စက်မှုလုပ်ငန်းသုံး နျူနည်းပညာကို မြန်မာနိုင်ငံတွင် ချဲ့ထွင်အသုံးပြုမည်

ဇန်န၀ါရီ ၁၄၊ ၂၀၁၇
M-Media

မြန်မာ့ အဏုမြူစွမ်းအင် ဦးစီးဌာနမှ ၀န်ထမ်းတစ်ဦးက စမ်းသပ်နေစဉ်

– နျူးကလီးယားနည်းပညာကို ရေနံနှင့် သဘာဝဓာတ်ငွေ့ကဏ္ဍတွင် အကောင်အထည်ဖော်မှု အောင်မြင်ခဲ့ပြီးပြီးနောက် မြန်မာနိုင်ငံတစ်ဝှမ်းရှိ စက်မှုလုပ်ငန်းများတွင် စမ်းသပ်အသုံးပြုရန်အတွက် ကျွမ်းကျင်သူများက ဆောင်ရွက်နေသည်ဟု သိရသည်။

Non-destructive testing (NDT) ဟုခေါ်သည့် နည်းပညာဖြစ်ပြီး သုံးစွဲမည့်ပစ္စည်းများ၊ ထုတ်ကုန်များ၏ အရည်အသွေးကို စမ်းသပ်ရန်အတွက် အသုံးပြုခြင်းဖြစ်သည်။ ထိုနည်းပညာမှာ စက်မှုလက်မှုပစ္စည်းများ ထုတ်လုပ်ခြင်းနှင့် ပြုပြင်ထိန်းသိမ်းခြင်းတို့တွင် အရေးပါပြီး ပျက်ဆီးခြင်း၊ ရေဒီယိုသတ္တုကြွမှုများ ကြွင်းကျန်ရစ်ခြင်း မရှိပေ။

အပြည်ပြည်ဆိုင်ရာ အနုမြူအေဂျင်စီ (IAEA) မှာ ၂၀၁၃ ခုနှစ်ကတည်းက လိုအပ်သောပစ္စည်းများ ၀ယ်ယူရန်နှင့် နည်းပညာကို အသုံးပြုနိုင်ရေး ၀န်ထမ်းများအား သင်တန်းပေးရန်တို့အတွက် မြန်မာနိုင်ငံမှ အနုမြူစွမ်းအင်ဦးစီးဌာနကို အကူအညီများ ပေးအပ်ခဲ့သည်။

NDT နည်းပညာကို သန်လျင်မြို့ရှိ ရေနံချက်စက်ရုံတွင် စတင်အသုံးပြုခဲ့ပြီး ထိရောက်မှု ရှိ၊ မရှိကို ကျွမ်းကျင်သူများကလည်း ပုံမှန်စစ်ဆေးခဲ့ကြသည်။

ကမ္ဘာတစ်ဝှမ်းတွင် ရေနံပိုက်များ၊ ဘွိုင်လာများ၊ လေအိုးများ၊ အဆောက်အဦးများ၊ လေယာဉ်အစိတ်အပိုင်းများနှင့် သင်္ဘောများကို စစ်ဆေးရာတွင် ထိုနည်းပညာကို ကျယ်ကျယ်ပြန့်ပြန့် အသုံးပြုကြပြီး၊ မြန်မာအစိုးရ၏ အဏုမြူစွမ်းအင် ဦးစီးဌာနကလည်း လက်ရှိသုံးစွဲမှုနယ်ပယ်ကို ချဲ့ထွင်ရန် ဆောင်ရွက်နေသည်ဟု ဦးစီးဌာန၏ NDT ဓာတ်ခွဲခန်းကို ကြီးကြပ်သူ ဒေါ်အင်ဂျင်းဖြူက ပြောကြားခဲ့သည်။

ထိုနည်းပညာကို အသုံးပြုရန်အတွက် မြန်မာ့ မီးရထား၊ သင်္ဘောကျင်းများ၊ ရန်ကုန်နည်းပညာတက္ကသိုလ်နှင့် ပုဂ္ဂလိကကုမ္ပဏီများမှ ၀န်ထမ်းများကို မကြာသေးမီက လေ့ကျင့်သင်ကြားပေးခဲ့ပြီး လုပ်ငန်းအများအပြားတွင် လုပ်ကိုင်ဆောင်ရွက်နေပြီဖြစ်သည်။

Ref: IAEA