2 weeks ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 weeks ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
7 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
7 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
7 months ago
ASEAN ထိပ်သီးများ ရိုဟင်ဂျာအရေး ဆွေးနွေး
8 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
8 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
8 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
9 months ago
ဘာသာပေါင်းစုံ ဆုတောင်းပွဲ (ရုပ်သံ)
9 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

ဇန်ဝါရီ ၂၇၊ ၂၀၁၇
M-Media

အမုန်းစကားပြောမှုဖြင့် ပိတ်ပင်ခံလိုက်ရသည့် အာမီရ် လီယာကွတ်

– ပါကစ္စတန် မီဒီယာဆိုင်ရာ အာဏာပိုင်အဖွဲ့ဖြစ်သော PEMRA က နိုင်ငံ၏ ထိပ်တန်း တီဗီအစီအစဉ် တင်ဆက်သူတစ်ဦးကို အမုန်းတရား ဖြန့်ဖြူးမှု၊ အကြမ်းဖက်ရန် လှုံ့ဆော်မှုတို့ဖြင့် အစီအစဉ်တင်ဆက်ခွင့် ပိတ်ပင်လိုက်သည်ဟု သိရသည်။

ပိတ်ပင်ခံရသူမှာ Bol TV လိုင်းမှ အာမီရ် လီယာကွတ်ဖြစ်ပြီး PEMRA က နောက်ဆုံး ဆုံးဖြတ်ချက် မချမီအချိန်အထိ ၎င်း၏ လုပ်ငန်းကို ရပ်နားထားရမည်ဖြစ်သည်။

ပါကစ္စတန်၏ ထိပ်တန်း အစီအစဉ်တင်ဆက်သူဖြစ်ပြီး ဘာသာရေးဆိုင်ရာ အစီအစဉ်နှင့် ဂိမ်းအစီအစဉ်များကို တင်ဆက်ဖူးသည့် လီယာကွတ်မှာ ယခုလအစောပိုင်းက ရှေ့ဆင့်နောက်ဆင့် ပြန်ပေးဆွဲခံခဲ့ရသည့် တက်ကြွလှုပ်ရှားသူ ၅ ဦးနှင့်ပတ်သက်၍ ၎င်းတို့မှာ အစ္စလာမ်သာသနာနှင့် တမန်တော်တို့ကို စော်ကားပြောဆိုခြင်း၊ စစ်တပ်ဆန့်ကျင်ရေး Facebook စာမျက်နှာများကို စီမံနေခြင်းတို့ ရှိသည်ဟု စွပ်စွဲ ပြောဆိုခဲ့သည်။

ထို့ပြင် အဆိုပါ တက်ကြွလှုပ်ရှားသူများအား ပြန်လွှတ်ပေးရန် တောင်းဆိုသည့် အဖွဲ့များမှာ သာသနာညှိုးနွမ်းစေသော လုပ်ရပ်အား အားပေးထောက်ခံနေသည်ဟု လီယာကွတ်က ပြောကြားကာ အချို့သော တက်ကြွလှုပ်ရှားသူများ၏ ရုပ်ပုံများကို တီဗီဖန်သားပြင်ပေါ်တွင် ပြသခဲ့သည်။

“အာမီရ် လီယာကွတ်ဟာ အမုန်းစကားမြောက်တဲ့ ဖော်ပြချက်၊ စွပ်စွဲပြောဆိုချက်တွေကို ရည်ရွယ်ချက်ရှိရှိနဲ့ အထပ်ထပ်အခါခါ ပြုလုပ်ခဲ့ပါတယ်” ဟု PEMRA ၏ ထုတ်ပြန်ချက်တွင် ဖော်ပြထားပြီး ပြည်သူများကို ‘နိုင်ငံတော် ပုန်ကန်သူ၊ အစ္စလာမ်ဆန့်ကျင်သူဟု စွပ်စွဲပြောဆိုခြင်းမှာ’ ‘နိုင်ငံသားများအပေါ် အကြမ်းဖက်ရန် လှုံ့ဆော်မှု’ မြောက်သည်ဟု ဆိုသည်။

ထို့ပြင် Bol TV လိုင်းတွင် အစီအစဉ်တင်ဆက်ခြင်း၊ အခြားသော ရုပ်သံလိုင်းများတွင် ထိုကဲ့သို့ ‘ဘာသာတရားစော်ကားသူ’ ‘တိုင်းပြည်သစ္စာဖောက်သူ’ ဟု ပြောကြားခြင်းတို့ လုံးဝ မပြုလုပ်ရန် PEMRA က ပိတ်ပင်ခဲ့သည်။

PEMRA ၏ ထိုလုပ်ရပ်ကို နိုင်ငံအတွင်းရှိ တက်ကြွလှုပ်ရှားသူများကလည်း ကြိုဆိုခဲ့သည်။

ပါကစ္စတန်အစိုးရနှင့် ဆက်နွယ်နေသည့် မီဒီယာအာဏာပိုင်အဖွဲ့ PEMRA မှာ ပြီးခဲ့သည့် လများအတွင်း မီဒီယာနှင့် ပတ်သက်၍ လိုက်နာရမည့် ကျင့်ဝတ်စည်းကမ်းများကို ပိုမို အသေးစိတ်အောင် စီစဉ်လာခဲ့သည်။

Ref: Aljazeera



Tags:

Comments are closed.