2 weeks ago
ဘာသာခြားများကိုသတ်ရန် ခြိမ်းခြောက်လှုံ.ဆော်သူကို ထောင် ၈ ရက်ပြစ်ဒဏ်ချ
2 weeks ago
လူသတ်ရန် လမ်းပေါ်ထွက် အော်ဟစ်ခြိမ်းခြောက်သူကို ရန်ကုန်ရဲပြန်လွှတ်
2 weeks ago
လတ်တလော အခြေအနေတွေအပေါ် မြန်မာမွတ်စလင်မ် လူ့အဖွဲ့အစည်းက ဘာပြောကြသလဲ
2 weeks ago
တောင်​တွင်းကြီးမြို့ ဖျက်ဆီးလုယက်မှု ဖြစ်စဉ်အကြောင်း ဒေသခံတွေ ပြောပြချက်
2 weeks ago
တောင်တွင်းကြီးမှ ရမ်းကားသူတွေ လမ်းပေါ်တွင်ရှိနေသေး၊ အုန်း​တော်​၂ လမ်း ရှိအိမ်တအိမ်ထဲသို့ လူအုပ်စုဖြင့် ဝင်ရောက်ဖျက်ဆီးရန် လုပ်ဆောင်နေ
2 weeks ago
တောင်တွင်းကြီးတွင် လူအုပ်စုဖြင့် ဆိုင်ခန်းများ ဖျက်ဆီးမှုများပြုလုပ်
2 weeks ago
အစ္စလာမ်ဘာသာရေးအဖွဲ့ကြီးမှ အကြမ်းဖက်မှုများနှင့်စပ်လျဉ်း၍ သဘောထားထုတ်ပြန်
2 weeks ago
ပုံစံအသစ်နဲ့ ဝါဒဖြန့်ချိမှုတွေ သတိထားကြစေဖို့
2 weeks ago
တောင်ငူ အစ္စလာမ်သချိုင်္င်းတွင် လက်နက်များ ဖွက်နေဆိုသော သတင်းမဟုတ်ဟု ရဲတပ်ဖွဲ့ ပြောကြား
3 weeks ago
အကြမ်းဖက်မှုတိုက်ခိုက်မှု သတင်းနှင့် သွေးထိုးလှုံ့ဆော်မှုများကို အထူးသတိပြုဖို့ နိုင်ငံတော်၏ အတိုင်ပင်ခံရုံးမှ သတင်းထုတ်ပြန်

ဖေဖော်ဝါရီ ၂၃၊ ၂၀၁၇
M-Media

– အမေရိကန် ထိပ်တန်း အာကသအေဂျင်စီတစ်ခုဖြစ်တဲ့ နာဆာမှာ ဒုံးပျံ အင်ဂျင်နီယာတစ်ယောက်ဟာ မွတ်စလင်ဒုက္ခသည် အမျိုးသမီးတစ်ယောက်ဖြစ်နေတယ်ဆိုရင် ယုံနိုင်ပါ့မလား။

ဟုတ်ပါတယ်။ သူကတော့ ပါကစ္စတန်နွယ်ဖွား ဟီဘာဟ် ရဟ်မာနီဖြစ်ပြီး ကူဝိတ်မှာ ကြီးပြင်းကာ ဒုက္ခသည်အဖြစ် ငယ်ဘ၀ကို ဖြတ်သန်းခဲ့ရသူပါ။

မိသားစုနောက်ကြောင်း

ရဟ်မာနီကို ပါကစ္စတန်မှာ မွေးဖွားခဲ့ပြီး သူ့ရဲ့ အသက် ၁ လအရွယ်လောက်မှာပဲ မိဘတွေက ကူဝိတ်နိုင်ငံကို ပြောင်းရွှေ့ခဲ့ပါတယ်။ ၁၉၉၀ ပြည့်နှစ်တွေမှာ အီရတ်နဲ့ ကူဝိတ်နိုင်ငံအကြား စစ်ပွဲဖြစ်တဲ့အချိန်အထိ ရဟ်မာနီဟာ ကလေးဘ၀ကို အေးချမ်းစွာ ကုန်ဆုံးခဲ့ပါတယ်။

