4 days ago
IS တပ်ဖွဲ့ဝင်တစ်ဦးတွေ့ရှိကြောင်း သတင်းအမှားကို သေနင်္ဂ အဖွဲ့တည်ထောင်သူ မှ ရည်ရွယ်ချက်ရှိရှိ ဖြန့်ဝေခဲ့
2 weeks ago
မန္တလေးက ပန်းသေးလူငယ်များ၏ အီးဒ် မိတ်ဆုံစားပွဲ
2 weeks ago
လူသတ်မှု အဖြစ်ပြောင်းလိုက်တဲ့ တာမွေ ဒုဦးစီးမှူးသေဆုံးမှု
2 weeks ago
ရခိုင်မှ ဒုက္ခသည်စခန်း သုံးခုကို ပိတ်သိမ်းခဲ့သည့် သတင်းထုတ်ပြန်ချက် လွဲချော်မှုရှိ
2 weeks ago
စစ်တွေပဋိပက္ခ လူသေဆုံးမှု တရားခံများ ဖမ်းဆီးနိုင်ခြင်း မရှိသေး
3 weeks ago
ဝါကျွတ် အီးဒ်နေ့ အထိမ်းအမှတ် ဆေးရုံ (၅) ရုံ မှ လူဦးရေ (၄၆၀၀) ကျော်ကို နေ့လည်စာလှူဒါန်း
3 weeks ago
တောင်​တွင်းကြီးမြို့မှ အစ္စလာမ်​ဘာသာဝင်​များ ဝါကျွတ်အီးဒ်​ပွဲ အမှတ်တရ လှူဒါန်းမှုများပြုလုပ်
4 weeks ago
ဝါကျွတ်အီးဒ်ပွဲတော် အတွက် ဘာသာပေါင်းစုံမှ လူငယ်ပြည်သူများရဲ့ ဆုတောင်းစကားများ
4 weeks ago
ဝရမ်းပြေး အောင်ဝင်းခိုင်ကို ကူညီခဲ့သူ ရဲထွဋ်လှိုင် တရားလိုပြသက်သေဖြစ်လာ
4 weeks ago
ဦးဝီရသူနဲ့ ရင်းနှီးတဲ့ သီရိလင်္ကာ ဆရာတော် အရေးယူခံရ

ဖေဖော်ဝါရီ ၂၈၊ ၂၀၁၇
M-Media

ပါကစ္စတန်တွင် Edhi Foundation ကို ထူထောင်ခဲ့သူ ပရဟိတသမားကြီး အဘ်ဒူလ် ဆတ္တာရ် အဒီဟ်

– ကမ္ဘာကျော် အင်တာနက် Search Engine တစ်ခုဖြစ်တဲ့ Google ဟာ ဖေဖော်ဝါရီ ၂၈ ရက်နေ့ (ဒီနေ့) သူ့ရဲ့ Home Page လိုဂိုသရုပ်ဖော်စာလုံးမှာ မုတ်ဆိတ်ရှည်ရှည်၊ အင်္ကျီဖါးဖါး၊ ဦးထုပ်နဲ့ လူတစ်ယောက်ရဲ့ပုံကို ဂုဏ်ပြုလွှင့်တင်ခဲ့ပါတယ်။

ဒီပုဂ္ဂိုလ်က ဘယ်သူပါလဲ။ ဂုဏ်ပြုရလောက်အောင် ဘာတွေလုပ်ခဲ့သလဲ။

သူကတော့ ပါကစ္စတန်နိုင်ငံသား အဘ်ဒူလ် ဆတ္တာရ် အဒီဟ်ဖြစ်ပြီး ကမ္ဘာ့အကြီးဆုံး စေတနာ့ဝန်ထမ်း လူနာတင်ယာဉ်ကွန်ယက် ‘အဒီဟ်ဖောင်ဒေးရှင်း’ (Edhi Foundation) ကို ထူထောင်ခဲ့သူဖြစ်ပါတယ်။

