10 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇွန် ၁၄၊ ၂၀၁၇
M-Media

– IS နဲ့သွားရောက်ပူးပေါင်းဖို့ စီစဉ်နေတဲ့ ပထမဆုံး နိုင်ငံသား မွတ်စလင်အမျိုးသမီးတစ်ဦး ဖမ်းဆီးထိန်းသိမ်းခံရတာကို အသုံးချပြီး နိုင်ငံအတွင်းက မွတ်စလင်လူ့အဖွဲ့အစည်းအပေါ်မှာ မကောင်းမြင်တာမျိုး၊ နိုင်ငံအတွင်း အစ္စလာမ်ကြောက်ရောဂါကို မီးထိုးပေးတာမျိုး မလုပ်သင့်ဘူးလို့ စင်ကာပူ နိုင်ငံလုံးဆိုင်ရာ ခရစ်ယာန် အသင်းတော်များကောင်စီ (NCCS) က ယမန်နေ့မှာ ပြောကြားလိုက်ပါတယ်။

အသက် ၂၂ နှစ်အရွယ် အမျိုးသမီး ရှိုက်ခါ အီဇာ ဇဟ်ရာ အလ် အန်ဆာရီ ပြည်တွင်းလုံခြုံရေး အက်ဥပဒေနဲ့ ထိန်းသိမ်းခံရမှုအပေါ် အလွန်အမင်း ကြေကွဲဝမ်းနည်းရတယ်လို့လည်း NCCS က ဆိုပါတယ်။ အီဇာဟာ အွန်လိုင်းကနေ အစွန်းရောက်တွေရဲ့ သိမ်းသွင်းခြင်းခံရပြီး IS အကြမ်းဖက်အဖွဲ့နဲ့ သွားရောက်ပူးပေါင်းဖို့ စီစဉ်နေတယ်လို့ ပြည်ထဲရေးဝန်ကြီးဌာနက တနင်္လာနေ့မှာ ကြေငြာခဲ့ပါတယ်။

ဒီကိစ္စနဲ့ပတ်သက်ပြီး NCCS ရဲ့ သဘောထားကိုလည်း စင်ကာပူ အစ္စလာမ့်ဓမ္မသတ်မှူးချုပ်နဲ့ စင်ကာပူအစ္စလာမ့်ရေးရာကောက်စီ MUIS ရဲ့ အမှုဆောင်အကြီးအကဲတို့ကို ဇွန်လ ၁၂ ရက်နေ့ရက်စွဲနဲ့ ပေးပို့တဲ့ စာလွှာမှာ အခုလို ဖော်ပြထားပါတယ်။

“ကျွန်တော်တို့တိုင်းပြည် တိုးတက်ဖို့အတွက် မွတ်စလင်လူ့အဖွဲ့အစည်းဟာ သိသိသာသာ ကူညီပံ့ပိုးပေးခဲ့ပါတယ်။ ပြီးတော့ ကျွန်တော်တို့ရဲ့ လူမျိုးစုံ၊ ဘာသာစုံ လူ့အဖွဲ့အစည်း အားကောင်းလာဖို့အတွက်လည်း အများကြီးအားထုတ်ခဲ့ပါတယ်။ လမ်းမှားသူအချို့ရဲ့ လုပ်ရပ်တွေက ဒီက မွတ်စလင်အများစုကို ကိုယ်စားပြုတယ်လို့ ရှုမြင်လို့ မရပါဘူး”

NCCS ဟာ နိုင်ငံတစ်ဝှမ်း ခရစ်ယာန် အသင်းအဖွဲ့ပေါင်း ၄၅၀ လောက် ပါဝင်တဲ့အဖွဲ့ဖြစ်ပြီး၊ မွတ်စလင်လူ့အဖွဲ့အစည်းကို ဆက်လက်ပံ့ပိုးကူညီကာ ဆုမွန်ကောင်းတောင်းပေးသွားမယ်လို့လည်း ပြောကြားခဲ့ပါတယ်။

“ကျွန်တော်တို့ အမိမြေလို့ခေါ်တဲ့ ဒီနိုင်ငံမှာ လုံခြုံမှု၊ အပြန်အလှန် ချစ်ကျည်ရင်းနှီးမှုဆိုတဲ့ သဘောထားတစ်ခု စင်ကာပူနိုင်ငံသားအားလုံးမှာ ဖြစ်စေတဲ့ ဘာသာပေါင်းစုံ သဟဇာတဖြစ်မှု၊ ငြိမ်းချမ်မှုအပေါ် ဘယ်အရာကမှ အန္တရာယ်မပြုနိုင်အောင် ကျွန်တော်တို့အားလုံး ဆက်လက် လုပ်ဆောင်သွားကြပါစို့”

Ref: CNA

Comments are closed.