5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

အောက်တိုဘာ ၁၂ ၊ ၂၀၁၆
.

A Rohingya boy and a man walk along the fence separating Myanmar and Bangladesh as they return from a fish market in Maungdaw town in northern Rakhine State November 11, 2014.  REUTERS/Minzayar

A Rohingya boy and a man walk along the fence separating Myanmar and Bangladesh as they return from a fish market in Maungdaw town in northern Rakhine State November 11, 2014. REUTERS/Minzayar

ရခိုင်ပြည်နယ် မောင်တော ခရိုင်အတွင်း နယ်ခြားစောင့် ရဲ တပ်ဖွဲ့ စခန်းများအား အကြမ်းဖက် တိုက်ခိုက်သည့် လုပ်ရပ်သည် နိုင်ငံ တည်ငြိမ် အေးချမ်းရေးကို ပျက်ပြားစေသော လုပ်ရပ်ဖြစ်သည့်အတွက် ရှုတ်ချကြောင်း ပြည်တွင်း မွတ်စလင် အဖွဲ့အစည်းများက ပြောသည်။
.
မြန်မာနိုင်ငံသား မွတ်စလင် ရှေ့နေများ အသင်း ဥက္ကဋ္ဌ ဦးကျော်ငြိမ်းက “နယ်စပ်စည်းနေရာက နိုင်ငံရဲ့ လုံခြုံရေးပဲ၊ ဒီလိုနေရာကို အကြမ်းဖက်တိုက်ခိုက်တာ လုံးဝလက်ခံနိုင်စရာ မရှိဘူး၊ ဥပဒေနဲ့အညီ တင်ပြခွင့်၊ ဆွေးနွေးခွင့်အတွက် ကော်မရှင်တရပ် ကမ္ဘာသိဖွဲ့ထားပြီပဲ”ဟု ဧရာဝတီသို့ ပြောသည်။
.
အကြမ်းဖက် တိုက်ခိုက်သူများအနေဖြင့် အောက်တိုဘာ ၉ ရက် နံနက် ၁ နာရီခန့်က မောင်တောမြို့နယ် ကျီးကန်းပြင် အမှတ် ၁ နယ်ခြားစောင့်ရဲ ကွပ်ကဲမှု ဗဟိုဌာနချုပ်နှင့် ငါးခူရ ရဲစခန်းတို့အပြင် ရသေ့တောင် မြို့နယ် ကိုးတန်ကောက် ရဲစခန်းတို့ကို တပြိုင်နက် ဝင်ရောက် တိုက်ခိုက်ခဲ့ကြခြင်း ဖြစ်သည်။
.
ယင်းတိုက်ခိုက်မှုအတွင်း နယ်ခြားစောင့်တပ်ဖွဲ့ဝင် ၉ ဦး ကျဆုံးခဲ့ရပြီး အကြမ်းဖက် တိုက်ခိုက်သူများ ဘက်မှ ပါဝင်သူ တချို့ကိုလည်း အသေဖမ်းဆီးရမိခဲ့သည်။
.
နိုင်ငံသား မွတ်စလင် အရပ်ဘက် အဖွဲ့အစည်း ၈ ဖွဲ့က ထိုအကြမ်းဖက် တိုက်ခိုက်မှုအပေါ် ကန့်ကွက် ရှုတ်ချကြောင်း အောက်တိုဘာ ၁၂ ရက်တွင် ကြေညာချက် ထုတ်ပြန်ခဲ့ပြီး မလိုလားအပ်သည့် နောက်ဆက်တွဲ ပဋိပက္ခများ ဖြစ်ပေါ်လာမည်ကိုလည်း စိုးရိမ်ကြောင်း ပြောဆိုထားသည်။
.
လူမှုမဟာမိတ် အဖွဲ့(Social Alliance) ဦးဆောင်သူ မဒါလီမြင့်က “ဘာသာတူတာ၊ မတူတာနဲ့ မဆိုင်ဘဲ နိုင်ငံ တည်ငြိမ် အေးချမ်းရေး ပျက်ပြားစေတဲ့ အကြမ်းဖက် လုပ်ရပ်မှန်သမျှကို ကန့်ကွက် ရှုတ်ချတာဖြစ်တယ်၊ ခေါင်းဆောင်တွေ အနေနဲ့ အေးအေးချမ်းချမ်းနဲ့ ဥပဒေအရ ဖြေရှင်းကြဖို့ တိုက်တွန်းပါတယ်”ဟု ပြောသည်။
.
