11 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
1 year ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
1 year ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
2 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
2 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
2 years ago
ASEAN ထိပ်သီးများ ရိုဟင်ဂျာအရေး ဆွေးနွေး
2 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 years ago
ဘာသာပေါင်းစုံ ဆုတောင်းပွဲ (ရုပ်သံ)

သြဂုတ် ၇၊ ၂၀၁၇
M-Media

စင်ကာပူ လွှတ်တော်ဥက္ကဌ ဟာလီမာ ယာကွဘ်

– လက်ရှိတွင် စင်ကာပူ လွှတ်တော်ဥက္ကဌအဖြစ် တာဝန်ထမ်းဆောင်နေသည့် မွတ်စလင်အမျိုးသမီး ဟာလီမာ ယာကွဘ်က မကြာခင်ပြုလုပ်မည့် သမ္မတရွေးကောက်ပွဲတွင် ၀င်ရောက်ယှဉ်ပြိုင်သွားမည်ဟု ယမန်နေ့တွင် ကြေငြာလိုက်သည်။

“ရွေးကောက်တင်မြှောက်ခံရတဲ့ သမ္မတနေရာဟာ စင်ကာပူပြည်သူအားလုံးနဲ့ စင်ကာပူနိုင်ငံ အကျိုးအတွက် ဆောင်ရွက်ပေးဖို့ အင်မတန်ကောင်းမွန်တဲ့နေရာဆိုတာ ကျွန်မသိပါတယ်။ ဒါ့ကြောင့် လာမယ့် သမ္မတရွေးကောက်ပွဲမှာ ကျွန်မ ၀င်ရောက်ယှဉ်ပြိုင်မယ်ဆိုတာ အသိပေးချင်ပါတယ်” ဟု ဟာလီမာက Marsiling Mega Sports Park တွင်ပြုလုပ်သည့် အမျိုးသားနေ့ ညစာစားပွဲတွင် ပြောကြားခဲ့သည်။

စင်ကာပူတွင် ယခုတစ်ကြိမ်သမ္မတအဖြစ် တာဝန်ထမ်းဆောင်ရမည့်အလှည့်မှာ မလေးလူမျိုးများ၏ အလှည့်ဖြစ်ပြီး မဒမ် ဟာလီမာမှာ ယနေ့တွင် လွှတ်တော်ဥက္ကဌအဖြစ်မှလည်းကောင်း၊ လွှတ်တော်အမတ်အဖြစ်မှလည်းကောင်း နှုတ်ထွက်သွားမည်ဖြစ်သည်။

သူမတာဝန်ထမ်းဆောင်နေသည့် လွှတ်တော်အမတ်နေရာအတွင် အလျင်အမြန် အစားထိုးပေးရန် ၀န်ကြီးချုပ် လီရှန်လွန်းကို တောင်းဆိုထားသည်ဟုလည်း သူမက ထည့်သွင်းပြောကြားခဲ့သည်။

ညစာစားပွဲအပြီး မီဒီယာသို့ ဖြေကြားမှုတွင် ဟာလီမာက သမ္မတရာထူးမှာ ‘အလွန်မလွယ်သည့်အလုပ်ဖြစ်ပြီး၊ တာဝန်ကြီးသောကြောင့်’ ‘သေသေချာချာ စဉ်းစားရန်’ အချိန်ယူခဲ့ရသည်ဟု ပြောကြားခဲ့သည်။

“သမ္မတရွေးကောက်ပွဲမှာ ၀င်ရောက်ယှဉ်ပြိုင်ရေး စဉ်းစားဖို့ စင်ကာပူပြည်သူတွေရဲ့ တိုက်တွန်းမှုအတွက် ကျွန်မအနေနဲ့ တော်တော်လေး ပီတီဖြစ် ဂုဏ်ယူမိပါတယ်”

အဆိုပါ ‘ခက်ခဲသည့် ဆုံးဖြတ်ချက်’ ကို ချမှတ်ရန်အတွက် မိသားစုဝင်များ၊ လုပ်ဖော်ကိုင်ဖက်များ၊ ရင်းနှီးသည့် သူငယ်ချင်းများနှင့် တွေ့ဆုံကာ ကျယ်ကျယ်ပြန့်ပြန့် ဆွေးနွေးညှိနှိုင်း တိုင်ပင်ခဲ့ရသည်ဟုလည်း ဟာလီမာက ဆိုသည်။

အမျိုးသား ဖွံ့ဖြိုးတိုးတက်ရေးဝန်ကြီး Lawrence Wong က မဒမ်ဟာလီမာမှာ သူမ၏ ဆုံးဖြတ်ချက်အတွက် ၎င်းအပါအ၀င် Marsiling-Yew Tee ဒေသမှ လွှတ်တော်အမတ်များနှင့် ဆွေးနွေးခဲ့သည်ဟု Facebook စာမျက်နှာတွင် ရေးသားခဲ့သည်။

ဟာလီမာကလည်း သမ္မတဆိုသည်မှာ နိုင်ငံကို စည်းလုံးစေကာ၊ စင်ကာပူနိုင်ငံနှင့် စင်ကာပူပြည်သူများအကျိုးကို ဆောင်ရွက်ပေးခြင်းဟူသည့် တန်ဖိုးများကို ပြသရမည်သူဖြစ်သည်ဟု မိမိထင်ကြောင်း ယမန်နေ့က ၎င်း၏ Facebook စာမျက်နှာတွင် ရေးသားခဲ့သည်။

“ဒီလိုသမ္မတမျိုး ကျွန်မ လိုချင်တာပါ။ ဒီလိုသမ္မတမျိုး ကျွန်မဖြစ်ချင်တာပါ” ဟု သူမက ရေးသားခဲ့သည်။

စင်ကာပူသမ္မတ ရွေးကောက်ပွဲကို စက်တင်ဘာလတွင် ကျင်းပပြုလုပ်သွားမည်ဖြစ်ပြီး မလေးလူမျိုး သမ္မတလောင်းများ၏ လျှောက်ထားမှုများကို ဇွန်လ ၁ ရက်နေ့က စတင်လက်ခံခဲ့ကာ ယခုလအတွင်း ရွေးကောက်ပွဲဆိုင်ရာ ထုတ်ပြန်မှုများ ပြုလုပ်ပြီး ၅ ရက်အကြာတွင် လျှောက်လွှာပိတ်မည်ဖြစ်သည်။

Ref: CNA

 

Comments are closed.