5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

မေ ၁၁၊ ၂၀၁၇
M-Media

– မေလ ၄ ရက်နေ့က မြန်မာနဲ့ ဗာတီကန်တို့အကြား တရားဝင် သံတမန်ဆက်သွယ်ရေး တည်ဆောက်ဖို့အတွက် ကြေငြာချက်ထုတ်ပြန်ခဲ့ပြီး နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ပုပ်ရဟန်းမင်းကြီး ဖရန်စစ်တို့ ရောမမှာ တွေ့ဆုံပြီးနောက်ပိုင်း ပေါ်ထွက်လာတာလည်း ဖြစ်ပါတယ်။ ဒီလို ကြေငြာလိုက်တဲ့ တစ်ခဏဟာ မြန်မာနိုင်ငံက ခန်းမှန်းချေ ၇ သိန်းသော ကက်သလစ်ဘာသာဝင်တွေ (မြန်မာနိုင်ငံ လူဦးရေ၏ ရာခိုင်နှုန်းကျော်) အတွက်သာမက၊ နိုင်ငံအတွင်း လူမျိုးစုတွေအကြား ငြိမ်းချမ်းမှု တည်ဆောက်ရေးအတွက်ပါ ထူးခြားမှုလည်း ဖြစ်ပါတယ်။

မြန်မာနိုင်ငံနဲ့ ဒီလို သင့်မြတ်သွားတာဟာ ပုပ်ရဟန်းမင်းကြီး ဖရန်စစ်လက်ထက် အာရှနဲ့ ဆက်သွယ်မှု ပြန်လည်ဆန်းသစ်ရေး အစီအစဉ်ကို ရောင်ပြန်ဟပ်တာလည်း ဖြစ်ပါတယ်။ ပုပ်ရဟန်းမင်းကြီးဟာ ၂၀၁၄ ခုနှစ်က တောင်ကိုရီးယားကို သွားရောက်ခဲ့ပြီး ၂၀၁၅ ခုနှစ်မှာတော့ သီရိလင်္ကာ၊ ဖိလစ်ပိုင်တို့ကို သွားရောက်ခဲ့ပါတယ်။ ၂၀၁၆ ခုနှစ်မှာ ဗီယက်နမ်သမ္မတ ထရန် ဒိုင် ကွမ်နဲ့ ဗာတီကန်မှာ တွေ့ဆုံခဲ့ပြီး ဒီနှစ်နှောင်းပိုင်းမှာ အိန္ဒိယနဲ့ ဘင်္ဂလားဒေ့ရ်ှတို့ကိုလည်း သွားဖို့ ရှိပါတယ်။ လက်ရှိ ပုပ်ရဟန်းမင်းကြီးဟာ ဂိုးဏ်အုပ်ဘုန်းတော်ကြီး ခန့်အပ်ရေး ဆယ်စုနှစ်နဲ့ချီ ကြာမြင့်နေတဲ့ သဘောထားကွဲလွဲမှုကို ဖြေရှင်းဖို့ တရုတ်နိုင်ငံနဲ့ ဆွေးနွေးမှုတွေလည်း ပြုလုပ်နေပါတယ်။ နောက်ထပ်ခြေလှမ်းတစ်ခုက မြန်မာနိုင်ငံအနေနဲ့ ဗာတီကန်မှာ သံတမန်ခန့်အပ်ဖို့ ဖြစ်ပြီး၊ ပုပ်ရဟန်းမင်းကြီးကလည်း Apostolic Nuncio လို့ခေါ်တဲ့ သံတမန်တစ်ဦးကို မြန်မာနိုင်ငံမှာ ခန့်အပ်မှာဖြစ်ပါတယ်။ အခုအချိန်အထိ ဗာတီကန်ဟာ Apostolic Delegate ကိုယ်စားလှယ်ဖြစ်တဲ့ ဘန်ကောက်အခြေစိုက် သံတမန် ဂိုးဏ်အုပ်ဘုန်းတော်ကြီး Paul Tschang In-Nam နေတစ်ဆင့် မြန်မာနိုင်ငံနဲ့ သံတမန်ဆက်ဆံရေး ဆောင်ရွက်နေတာဖြစ်ပါတယ်။ ဂိုးဏ်အုပ်ဘုန်းတော်ကြီး Paul Tschang In-Nam ဟာ ဗာတီကန်နဲ့ လာအို၊ ထိုင်း၊ ကမ္ဘောဒီးယားတို့ရဲ့ သံတမန်ဆက်ဆံရေးကို တာဝန်ယူထားရသူ ဖြစ်ပါတယ်။ Nuncios နဲ့ မတူတာက Apostolic Delegate ဟာ အစိုးရနဲ့ တရားဝင် ဆက်ဆံရေး ရှိတာမျိုးမဟုတ်ဘဲ ကက်သလစ်အသင်းတော်ဆိုင်ရာ ပုပ်ရဟန်းမင်းကြီးရဲ့ ကိုယ်စားလှယ်အဖြစ် ဆောင်ရွက်ရတာပါ။

