5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇူလိုင် ၆၊ ၂၀၁၇
M-Media

ဗာတီကန်စီးတီး

– ပုပ်ရဟန်းမင်းကြီးအုပ်စိုးရာ ဗာတီကန်စီးတီးက တိုက်ခန်းတစ်ခုမှာ လိင်တူချစ်သူတွေ ပျော်ပါးမူးယစ်နေကြတဲ့ ပါတီကို ရဲတပ်ဖွဲ့က ၀င်ရောက်စီးနင်း ဖြိုခွဲခဲ့တယ်လို့ အီတလီသတင်းမီဒီယာတွေက ဖော်ပြခဲ့ပြီး ဘုန်းကြီးတွေက ကလေးတွေကို လိင်စော်ကားမှုကိစ္စကြောင့် နာမည်ပျက်နေတဲ့ ခရစ်ယာန်ကသလစ်အသင်းတော်အတွက် နောက်ထပ် ထိုးနှက်ချက်တစ်ခု ဖြစ်ပါတယ်။

ဗာတီကန်က အရေးပါတဲ့ ကာဒီနယ်တစ်ဦးရဲ့ ကိုယ်ရေးအရာရှိက ကျင်းပတဲ့ အဲဒီ ညပါတီပွဲကို ပြီးခဲ့တဲ့လက ၀င်ရောက်ဖမ်းဆီးခဲ့တာဖြစ်ပြီး ပါတီကျင်းပရာ တိုက်ခန်းဟာ ခရစ်ယာန်ကက်သလစ် ဘာသာရေးအဖွဲ့တစ်ခုဖြစ်တဲ့ Congregation for the Doctrine of the Faith က ပိုင်ဆိုင်တာပါ။

ပါတီမှာပါဝင်တဲ့ အမျိုးသားတော်တော်များများဟာ မူးယစ်ဆေးဝါးသုံးစွဲထားကြတာကိုလည်း ရဲတပ်ဖွဲ့က တွေ့ရှိခဲ့ပါတယ်။

ကာမစပ်ရှက်မှု၊ အရက်သေစာသောက်သုံးမှု၊ မူးယစ်ဆေးဝါးသုံးစွဲမှုတွေ ပါဝင်တဲ့ အဲဒီပါတီကျင်းပရာ တိုက်ခန်းဟာ ပုပ်ရဟန်းမင်းအဖြစ် အရွေးခံခဲ့ရတဲ့ ဘုန်းတော်ကြီး ဂျိုးဆက်ပ် ရက်တ်ဇင်ဂါ ကာဒီနယ်ဘ၀က နေထိုင်ရာ နေရာလည်း ဖြစ်ပါတယ်။

လက်ရှိမှာတော့ ဒီတိုက်ခန်းကို ပုပ်ရဟန်းမင်းကြီး ဖရန်စစ်ရဲ့ အကြံပေး ကာဒီနယ် ဖရန်စီကို ကိုကိုပါလ်မီရီယိုရဲ့ကိုယ်ရေးအရာရှိက အသုံးပြုနေပြီး ပါတီကို ၀င်ရောက်စီနင်းခဲ့ပြီးတဲ့နောက် ဆေးသုံးထားတဲ့ အဲဒီ ကိုယ်ရေးအရာရှိကို ကျန်းမာရေးစောင့်ရှောက်မှု ပေးခဲ့ရတယ်လို့ အီတလီမီဒီယာ Il Fatto Quotidiano က ဖော်ပြခဲ့ပါတယ်။

Congregation for the Doctrine အဖွဲ့ဟာ ကက်သလစ်အသင်းတော်အတွင်းက လိင်ပိုင်းဆိုင်ရာ စော်ကားမှုတွေကို ကိုင်တွယ်ဆောင်ရွက်ရတဲ့အဖွဲ့လည်း ဖြစ်ပါတယ်။

ပုပ်ရဟန်းမင်းကြီး ဦးဆောင်တဲ့ ခရစ်ယာန်ကက်သလစ်အသင်းတော်ဟာ လတ်တလောမှာ ဘုန်းကြီးတွေရဲ့ ကလေးတွေအပေါ် လိင်ပိုင်းဆိုင်ရာ စော်ကားမှု ပြဿနာတွေကို ရင်ဆိုင်နေရပြီး ပြီးခဲ့တဲ့တစ်ပတ်ကလည်း ပုပ်ရဟန်းမင်းကြီးရဲ့ ထိပ်တန်းအကြံပေး ဂျော့ဂ်ျပဲလ်ဟာ လိင်ပိုင်းဆိုင်ရာ စော်ကားမှုအတွက် သြစတေးလျရဲ့ တရားစွဲဆိုခြင်းကို ခံခဲ့ရပါတယ်။

Ref: News.com.au

Comments are closed.