3 weeks ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 weeks ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
7 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
7 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
7 months ago
ASEAN ထိပ်သီးများ ရိုဟင်ဂျာအရေး ဆွေးနွေး
8 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
8 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
8 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
9 months ago
ဘာသာပေါင်းစုံ ဆုတောင်းပွဲ (ရုပ်သံ)
9 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

ဇူလိုင် ၁၅၊ ၂၀၁၇
M-Media

– အစ္စရေးကသိမ်းပိုက်ထားတဲ့ ပါလက်စတိုင်းပိုင် ဂျေရုစလင်မြို့ဟောင်းမှာ သောကြာနေ့က တိုက်ခိုက်မှုတစ်ခု ဖြစ်ပွားခဲ့ပြီးတဲ့နောက်ပိုင်း အလ်-အက်ဆာ ဗလီဝတ်ကျောင်းတော်ကို အစ္စရေးက ပိတ်ပစ်မှုအတွက် အစ္စလာမ်ကမ္ဘာက ခေါင်းဆောင်တွေက ရှုတ်ချလိုက်ပါတယ်။

အလ်-အက်ဆာ ဗလီဝတ်ကျောင်းတော် အပြင်ဘက် အစ္စရေးစစ်ဆေးရေးဂိတ်မှာ သေနတ်ကိုင်ဆောင်ထားတဲ့ ပါလက်စတိုင်း ၃ ဦးရဲ့ ပစ်ခတ်မှုအတွင်း အစ္စရေးရဲနှစ်ဦး သေဆုံးခဲ့ပြီး နောက်ပိုင်း အပြန်အလှန်ပစ်ခတ်မှုကြောင့် လက်နက်ကိုင် ပါလက်စတိုင်း ၃ ဦးစလုံး သေဆုံးခဲ့ပါတယ်။

အဲဒီအဖြစ်အပျက်အပြီးမှာ အစ္စရေးက အလ်-အက်ဆာဗလီကို ပိတ်ပစ်ခဲ့ပြီး သောကြောနေ့ ၀တ်ပြုဆုတောင်းမှုကို ခွင့်မပြုဘဲ၊ ဂျေရုစလင်မွဖ်သီ ရှိခ် မိုဟာမက် ဟူစိုင်ကိုလည်း ဖမ်းဆီးထိန်းသိမ်းခဲ့ပါတယ်။

“အလ်-အက်ဆာ ဗလီကို ပြန်ဖွင့်ဖို့နဲ့ အဲဒီမှာ ၀တ်ပြုဆုတောင်းခွင့်ရဖို့ ကျွန်တော်တို့ ရင်ဆိုင်သွားမှာပါ။ ၀တ်ပြုမှုကို တားမြစ်တဲ့ ကျူးကျော်သူတွေရဲ့လုပ်ရပ်ဟာ ဒီ အစ္စလာမ်နဲ့ပဲဆိုင်တဲ့ ဗလီမှာ ကျွန်တော်တို့ရဲ့ ၀တ်ပြုဆုတောင်းခွင့်ကို စော်ကားမှုတစ်ခုလည်း ဖြစ်ပါတယ်” လို့ မွဖ်သီကြီးက ပြောကြားခဲ့ပါတယ်။

အလ်-အက်ဆာဗလီကို ပိတ်ပစ်တဲ့ အစ္စရေးရဲ့လုပ်ရပ်အတွက် အာရပ်ကမ္ဘာနဲ့ မွတ်စလင်ခေါင်းဆောင်တွေကလည်း ရှုတ်ချခဲ့ပါတယ်။

အာရပ်လိဂ်

နိုင်ငံပေါင်း ၂၂ နိုင်ငံပါဝင်တဲ့ အာရပ်လိဂ်က ထုတ်ပြန်တဲ့ ကြေငြာချက်မှာ အလ်-အက်ဆာဗလီကို ပိတ်ပြီး၊ သောကြာနေ့ဝတ်ပြုဆုတောင်းမှုကို ဖျက်ပစ်လိုက်တာဟာ အန္တရာယ်ရှိတဲ့လုပ်ရပ်ဖြစ်ပြီး နောက်ဆက်တွဲပြဿနာတွေ ဖြစ်လာနိုင်ကြောင်း၊ ဒေသတွင်းမှာ လုပ်နေတယ်လို့ဆိုတဲ့ ငြိမ်းချမ်းရေးလုပ်ငန်းစဉ်ကို ဆုတ်ယုတ်စေမှာဖြစ်ကာ ပဋိပက္ခ၊ အကြမ်းဖက်ဝါဒနဲ့ အစွန်းရောက်ဝါဒတွေကို မီးထိုးပေးသလို ဖြစ်မှာဖြစ်ကြောင်း ဖော်ပြထားပါတယ်။

အလ်-အက်ဆာဗလီကို ချက်ခြင်း ပြန်ဖွင့်ပေးဖို့၊ ဗလီကြီးရဲ့ သမိုင်းဝင်အမှတ်သညာကို ပြောင်းလဲတဲ့ ဘယ်လိုအပြုအမူမျိုးကိုမှ မလုပ်ဖို့ မနေ့က ထုတ်ပြန်တဲ့ ဒီကြေငြာချက်မှာ တိုက်တွန်းခဲ့ပြီး အစ္စလာမ်နဲ့ ခရစ်ယာန်တို့ရဲ့ မြင့်မြတ်ရာ ဒီနေရာကို ကာကွယ်ကြပေးဖို့ နိုင်ငံတကာကိုလည်း တောင်းဆိုခဲ့ပါတယ်။