အခုလို ပုံမှန်ဆက်ဆံရေးက ဗာတီကန်၊ ကမ္ဘာ့ ကက်သလစ်အဖွဲ့အစည်းတွေနဲ့ မြန်မာနိုင်ငံရဲ့ ဆက်သွယ်ဆောင်ရွက်မှုကို ပိုမိုနက်ရှိုင်းစေမှာဖြစ်ပြီး၊ တိုင်းရင်းသားလူနည်းစု အများအပြားပါဝင်တဲ့ မြန်မာနိုင်ငံက ခရစ်ယာန်တွေနဲ့ ဆက်ဆံရေး ပိုမိုတိုးတက်လာမယ့် အလားအလာလည်း ဖြစ်ပါတယ်။ မြန်မာနိုင်ငံမှာ ကက်သလစ်ခရစ်ယာန်အသင်းတော်နယ်ပယ် ၁၆ ခုရှိပြီး အဲဒီအထဲက ၁၅ ခုဟာ ဆယ်စုနှစ်ချီ ကြာမြင့်နေတဲ့ ပြည်တွင်းစစ် အဆုံးသတ်ရေး အစိုးရနဲ့ တိုင်းရင်းသားလက်နက်ကိုင်တွေအကြား ဆွးနွေးညှိနှိုင်းမှုတွေ ပြုလုပ်နေတဲ့ ကချင်ပြည်နယ်နဲ့ ရှမ်းပြည်နယ်မြောက်ပိုင်းအပါအ၀င် တိုင်းရင်းသားလူနည်းစုတွေအတွက် တာဝန်ထမ်းဆောင်နေတာ ဖြစ်ပါတယ်။

ဒါပေမယ့် ဗာတီကန်နဲ့ ဆက်ဆံရေးနီးကပ်လာမှုကြောင့် ရခိုင်ပြည်နယ်က လူမျိုးစုတစ်စုဖြစ်ပြီး အစိုးရက တရာမ၀င် ၀င်ရောက်အခြေချသူတွေဖြစ်တယ်လို့ ကြေငြာထားတဲ့ ရိုဟင်ဂျာတွေရဲ့ ဒုက္ခသုက္ခနဲ့ ပတ်သက်ပြီး ပုပ်ရဟန်းမင်းကြီးထံကနေ မြန်မာနိုင်ငံက ပိုမိုကြားရဖို့ ရှိပါတယ်။ ဗုဒ္ဓဘာသာဝင်လူ့အဖွဲ့အစည်းရဲ့ အစိတ်အပိုင်းတစ်ချို့က လူမျိုးကြီးဝါဒသဘောထားကို မီးထိုးပေးမှု တစ်စိတ်တစ်ပိုင်းပါဝင်တဲ့ ရိုဟင်ဂျာဆန့်ကျင်ရေး အကြမ်းဖက်တိုက်ခိုက်မှုဟာ နိုင်ငံတကာရဲ့ ဝေဖန်ရှုချမှုကို ခံခဲ့ရပါတယ်။ ရိုဟင်ဂျာတွေ စနစ်တကျ ညှင်းပမ်းနှိပ်စက်ခံနေရတာကို ဒေါ်အောင်ဆန်းစုကြည်က ထုတ်ဖော်ဝန်ခံတာမျိုး မရှိတာ၊ ရခိုင်ပြည်နယ်ကို ကုလရဲ့ အချက်အလက်ရှာဖွေရေးအဖွဲ့ စေလွှတ်ဖို့ ထောက်ခံမှု မရှိတာကလည်း စိတ်ပျက်မှု၊ ဝေဖန်မှုတွေကို ပိုမို ထင်ရှားလာစေပါတယ်။