“ကျွန်မ ကြီးပြင်းလာတဲ့တစ်လျှောက်လုံးမှာ အနှစ်သက်ဆုံး အမှတ်တရက ညဘက် သဲကန္တာရမှာဖြစ်ဖြစ်၊ ပါရှန်ပင်လယ်ကွေ့ ကမ်းနဖူးပေါ်မှာဖြစ်ဖြစ် မိသားစုနဲ့အတူ လမ်းလျှောက်ပြီး ကြယ်တွေ၊ လတွေကိုကြည့်ပြီး အံ့သြတာ၊ လပေါ်ကို ခြေချခဲ့တဲ့ နီးလ်အမ်းစထရောင်းလို ပုဂ္ဂိုလ်တွေအကြောင်းကို စဉ်းစားခဲ့တာတွေပါပဲ။ အဲဒီအချိန်လောက်မှာပဲ ကျွန်မဟာ သိပ္ပံ၊ အာကာသနဲ့ နက္ခတ္တဗေဒအပေါ်မှာ စိတ်ဝင်စားမှု မြင့်တက်လာခဲ့ပါတယ်” လို့ ရဟ်မာနီက ဖွင့်ဟခဲ့ပါတယ်။

ဒါပေမယ့် ဒီအမှတ်တရတွေဟာ ၁၉၉၀ ခုနှစ်မှာ အီရတ်က ကူဝိတ်ကို ကျူးကျော်တိုက်ခိုက်မှုကြောင့် အဆုံးသတ်ခဲ့ရပြီး ရဟ်မာနီတစ်ယောက် မိသားစုနဲ့အတူ အီရတ်-ဂျော်ဒန်နယ်စပ်အနီးက ဝေးလံခေါင်သီတဲ့ ဒေသကို ထွက်ပြေးခိုလှုံခဲ့ရပါတယ်။ သူတို့ဟာ ဒုက္ခသည်စခန်းကို ညပိုင်းမှာ ရောက်သွားခဲ့ပြီး တဲတွေကလည်း ပြည့်နေတာကြောင့် သဲကန္တာရဟင်းလင်းပြင်ထဲမှာပဲ ညတွေကို ကုန်ဆုံးခဲ့ရတာပါ။

အဲဒီအချိန်ဟာ ရဟ်မာနီနဲ့ သူ့ရဲ့ မိသားစုအတွက် ခက်ခဲကြမ်းတမ်းတဲ့ အချိန်တွေ ဖြစ်ခဲ့ပေမယ့် ကြယ်တွေအပေါ် သူမရဲ့ ချစ်မြတ်နိုးမှုစိတ်ဓာတ် ကွက်ကွက်ကွင်းကွင်းပေါ်လာတဲ့ အချိန်လည်း ဖြစ်ပါသတဲ့။

“ကျွန်မတို့အတွက် ခက်ခဲတဲ့အချိန် ဖြစ်ခဲ့ပေမယ့် အဲဒီညတွေထဲက အရာတွေထဲမှာ ကျွန်မမှတ်မိတာတစ်ခုကအေးလွန်းတဲ့ သဲကန္တာရမှာ အိပ်ဖို့ ကြိုးစားနေတဲ့ တစ်ည ကောင်းကင်ယံက ငွေရောင် လမင်းကြီး၊ ကြယ်တွေနဲ့ လှပနေတဲ့ ကောင်းယံကြီးပါပဲ။ အဲဒီမြင်ကွင်းက ကျွန်မရဲ့ ရည်ရွယ်ချက်တွေနဲ့ အိပ်မက်တွေကို ပြန်လည် အမှတ်ရစေခဲ့ပါတယ်”

ဂျော်ဒန်မှာ ခဏတာ နေထိုင်ခဲ့ပြီးတဲ့နောက်ပိုင်းမှာ ရဟ်မာနီတို့မိသားစုဟာ ပါကစ္စတန်ကို ပြန်ခဲ့ပြီး အမေရိကန်ကို ရောက်နေတဲ့ ဖခင်နဲ့ ပြန်ဆုံခဲ့ပါတယ်။

ပညာရေး

၁၉၉၁ ခုနှစ် စစ်ပွဲပြီးတဲ့အချိန် ကူဝိတ်ကို ပြန်ရောက်လာတဲ့ ရဟ်မာနီဟာ အထက်တန်းပညာရေးကို ကူဝိတ်မှာ ပြီးဆုံးခဲ့ပြီး ၁၉၉၇ ခုနှစ်မှာ အမေရိကန်ကို ပြောင်းရွှေ့ကာ ဖလော်ရီဒါအလယ်ပိုင်းတက္ကသိုလ် (UCF) မှာ အင်ဂျင်နီယာဘာသာရပ်နဲ့ ၂၀၀၀ ခုနှစ်မှာ ဘွဲ့ရခဲ့ပါတယ်။ အဲဒီနောက်မှာတော့ ဘိုးအင်းကုမ္ပဏီမှာ နိုင်ငံတကာ အာကာသစခန်း (ISS) အတွက် စစ္စတမ် အင်ဂျင်နီယာအဖြစ် တာဝန်ထမ်းဆောင်ခဲ့ပါတယ်။

