2 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
2 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
2 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
3 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
3 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
3 years ago
ASEAN ထိပ်သီးများ ရိုဟင်ဂျာအရေး ဆွေးနွေး
3 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
3 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
3 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
3 years ago
ဘာသာပေါင်းစုံ ဆုတောင်းပွဲ (ရုပ်သံ)


စည်သူမောင် ရေးသည်။

မြန်မာစာပေလောကမှာ ဆူဖီဒသနတွေကို ကဗျာတွေအနေနဲ့တွေ့ရလေ့ရှိပါတယ် ။

အထူးသဖြင့်တော့ ပါရှန်ပြည် (ယခု အီရန်နယ် ) က ဆူဖီသူတော်စင်ကြီး ရူမီရဲ့ ကဗျာတွေကို ဆရာမောင်သာနိုးမှ ရူမီရဲ့ကဗျာများ အမည်နဲ့ စာအုပ်ဆိုင်အတော်များများပေါ် ရောက်ရှိလာခဲ့ ပါတယ် ။ ယခု စာရေးသူညွန်းမယ့် စာအုပ်ကလည်း ဆူဖီ ဒသနတွေကို ကဗျာစာပေနဲ့ ပုံဖော်ခဲ့တဲ့ အိုမာခယမ်ရဲ့အတ္ထုပတ္ထိစာအုပ်လေး တစ်အုပ်အကြောင်းပဲဖြစ်ပါတယ် ။

အင်္ဂလိပ်ကဗျာဆရာ Edward Fitzgerald ၁၈၀၉ – ၈၃ ခုနှစ်က အင်္ဂလိပ်ဘာသာပြန်ဆိုခဲ့တဲ့ (Rubiayat of Omar Khayyam) အိုမာခယမ် ၏ ရူဘိယတ် ကဗျာများ လို့ ကဗျာစာပေလောကမှာ လူသိများတဲ့ ကဗျာစာဆိုရှင် အိုမာခယမ် အကြောင်း အတ္ထုပတ္ထိကို တစ်ခေတ်တစ်ခါက ပါရာမောင့်ရုပ်ရှင်ကုမ္ပဏီက ရိုက်ကူးခဲ့ဖူး ပါတယ်။ အဲ့ဒီ အိုမာခယမ် ရုပ်ရှင်ကားဇာတ်ညွန်းကို နာမည်ကျော် အမေရိကန် စာရေးဆရာ Manuel Komroff က၀တ္ထုအဖြစ် ပြန်ရေးထားပြီး ဆရာမင်းယုဝေက ဘာသာပြန်ထားခဲ့တဲ့ စာအုပ်အကြောင်းပါ ။

မူရင်းစာအုပ် အမည်က The Life , The Loves , The Adventures of Omar Khayyam (အိုမာခယမ်၏ ဘ၀ အချစ် နှင့် စွန့်စားခန်းများ ) ဟူ၍ဖြစ်ပါတယ် ။ စာအုပ်အကြောင်းမညွန်းခင် အိုမာခယမ်ရဲ့အကြောင်း အနည်းငယ်မိတ်ဆက်ဖော်ပြခွင့်ပြုပါ ။

အိုမာခယမ်ဟာ (၁၁)ရာစုမှာ ပေါ်ထွန်းသော ပါရှန်းကဗျာဆရာ တစ်ဦးပဲဖြစ်ပါတယ် ။ သူဟာကဗျာဆရာ တစ်ဦးဖြစ်သည်သာမက နက္ခတ္တဗေဒပညာ သချာင်္ပညာ စာပေ စကားပြေ ကဗျာနဲ့ ဒသနိကဗေဒမှာလဲ ထင်ရှားသူဖြစ်တာကြောင့် အထက်ပါအကြောင်းအရာတွေနဲ့ ပတ်သတ်တဲ့ ဆွေးနွေးပွဲတွေ ကွန်ဖရင့်တွေမှာ အိုမာခယမ်ရဲ့အကြောင်းကို သက်ဆိုင်ရာ ကဏ္ဍအလိုက် ရည်ညွန်းကိုးကား ပြောစမှန်ပြုနေရဆဲဖြစ်တယ် ။ အီရန်နိုင်ငံရဲ့ ထိပ်တန်းကဗျာက၀ိများမှာ တစ်ဦးအပါအ၀င်ဖြစ်သလို ဆူဖီတစ်ဦးလဲ ဖြစ်တာကြောင့် ဆူဖီဒသနဆိုင်ရာ အယူအဆတွေကို သူ့ရဲ့ ရူဘာခေါ်လေးကြောင်းတွဲ ကဗျာတွေမှာ အပိုဒ်ရေ ၈၀ နဲ့ အပိုဒ်ရေ ၂၀၀ ကြားမှာ ဖန်ဆင်းမှုနဲ့ တမလွန်ရဲ့လျို့ဝှက်ချင်းရာ အကြောင်းများကို ဖော်ပြထားတယ် ။ အိုမာခယမ်ရဲ့ ကဗျာတွေနဲ့ပတ်သက်လို့ အနက် အဓိပ္ပါယ်ကို ပြန်ဆိုကြရာမှာ ဘာသာစကား ကြားခံနှစ်ဆင့် ဖြစ်တာကြောင့် စာဖတ်သူ ကဗျာချစ်သူအချို့ဟာ အမှတ်သက္ခေတဖြင့် သရုပ်ဖော်မှု (Sybolism) ကို နားမလည် သတိမပြုကြတော့ပဲ ဆူဖီတွေဟာ သေသောက်ကြူးသူတွေလို့ ထင်ကုန်ကြ နားလည်ကုန်ကြ တာဟာလည်း သတိပြုရမယ့် အချက်တစ်ခုဖြစ်ပါတယ် ။

