2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

ဖေဖော်ဝါရီ ၁၅၊ ၂၀၁၆
M-Media

epl 1

– ဒီတစ်ပတ်ပရီးမီးယားလိဂ်မှာ အာဆင်နယ်က ထိပ်ဆုံးက လက်စတာကို နောက်ဆုံးမိနစ်ဂိုးနဲ့ အနိုင်ရကာ အမှတ်ကွာခြားမှု ကျဉ်းမြောင်းအောင် လုပ်နိုင်ခဲ့ပြီး ဒုတိယနေရာက စပါးကလည်း မန်းစီးတီးကို အနိုင်ယူကာ ချန်ပီယံအိပ်မက်အတွက် ရှေ့တစ်လှမ်း တိုးလာခဲ့ပါတယ်။ လီဗာပူးလ်နဲ့ ချယ်ဆီးတို့ကတော့ ဂိုးမြူးခဲ့ကြပြီး မန်ယူက ရှုံးနိမ့်ခဲ့ပါတယ်။

အီမရိတ်မှာကစားခဲ့တဲ့ အာဆင်နယ်နဲ့ လက်စတာတို့ပွဲဟာ ရင်သပ်ရှုမောခဲ့ရပြီး နောက်ဆုံးမိနစ်ကျမှ အနိုင်ဂိုး ရခဲ့ပေမယ့် ကစားပုံကို ခြုံကြည့်ရင် အာဆင်နယ်တို့ ၃ မှတ်နဲ့ ထိုက်တန်ခဲ့ပါတယ်။ ပထမပိုင်း ပြီးကာနီးမှာ ဗာဒီရဲ့ ပင်နယ်တီဂိုးနဲ့ ဦးဆောင်ခဲ့ပေမယ့် ဒုတိယပိုင်းမှာ တစ်ယောက်အသာရ၊ ကစားကွက်မိပြီး တောက်လျှောက်ဖိကစားတဲ့ အာဆင်နယ်တို့ ဂိုးသွင်းခွင့် အမြောက်အများ ရရှိခဲ့တာဖြစ်ပါတယ်။ ချေပဂိုးကိုတော့ လူစားဝင်လာတဲ့ ဝေါလ်ကော့က မိနစ် ၇၀ မှာ သွင်းယူပေးခဲ့တာပါ။ အနိုင်ဂိုးရှင် ၀ဲလ်ဘတ်ကလည်း အရန်ခုံက ထလာတာဖြစ်ပြီး ဧပြီနောက်ပိုင်းမှာ ပထမဆုံး ပြန်လည်ကစားနိုင်တာဖြစ်ပါတယ်။

epl 2

ပြီးခဲ့တဲ့တစ်ပတ် အီတီဟတ်မှာ လက်စတာကို အရှုံးပေးခဲ့ရတဲ့ မန်စီးတီးတို့ ဒီတစ်ပတ် ဒုတိယနေရာက စပါးနဲ့အတွေ့မှာလည်း တူညီတဲ့ ကံကြမ္မာဆိုးကို ရင်ဆိုင်ခဲ့ရပါတယ်။ စပါးတို့ ၅၃ မိနစ်မှာ ဟယ်ရီကိန်းရဲ့ ပင်နယ်တီနဲ့ ဦးဆောင်ဂိုးရခဲ့ပြီး ၇၄ မိနစ်မှာ အိမ်ရှင်တို့ ချေပဂိုး ပြန်သွင်းနိုင်ခဲ့ပါတယ်။ ဒါပေမယ့် ကစားပုံပိုကောင်းတဲ့ စပါးတို့ ခရစ်ရှန် အဲရစ်ဆန်ရဲ့ ၈၃ မိနစ်ဂိုးနဲ့ အနိုင် ၃ မှတ် ရခဲ့ပါတယ်။ မန်စီးတီးနည်းပြ ပယ်လီဂရီနီကတော့ ၂ ပွဲဆက်အရှုံးဟာ တော်တော်လေးလွန်ပေမယ့် မျှော်လင့်ချက်ကို စွန့်လွှတ်သွားမှာမဟုတ်ဘူးလို့ ပွဲအပြီးမှာ ပြောကြားခဲ့ပါတယ်။

တန်းဆင်းဇုန်ထဲရောက်နေတဲ့ ဆန်းဒါးလန်းကတော့ မန်ယူကို တစ်ခါမှမနိုင်ဖူးတဲ့ မှတ်တမ်းကို အိမ်ကွင်းမှာ ချိုးဖျက်နိုင်ခဲ့ပါတယ်။ ၃ မိနစ်မှာပဲ ၀ါဟ်ဘီ ခါဇ်ရီရဲ့ သွင်းဂိုးနဲ့ ဦးဆောင်ခဲ့တဲ့ အိမ်ရှင်တို့ မန်ယူထက် ကစားပုံပိုကောင်းခဲ့တာပါ။ ၃၉ မိနစ်မှာ မန်ယူလူငယ်ကစားသမား အန်တိုနီ မာရှယ်က ချေပဂိုပြန်သွင်းနိုင်ခဲ့ပါတယ်။ ဒါပေမယ့် ဆန်းဒါးလန်းရဲ့ သွက်သွက်လက်လက်ကစားမှုကို မန်ယူတို့ မယှဉ်နိုင်ခဲ့ဘဲ ၈၂ မိနစ် ဂိုးသမား ဒီဂီယာရဲ့ ကိုယ့်ဂိုးကိုယ်သွင်းမှုကြောင့် အိမ်ရှင်တို့ အနိုင် ၃ မှတ်ရခဲ့ပါတယ်။ ဆန်းဒါးလန်းတိုက်စစ်ရဲ့ အပိုင် ဂိုးသွင်းခွင့် ၂ လုံးကိုသာ ဒီဂီယာ မကာကွယ်နိုင်ရင် ဒီထက်တောင်ပိုပြီး ဂိုးပြတ်သွားနိုင်ပါတယ်။ ဗန်ဂါးလ်ကတော့ အသင်းဟာ အဆင့် ၄ အတွင်းကို မ၀င်တော့ဘူးလို့ ၀န်ခံခဲ့ပါတယ်။

epl 3

လီဗာပူးလ်ကလည်း စတားရစ်ဂ်ျပြန်လာမှုနဲ့အတူ ဇယားအောက်ခြေက အက်စတွန်ဗီလာကို ၆ ဂိုးပြတ်ခဲ့ပြီး ချယ်ဆီးကတော့ တန်းဆင်းဇုန်က နယူးကာဆယ်ကို ၅ ဂိုးပြတ်ခဲ့ပါတယ်။

epl 4ဒီတစ်ပတ်ပရီးမီးယားလိဂ် ရလဒ်တွေကတော့ အောက်ပါအတိုင်းဖြစ်ပါတယ်။

ဆန်းဒါးလန်း ၂-၁ မန်ယူ
ဘုန်းမောက် ၁-၃ စတုတ်
ခရစ္စတယ်ပဲလေ့စ် ၁-၂ ၀က်ဖို့ဒ်
အဲဗာတန် ၀-၁ ၀က်စ်ဘရွန်း
နော်ဝစ်ခ်ျ ၂-၂ ၀က်စ်ဟမ်း
ဆွမ်ဆီး ၀-၁ ဆောက်သက်တမ်
ချယ်ဆီး ၅-၁ နယူးကာဆယ်
အာဆင်နယ် ၂-၁ လက်စတာ
အက်စတွန်ဗီလာ ၀-၆ လီဗာပူးလ်
မန်စီးတီး ၁-၂ စပါး

Tags:

Leave a Reply