အဲဒီကာလအတွင်း ရဟ်မာနီဟာ အာကာသပညာရှင်ဖြစ်ရေး ကြိုးပမ်းခဲ့ပြီး ၂၀၀၂ ခုနှစ်ကနေ ၂၀၀၅ ခုနှစ်အတွင်းမှာ Goergia Tech မှာ လျှပ်စစ်နဲ့ ကွန်ပျူတာအင်ဂျင်နီယားဆိုင်ရာ ဘွဲ့တွေလည်း ထပ်ရခဲ့ပါတယ်။

နာဆာသို့

လက်ရှိ တာဝန်ထမ်းဆောင်နေတဲ့ နာဆာရဲ့ အင်ဂျင်နီယာနဲ့ နည်းပညဆိုင်ရာညွှန်ကြားရေးမှူးရာထူးကို ရဟ်မာနီတစ်ယောက် ၂၀၀၈ ခုနှစ်ကတည်းက လက်ခံခဲ့တာပါ။

“နာဆာရဲ့ ဒုံးပျံပစ်လွှတ်မှု အစီအစဉ်ကို ကျွန်မ ကူညီပေးပြီး Pegasus XL နဲ့ Falcon 9 တို့လို ဒုံးပျံတွေ ချဲ့ထွင်လွှတ်တင်ရေးမှာလည်း ဆောင်ရွက်နေပါတယ်။ နည်းပညာပိုင်းဆိုင်ရာ အဆင့်မြင့် အကြံဉာဏ်တွေပေးတယ်။ ဒုံးပျံစမ်းပ်မှုကို ကြီးကြပ်တယ်၊ အချက်အလက် ပြန်လည်ဆန်းစစ်တာတွေ လုပ်ပေးသလို၊ အင်ဂျင်နီယာဆိုင်ရာ ပြဿနာ တွေကိုလည်း သုံးသပ်ပေးပါတယ်” လို့ ရဟ်မာနီက ပြောကြားခဲ့ပါတယ်။

“ကျွန်မအလုပ်မှာ အပျော်ရွှင်ဆုံးနဲ့ စိတ်လှုပ်ရှားစရာအကောင်းဆုံး အချိန်ကတော့ ဒုံးပစ်စင်ကနေ ဒုံးပျံ တက်သွားပြီအာကာသထဲကို ရောက်သွားတဲ့အချိန်ပါပဲ”

ရဟ်မာနီဟာ သူမရဲ့ အလုပ်ကို မျိုးဆက်သစ်တွေ အားကျစေဖို့ စိတ်အားထက်သန်သူလည်းဖြစ်ပြီး၊ ဒေသတွင်း စာသင်ကျောင်းက ကျောင်းသားတွေကို သူ့ရဲ့အတွေ့အကြုံ မျှဝေပေးတာ သူတို့ရဲ့ သိပ္ပံစွမ်းရည်တွေကို အကဲဖြတ်တာမျိုးတွေလည်း လုပ်ပေးပါတယ်။

“ကိုယ်နှစ်သက်တာကို လက်ဖျားခါလောက်တဲ့ အဖွဲ့နဲ့အတူ လုပ်ဆောင်ခွင့်မျိုး ကျွန်မ ရနေပါတယ်။ ကျွန်မဘ၀ရဲ့ အတွေ့အကြုံက အမြဲတမ်း အိပ်မက်ကြီးကြီးမက်ဖို့၊ ဘယ်တော့မှ အရှုံးမပေးဖို့ပါ။ ဘာ့ကြောင်လည်းဆိုတော့ အလုပ်သာကြိုးစားမယ်ဆိုရင် လိုချင်တာမှန်သမျှ ရရှိနိုင်တာကြောင့်ပါ” လို့ ရဟ်မာနီက ဖွင့်ဟခဲ့ပါတယ်။

နောက်ပြီး လူငယ်တွေ အထူးသဖြင့် အမျိုးသမီးငယ်တွေအနေနဲ့ အာရုံစိုက်ထားဖို့၊ အိပ်မက်ကြီးကြီးမက်ဖို့လည် တိုက်တွန်းခဲ့ပါတယ်။

Ref : Dawn



Comments are closed.