ကိုယ့်ရဲ့အမည်နဲ့ ဖောင်ဒေးရှင်းထူထောင်ပြီး ငွေကြေးထောက်ပံ့ပေးကြတဲ့ လူချမ်းသာတွေနဲ့ ကွဲပြားတာက အဘ်ဒူလ် ဆတ္တာရ်ဟာ သူ့လက်ထဲ တစ်ပြားမှမရှိတဲ့ အချိန် အသက် ၂၀ အရွယ်ကတည်းက ဆင်းရဲမွဲတွေသူတွေအတွက် ဘ၀ကို မြှုပ်နှံခဲ့တာဖြစ်ပါတယ်။

အဲဒီလိုနဲ့ Edhi Foundation ဟာ နိုင်ငံတကာအထိ ပေါက်ရောက်လာခဲ့ပြီး ၂၀၀၅ ခုနှစ် အမေရိကန်ပြည်ထောင်စု နယူးအော်လင်းမှာ တိုက်ခတ်ခဲ့တဲ့ ဟာရီကိန်း ကက်ထရီနာကြောင့် ထိခိုက်ခဲ့သူတွေကို ကူညီကယ်ဆယ်ရေးအတွက် ကန်ဒေါ်လာ ၁ သိန်းအထိ ရှာဖွေပေးနိုင်ခဲ့ပါတယ်။

အဒီဟ်ဟာ အိန္ဒိယ ပါကစ္စတန်မကွဲခင် ၁၉၂၈ ခုနှစ်၊ ဖေဖော်ဝါရီ ၂၈ ရက်နေ့က အိန္ဒိယနိုင်ငံ ဂူဂျာရတ်ပြည်နယ် ဘန့်တ်ဗာမှာ မွေးဖွားခဲ့ပြီး ကျောက်ကပ်ရောဂါကြောင့် ပြီးခဲ့တဲ့နှစ်မှာ ကွယ်လွန်သွားခဲ့ပါတယ်။

ဖေဖော်ဝါရီ ၂၈ ရက်နေ (ဒီနေ့) ဟာ အဒီဟ်ရဲ့ ၈၉ နှစ်မြောက် မွေးနေ့ဖြစ်ပြီး သူ့ရဲ့ လူသားအကျိုးပြုလုပ်ငန်းတွေကို ဂုဏ်ပြုတဲ့အနေနဲ့ Google ဟာ အမေရိကန်၊ အိုက်စလန်၊ ပေါ်တူဂီ၊ သြစတေးလျ၊ နယူးဇီလန်၊ ဂျပန်၊ အက်စတိုးနီးယား၊ ယူကေ၊ ဒိန်းမတ်၊ အိုင်ယာလန်နဲ့ ပါကစ္စတန်တို့က Home Page စာလုံးဒီဇိုင်းမှာ အဒီဟ်ရဲ့ ကာတွန်းပုံတူကို ထည့်သွင်းခဲ့တာ ဖြစ်ပါတယ်။

“အဘ်ဒူလ် ဆတ္တာရ် အဒီဟ်ကို ဂုဏ်ပြုတဲ့အနေနဲ့ ဒီနေ့မှာ လိုအပ်နေသူတစ်ယောက်ယောက်ကို ကျွန်တော်တို့အားလုံး လက်ကမ်းပေးကြပါစို့” လို့ Google က ရေးသားခဲ့ပြီး အဒီဟ်ရဲ့ လူနာတင်ယာဉ်ကွန်ယက်ကိုလည်း အလွန်လက်ဖျားခါလောက်စရာလို့ ချီးကျူးခဲ့ပါတယ်။