တကယ်တော့ ၀ိုင်အရက်ဆိုတာဟာ ဆူဖီတို့ရဲ့ သွန်သင်ချက်ဟူသော အဓိပ္ပာယ်နဲ့ သုံးနှုံးထားတာကို နားလည်သတိပြုဖို့လိုပါတယ် ။ ဆရာမောင်သော်က ရဲ့ ကဗျာ ဘူကေး ကဗျာစာအုပ်မှာဆိုရင် ဆူဖီသဘောကို ရှင်းပြထားတာကိုလဲ တွေ့နိုင်ပါသေးတယ် ။ အိုမာခယမ်ကို ခရစ်နှစ် ၁၀၄၀ ခုနှစ်တွင် ခိုရာဆန်နယ် နီရှာပူရ်မြို့မှာ ဖွားမြင်ပြီး ၁၁၂၃ ခုနှစ်မှာ ကွယ်လွန်ခဲ့ပါတယ် ။ ပါးရှားနိုင်ငံမှာ အိုမာခယမ် ပေါ်ထွန်းနေတဲ့ အချိန်ဟာ မြန်မာနိုင်ငံမှာ ပုဂံခေတ် ထွန်းကားနေချိန်လို့ ယေဘုယျအားဖြင့် ဆိုနိုင်ပါတယ် ။ ခရစ်နှစ် ၁၀၄၄ ခုနှစ် ပုဂံပြည် အနော်ရထာမင်း နန်းတက်ချိန်ဖြစ်တာကြောင့် အနော်ရထာမင်း နန်းမတက်မှီ လေးနှစ်အလိုခန့် အိုမာခယမ် ဖွားမြင်တယ်လို့ ပြောလို့ရပါတယ် ။

အိုမာခယမ်ရဲ့ ကဗျာတွေဟာ သမာရိုးကျ အတွေးအမြင်များမဟုတ်ပဲ ရဲရင့်သော လွတ်လပ်သော ထက်မြက်သောကြောင့် မြင့်မားသော အနုပညာအရည်အသွေးရှိကြောင်း ပြောလေ့ ရှိကြတယ် ။ အိုမာခယမ်ရဲ့ ကဗျာတွေ အတွေးအမြင်တွေဟာ ယနေ့ခေတ်ကာလနဲ့ ကိုက်ညီသည်အထိ ရှေ့တန်းရောက်ခဲ့သောကြောင့်  ကုရ်အန်ကျမ်းစာ နှင့် သမ္မာကျမ်းစာ ပြီးနောက် ဒုတိယစောင်ရေ အများဆုံး ထုတ်ဝေရတဲ့ စာအုပ်တွေဟာ အိုမာခယမ်ရဲ့ ကဗျာစာအုပ်ပဲဖြစ်တယ် ။ သူ့ရဲ့ကဗျာတွေကို နိုင်ငံပေါင်းများ စွာက ဘာသာစကားပေါင်း များစွာနဲ့ ပြန်ဆိုထုတ်ဝေလျှက်ရှိရာမှာ ဆိုဗီယက်ရုရှားနိုင်ငံဟာ တိုင်းရင်းသား ဘာသာစာပေ (၁၁)မျိုးနဲ့ ပြန်ဆိုထုတ်ဝေခဲ့ဖူးတယ် ။