ပြောင်းရွှေ့အခြေချသူတွေကို ကာကွယ်ရေးအတွက် ပွင့်ပွင့်လင်းလင်း ဆော်သြသူ ပုပ်ရဟန်းမင်းကြီးဖရန်စစ်ဟာ မြန်မာစစ်တပ်က ရိုဟင်ဂျာတွေအပေါ်မှာ လူ့အခွင့်အရေးချိုးဖောက်မှုတွေ ကျယ်ကျယ်ပြန့်ပြန့် လုပ်နေတယ်လို့ ကုလက အစီရင်ခံစာတစ်ခု ဖေဖော်ဝါရီလက ထုတ်ပြန်ခဲ့ပြီးတဲ့နောက်မှာ ရိုဟင်ဂျာတွေနဲ့ တစ်သားတည်းရှိကြောင်း စကားလုံးပြင်းပြင်းနဲ့ ကြေငြာချက်တစ်ခု ထုတ်ပြန်ခဲ့ပါတယ်။

“(ရိုဟင်ဂျာတွေဟာ) မြန်မာနိုင်ငံက မောင်းထုတ်ခံရတယ်။ ဘယ်သူကမှ လက်မခံချင်တာကြောင့် တစ်နေရာကနေတစ်နေရာကို သွားနေရတယ်။ သူတို့ဟာ လူကောင်းသူကောင်းတွေ၊ ငြိမ်းချမ်းတဲ့သူတွေ၊ ကျွန်တေ်ာတို့ရဲ့ ညီအစ်ကိုမောင်နှမတွေ ဖြစ်ပါတယ်။ သူတို့ ညှင်းပမ်းခံရတယ်။ အသတ်ခံရတယ်။ ဘာ့ကြောင့်လည်းဆိုတော့ သူတို့ရဲ့ ရိုးရာဓလေ့ထုံးစံ၊ သူတို့ရဲ့ ဘာသာသာသနာကို လက်ခံကျင့်သုံးကြလို့ပါ” လို့ ပုပ်ရဟန်းမင်းကြီးရဲ့ ဒီကြေငြာချက်မှာ ဖော်ပြထားပါတယ်။

ဒေါ်အောင်ဆန်းစုကြည်နဲ့ ရောမမှာ တွေ့ဆုံမှုမှာလည်း ပုပ်ရဟန်းမင်းကြီးက ဇန်န၀ါရီ ၁ ရက်နေ့ ‘ကမ္ဘာ့ငြိမ်းချမ်းရေးနေ့’ အတွက် ထုတ်ပြန်ခဲ့တဲ့ ‘Nonviolence: a Style of Politics for Peace’ (အကြမ်းမဖက်မှု – ငြိမ်းချမ်းရေးအတွက် နိုင်ငံရေးပုံစံတစ်ခု) ဆိုတဲ့ စာလွှာကို ပြသခဲ့ပါတယ်။ ခရစ်တော်ရဲ့ ‘ရန်သူကိုချစ်ပါ’ ဆိုတဲ့ သွန်သင်ချက်နဲ့ အကြမ်းမဖက်တဲ့ ငြိမ်းချမ်းမှုတည်ဆောက်ရေး ဆက်သွယ်မှုကို ဖော်ပြထားတဲ့ ဒီစာဟာ ကက်သလစ်အသင်းတော်ရဲ့ ငြိမ်းချမ်းရေး တည်ဆောက်မှု လုပ်နိုင်စွမ်းတွေအတွက် ကြေငြာတစ်ခုလည်း ဖြစ်ပါတယ်။ေ   နာက်ပြီး အသင်းတော်အနေနဲ့ ‘တက်ကြွပြီး ဆန်းသစ်သည့် အကြမ်းမဖက်ရေး နည်းလမ်းမှတစ်ဆင့် ငြိမ်းချမ်းရေး တည်ဆောက်ရန် ကြိုးပမ်းမှုတိုင်းတွင်’ ပါဝင်ကူညီသွားမယ်လို့လည်း ကတိပြုထားကာ ဗာတီကန်ရဲ့ အုပ်ချုပ်ရေး ဌာနခွဲတစ်ခုဖြစ်တဲ့ ‘အဓိကလူ့စွမ်းအားတိုးတက်မှု မြှင့်တင်ရေး ဌာန’ ဟာ လက်ရှိမှာ အလုပ်တွေကို စတင်လုပ်ဆောင်နေတယ် ဆိုတာကိုလည်း ကြေငြာခဲ့ပါတယ်။ ဒီဌာနဟာ (ပြောင်းရွှေ့အခြေချသူတွေနဲ့ သက်ဆိုင်တာ အပါအ၀င်) ကသလစ်အယူဝါဒရဲ့ လူမှုရေးဆိုင်ရာ သင်ကြားမှုတွေကို မြှင့်တင်၊ အကောင်အထည်ဖော်ရေးအတွက် ဗာတီကန်က အုပ်ချုပ်ရေးဌာနတွေ တော်တော်များများ ပူးပေါင်းလုပ်ဆောင်နေတာဖြစ်ကာ တရားမျှတမှုနဲ့ ငြိမ်းချမ်းရေးကို မြှင့်တင်ပေးနေတဲ့ နိုင်ငံတကာက အဖွဲ့အစည်းတွေနဲ့ ဆက်ဆံရေး တည်ဆောက်သွားဖို့လည်း ရည်ရွယ်ထားပါတယ်။ ဒေါ်အောင်ဆန်းစုကြည်ကို ပုပ်ရဟန်းမင်းကြီး ပေးလိုက်တဲ့ သတင်းစကားက ရှင်းပါတယ် – ကက်သလစ်အသင်းတော်ဟာ အကြမ်းမဖက်တဲ့ ငြိမ်းချမ်းမှု တည်ဆောက်ရေးအတွက် မြန်မာနိုင်ငံကို ကူညီဖို့ အဆင်သင့်ရှိနေတယ် ဆိုတာပါပဲ။

