3 days ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
5 days ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
4 weeks ago
ASEAN ထိပ်သီးများ ရိုဟင်ဂျာအရေး ဆွေးနွေး
1 month ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
2 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
2 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
2 months ago
ဘာသာပေါင်းစုံ ဆုတောင်းပွဲ (ရုပ်သံ)
2 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ
2 months ago
ဘာသာပေါင်းစုံ ဆုတောင်းပွဲ ဖိတ်ကြားလွှာ (ရန်ကုန်)
2 months ago
ရွှေတိဂုံစေတီ ဝတ္တကမြေအတွင်း ဘာသာခြားများကို ဈေးရောင်းခွင့် ကန့်သတ်ထားခြင်း မရှိဟုဆို

အောက်တိုဘာ ၁၂၊ ၂၀၁၇
M-Media

– မြန်မာအရေးနဲ့ပတ်သက်ပြီး သောကြာနေ့မှာ လုံခြုံရေးကောင်စီက ကြားဖြတ် တံခါးပိတ်အစည်းအဝေးတစ်ခုလုပ်ဖို့ ရှိနေပြီး ရခိုင်အကြံပေးကော်မရှင် ဥက္ကဌအဖြစ် တာဝန်ယူကာ အစီရင်ခံစာ ထုတ်ပြန်ပေးခဲ့တဲ့ ကုလ အတွင်းရေးမှူးချုပ်ဟောင်း ကိုဖီအန်နန်တက်ရောက်ရှင်းလင်းဖို့ ရှိတယ်လို့ သံတမန်အသိုင်းအ၀ိုင်းက ပြော
ကြားလိုက်ပါတယ်။

ကုလရဲ့ နိုင်ငံရေးဆိုင်ရာ တာဝန်ရှိသူ ဂျက်ဖရီ ဖဲလ်တ်မန်ဟာလည်း သောကြာနေ့မှာ မြန်မာနိုင်ငံကို လာရောက်ဖို့ရှိနေပြီး ၄ ရက်တာခရီးစဉ်မှာ ရခိုင်ပြည်နယ်က ကိစ္စတွေအကြောင်း ဆွေးနွေးဖို့ ရှိနေပါတယ်။

“ဒီ လတ်တလောပြဿနာကို ဖြေရှင်းဖို့အတွက် မစ္စတာ ဖဲလ်တ်မန်ဟာ မြန်မာနိုင်ငံမှာ ဆွေးနွေးမှုတွေ လုပ်မှာ ဖြစ်ပါတယ်” လို့ ကုလ တာဝန်ရှိသူတစ်ဦးက ဆိုပါတယ်။

ကုလအတွင်းရေးမှူးချုပ် အန်တိုနီယို ဂူတာရက်စ်က ရခိုင်ပြည်နယ်အတွင်းမှာ စစ်ဆင်ရေးတွေ ရပ်တန့်ဖို့၊ ပဋိပက္ခဖြစ်ပွားတဲ့ ဒေသတွေမှာ အကူအညီတွေ ၀င်ရောက်ခွင့်ပေးဖို့၊ ထွက်ပြေးခဲ့ရတဲ့ ရိုဟင်ဂျာတွေကို လုံခြုံစွာ နေရပ်ပြန်ခွင့်ပေးဖို့တွက် မြန်မာအစိုးရကို တိုက်တွန်းထားပါတယ်။

ကိုဖီအန်နန်ဟာ သြဂုတ်လနှောင်းပိုင်းက ရခိုင်ကော်မရှင် နောက်ဆုံးအစီရင်ခံစာကို ထုတ်ပြန်ခဲ့ပြီး အဲဒီအထဲမှာ ရိုဟင်ဂျာတွေရဲ့ ဒုက္ခသုက္ခတွေကို ဖြေရှင်းရေး အလျင်အမြန်ဆောင်ရွက်ဖို့အတွက် မြန်မာအာဏာပိုင်တွေကို တိုက်တွန်းခဲ့ပါတယ်။

ကိုဖီအန်နန်ပါဝင်မယ့် မနက်ဖြန် ကြားဖြတ် အစည်းအဝေးကို ပြင်သစ်နဲ့ ဗြိတိန်တို့က တောင်းဆိုခဲ့တာဖြစ်ပြီး ရခိုင်ပြည်နယ်ကိစ္စကို တုန့်ပြန်မှုနဲ့ပတ်သက်ပြီး လုံခြုံရေးကောင်စီရဲ့ နောက်ထပ်ခြေလှမ်းတစ်ခုလည်း ဖြစ်ပါတယ်။

ဗုဒ္ဓဟူးနေ့ကထွက်လာတဲ့ ကုလလူ့အခွင့်အရေးရုံးရဲ့ အစီရင်ခံစာမှာ မြန်မာစစ်တပ်ဟာ ရခိုင်ပြည်နယ်အတွင်းက ရိုဟင်ဂျာမွတ်စလင်တွေ ထွက်ပြေးသွားပြီး ပြန်မလာနိုင်အောင် စနစ်တကျ လုပ်ဆောင်နေတယ်လို့ ဖော်ပြထားပါတယ်။

ရိုဟင်ဂျာတွေ နေရပ်ပြန်နိုင်ရေးအတွက် ဗြိတိန်ဟာ လုံခြုံရေးကောင်စီနဲ့ ပူးတွဲလုပ်ဆောင်နေပေမယ့် မြန်မာနိုင်ငံမှာ အကျိုးစီးပွားတွေရှိနေတဲ့ တရုတ်နိုင်ငံနဲ့ ညှိနှိုင်းနေရတာကြောင့် နှေးကွေးနေတယ်လို့ သံတမန်တွေက ပြောကြားခဲ့ပါတယ်။

မနက်ဖြန်ပြုလုပ်မယ့် လုံခြုံရေးကောင်စီအစည်းအဝေးဟာ တံခါးပိတ်အစည်းအဝေးဖြစ်ပြီး အဖွဲ့ဝင်အားလုံးနဲ့၊ ဒေသတွင်းနိုင်ငံတစ်ချို့၊ အဖွဲ့အစည်းတစ်ချို့ကို ဖိတ်ခေါ်ထားတယ်လို့ ဆိုပါတယ်။

Ref: AFP



Comments are closed.