2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၄၊ ၂၀၁၆
M-Media

pen

– အမေရိကန်နဲ့ ကမ္ဘာကြီးဟာ အကြမ်းဖက်သမားတွေရဲ့ ခြိမ်းခြောက်မှုကို ခံနေရပါတယ်လို့ အထင်ရောက်အောင် ပြုလုပ်တဲ့ အမေရိကန်ရဲ့ လျှို့ဝှက်ဝါဒဖြန့်ချီမှု အစီအစဉ်အတွင်း အီရတ်မှာ အကြမ်းဖက်သမားတွေရဲ့ ဗီဒီယိုအတုတွေ ဖန်တီးဖို့အတွက် အမေရိကန်စစ်ဌာနချုပ် ပင်တဂွန်ဟာ ယူကေ လော်ဘီလုပ်ငန်းတစ်ခုကို ဒေါ်လာ သန်း ၅၀၀ ကျာ် ပေးချေခဲ့တယ်လို့ ဗြိတိန်အခြေစိုက် အကျိုးအမြတ်မယူတဲ့ အဖွဲ့အစည်း The Bureau of Investigative Journalism (TBIJ) က ဖော်ထုတ်လိုက်ပါတယ်။

Bell Pottinger လို့ခေါ်တဲ့ အဲဒီ လော်ဘီအဖွဲ့ရဲ့ ဖောက်သည်တွေထဲမှာ ဆ်ာဒီအစိုးရနဲ့ ချီလီအာဏာရှင် အော်ဂတ်စ်တို ပီနိုချက်ရဲ့ ဖောင်ဒေးရှင်းတို့လည်း ပါဝင်တယ်လို့ သတင်းတွေ ထွက်ပေါ်ခဲ့ပြီး အမေရိကန်စစ်တပ်က သူတို့ရဲ့ လျှို့ဝှက် စစ်ဆင်ရေးအတွက် ၀ါဒဖြန့်အစီအစဉ်ဖန်တီးဖို့ ဒီလုပ်ငန်းနဲ့ ပတ်သက်ခဲ့တာဖြစ်ပါတယ်။

ဒီ လော်ဘီလုပ်နင်းရဲ့ တာဝန်ကတော့ အလ်ကိုင်းဒါးအဖွဲ့ကို မကောင်းတဲ့အမြင်နဲ့ ကမ္ဘာ့ပြည်သူလူထုက ရှုမြင်လာအောင် ပုံဖော်ဖို့၊ ဒီအဖွဲ့ကို အားပေးထောက်ခံသူတွေလို့ သံသယရှိသူတွေကို ခြေရာခံဖို့ဆိုတဲ့ တာဝန်နဲ့အတူ ဒီဝါဒဖြန့်မှု စီမံကိန်းနဲ့ပတ်သက်လို့ စီအိုင်အေ၊ အမေရိကန် အမျိုးသားလုံခြုံရေးကောင်စီ (NSC) နဲ့ ပင်တဂွန်တို့ကို အစီရင်ခံရတာဖြစ်ပါတယ်။

ဒီအေဂျင်စီက ထုတ်လုပ်ပေးတဲ့ အကြောင်းအရာတွေကို ၂၀၀၆ ခုနှစ်ကနေ ၂၀၀၈ ခုနှစ်အတွင်း အီရတ်မှာ အမေရိကန် ကြပ်တပ်ရဲ့ တပ်မှူးအဖြစ် ဆောင်ရွက်ခဲ့တဲ့ ဗိုလ်ချုပ် ဒေးဗစ် ပီထရီယက်စ်နဲ့ အိမ်ဖြူတော်တို့က နောက်ဆုံး စစ်ဆေးရတာ ဖြစ်ပါတယ်။

ပင်တဂွန် ကျောထောက်နောက်ခံပြုထားတဲ့ ဒီဝါဒဖြန့်မှု အစီအစဉ်ကို Bell Pottinger က အမေရိကန် အီရတ်ကို ကျူးကျော်တိုက်ခိုက်ပြီးပြီးချင်းမှာ စတင်ခဲ့တာဖြစ်ပြီး ပထမပိုင်းမှာ အီရတ်နိုင်ငံရဲ့ အုပ်ချုပ်မှုယန္တရားကို ဒီမိုကရေစီနည်းကျ ရွေးကောက်တင်မြှောက်နိုင်ရေး လှုံ့ဆော်ဖို့ဖြစ်ကာ နောက်ပိုင်းမှာတော့ အတွေးအခေါ်ရိုက်သွင်းဖို့နဲ့ သတင်းအချက်အလက် စစ်ဆင်ရေးတွေအထိ ခြေဆန့်ခဲ့ပါတယ်။

