ခြစားမှု၊ ငွေကြေးခ၀ါချမှုကို တိုက်ဖျက်ရန် ၅၀၀ တန်နှင့် ၁၀၀၀ တန်များကို တရားမ၀င်ကြောင်း အိန္ဒိယ ကြေငြာ

နိုဝင်ဘာ ၉၊ ၂၀၁
M-Media

တရားမ၀င်ကြောင်းကြေငြာခဲ့သည့် ၁၀၀၀ တန်နှင့် ၅၀၀ တန် ရူပီး

– လက်ရှိအသုံးပြုနေသည့် ရူပီး ၅၀၀ တန်နှင့် ၁၀၀၀ တန်များမှာ နိုဝင်ဘာ ၈ ရက်နေ့ သန်းခေါင်ယံအချိန်မှစ၍ တရားမ၀င်တော့ဟု အိန္ဒိယ၀န်ကြီးချုပ် နရန်ဒရာမိုဒီက ကြေငြာလိုက်သည်။

ယမန်နေ့က ရုပ်သံမှတစ်ဆင့် တိုင်းပြည်သို့ပြောကြားသည့်မိန့်ခွန်းတွင် မိုဒီက ထိုကဲ့သို့ ကြေငြာခဲ့ခြင်းဖြစ်ပြီး ထိုငွေများအစား ရူပီး ၂၀၀၀ တန်နှင့် ၅၀၀ တန်အသစ်တို့ကို ပြန်လည်ထုတ်ဝေသွားမည်ဟုဆိုသည်။

ထိုမိန့်ခွန်းတွင် မိုဒီက မိမိတို့နိုင်ငံမှာ စီးပွားရေး အလျင်အမြန်တိုးတက်နေသည့်နိုင်ငံ ဖြစ်သော်လည်း ခြစားမှုတွင် ကမ္ဘာ့ထိပ်ဆုံး၌ ရှိနေကြောင်း၊ ငွေမဲများနှင့် ခြစားမှုမှာ တိုင်းပြည်တွင် အမြစ်တွယ်နေပြီး ဆင်းရဲမွဲတွေမှုလျှော့ချရန်အတွက် အကြီးမားဆုံး အဟန့်အတားများဖြစ်နေကြာင်း၊ အိန္ဒိယ၏ သာမန်နိုင်ငံသားများမှာ ရိုးသားစွာနေကြသော်လည်း ငွေမည်းနှင့် ခြစားမှုများက အတွင်းတွင် လှိုက်စားနေကြောင်း မိုဒီက ထည့်သွင်းပြောကြားခဲ့သည်။

ပြည်သူများအနေဖြင့် တရားမ၀င်ကြောင်း ကြေငြာထားသည့် ၅၀၀ တန်နှင့် ၁၀၀၀ တန်များကို စာတိုက်များ၊ ဘဏ်များတွင် ရက် ၅၀ အတွင်း သွားရောက်လဲလှယ်နိုင်မည်ဖြစ်ပြီး ထိုရက်အတွင်း မလဲနိုင်ပါက ဗဟိုဘဏ်တွင် ၂၀၁၇ ခုနှစ် မတ်လ ၃၁ ရက်နေ့အထိ လဲလှယ်နိုင်မည်ဖြစ်သည်။

အသစ်ထုတ်ဝေမည့် ၅၀၀ တန်နှင့်၊ ၂၀၀၀ တန် ရူပီး

နိုင်ငံတစ်ဝှမ်းမှ အေတီအမ်စက် အများအပြားကို နိုဝင်ဘာ ၉ ရက်နှင့် ၁၀ ရက်နေ့တို့တွင် ပိတ်ထားမည်ဖြစ်ပြီး၊ အစိုးရ ဆေးရုံများ၊ အစိုးရက ဖွင့်လှစ်ထားသည့် စတိုးဆိုင်များ၊ သယ်ယူပို့ဆောင်ရေး လက်မှတ်ကောင်တာများတွင်မူ အဆိုပါ ငွေကြေးများကို နိုဝင်ဘာ ၁၁ ရက်နေ့ ည သန်းခေါင်ယံအချိန်အထိ သုံးစွဲနိုင်မည်ဖြစ်သည်။

ထို့ပြင် ဘဏ်လုပ်ငန်းများအားလုံးကို နိုဝင်ဘာ ၉ ရက်နေ့တွင် ရပ်ဆိုင်းထားမည်ဖြစ်သည်။

မိုဒီကမူ မိမိတို့အနေဖြင့် ထိုကဲ့သို့ ဆောင်ရွက်ခြင်းမှာ ဆင်းရဲသားလူတန်းစားအတွက် ရည်ရွယ်ခြင်းဖြစ်ပြီး ပြီးခဲ့သည့် ၂ နှစ်ခွဲကြာ ကာလအတွင်း ငွေမည်း ၁.၂၅ ကုဋေ ဖမ်းဆီးနိုင်ခဲ့ကြောင်း ၎င်းက ထည့်သွင်းပြောကြားခဲ့သည်။

Ref: Hindustantimes