ဂျော်ဒန်

အလ်-အက်ဆာဗလီကို ထိန်းသိမ်းစောင့်ရှောက်နေတဲ့ ဂျော်ဒန်ကလည်း ဗလီပြန်ဖွင့်ပေးဖို့ တိုက်တွန်းခဲ့ပြီး ဂျေရုစလင်မြို့ဟောင်း ဒါမှမဟုတ် ဗလီဝတ်ကျောင်းတော်တွေရဲ့ လက်ရှိအနေအထားကို ပြောင်းလဲဖို့ရည်ရွယ်တဲ့ ဘယ်လို့ ခြေလှမ်းမျိုးကိုမဆို မလှမ်းဖို့လည်း ပြောကြားခဲ့ပါတယ်။

“မွတ်စလင်တွေရဲ့အခွင့်အရေးအပေါ် ဘယ်လိုတိုက်ခိုက်မှုမျိုးကိုမှ ဂျော်ဒန်က လက်မခံပါဘူး” လို့ ဂျော်ဒန်အစိုးရ ပြောရေးဆိုခွင့်ရှိသူ မိုဟာမက် မိုမာနီက ကြေငြာချက်မှာ ပြောကြားခဲ့ပါတယ်။

ကာတာ

ကာတာနိုင်ငံခြားရေးဝန်ကြီးဌာနက အလ်-အက်ဆာဗလီကို ပိတ်ပြီး၊ စစ်ဖက်ဇုန်အဖြစ်ကြေငြာတာ၊ ၀တ်ပြုဆုတောင်းမှု တားမြစ်တာ စတဲ့ အစ္စရေးရဲ့ လုပ်ရပ်တွေဟာ အစ္စလာမ့်အထွဋ်အမြတ်ထားရာနေရာတွေကို ဆိုးဆိုးဝါးဝါး ချိုးဖောက်မှုဖြစ်ပြီး ကမ္ဘာတစ်ဝှမ်းက သန်းနှင့်ချီတဲ့ မွတ်စလင်တွေကို ဒေါသထွက်စေလိမ့်မယ်လို့ ပြောကြားခဲ့ပါတယ်။

နောက်ပြီး ဒီလိုချိုးဖောက်မှုတွေ ရပ်တန့်ရေး နိုင်ငံတကာအသိုင်းအ၀ိုင်းက တာဝန်ယူ ဆောင်ရွက်ဖို့လည်း နိုင်ငံခြားရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြခဲ့ပါတယ်။

တူရကီ

တူရကီနိုင်ငံခြားရေးဝန်ကြီးဌာနက သောကြာနေ့အဖြစ်အပျက်အတွက် ၀မ်းနည်းကြောင်း ပြောကြားခဲ့ပြီး အစ္စရေးက ကျူးကျော်သိမ်းပိုက်ထားတဲ့ အရှေ့ဂျေရုစလင်က ဘာသာရေးဆိုင်ရာ နေရာတွေ – အထူးသဖြင့် အလ်-အက်ဆာ ဗလီဝတ်ကျောင်းတော်ရဲ့ ထွဋ်မြတ်မှု၊ သမိုင်းကြောင်းဆိုင်ရာ အမှတ်သညာတွေကို အလေးထားဖို့ဟာ လူ့ကျင့်ဝတ်နဲ့ ဥပေဒအရ ဆောင်ရွက်ရမယ့် တာဝန်တွေဖြစ်တယ်လို့ ပြောကြားခဲ့ပါတယ်။

အလ်-အက်ဆာဗလီကို ချက်ခြင်းပြန်ဖွင့်ပေးဖို့၊ တည်ငြိမ်မှုရှိအောင် မြန်မြန်ဆန်ဆန် ဆောင်ရွက်ဖို့လည်း တူရကီက ထည့်သွင်းပြောဆိုခဲ့ပါတယ်။

သောကြာနေ့က သေနတ်နဲ့ပစ်ခတ်မှုအပြီးမှာ အစ္စရေးတပ်ဖွဲ့တွေဟာ ဗလီဝတ်ကျောင်းတော်ရဲ့ ဝေယျဝစ္စတွေကို လုပ်ကိုင်နေတဲ့အဖွဲ့က အဖွဲ့ဝင် ၆၀ နီးပါးကို ဖမ်းဆီးခဲ့ပါတယ်။

၂၀၁၅ ခုနှစ် အောက်တိုဘာမှာ အစ္စရေးတပ်ဖွဲ့တွေနဲ့ ဂျူအခြေချနေထိုင်သူတွေက အလ်-အက်ဆာဗလီကို ၀င်ရောက်စီးနင်းခဲ့ပြီးနောက်ပိုင်း ဂျေရုစလင်မှာ တင်းမာမှုတွေ မြင့်တက်ခဲ့ပြီး ပါလက်စတိုင်းပြည်သူ ၃၀၀ ကျော်လောက် အစ္စရေးတပ်ဖွဲ့တွေရဲ့ ပစ်ခတ်သတ်ဖြတ်မှုကို ခံခဲ့ရပါတယ်။

အစ္စရေးကတော့ ပါလက်စတိုင်းပိုင် အရှေ့ဂျေရုစလင်ကို ကျူးကျော်သိမ်းပိုက်ထားပြီး တရားမ၀င်အခြေချအိမ်ယာတွေကို ဆောက်လုပ်တာ၊ သမိုင်းဝင်အဆောက်အဦးတွေကို ဖြိုချဖျက်ဆီးတာ၊ ပါလက်စတိုင်းပြည်သူတွေကို မောင်းထုတ်တာ စတဲ့လုပ်ရပ်တွေကို လုပ်လာခဲ့ပါတယ်။

Ref: Press TV



Tags:

Comments are closed.