မြန်မာနိုင်ငံက ကက်သလစ်ခေါင်းဆောင်ပိုင်းကလည်း အကြမ်းမဖက် ငြိမ်းချမ်းရေးတည်ဆောက်မှုမှာ ပါဝင်ဆောင်ရွက်နေပါတယ်။ ၂၀၁၅ ခုနှစ် ဖေဖော်ဝါရီလမှာဆိုရင် ပုပ်ရဟန်းမင်းကြီး ဖရန်စစ်ဟာ ရန်ကုန်မြို့က ဂိုးဏ်အုပ်ဘုန်းတော်ကြီး ချားလ်စ်မောင်ဘိုကို နိုင်ငံရဲ့ ပထမဆုံး ကာဒီနယ်အဖြစ် ခန့်အပ်ခဲ့ပြီး မြန်မာနိုင်ငံက ကက်သလစ်ဘာသာဝင် အသိုင်းအ၀ိုင်း၊ နိုင်ငံရဲ့ တိုင်းရင်းသားလူနည်းစု၊ ဘာသာပေါင်းစုံချစ်ကျည်ရေး လိုအပ်ချက် စတာတွေကို အာရုံစိုက်မှု ရရှိစေခဲ့ပါတယ်။ လူများစု ဗမာတိုင်းရင်းသားထဲကဖြစ်တဲ့ ကာဒီနယ်ဘိုဟာ ဒေသတစ်ချို့က အမျိုးသမီးတွေ ‘သားဆက်ခြား’ ဖို့၊ ဗုဒ္ဓဘာသာဝင် အမျိုးသမီးနဲ့ ဗုဒ္ဓဘာသာဝင်မဟုတ်သူတွေ အိမ်ထောင်ပြုမှုအတွက် သီးသန်းစာရင်းသွင်းတာမျိုး လုပ်ဖို့၊ ဘာသာကူးပြောင်းမှု ကန့်သတ်တာတွေလုပ်ဖို့ သတ်မှတ်ထားပြီး နိုင်ငံကအတွင်းက မွတ်စလင်လူ့အဖွဲ့အစည်းကို ရည်ရွယ်တယ်လို့ ယူဆရတဲ့ ၂၀၁၅ ခုနှစ် ‘အမျိုး၊ ဘာသာ၊ သာသနာ စောင့်ရှောက်ရေးဥပဒေ’ မှာ ပါဝင်တဲ့ အပိုဒ်တွေ အပါအ၀င် လူနည်းစုတွေအပေါ် ခွဲခြားဆက်ဆံတာမျိုးကို ရှုတ်ချခဲ့ပါတယ်။ နောက်ပြီး ကာဒီနယ်ဘိုဟာ ‘အားလုံးအတွက် တရားမျှတမယ့် မြန်မာနိုင်ငံသစ်ကိုပြန်လည် စိတ်ကူးပုံဖော်ကြဖို့’ လည်း မြန်မာခေါင်းဆောင်တွေကို တိုက်တွန်းခဲ့ပါတယ်။

