်လာစေခဲ့သည်။

နိုဝင်ဘာ ရွေးကောက်ပွဲတွင် အများစုအနိုင်ရကာ အစိုးသစ်ကို ဦးဆောင်ရန် ပြင်ဆင်နေသည့် အမျိုးသားဒီမိုကရေစီ အဖွဲ့ချုပ် NLD ကတော့ အာဏာရယူပြီးနောက် မြန်မာနိုင်ငံ၏ သဘာဝပတ်ဝန်းကျင်ဆိုင်ရာ ပြဿနာကို ဖြေရှင်းသွား မည်ဟု ပြောကြားခဲ့သည်။

“ဆယ်စုနှစ်များစွာ ပျက်ဆီးခဲ့တဲ့ မြန်မာနိုင်ငံက သဘာဝပတ်ဝန်းကျင်ကို ကျွန်တော်တို့ ပြန်လည်ထိန်းသိမ်းသွားမှာပါ။ လွယ်တော့မလွယ်ဘူးပေါ့ဗျာ” ဟု NLD ၏ သဘာဝပတ်ဝန်းကျင် ထိန်းသိမ်းကာကွယ်ရေး ကော်မတီမှ ဒုတိယဥက္ကဌဖြစ်သူ ဦးစိုးညွှန့်က ပြောကြားခဲ့သည်။

Ref : AFP

Leave a Reply