1 month ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
5 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
11 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
11 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

ဧပြီ ၆၊ ၂၀၁၇
M-Media

၉ လအရွယ် အမြွှာသားငယ်လေးနှစ်ဦး၏ အလောင်းကို ပွေ့ဖက်ကာ နောက်ဆုံးအနေဖြင့် နှုတ်ဆက်နေသည့် ယူဆက်ဖ်

– နှစ်ခြိုက်စွာ အိပ်ပျော်နေသည့် အဘ်ဒူလ် ဟာမစ် ယူဆက်ဖ်တစ်ယောက် လေကြောင်းတိုက်ခိုက်မှုကြောင့် တုန်ခါမှုကို ခံစားခဲ့ရကာ နိုးလာခဲ့သည်။

ထိုအချိန်တွင် အသက်ရှု၍ မရတော့။ အော်ဟစ်ကာ အိပ်ယာမှ ဆင်းပြေးပြီး အသက် ၉ လ အရွယ် အမြွှာရင်သွေးငယ်လေးနှစ်ယောက် အသက်ရှင်နေလားဆိုသည်ကို သွားကြည့်သည်။ ဘာမှဖြစ်ပုံမရ။ ထို့ကြောင့် ဇနီးဖြစ်သူလက်သို့ ကလေးများကို အပ်ခဲ့ပြီး အိမ်မှာနေရန်မှာသည်။

သူကတော့ ဘေးအိမ်မှ မိဘများကို သွားကြည့်ရန် အပြင်သို့ထွက်သွားသည်။ ယိုင်တိုင်တိုင်ဖြစ်နေသော သူများ၊ လမ်းမပေါ်တွင် လဲကျနေသောသူများကိုလည်း တွေ့ခဲ့သည်။

ယူဆက်ဖ်နှင့် ၎င်း၏ မိန်းမဘက်မှ မိသားစုဝင်များမှာ အစ်ဒလစ်ဘ်ပြည်နယ် ချန် ရှိခ်ခွန်မြို့ မြောက်ဖက်စွန်းစွန်းတွင် နေထိုင်ကြသည်။ အင်္ဂါနေ့က ယူဆက်ဖ်၏ အိမ်နှင့် မီတာအနည်းငယ်သာလှမ်းသည့် မုန်ဖုတ်ဆိုင်အနီးတွင် လေကြောင်းတိုက်ခိုက်မှုများ ဖြစ်ပွားခဲ့သည်။

သို့သော်လည်း ထိုအဖြစ်အပျက်က ရိုးရိုးတိုက်ခိုက်မှုသာမဟုတ်။ သူပုန်များထိန်းချုပ်ထားသော ထိုနေရာတွင် ဆီးရီးယားသမ္မတ ဘာရှာ အလ်အာဆတ်၏ တပ်များက ဓာတုလက်နက်များ အသုံးပြုခဲ့သည်ဟု ပြောကြားမှုများ ရှိသည်။

ယူဆက်ဖ်တစ်ယောက် မိဘများအိမ်သို့ ရောက်လာသည့်အချိန်တွင် ညီနှစ်ယောက်မှာ သေဆုံးနေသည်ကို တွေ့ခဲ့ရသည်။ စိတ်ထင့်သွားသည့် ၎င်းက ၎င်း၏အိမ်သို့ ပြန်သွားခဲ့ပြီး ဇနီးဖြစ်သူနှင့် ကလေးငယ်များကို ကြည့်ရှုခဲ့သည်။

“သူတို့ရဲ့ ပါးစပ်တွေမှာ အမြှုပ်တွေထွက်နေပြီး၊ အကြောဆွဲနေတယ်။ သူတုိ့အားလုံး ကြမ်းပြင်ပေါ်မှာ လဲကျနေပါတယ်။ ကျွန်တော့်ကလေးနှစ်ယာက်ဖြစ်တဲ့ အဟ်မဒ်နဲ့ အေယာ၊ ကျွန်တော်တို့ ဇနီးသည် သူတို့အားလုံး ဆုံးပါးခဲ့ကြပါတယ်။ မိသားစုတစ်ခုလုံး ဆုံးရှုံးလိုက်ရတာပေါ့ဗျာ” ဟု ယူဆက်ဖ်က ကြေကွဲဆို့နင့်စွာ ပြောကြားခဲ့သည်။

ယခုနှစ်များအတွင်း ဆီးရီးယား၌ အဆိုးဝါးဆုံး ဓာတုတိုက်ခိုက်မှုဟု ယုံကြည်ရသည့် အဆိုပါအဖြစ်အပျက်တွင် ကလေးငယ်အများစုအပါအ၀င် အနည်းဆုံး လူ ၈၀ သေဆုံးခဲ့သည်။ ဆီးရီးယားအစိုးရကတော့ ဓာတုလက်နက်များ သုံးစွဲမှုမရှိဟု ငြင်းဆိုခဲ့ပြီး သူပုန်များကို အပြစ်တင်ခဲ့သည်။

ယူဆက်တစ်မှာ ထိုနေရာတွင် လဲကျသွားပြီး နာရီအနည်းငယ်ကြာသည့်အခါ ဆေးရုံ၌ ပြန်လည်သတိရလာသည့်အချိန်တွင် ဇနီးဖြစ်သူမိသားစုမှ အများအပြား အသက်ဆုံးရှုံးခဲ့သည်ဆိုသည့် ကြေကွဲဖွယ်သတင်းကို ကြားခဲ့ရသည်။