ဧပြီလ ၂၆-၂၇ ရက်နေ့တွင်မှာ ကာဒီနယ်ဘိုဟာ ရန်ကုန်မှာ ဘာသာပေါင်းစုံ ငြိမ်းချမ်းရေး ညီလာခံကို စီစဉ်ကျင်းပခဲ့ပြီး ဗုဒ္ဓဘာသာ၊ ခရစ်ယာန်၊ မွတ်စလင်နဲ့ ဟိန္ဒူခေါင်းဆောင်တွေ၊ အစိုးနဲ့ အရပ်ဖက်အဖွဲ့အစည်းက ကိုယ်စားလှယ်တွေ စုစုပေါင်း ၂၀၀ လောက် တက်ရောက်ခဲ့ပါတယ်။ တက်ရောက်လာကြသူတွေက ဘာသာတရားဟာ အောက်ခြေ ငြိမ်းချမ်းရေးတည်ဆောက်မှု လုပ်ငန်းတွေကို ဘယ်လို ပျိုးထောင်နိုင်လဲဆိုတာကို ဆွေးနွေးခဲ့ကြပါတယ်။ ဘာသာရေးခေါင်းဆောင်တွေရဲ့ ကိုယ်ကျင့်တရားပိုင်ဆိုင်ရာ လွှမ်းမိုးမှုနဲ့ ပြုလုပ်မယ့် ဒီလှုပ်ရှားမှုတွေဟာ အကြမ်းဖက်လိုတဲ့ လူမျိုးကြီးဝါဒ သဘောထားကို ဖြေလျော့မှု၊ အစိုးရနဲ့ တိုင်းရင်းသား လက်နက်ကိုင်တွေအကြား ငြိမ်းချမ်းရေးသဘောတူညီချက်တစ်ခုအတွက် အရှိန်အဟုန်ကို ထိန်းသိမ်းရာမှာ အကူအညီ ဖြစ်စေနိုင်ပါတယ်။ ဒီနေရာမှာ ၁၉၆၂ ခုနှစ်က ဗိုလ်ချုပ်နေ၀င်း ပြည်သူပိုင်သိမ်းခဲ့တဲ့ ကက်သလစ် သာသနာပြုကျောင်းတွေ ပြန်ပေးရေး အစိုးရကို တောင်းဆိုမယ့် အသင်းတော်ရဲ့ အစီအစဉ်ကလည်း အရေးပါတဲ့ အခန်းကဏ္ဍကနေ ပါဝင်နိုင်ပါတယ်။ ကက်သလစ်နဲ့ ကက်သလစ်မဟုတ်သူတွေကိုပါ ပညာသင်ကြားပေးတဲ့ ဒီကျောင်းတွေဟာ ပညာရေးကနေတစ်ဆင့် ဆင်းရဲမွဲတေမှုကို လျော့ချပေးနိုင်ပြီး၊ အထူးသဖြင့် လူနည်းစု တိုင်းရင်းသား ဒေသတွေမှာ မတူညီကွဲပြားစွာ ညီညွတ်မှု၊ ယဉ်ကျေးမှုတွေအကြား လေးစားမှုတွေ နှလုံးသွင်းနိုင်ဖို့ အကူအညီဖြစ်စေမှာ ဖြစ်ပါတယ်။ ဒါပမယ့် ဗာတီကန်ဟာ နိုင်ငံငယ်လေးဖြစ်ပြီး မြန်မာနိုင်ငံက ကက်သလစ်ဘာသာဝင်တွေကလည်း မဆိုစလောက်သာဖြစ်ပေမယ့် နှစ်နိင်ငံအကြား ပိုမိုနီးကပ်တဲ့ ဆက်ဆံရေးဟာ လူမျိုးစုတွေအကြား ငြိမ်းချမ်းရေးဆီကို လျှောက်လှမ်းနိုင်မယ့် လမ်းကြောင်းသစ်တစ်ခု ဖန်တီးနု
ိင်မှာ ဖြစ်ပါတယ်။

Ref : The Diplomat

(The Diplomat တွင် ဖော်ပြထားသည့် A New Chapter in Myanmar-Vatican Relations ဆောင်း
ပါးကို လေးမောင်မှ ဆီလျော်အောင် ဘာသာပြန်ဆိုသည်။)

Tags:

Comments are closed.