2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

M-Media

သတင်း – ဇာဏီ

အမျိုးသားညီညွတ်ရေးကွန်ဂရက်(လျှောက်ထားဆဲ)ပါတီ၏ အထက်ဗမာပြည်အမှုဆောင်(၁၀)ဦးရဲ့ (၃/၂၀၁၂) တွေ့ဆုံခြင်းကို ဇွန်လ (၂)ရက် တနင်္ဂနွေနေ့က မန္တလေးမြို့၌ ပြုလုပ်ခဲ့ကြောင်း သတင်းရရှိပါသည်။

အမျိုးသားညီညွတ်ရေး ကွန်ဂရက်ပါတီသည် ပါတီတည်ထောင်ခွင့်ကို ၂၀၁၂-ခု မေလ (၂၈)ရက်တွင် ပြည်ထောင်စု မြန်မာနိုင်ငံတော်ရွေးကောက်ပွဲ ကော်မရှင် (နေပြည်တော်)သို့ လျှောက်ထားခဲ့သော်လည်း ယခုအချိန်ထိ ပါတီဖွဲ့စည်းခွင့် ပြန်လည်မရရှိသေးကြောင်းသိရသည်။ ယင်း အမျိုးသားညီညွတ်ရေး ကွန်ဂရက်ပါတီအမည်ဖြင့် ပါတီဖွဲ့စည်းခွင့်မလျှောက်ထားမီအလျင် ပသီအမျိုးသားကွန်ဂရက်ပါတီအမည်ဖြင့် ၂၀၁၂-ခု ဖေဖော်ဝါရီလတွင် ရွေးကောက်ပွဲကော်မရှင်သို့ လျှောက်ထားလွှာ မှတ်ပုံတင်အမှတ်(၅၆)ဖြင့် လျှောက်ထားခဲ့သည်။

ယင်းသို့လျှောက်ထားဆဲကာလ ၂၀၁၂-ခု ဧပြီလတွင် ရွေးကောက်ပွဲကော်မရှင်မှ ပသီအမျိုးသား ကွန်ဂရက်ပါတီ တည်ထောင်လိုသူများထံသို့လိပ်မူပြီး ပြန်ကြားစာပို့ခဲ့ကြောင်း၊ ၎င်းပြန်ကြားစာတွင် ယင်း ပါတီ တည်ထောင်လိုသူများနှင့် စပ်လျဉ်း၍ နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၄ နှင့် ပုဒ်မ ၆ ပါ ပြဋ္ဌာန်းချက်များနှင့်အညီ ညီညွတ်ခြင်း ရှိ/မရှိ သက်ဆိုင်ရာ ၀န်ကြီးဌာနများသို့ ပေးပို့စိစစ်စေခဲ့ရာ ပါတီတည်ထောင်လိုသူများအနက် တစ်ဦးမှာ နိုင်ငံသားစိစစ်ရေး ကတ်ပြားနှင့် ယခင်ကိုင်ဆောင်ခဲ့သော အမျိုးသားမှတ်ပုံတင်ပုံစံ(၁)၏အမည်မှာ ကွဲလွဲနေကြောင်း လူဝင်မှုကြီးကြပ်ရေးနှင့်ပြည်သူ့ အင်အား ၀န်ကြီးဌာနမှ ပြန်ကြားလာသဖြင့် ပြန်လည်စိစစ်တင်ပြရန်ဟုပါရှိလာခဲ့ကြောင်း၊ ထို့ကြောင့် ယင်းအမည်ကွဲလွဲသူသည် ဤကိစ္စနှင့်ပတ်သက်၍ ပါတီတည်ထောင်ခွင့်ကြန့်ကြာမည်ကို စိုးရိမ်သဖြင့် ပါတီ တည်ထောင်လိုသူများ၏ အမည်စာရင်းမှ ၎င်း၏အမည်ကိုနှုတ်ထွက်ခွင့်ပြုရန် မေတ္တာရပ်ခံစာနှင့်အတူ လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနသို့ ၁၉၈၈-ခုနှစ် ဖေဖော်ဝါရီလ ရက်စွဲဖြင့် သူ၏ မှတ်ပုံတင်တွင်အမည်ပြောင်းလျှောက်ထားခြင်း၊ ၁၉၈၈-ခုနှစ် အောက်တိုဘာလ ရက်စွဲဖြင့် လူဝင်မှုကြီးကြပ်ရေးနှင့် ပြည်သူ့အင်အား ဦးစီးဌာနမှ အမည်ပြောင်းလဲခြင်း ခွင့်ပြုလိုက်ပြီဖြစ်ကြောင်း စာရွက်စာတမ်းများနှင့်ပူးတွဲ၍  ရွေးကော်ပွဲကော်မရှင်ထံ ၂၀၁၂-ခု ဧပြီလမှာပင် ပါတီတည်ထောင်ခွင့် ထပ်မံလျှောက်ထားခဲ့ကြောင်း သိရသည်။

