3 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
9 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
9 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
9 months ago
ASEAN ထိပ်သီးများ ရိုဟင်ဂျာအရေး ဆွေးနွေး
10 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
10 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
10 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
10 months ago
ဘာသာပေါင်းစုံ ဆုတောင်းပွဲ (ရုပ်သံ)
10 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

ဇန်န၀ါရီ ၃၀၊ ၂၀၁၈
M-Media

ပြီးခဲ့သည့်နှစ် ဗလီဝတ်ကျောင်းတော် အကြမ်းဖက်တိုက်ခိုက်ခံရမှုအတွင်း သေဆုံးသွားသူများ၏ ဈာပနတွင် တွေ့ရသည့် ကနေဒါဝန်ကြီးချုပ် (ယာအစွန်)

– အစ္စလာမ်ကြောက်ရောဂါနဲ့ လူမျိုးရေးခွဲခြားမှုအတွက် ကနေဒါမှာ နေရာမရှိဘူးလို့ ကနဒါဝန်ကြီးချုပ် ဂျပ်စတင် ထရူဒူက မနေ့မှာ ပြောကြားလိုက်ပါတယ်။

၂၀၁၇ ခုနှစ် ဇန်န၀ါရီ ၂၉ ရက်နေ့က ကူဘတ်ပြည်နယ် စိန့်ဂျွန်းမြို့က မတ်စ်ဂျစ်ဒ် အလ် နူရ် ဗလီဝတ်ကျောင်းတော် အကြမ်းဖက်တိုက်ခိုက်ခံရမှု တစ်နှစ်မြောက် ဆုတောင်းပွဲအခမ်းအနား မတက်ရောက်ခင်မှာ ၀န်ကြီးချုပ်က ဒီလိုပြောကြားလိုက်တာပါ။

ညနေပိုင်း ၀တ်ပြုဆုတောင်းနေစဉ်အတွင်းမှာ သေနတ်သမားတစ်ယောက်က ဗလီဝတ်ကျောင်းတော်ထဲ ၀င်ရောက်ပစ်ခတ်မှုကြောင့် လူ ၆ ဦးသေဆုံးပြီး ၁၉ ဦး ဒဏ်ရာရရှိခဲ့တာ ဖြစ်ပါတယ်။

မနေ့က ဒီဗလီဝတ်ကျောင်းတော်မှာပြုလုပ်တဲ့ အောက်မေ့ဖွယ်အခမ်းအနားကို ၀န်ကြီးချုပ် ထရူဒူအပါအ၀င် အစိုးရတာဝန်ရှိသူတွေ၊ အတိုက်အခံပါတီက တာဝန်ရှိသူတွေအပါအ၀င် လူပေါင်း ၁၀၀ လောက် တက်ရောက်ခဲ့ကြပါတယ်။

တနင်္လာနေ့မနက်ပိုင်း လွှတ်တော်မိန့်ခွန်းမှာ ထရူဒူက အစ္စလာမ်ကြောက်ရောဂါတိုက်ဖျက်ရေး ရပ်တည်ဆောင်ရွက်သွားကြဖို့ လွှတ်တော်အမတ်တွေကို တိုက်တွန်းခဲ့ပါတယ်။

“သေဆုံးသွားသူတွေအပေါ် ကျွန်တော်တို့ အကြွေးတင်နေတာက အစ္စလာမ်ကြောက်ရောဂါနဲ့ ဒီလို ခွဲခြားဆက်ဆံမှု ပုံစံအားလုံးကို ကိုယ်၊ နှုတ်၊ နှလုံး သုံးပါးစလုံးနဲ့ ဆန့်ကျင်သွားဖို့ ဖြစ်ပါတယ်”

အောက်မေ့ဖွယ်အခမ်းအနားမှာ နယူးဖောင်လန်းနဲ့ လာဘရာဒို မွတ်စလင်အသင်းဥက္ကဌ မန်ဆူရ် ပီရ်ဇာဒါက ခွဲခြားဆက်ဆံမှုနဲ့ အကြမ်းဖက်မှုတွေဟာ လက်မခံနိုင်စရာဖြစ်တယ်လို့ ဆိုပါတယ်။

“ခင်ဗျားတို့ ဒီနေရာကို ရောက်ရှိနေတာဟာ အမုန်းတရား၊ စနစ်တကျ လူမျိုးရေးခွဲခြားမှု၊ အစ္စလာမ်ကြောက်ရောဂါ၊ ဘာသာရေးခွဲခြားမှုနဲ့ အမုန်းရာဇ၀တ်မှုတွေအားလုံးကို လက်မခံဘူးဆိုတဲ့ ပြယုဂ်ပါ။ ဖယ်ကျဉ်းရေးဝါဒထက် စုစည်းရေးဝါဒကို မြှင့်တင်ပေးတာ၊ မတရားမှုထက် တရားမျှတမှု၊ သည်းမခံမှုထက် သည်းခံမှု၊ ကြောက်ရွံ့မှုထက် သတ္တိရှိမှု၊ မျှော်လင့်ချက်မဲ့ခြင်းထက် မျှော်လင့်ချက်ရှိခြင်း၊ လက်ခြစားခြေချင်းထက် သည်းခံခွင့်လွှတ်ပေးခြင်းတွေဟာ ပိုမိုကောင်းမွန်ပါတယ်”

အခမ်းအနားမှာ ဗလီဝတ်ကျောင်းတော်တည်ရှိရာ စိန့်ဂျွန်းမြို့ရဲ့ မြို့တော်ဝန်၊ လက်ထောက်မြို့တော်ဝန်၊ အဆင့်မြင့်ပညာရေးဝန်ကြီး၊ ဘာသာရေးလေ့လာမှုဆိုင်ရာ ပါမောက္ခနဲ့ အခြား ဘာသာရေးခေါင်း ဆောင်တွေကလည်း မိန့်ခွန်းတွေ ပြောကြားခဲ့ပါတယ်။

သေဆုံးသွားသူတွေရဲ့ အမည်စာရင်းတွေကို ဖတ်ကြားအပြီးမှာတော့ ငြိမ်သက်ဆုတောင်းမှုတစ်ခုကို တက်ရောက်လာသူအားလုံးက ပြုလုပ်ခဲ့ကြပြီး သေဆုံးသွားသူတွေနဲ့ အသက်ရှင်ကျန်ရစ်သူတွေအကြောင်း ရိုက်ကူးထားတဲ့ မှတ်တမ်းရုပ်ရှင်ကိုလည်း ပြသခဲ့ပါတယ်။

Ref: The Telegram, ottawacitizen



Comments are closed.