Google မှ အဒီဟ်အတွက် ဂုဏ်ပြုမှု

သုညမှစခဲ့ရသည့် အဒီဟ်

အဒီဟ်ရဲ့ ဖောင်ဒေးရှင်းဆောင်ပုဒ်က “အသက်တွေကို ကူညီဖို့ အသက်ရှင်ပါ” ဖြစ်ပြီး၊ ပါကစ္စတန်နိုင်ငံတစ်ဝှမ်း ၀န်ဆောင်မှုပေးနေတဲ့ လူနာတင်ယာဉ်အရေအတွက်ဟာ ၁၈၀၀ ကျော်ရှိကာ ပါကစ္စတန်ရဲ့ အကြီးဆုံး လူမှုဖူလှုံရေး အသင်း အဖွဲ့လည်း ဖြစ်ပါတယ်။

၁၉၉၇ ခုနှစ်မှာတော့ ‘ကမ္ဘာ့အကြီးဆုံး စေတနာ့ဝန်ထမ်း လူနာတင်ယာဉ်အသင်း’ အဖြစ် ဂင်းနစ်မှတ်တမ်းစာအုပ်မှာ မှတ်တမ်းဝင်ခဲ့ပါသေးတယ်။

အဒီဟ်ဟာ ‘အလှူခံပါ။ လူတွေက ပေးပါလိမ့်မယ်’ ဆိုတဲ့ ဆောင်ပုဒ်နဲ့ စတင်ခဲ့တာဖြစ်ပြီး တောင်းခံရရှိတဲ့ငွေတွေကနေ သူ့ရဲ့ အခန်းသေးသေးလေးကို ဆေးပေးခန်းအဖြစ် ပြောင်းကာ၊ နောက်ပိုင်းမှာတော့ လူနာတင်ယာဉ်တစ်စီး ၀ယ်ယူပြီး သူကိုယ်တိုင် မောင်းခဲ့ပါတယ်။

အလှူငွေ ပိုမိုလက်ခံရရှိခဲ့ပြီး ဆေးကျောင်းသားတွေကလည်း စေတနာ့ဝန်ထမ်းအဖြစ် ၀င်ရောက်ထမ်းဆောင်လာကြတဲ့ အခါမှာတော့ အဒီဟ်ရဲ့အဖွဲ့လေးဟာ ပါကစ္စတန်နိုင်ငံအနှံ့ ချဲ့ထွင်နိုင်ခဲ့ပါတယ်။

ဒီနေ့မှာတော့ Edhi Foundation ဟာ ဆေးရုံးတွေ၊ မိဘမဲ့ကလေးစောင့်ရှောက်ရေးစင်တာနဲ့ ကယ်ဆယ်ရေး သင်္ဘောတွေအထိ ချဲ့ထွင်လုပ်ဆောင်နိုင်နေပါပြီ။

ပိုင်ရှင်မရှိတဲ့ အလောင်းတွေကို မြှုပ်နှံပေးတဲ့ကိစ္စကိုလည်း ဒီဖောင်းဒေးရှင်းက တာဝန်ယူ ဆောင်ရွက်ပေးနေပါတယ်။ မွေးပြီး မလိုချင်တော့တဲ့ ကလေးငယ်တွေ လာရောက်ထားရှိနိုင်ဖို့အတွက် ဖောင်းဒေးရှင်းက အရေးပေါ်စင်တာတိုင်းရဲ့ အရှေ့မှာ ပုခက်လေးတွေကုိုလည်း အဒီဟ်က ထားပေးထားပါတယ်။

အဒီဟ်ဟာ သူ့ရဲ့ ဘ၀သက်တမ်းတစ်လျှာက် ဘာသာတရားထက် လူသားချင်းစာနာထောက်ထားမှုကို ဦးစားပေး လုပ်ဆောင်ခဲ့သူဖြစ်ပါတယ်။ မွတ်စလင်တွေ နှစ်စဉ်လှူဒါန်းကြတဲ့ ဇကားသ်ငွေတွေကို အဒီဟ်တို့အဖွဲ့က လက်ခံပြီး မွတ်စလင်၊ ခရစ်ယာန်၊ ဟိန္ဒူမခြား လိုအပ်နေသူတွေအတွက် သုံးစွဲပေးခဲ့ပါတယ်။