ယင်းသို့လျှောက်ထား ထားစဉ် ၂၀၁၂-ခု မေလ(၁၀)ရက်တွင် ‘ပါတီ၏အမည်ကို အသစ်ပြန်လည်ရွေးချယ်တင်ပြရန် အကြောင်းကြားခြင်း’ဟူသည့် အကြောင်းအရာဖြင့် ပြည်ထောင်စု ရွေးကောက်ပွဲ ကော်မရှင်(နေပြည်တော်)မှ ပသီဦးမောင်မောင်စိုး၊ ကိုယ်စားလှယ်(ပသီအမျိုးသားကွန်ဂရက် ပါတီတည်ထောင်လိုသူများ)ထံသို့ ပြန်ကြားစာပို့ခဲ့ကြောင်း ယင်းပြန်ကြားစာတွင် “နိုင်ငံတော်မှ အသိအမှတ်ပြုထားသော လူမျိုးစာရင်းတွင် ‘ပသီလူမျိုး’ ပါဝင်ခြင်းမရှိသဖြင့် ပသီအမျိုးသားကွန်ဂရက် ပါတီအမည်သည် နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၈(က)နှင့် နိုင်ငံရေးပါတီများမှတ်ပုံတင်ခြင်းနည်းဥပဒေ ၁၄(က)တို့ရ ပြဋ္ဌာန်းချက်နှင့် သွယ်ဝိုက်ငြိစွန်းသည့် သဘောသက်ရောက်နေသဖြင့် ပါတီ တည်ထောင်လိုသူများအနေဖြင့် တည်ထောင်လိုသောပါတီ၏အမည်သစ်ကို ပြန်လည်ရွေးချယ်၍ ၃၁.၅.၂၀၁၂ ရက်နေ့ (ကြာသပတေးနေ့)အရောက် ပြည်ထောင်စု ရွေးကောက်ပွဲကော်မရှင်သို့ ပုံစံ(က)ဖြင့် တရားဝင်ပြန်လည်တင်ပြ လျှောက်ထားရန်နှင့် သတ်မှတ်ရက်ထက် ကျော်လွန်ပါက တင်ပြထားသော ပါတီတည်ထောင်ခွင့် လျှောက်ထားခြင်းအား ပုဒ်မ ၄(ခ)အရ ငြင်းပယ်မည်ဖြစ်ကြောင်း” ပြန်ကြားလာခဲ့သည်။

ထို့ကြောင့် ‘ပသီအမျိုးသားကွန်ဂရက်ပါတီ’ တည်ထောင်လိုသူ အမှုဆောင်များ ညှိနှိုင်းဆုံးဖြတ်ပြီး ၂၀၁၂-ခုနှစ် မေလ(၂၈)ရက်နေ့တွင် ‘အမျိုးသားညီညွတ်ရေး ကွန်ဂရက်ပါတီ’အမည်သစ်ဖြင့် ပါတီတည်ထောင်ခွင့်ကို မှတ်ပုံတင်အမှတ်စဉ်(၆၄)ဖြင့် ကော်မရှင်ရုံးသို့ လျှောက်ထားခဲ့သော်လည်း ယနေ့အချိန်ထိ ပါတီတည်ထောင်ခွင့်ပြန်လည် မရရှိသေးကြောင်းသိရသည်။

ယင်းကိစ္စနှင့်ပတ်သက်ပြီး ပါတီတည်ထောင်လိုသူများထဲမှ တစ်ဦးက “ပထမအကြိမ် ပသီအမျိုးသား ကွန်ဂရက်ပါတီ”တည်ထောင်ခွင့်စလျှောက်ပြီး တည်ထောင်ခွင့် လျှောက်ထားသူများထဲမှ တစ်ယောက် နာမည်က နိုင်ငံသားစိစစ်ရေးကတ်ပြားနဲ့ အမျိုးသားမှတ်ပုံတင်ပုံစံ(၁) နာမည်ကွဲလွဲချက်ကလည်း ဟိုးအရင်ကတည်းက လူဝင်မှုကြီးကြပ်ရေးက တရားဝင် ပြောင်းလဲခွင့်ပြုထားပြီးသားဖြစ်တယ်။ ဒါပေမယ့် အဲဒီကိစ္စရပ်ကြောင့် ပါတီ တည်ထောင်ခွင့်ကြန့်ကြာနေမှာစိုးလို့ သူက နှုတ်ထွက်ပြီး ပြန်တင်လိုက်တယ်။ အဲဒါလည်း တည်ထောင်ခွင့်ချမပေးသေးပဲ နောက်တော့ နိုင်ငံရေးပါတီများ မှတ်ပုံတင်ခြင်းဥပဒေ ပုဒ်မ ၈(က)နှင့် နိုင်ငံရေးပါတီများ မှတ်ပုံတင်ခြင်း နည်းဥပဒေ ၁၄(က)တွေနဲ့ ငြိစွန်းတယ်ဆိုပြီး အကြောင်းပြန်လာတယ်။ ဒါပေမယ့် အဲဒီ ဥပဒေပုဒ်မက ပါတီအမည်၊ အလံနဲ့ တံဆိပ်တွေက ဘာသာ သာသနာနဲ့ ဆက်သွယ်တာ ဒါမှမဟုတ် ပြည်ထောင်စုမပြိုကွဲရေး၊ တိုင်းရင်းသားစည်းလုံးညီညွတ်မှုမပြိုကွဲရေးနှင့် အချုပ်အခြာအာဏာ တည်တံ့ခိုင်မြဲရေးတို့ကို ထိခိုက်စေတဲ့ အမှတ်အသားမဖြစ်စေရဆိုတာပါ။