Bell Pottinger က ၀န်ထမ်းဟောင်းဖြစ်တဲ့ မာတင်ဝဲလ်က TBIJ ကို ပြောကြားရာ ဒီလော်ဘီအဖွဲ့မှာ ဗီဒီယိုအယ်ဒီတာအဖြစ် အလုပ်ခန့်အပ်ခံရပြီးတဲ့နောက်ပိုင်း ၄၈ နာရီအတွင်းမှာပဲ ဘဂ္ဂဒတ်ကို သွားခဲ့ရပြီး နိုင်ငံခြားတပ်ဖွဲ့တွေရဲ့ ဌာနချုပ်ဖြစ်တဲ့ Camp Victory မှာ လျှို့ဝှက် ‘စိတ်ဓာတ် စစ်ဆင်ရေး’ တွေအတွက် ဗီဒီယိုအက်ဒစ် လုပ်ခဲ့ရတယ်လို့ ဆိုပါတယ်။

ဒီလော်ဘီအဖွဲ့ဟာ အလ်ကိုင်းဒါးအဖွဲ့ကို မကောင်းမြင်လာစေတဲ့ တီဗီကြေငြာတွေကို ဖန်တီးသလို၊ ဒီအကြောင်းအရာတွေကိုလည်း အရှေ့အလယ်ပိုင်းက ရုပ်သံတွေ၊ ဒါမှမဟုတ် အကြမ်းဖက်အဖွဲ့တွေကို ထောက်ခံအားပေးတဲ့ ရုပ်သံတွေ၊ ၀ဘ်ဆိုက်တွေကနေ ပေါ်ထွက်လာအောင်လည်း ဖြန့်ဝေပေးတာ ဖြစ်ပါတယ်။

နောက်ပြီး ဗုံးကြဲမှုတွေကို အရည်အသွေး ခပ်ညံ့ညံ့ပုံးစံမျိုးနဲ့ ရိုက်လာဖို့ အဖွဲ့ဝင်တွေကို စေလွှတ်ပြီး နောက်ပိုင်းမှာတော့ အာရဘီဘာသာစကားပြော အကြမ်းဖက်သမားတွေပါတဲ့ သတင်းပုံစံမျိုးဖြစ်အောင် ဖန်တီးကာ သတင်းမီဒီယာတွေကို ပေးပို့တာကလည်း Bell Pottinger ရဲ့ လက်ချက်ပဲဖြစ်တယ်လို့ မာတင်ဝဲလ်က ဆိုပါတယ်။

သူအလုပ်လုပ်ရတဲ့ အဆောက်အဦးနဲ့ပတ်သက်ပြီး မာတင်ဝဲလ်က “အင်မတန်လုံခြုံတဲ့အဆောက်ဦးပါ။ အပြင်မှာ ‘ကန့်သတ်ဧရိယာဖြစ်သည်။ မ၀င်ရ။ စစ်ဆေးခံမှု မပြုရသေးလျှင် မ၀င်ရ’ ဆိုတဲ့ ဆိုင်းဘုတ်ကို ချိတ်ထားပါတယ်” လို ပြောကြားခဲ့ပါတယ်။

မာတင်ဝဲလ် အလုပ်လုပ်ပေးရတဲ့ အပိုင်းက ၃ ပိုင်းရှိပြီး တစ်ပိုင်းက အလ်ကိုင်းဒါးကို မကောင်းမြင်လာစေတဲ့ ကြော်ငြာဗီဒီယိုတွေ ဖန်တီးတာဖြစ်ကာ၊ နောက်တစ်ခုကတော့ အာရဘီ ဘာသာစကားနဲ့ ထုတ်လွှင့်တဲ့ TV တွေက ဖန်တီးထားတဲ့ သတင်းပုံစံမျိုး အကြမ်းဖက်သမားတွေရဲ့ သတင်းတွေ ဖန်တီးရတာဖြစ်ပါတယ်။

မာတင်ဝဲလ် အဓိကထား ဆောင်ရွက်ရတဲ့ တာဝန်တွေထဲက နောက်တစ်ခုကတော့ အလျှို့ဝှက်ဆုံး ဗီဒီယိုတွေကို ထုတ်လုပ်ရတာဖြစ်ပါတယ်။ အလ်ကိုင်းဒါးအဖွဲ့က ထုတ်တဲ့ ၀ါဒဖြန့်ဗီဒီယိုတွေလို ဗီဒီယိုမျိုး ဖန်တီးထုတ်လုပ်ရာမှာ မာတင်ဝဲလ်က ကြီးကျပ်ရတာဖြစ်ပြီး ဒီအတွက် အမေရိကန်စစ်တပ်က ဒီဗီဒီယိုတွေ ဘယ်လို ဖန်တီးရမယ်ဆိုတာနဲ့ ပတ်သက်ပြီး အသေးစိတ် ညွှန်ကြားတာဖြစ်ပါတယ်။