မြန်မာနိုင်ငံမှာ ၁၉၄၉ ခုနှစ်လောက်က သွေးသောက် မဂ္ဂဇင်း မှာ အိုမာခယမ်ရဲ့ ကဗျာများကို အခန်းဆက် လစဉ် မြန်မာပြန်ဆို ထည့်သွင်းခဲ့ဖူး တာကို သိမှီသူ တွေ မှတ်မိကြမှာပါ ။ အဲ့ဒီအပြင် အိုမာခယမ်ရဲ့ ရူဘာအီယတ်ကဗျာများ ကို စန္ဒာရုပ်စုံ မဂ္ဂဇင်းမှာလဲ ဆရာစောဝဏ္ဏက ဘာသာပြန်ဆိုထည့်သွင်းဖူးပါသေးတယ် ။ အိုမာခယမ်ဟာ ကဗျာဆရာတစ်ယောက် ဖြစ်သည်သာမက စစ်ဆင်ရေးမှာလည်း ကျွမ်းကျင်သူဖြစ်တဲ့အတွက်ကြောင့် သူ့ရဲ့မိတ်ဆွေ နန်းရင်းဝန်က လည်းကောင်း ဘုရင်ကလည်းကောင်း ရာထူးကြီးများပေးအပ်ခဲ့ပေမဲ့ သူကလက်မခံဘဲ အထောက်အပံ့ ပင်စင် ရိက္ခာသဘောမျိုးလောက်သာယူပြီး ကဗျာဖွဲ့ဆိုခြင်း သချာင်္ကျမ်းပြုစုခြင်း နက္ခတ္တဗေဒဆိုင်ရာ စာရင်းဇယားများ ပြုစုခြင်း ပြက္ခဒိန်သစ်တီထွင်ခြင်းစတဲ့ အမှုကိစ္စများတွင်သာ မွှေ့လျှော်ခဲ့သူတစ်ဦးဖြစ်၏ ။

ဒီစာအုပ်နဲ့ ပတ်သက်လို့ ဆရာမင်းယုဝေရဲ့ အမှာစာမှာ ဆရာဟာရန်ကုန်တက္ကသိုလ် ၀ိဇ္ဖာတန်းမှာ အင်္ဂလိပ်စာပေကိုလေ့လာ ဆည်းပူးစဉ်ကာလက Edward Fitzgerald ဘာသာပြန်ထားတဲ့ အိုမာခယမ်၏ ရူဘာအီယတ် ကဗျာများကို အစအဆုံးသင်ယူ လေ့လာခဲ့ဖူးကြောင်း ၊ အိုမာခယမ်ရဲ့ ကဗျာများကို ကမ္ဘာအရပ်ရပ်က စိတ်ဝင်တစားလေ့လာ ဖတ်ရှု့လာတာနဲ့အမျှ အိုမာခယမ်ရဲ့ ဘ၀ဖြစ်စဉ်ကိုပါ လေ့လာစုဆောင်း သုတေသနပြုလာကြရာကနေ အိုမာခယမ် အတ္ထုပတ္ထိကို ကျမ်းပြုကြ ၀တ္ထုရေးကြ ရုပ်ရှင်ဇာတ်ကားများပါ ရိုက်လာကြကြောင်း ဖော်ပြထားပါတယ် ။ ဆရာမင်းယုဝေဟာ ဒီစာအုပ်ကို မြန်မာဘာသာ ပြန်ဆိုခဲ့ရာမှာ ရန်ကုန်တက္ကသိုလ် ၀ိဇ္ဇာတန်း အင်္ဂလိပ်စာပေသင်တန်းမှာ အိုမာခယမ်ရဲ့ ရူဘာအီယတ်ကဗျာများ အကြောင်းသင်ကြားပေးခဲ့ဖူးတဲ့ ပါမောက္ခဒေါက်တာထင်အောင် ရဲ့ကျေးဇူးကို အောင့်မေ့သတိရပါကြောင်းဖော်ပြထားပါတယ် ။ စာအုပ်ရဲ့ မျက်နှာဖုံးဒီဇိုင်း ကိုရေးဆွဲပေးတဲ့ ပန်ချီဆရာကြီး ဦးသောင်းဟန်ကိုလဲ ကျေးဇူးတင်ရှိကြောင်း ဖော်ပြထားပါသေးတယ် ။ ဒီစာအုပ်ဟာ ၁၉၇၂ခုနှစ်လောက်က ပုံနှိပ်ဖြန့်ချီခဲ့ဖူးပြီး ရှားပါးစာအုပ်ဖြစ်လာတဲ့ အတွက် စာရေးသူအနေနဲ့ ယခုခေတ်ကာလလို ရှေးတုန်းက ထုတ်ဝေခဲ့ဖူးတဲ့ စာကောင်းပေမွန်တွေ ပြန်လည်ထုတ်ဝေလာကြတဲ့ အချိန်မှာ ယခုစာအုပ်ကို စာပေ၀ါသနာအိုးများအတွက် ဗဟုသုတ ရသတစ်မျိုးမျိုး ပေးနိုင်မယ့် စာအုပ်တစ်အုပ် ဖြစ်မယ်လို့ ယုံကြည်ရင်း ဒီစာညွန်းလေးကိုရေးလိုက်ပါတယ် ။

စည်သူမောင်

Comments are closed.