ဘာ့ကြောင့် မွတ်စလင်မဟုတ်သူတွေကို ကူညီရတာလဲလို့ လူတစ်ချို့က မေးတဲ့အခါမှာတော့ အဒီဟ်က “ကျွန်တော့်ရဲ့ လူနာတင်ယာဉ်တွေက ခင်ဗျားထက် မွတ်စလင်ပိုပီသတယ်လေ” လို့ ပြန်လည် တုန့်ပြန်ခဲ့ပါတယ်။

နောက်ပြီး “လူတွေက ပညာတွေတတ်ကြတယ်။ ဒါပေမယ့် လူတော့ မဖြစ်ကြသေးဘူး” ဆိုတဲ့ သူ့ရဲ့ စကားကလည်း ကျော်ကြားပါတယ်။

သူကွယ်လွန်သေဆုံးသွားခဲ့အခါ ပါကစ္စတန်ဝန်ကြီးချုပ် နာဝဇ် ရှရစ်ဖ်က “လူမှုရေးရာမှာ အားနည်းသူတွေ၊ နွမ်းပါးသူတွေ၊ အကူအညီမဲ့သူတွေ၊ သူဆင်းရဲတွေအတွက် အဒီဟ်ဟာ ချစ်ခြင်းမေတ္တာကို ဖော်ကျူးတဲ့ စစ်မှန်တဲ့ ပြယုဂ်တစ်ပါပဲ။ ကျွန်တော်တို့ဟာ လူသားတွေအတွက် အကျိုးဆောင်သူကြီးကို ဆုံးရှုံးလိုက်ရတာပါ” လို့ ချီးကျူးခဲ့ပါတယ်။

အဒီဟ်ဟာ ၂၀၁၄ ခုနှစ်မှာ နိုဘယ်ဆုအတွက် အမည်တင်သွင်းခဲ့ရပေမယ့် မရခဲ့ပါဘူး။

“ဒီဆုတွေကို ကျွန်တော် မမက်မောပါဘူး။ နိုဘယ်ဆုက ကျွန်တော့်အတွက် ဘာမှ အဓိပ္ပါယ်ရှိမှာမဟုတ်ပါဘူး။ လူသားဆန်တဲ့လူတွေကိုသာ ကျွန်တော် လိုချင်တာပါ” လို့ အဒီဟ်ဟာ Express Tribune နဲ့ အင်တာဗျူးမှာ ဖြေကြားခဲ့ပြီး မေ့မရနိုင်တဲ့ အဖြစ်အပျက်တစ်ခုကိုလည်း သူက ပြောကြားခဲ့ပါတယ်။

“ကလေး ၆ ယောက်နဲ့အတူ ရေထဲခုန်ချ အဆုံးစီရင်သွားတဲ့ အမျိုးသမီးတစ်ယောက် ရှိခဲ့ဖူးပါတယ်။ သူတို့ကို ဂူစူလ် (အစ္စလာမ့် ထုံးတမ်းစဉ်လာအရ သေသူကို ရေချိုးသန့်စင်ပေးခြင်း) ပြုတဲ့အချိန်မှာ ကျွန်တော် တော်တော်လေး ကြေကွဲ ၀မ်းနည်းခဲ့ရပါတယ်”

အဒီဟ်ကို ဂုဏ်ပြုတဲ့အနေနဲ့ ပါကစ္စတန် ဗဟိုဘဏ်က ရူပီး ၅၀ တန် အကြွေစေ့ကို အဒီဟ်ရဲ့ပုံနဲ့ နောက်လမှာ ရိုက်နှိပ်ထုတ်ဝေသွားမယ်လို့ ကြေငြာခဲ့ပါတယ်။

Ref: Aljazeera



Comments are closed.