2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)

မတ် ၁၀၊ ၂၀၁၇
M-Media

စင်ကာပူအစ္စလာမ်ရေးရာဝန်ကြီး ယာကွဘ် အီဗရာဟင်

– မဒ်ရာဆာ ဘာသာရေးကျောင်းများတွင် သင်္ချာနှင့် သိပ္ပံကဲ့သို့ လောကီဘာသာရပ်များ သင်ကြားရေး ထောက်ပံ့ရန်အတွက် ယခုနှစ်ဘဏ္ဍာရေးနှစ်မှစ၍ နှစ်စဉ် စင်ကာပူဒေါ်လာ ၁.၅ သန်းကို အစိုးရက သီးသန့် ပေးအပ်သွားမည်ဟု စင်ကာပူ မွတ်စလင်ရေးရာဝန်ကြီး ယာကွဘ် အီဘရာဟင်က ယမန်နေ့တွင် ပြောကြားခဲ့သည်။

အဆိုပါ ငွေကြေးများကို မဒ်ရာဆာများတွင် စာသင်ကြားနေသော ဆရာများအတွက် ဘဏ္ဍာရေး အထောက်အပံ့အဖြစ် သုံးစွဲရမည်ဖြစ်ပြီး လောကီဘာသာရပ်များကို သင်ကြားပေးနေသည့် ဆရာ ၁၂၇ ဦးမှာ ၎င်းတို့၏ အရည်အချင်းအပေါ်မူတည်၍ တစ်နှစ်လျှင် ငွေသား စင်ကာပူဒေါ်လာ ၄၂၀၀ မှ ၈၇၀၀ နှင့် လူမှုဖူလှုံရေးရန်ပုံငွေဖြစ်သော Central Provident Fund အတွက် စုငွေ ရရှိမည်ဖြစ်သည်။

စင်ကာပူ အစ္စလာမ်သာသနာရေးရာကောင်စီ (Muis) လက်အောက်ခံ အဆိုပါ မဒ်ရာဆာကျောင်းများတွင် ဘာသာရေးစာ သင်ကြားသော ကျောင်းဆရာများ၊ သင်တန်းဆရာများမှာ ၁၁၂ ဦးရှိနေပြီး ၎င်းတို့အတွက် တစ်နှစ်လျှင် စင်ကာပူဒေါ်လာ ၁.၁ သန်း သတ်မှတ်ထားသည်။

ဝန်ကြီးချုပ် လီရှန်လွန်းမှာ စင်ကာပူရှိ အချိန်ပြည့် မဒ်ရာဆာ ၆ ခုအတွက် ပိုမိုထောက်ပံ့ပေးမည်ဟု ၂၀၁၅ ခုနှစ် အမျိုးသားနေ့ ချီတက်လမ်းလျှောက်မှု၌ ကြေငြာခဲ့သည်။

ဆရာတစ်ဦးအတွက် လေ့ကျင့်သင်ကြားပေးမှု ကုန်ကျစားရိတ် တစ်နှစ်လျှင် ဒေါ်လာ ၁၀၀၀ ကိုလည်း အစိုးရက အာမခံပေးထားပြီး Muis နှင့် မဒ်ရာဆာများက အရည်အချင်းပြည့်မီသော ဆရာများအတွက် လေ့ကျင့်သင်ကြားပေးမှု လိုအပ်ချက်များနှင့် ဦးစားပေးကိစ္စများကို ဆုံးဖြတ်ရမည်ဖြစ်သည်။

မဒ်ရာဆာများတွင် ထူးချွန်ကျောင်းသားများအတွက် ဆုများချီးမြှင့်ရန် အစိုးရနှင့် Muis တို့က ဒေါ်လာ ၁ သိန်း သတ်မှတ်ထားပြီး၊ အစိုးရမှပေးအပ်သော ငွေများမှာ လောကီဘာသာရပ်များအတွက်ဖြစ်ကာ တစ်နှစ်လျှင် ဆုပေါင်း ၃၅၀ ချီးမြှင့်သွားမည်ဖြစ်သည်။

ဘာသာရေး ဘာသာရပ်များအတွက် ဆုများကိုလည်း ၃၅၀ သတ်မှတ်ထားပြီး Muis က ထောက်ပံ့သွားမည်ဖြစ်သည်။

Ref: Today Online

Comments are closed.