အမေရိကန်နှင့် အာဆီယံ နိုင်ငံခြားရေးဝန်ကြီးများတွေ့ဆုံပွဲ ဒေါ်အောင်ဆန်းစုကြည် တက်မည်မဟုတ်

မေ ၃၊ ၂၀၁၇
M-Media

– မနက်ဖြန်တွင် ၀ါရှင်တန်၌ အမေရိကန်နိုင်ငံခြားရေးဝန်ကြီး ရက်ဇ် တီလာဆန်နှင့် အရှေ့တောင်အာရှမှ ထိပ်တန်းသံတမန်များ တွေ့ဆုံပွဲသို့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်မည်မဟုတ်ဟု သိရသည်။

မြန်မာအပါအ၀င် အာဆီယံအဖွဲ့ဝင်နိုင်ငံများ၏ တရုတ်နိုင်ငံနှင့် သံတမန်ဆက်ဆံရေးမှာ အကျပိုင်းသို့ ရောက်နေပြီး၊ ထရမ့်အစိုးရ၏ ဒေသတွင်းနှင့်ပတ်သက်သည့် မူဝါဒကိုလည်း ရှင်းရှင်းလင်းလင်း မသိရသေးချိန် ယခုကဲ့သို့ တွေ့ဆုံဆွေးနွေးပွဲ ပေါ်ပေါက်လာခြင်းဖြစ်သည်။

အဆိုပါတွေ့ဆုံမှုတွင် အာဆီယံနိုင်ငံမှ နိုင်ငံခြားရေးဝန်ကြီးများ တက်ရောက်မည်ဖြစ်ပြီး ကုန်သွယ်ရေး၊ တောင်တရုတ်ပင်လယ်မှ ပိုင်နက်အငြင်းပွားမှု၊ ရာဇ၀တ်မှုနှင့် အခြားသော ကိစ္စများကို ဆွေးနွေးဖွယ်ရှိနေသည်။

အတိုပင်ခံရုံးမှ တာဝန်ရှိသူ ဦးဇော်ဌေးက ဒေါ်အောင်ဆန်းစုကြည်မှာ ထိုနေ့တွင် ဥရောပ ကိုယ်စားလှယ်များနှင့် တွေ့ဆုံရန် ရှိနေသောကြောင့် တက်ရောက်နိုင်မည်မဟုတ်ကြောင်း၊ အမျိုးသားလုံခြုံရေးအကြံပေး ဦးသောင်းထွန်းကို စေလွှတ်သွားမည်ဖြစ်ကြောင်း ပြောကြားခဲ့သည်။

ဒေါ်အောင်ဆန်းစုကြည်မှာ ဥရောပခရီးစဉ်အဖြစ် တနင်္လာနေ့ ဘရပ်ဆဲလ်မြို့သို့ ရောက်ရှိလာခဲ့ပြီး၊ ဗြိတိန်နှင့် အီတလီသို့ သွားရာက်မည်ဖြစ်သည်။

ရန်ကုန်ရှိ သံတမန်အသိုင်းအ၀ိုင်းက ဒေါ်နယ်ထရမ့်အစိုး၏ မြန်မာနိုင်ငံနှင့် ပတ်သက်သည့် ပေါ်လစီမှာ သမ္မတဟောင် အိုဘားမား၏ ပေါ်လစီအတိုင်း ဆက်သွားဖွယ်ရှိသည်ဟု သုံးသပ်ကြသည်။

ဒေါ်အောင်ဆန်းစုကြည်မှာ ပြီးခဲ့သည့်နှစ် စက်တင်ဘာလက အမေရိကန်ပြည်ထောင်စုသို့ သွားရောက်ခဲ့ပြီး၊ ထိုစဉ်က သမ္မတအိုဘားမားမှာ မြန်မာနိုင်ငံအပေါ် ရှိနေသည့် ပိတ်ဆို့အားလုံးကို ဖယ်ရှားရန် သဘောတူခဲ့သည်။

Ref: Reuters