အဲဒီပုဒ်မနဲ့ ငြိစွန်းတယ်လို့ပြောရအောင် ပထမအကြိမ် ကျွန်တော်တို့စတင်တဲ့ ပါတီတည်ထောင်ခွင့်လျှောက်လွှာနဲ့အတူ အလံတွေ၊ တံဆိပ်တွေကို ပူးတွဲပြီး တင်ပြတာမျိုး မရှိခဲ့သေးပါဘူး။ အဲလို ဘာမှ မတင်သေးတာကို အဲဒီပုဒ်မတွေနဲ့ ငြိစွန်းလို့ ပြန်လည်လျှောက်ထားရမယ်လို့ပြောတယ်။ ပါတီတည်ထောင်ခွင့်မပေးချင်လို့ တမင်သက်သက် လုပ်နေမှန်း ကျွန်တော်တို့သိပါတယ်။ ဒါကြောင့်ပဲ သူတို့ပြန်ကြားစာအရ နောက်ထပ် အမည်သစ်ပြောင်းပြီး လျှောက်ထား တာလည်း အခုထိ ပါတီတည်ထောင်ခွင်ပြုကြောင်း ပြန်မလာသေးပါဘူး”ဟု ပြောကြားခဲ့သည်။

“ကျွန်တော်တို့က ဘာသာရေး အစွဲပြုပါတီမဟုတ်ပါဘူး။ အမျိုးသားနိုင်ငံရေးပါတီပါ။ SB, စသုံးလုံး၊ စအဖ ကလူတွေကလည်း ပါတီတည်ထောင်ခွင့် လျှောက်ထားသူ(၂၁)ဦးလုံးကို အိမ်တိုင်ရာရောက် လာရောက် စုံစမ်းမေးမြန်းသွားတာ ပသီအမျိုးသား ကွန်ဂရက်အမည်နဲ့ တည်ထောင် ခွင့်လျှောက်ထားကတည်းကပါ။ အခုလည်း အမျိုးသားညီညွတ်ရေး ကွန်ဂရက်ပါတီတည်ထောင်ခွင့် လျှောက်ထားတာလည်းကြာပါပြီ။ ပါတီနာမည်ပြောင်းလဲ လျှောက်ထားကိုလည်း လူဝင်မှုကြီးကြပ်ရေးနဲ့ ပြည်သူ့အင်အားဦးစီးဌာနရဲ့ စိစစ်သုံးသပ်နေခြင်းကြောင့် ကြန့်ကြာနေတာဖြစ်တယ်လို့ သိရတယ်။ ပါတီတည်ထောင်ခွင့်ပြန်ချ မပေးတာကြောင့် အကြောင်းကိစ္စကို သိချင်လို့ ကျွန်တော်တို့ ခဏခဏ ဖုန်းဆက်မေးပါတယ်။ ဒါပေမယ့် လူကြီးတွေ အစည်းအဝေးသွားနေတယ်ဆိုပြီး အကျိုးအကြောင်းပြန်ကြားချက် မသိခဲ့ရဘူး။ အခုထိလည်း ဘာအကြောင်းပြန်ကြားချက်မှ မသိရဘူး။ ဒါဟာ ကျွန်တော်တို့ကို ပါတီတည်ထောင်ခွင့် မပေးချင်လို့ တမင်လုပ်နေတာပါ။ ဒါကြောင့် နိုင်ငံတော်သမ္မတကြီးထံ အကျိုးအကြောင်းတင်ပြပြီး အကူအညီတောင်းခံပါမယ်၊ နောက်ပြီး တရားဥပဒေစိုးမိုးရေးနှင့် တည်ငြိမ်အေးချမ်းရေး ကော်မရှင်အဖွဲ့ထံလည်း အကျိုးအကြောင်းနဲ့ဖြစ်ရပ်မှန်တွေကို တင်ပြပြီး ပါတီလျှောက်ထားမှုကို ကူညီဆောင်ရွက်ပေးဖို့ တင်ပြအကူအညီတောင်းခံမယ်လို့ အမှုဆောင်တွေရဲ့ ဒီနေ့တွေ့ဆုံခြင်းမှာ ဆုံးဖြတ်ချက်ချပြီး ဆက်လက်ဆောင်ရွက်သွားမှာပါ” ဟူ၍ ပါတီတည်ထောင်လိုသူများကိုယ်စား ပသီဦးမောင်မောင်စိုးမှ M-Media သို့ ပြောကြားခဲ့ပါသည်။

Tags: ,

Leave a Reply