ထိုတိုက်ခိုက်မှုအတွင်း ယူဆက်ဖ်၏ ဇနီး၊ ကလေးများအပါအ၀င် ဆွေးမျိုးသားချင်း စုစုပေါင်း ၂၅ ဦး သေဆုံးခဲ့သည်။

ဗုဒ္ဓဟူးနေ့က သေဆုံးသူများကို မြှုပ်နှံခဲ့ပြီး သုဿာန်၌ အမြွှာသားငယ်လေးနှစ်ဦးကို နောက်ဆုံးနှုတ်ဆက်သည့်အနေဖြင့် ပွေ့ချီငိုကြွေးနေသည့် ယူဆက်ဖ်၏ ဓာတ်ပုံမှာ ဆိုရှယ်မီဒီယာများတွင် ပြန့်နှံ့ခဲ့ပြီး တစ်ကမ္ဘာလုံးက ဂရုဏာသက်ခဲ့ကြသည်။

ယူဆက်ဖ်ကတော့ သားငယ်လေးများမှာ ဘုရားသခင်နှင့်အတူ ရှိနေမည်ဖြစ်ပြီး၊ ဆီးရီးယားတွင်ရှိနေသည်ထက် ပိုကောင်းကြောင်း၊ ၎င်းတို့မှာ စစ်ပွဲ၏ဆိုးကျိုးများကို ခံစားခဲ့ရသော ပထမဆုံး ကလေးများမဟုတ်ကြောင်း မျက်ရည်လည်ရွဲနှင့် ပြောကြားခဲ့လေသည်။

မိသားစု ၁၉ ဦး ဆုံးရှုံး

မိသားစုဝင် ၁၉ ဦး ဆုံးရှုံးခဲ့ရသည့် မာဇင် ယူဆစ်ဖ်

အသက် ၁၃ နှစ်အရွယ် မာဇင် ယူဆစ်ဖ် လေးက ထိုတိုက်ခိုက်မှုအတွင်း မိသားစု ၁၉ ဦးကို ဆုံးရှုံးခဲ့ရသည်။

အဖွားဖြစ်သူ အိုက်ရှာ အလ်-သီလာဝီက ဆေးရုံးတွင် အောက်ဆီဂျင်တပ်ထားရပြီး အသက်ရှု ပုံမှန်မဖြစ်သေး။ အပြာရောင်နှင့် အ၀ါရောင် ဗုံးများ သူမ၏ အိမ်အနီးတွင် ကျခဲ့သည်ဟု သူမက ပြောကြားခဲ့သည်။

“ကျွန်မတို့ အသက်ရှုကြပ်လာတယ်။ ခေါင်းတွေမူးလာပြီး နောက်တော့ မေ့လဲသွားပါတယ်။ မာဇင်က သူ့အဖိုးကို သွားပြီးထူဖို့ ကြိုးစားခဲ့ပါတယ်”

မာဇင်က မနက်စောစော ၆ နာရီခွဲခန့်တွင် လေကြောင်းတိုက်ခိုက်မှုဖြစ်လာကြောင်း၊ အဖွားဖြစ်သူ၏အိမ်ရှေ့တွင် ပေါက်ကွဲမှုကြောင့် အပြေးအလွှား သွားရောက်ခဲ့ရာတွင် အဖိုးမှာ အသက်ရှုကြပ်နေသည်ကို တွေ့ရှိရကြောင်း ဖွင့်ဟခဲ့သည်။

“ကျွန်တော် ခေါင်းနောက်လာပါတယ်။ နိုးလာတဲ့အခါမှာ ကျွန်တော် အိပ်ယာထဲရောက်နေပြီး အ၀တ်အစားမရှိပါဘူး” ဟု မာဇင်က ဆိုသည်။

ထိုခိုက်မှုဖြစ်ပွားပြီးနောက် မာဇင်တို့မြေးအဖွားမှာ ဆီးရီးယားနယ်စပ်အနီးရှိ တူရကီမြို့ငယ်လေးတစ်ခုမှ ဆေးရုံသို့ ရောက်ရှိလာခဲ့သည်။

သူပုန်များ ထိန်းချုပ်ထားသော အစ်ဒလစ်ဘ်ပြည်နယ်ရှိ ဆေးရုံတိုင်းကို ဆီးရီးယားအစိုးရတပ်များက တိုက်ခိုက်ဖျက်ဆီးပစ်ခဲ့ပြီး အချို့ဆိုလျှင် အကြိမ်ပေါင်းများစွာ ဖျက်ဆီးခံရသည်။

“ကျွန်တော့်ရဲ့အဖိုး၊ ၀မ်းကွဲတွေနဲ့ သူတို့ရဲ ကလေးတွေ ဆုံးပါးသွားကြပြီလို့ ကျွန်တော့်ကိုပြောပါတယ်” ဟု မာဇင်က မျက်ရည်ပေါက်ပေါက်ကျကာ ပြောကြားခဲ့ပြီး အင်္ဂါနေ့တိုက်ခိုက်မှုအတွင်း ၎င်း၏ မိသားစုဝင် စုစုပေါင်း ၁၉ ဦး သေဆုံးခဲ့လေသည်။

တူရကီ တရားရေးဝန်ကြီးက သေဆုံသွားသည့် အလောင်း ၃ လောင်းကို စစ်ဆေးမှုအရ အင်္ဂါနေ့မနက်ပိုင်း အစ်ဒ်လစ်ဘ်တွင် တိုက်ခိုက်မှုမှာ ဓာတုလက်နက်ဖြင့် တိုက်ခိုက်ခြင်းဖြစ်သည်ဟု ယနေ့တွင် ပြောကြားခဲ့သည်။

Ref: CNN, Aljazeera

Tags:

Comments are closed.