လက်ရှိအချိန်ထိ မောင်တောမြို့နယ်အတွင်း ကျေးရွာများအနီးတွင် လုံးခြုံရေး တပ်ဖွဲ့များနှင့် အကြမ်းဖက် တိုက် ခိုက်သူများကြား အပြန်အလှန် တိုက်ပွဲတချို့ ဆက်လက်ဖြစ်ပွားနေပြီး အကြမ်းဖက်လုပ်ရပ်အား မည်သည့် အဖွဲ့ အစည်းက ပြုလုပ်သည်ကို အစိုးရက ထုတ်ပြန်မှု မရှိသေးပေ။
.
ယနေ့ ထုတ် အစိုးရ သတင်းစာများတွင် အောက်တိုဘာ ၁၁ ရက်တွင် တပ်မတော်က ရခိုင်ပြည်နယ် မောင်တော မြို့နယ် အတွင်း အကြမ်းဖက် တိ်ုက်ခိုက်သူများထံမှ အလောင်း ၁ လောင်း၊ သေနတ် ၁ လက် ကျည်အိမ် ၂ ခု သိမ်းဆည်းရမိကြောင်း၊ တပ်မတော်မှ သေနတ် ၂ လက် ပျောက်ဆုံး၍ စစ်သည် ၁ ဦး ဒဏ်ရာ ရရှိပြီး စစ်သည် ၄ ဦး ကျဆုံးသွားကြောင်း ဖော်ပြထားသည်။
.
ထို့အပြင် အောက်တိုဘာ ၁၀ ရက်နံနက်ပိုင်းက တောင်ပိုင်ညာ ကျေးရွာကို တပ်မတော်က ဝင်ရောက် ရှင်းလင်း ရာ ရွာသား ၈ ဦးခန့်က တုတ်၊ ဓားများဖြင့် ရုတ်တရက် ဝင်ရောက်တိုက်မှုကြောင့် ပြန်လည် တုံ့ပြန်ရာမှ တိုက် ခိုက် သူ အလောင်း ၇ လောင်းနှင့် တုတ်၊ ဓားများကို သိမ်းဆည်းရမိကြောင်းလည်း သတင်းစာတွင် ပါရှိသည်။
.
အောက်တိုဘာ ၉ ရက်က ညပိုင်းတွင်လည်း ငါးခူရ ကျေးရွာ ဖြစ်စဉ်တွင် ပါဝင်ခဲ့သည့် အန်ဒရာမူလာကိန်း နှင့် မော်လဝီဖော်ဒီတာလောင် ဆိုသူ ၂ ဦးကို ဖမ်းဆီးမိကြောင်း၊ ကျီးကန်းပြင် စခန်း ဌာနချုပ် လက်နက်တိုက်များ ဖောက်ထွင်းမှုတွင် အဓိက ပါဝင်သူ ၂ ဦး ဖြစ်သော အစ္စမာန် နှင့် ကျေးရွာ တာဝန်ခံ အဘူကာလာမ် ဆိုသူ ၂ ဦး ကိုလည်း အောက်တိုဘာ ၁၁ ရက်နံနက် ၅ နာရီခန့်က ဖမ်းဆီး ရမိကြောင်းလည်း အစိုးရ သတင်းစာများက ဖော်ပြသည်။
.
ရခိုင်ပြည်နယ် အရေးနှင့် ပတ်သက်ပြီး ငြိမ်းချမ်းရေး နိုဗဲလ်ဆုရှင် ဒေါက်တာ ကိုဖီအာနန် ဦးဆောင်သည့် ရခိုင် ပြည်နယ် အထူးစုံစမ်းရေး ကော်မရှင် အဖွဲ့ဝင် ဟာဂျီဦးအးလွင်က ကော်မရှင်အနေဖြင့် လက်ရှိ အကြမ်းဖက် တိုက်ခိုက်မှုများအပေါ် သုံးသပ်ပြောဆို၍ မရသေးသော်လည်း ၎င်းတဦးတည်းအနေဖြင့် နိုင်ငံ၏ အချုပ်အခြာ အာဏာ ထိခိုက်လာမှုကို လက်မခံ နိုင်ကြောင်း ပြောသည်။
.
ဟာဂျီဦးအေးလွင်က “အကြမ်းဖက်မှုကို ဘယ်လိုနည်းနဲ့မှ လက်မခံဘူး၊ ထိထိရောက်ရောက် အရေးယူဖို့ လို အပ်ပါတယ်၊ အဲ့ဒီ နေရာမှာ အကြမ်းဖက်မှုမှာ မပါတဲ့သူတွေ ထိခိုက်နစ်နာမှုမရှိအောင် သတိကြီးစွာထားဖို့ လိုပါတယ်”ဟုလည်း ပြောဆိုသည်။
.
ကော်မရှင်အနေဖြင့်လည်း ဖြစ်ရပ်များကို စောင့်ကြည့်နေပြီး မကြာမီ အစည်းအဝေးများပြုလုပ်၍ တိုက်ခိုက်မှု ဖြစ်ရပ်များ အပေါ် သဘောထား ထုတ်ပြန်နိုင်မည် ဖြစ်ကြောင်း သိရသည်။
.
ဧရာဝတီမှ ကူးယူဖော်ပြပါသည်။

မောင်တော တိုက်ခိုက်မှု ပြည်တွင်း မွတ်စလင်အဖွဲ့အစည်းများ ရှုတ်ချ

Leave a Reply