မွတ်စလင်အားကစားမယ်များအတွက် အထူး ဟီဂျဘ်တစ်မျိုးကို Nike ထုတ်လုပ်

မတ် ၈၊ ၂၀၁၇
M-Media

– မွတ်စလင်အမျိုးသမီး အားကစားသမားတွေအတွက် ရည်ရွယ်တဲ့ ဟီဂျဘ်တစ်မျိုးကို ထုတ်လုပ်ရောင်းချတော့မယ်လို့ ကမ္ဘာကျော် အားကစားပစ္စည်းထုတ်လုပ်ရေးကုမ္ပဏီ Nike က ကြေငြာလိုက်ပါတယ်။

Nike Pro Hijab လို့ အမည်ပေးထားတဲ့ ဒီဟီဂျဘ်ကို ပေါ့ပါးတဲ့ ပေါ်လီအက်စတာသားနဲ့ ချုပ်လုပ်ထားပြီး အနက်ရောင်၊ အခြား အရောင်ဖျော့တွေနဲ့ ရရှိနိုင်မှာဖြစ်ပါတယ်။ ၀တ်စုံမှာပါဝင်တဲ့ အပေါက်သေးသေးလေးတွေက ခန္ဓာကိုယ်ကို အအေးဓာတ်ပေးမှာဖြစ်ပြီး အသားကို ဖောက်ထွင်းမမြင်ရမှုဆိုတဲ့ ဟီဂျဘ်ရဲ့ အဓိကလိုအပ်ချက်ကိုတော့ ထိန်းသိမ်းထားပါတယ်။

တစ်ချို့မွတ်စလင်အားကစားသမားတွေက သာမန် ဟီဂျဘ်တွေကို ၀တ်ဆင်ပြီး ယှဉ်ပြိုင်ရတာနဲ့ပတ်သက်လို့ ဝေဖန်သံတွေ ထွက်လာပြီးနောက်ပိုင်းမှာ ဒီလို ဟီဂျဘ်မျိုး ဖန်တီးရတာဖြစ်တယ်လို့ Nike က ဆိုပါတယ်။

ဒီ ဒီဇိုင်းကို ဖန်တီးမှုဟာ ၁၃ လလောက် ကြာမြင့်ခဲ့ပြီး ၂၀၁၈ ခုနှစ် နွေရာသီမှာ ရောင်းချမှပါ။ ဒါပေမယ့် လက်ရှိမှာတော့ ဒီဟီဂျဘ်ကို အာရပ်စော်ဘွားများပြည်ထောင်စု (ယူအေအီး)က နာမည်ကျော် မွတ်စလင်စကိတ်မယ် ဇဟ်ရာလာရီက ၀တ်ဆင်နေတယ်လို့ Nike က ပြောကြားထားပါတယ်။

“Nike က ဟီဂျဘ်တစ်မျိုး ပုံစံထုတ်တာကို တော်တော်လေး စိတ်လှုပ်ရှားသလို ၀မ်းနည်းဝမ်းသာ ဖြစ်မိပါတယ်။ စကိတ်စီးဖို့အတွက် ဟီဂျဘ်အမျိုးမျိုးကို ကျွန်မ ၀တ်ကြည့်ဖူးပါတယ်။ အဆင်ပြေတဲ့ ဟီဂျဘ်က များများစားစား မရှိပါဘူး။ ဒါပေမယ့် ဒီ ဟီဂျဘ်ကိုဝတ်ပြီး ရေခဲပြင်ပေါ်မှာ ခန္ဓာကိုယ်ကို လှည့်, ကြည့်တဲ့အခါ အံဝင်ဂွင်ကျရှိမှုနဲ့ ပေါ့ပါးမှုတို့ကြောင့် ကျွန်မဟာ လေပေါ်မှာ လွင့်သွားတော့တာပါပဲ” လို့ လာရီက ပြောကြားခဲ့ပါတယ်။

ဒီ Nike Pro Hijab ကို အာရပ်ကမ္ဘာက အောင်မြင်ကျော်ကြားတဲ့ အားကစားမယ် ၅ ဦးကို အခြေခံပြီး ဒီဇိုင်းထုတ်ထားတာဖြစ်ပါတယ်။

Ref: CNN