“ဒီလိုပုံစံမျိုး ဗီဒီယိုတွေကို ကျွန်တော်တို့ ဖန်တီးဖို့လိုတယ်။ အလ်ကိုင်းဒါရဲ့ ဗီဒီယိုအဖြစ် အသုံးချမယ်။ ၁၀ မိနစ်ကြာရမယ်။ ဒီလို file format ရှိရမယ်။ ဒီလိုပုံစံနဲ့ encode လုပ်ရမယ် (ဒါမျိုးပြောတာပါ)” လို့ ၀ဲလ်က TBIJ ကို အမေရိကန်စစ်တပ်ရဲ့ ညွှန်ကြားမှုနဲ့ ပတ်သက်ပြီး ပြန်ပြောင်း ပြောကြားခဲ့ပါတယ်။

အမေရိကန် မရိန်းတပ်ဖွဲ့တွေ အီရတ်တစ်ခွင် ပတ္တယောင်လှည့်ရမှာတော့ ဒီဗီဒီယိုတွေပါဝင်တဲ့ DVD အခွေတွေကို သူတို့ ၀င်ရောက်စီးနင်းတဲ့ အိမ်တွေမှာ ထားရှိကာ ထောင်ချောက်ဆင်ကြတာဖြစ်တယ်လို့လည်း ၀ဲလ်က ပြောကြားခဲ့ပါတယ်။ အဲဒီ စီးနင်းတဲ့ နေရာတစ်ခုချင်းစီတိုင်းမှာ ထားရှိတဲ့ DVD တိုင်းမှာ ဂူးဂဲလ်ရဲ့ Analytics code တစ်ခုစီပါဝင်ပြီး ဖွင့်ကြည့်တဲ့နေရာစာရင်းတွေက ပင်တဂွန်မှာ သွားပေါ်တာ ဖြစ်ပါတယ်။

“သူတို့ အိမ်တစ်လုံးကို ၀င်စီးရင် ဟိုဟာဒီဟာရှာသလို ရှုပ်မယ်၊ ဖွမယ်။ နောက်ပြီးရင် DVD တစ်ချပ်ကို ပစ်ချလိုက်မယ်” လို့ ၀ဲလ်က ပြောကြားခဲ့ပါတယ်။

ပင်တဂွန်ကလည်း သူတို့နဲ့ Bell Pottinger တို့ရဲ့ ဆက်နွယ်မှုကို အတည်ပြုခဲ့ပြီး ‘သတင်းအချက်အလက်စစ်ဆင်ရေးလုပ်ငန်းအဖွဲ့’ (Information Operations Task Force) ဆိုတဲ့ခေါင်းစဉ်အောက်မှာ လျှို့ဝှက် ပူးပေါင်းဆောင်ရွက်ခဲ့တယ်လို့ ဆိုပါတယ်။ အမေရိကန် ကာကွယ်ရေးဌာန (DoD) က တာဝန်ရှိသူတစ်ဦးကတော့ Bell Pottinger ရဲ့ လုပ်ငန်းဟာ ‘စိတ်ဓာတ်စစ်ဆင်ရေး ပူးပေါင်းဆောင်ရွက်မှုအဖွဲ့’ (Joint Psychological Operations Task Force) က အသုံးပြုခဲ့တာလို့ ပြောကြားခဲ့ပါတယ်။

IBIJ ရဲ့ စုံစမ်းဖော်ထုတ်မှုအရ ၂၀၀၇ ခုနှစ် မေလကနေ ၂၀၁၁ ခုနှစ် ဒီဇင်ဘာလတွင်းမှာ သတင်းအချက်အလက် စစ်ဆင်ရေးနဲ့ စိတ်ဓာတ်စစ်ဆင်ရေးတို့ ဆောင်ရွက်ဖို့အတွက် DoD နဲ့ Bell Pottinger တို့အကြား ကန်ဒေါ်လာ သန်း ၅၄၀ အပေးအယူရှိခဲ့ပြီး ဒီပမာဏဟာ တစ်နှစ်ကို သန်း ၁၂၀ လောက် ရှိနေပါတယ်။

ဒါပေမယ့် အမည်မဖော်လိုတဲ့ ပင်တဂွန် တာဝန်ရှိသူတစ်ဦးကတော့ Bell Pottinger ရဲ့ ဆောင်ရွက်ပေးရတဲ့ အလုပ်နဲ့ ပတ်သက်ပြီး အသေးစိတ်ကို ထုတ်ပြန်မှာမဟုတ်ဘူးလို့ ဆိုပါတယ်။

“အရင်ကလုပ်ဆောင်ခဲ့တဲ့၊ အခုလုပ်ဆောင်နေတဲ့ စစ်ဆင်ရေးတွေအတွက် ထောက်လှမ်းရေးသတင်း စုဆောင်းမှုတွေနဲ့ ပတ်သက်ပြီး ကျွန်တော်တို့ ဆွေးနွေးမှာ မဟုတ်ပါဘူး” လို့ ပြောကြားခဲ့ပါတယ်။

Ref: RT,usuncut

Tags: , ,

Leave a Reply