2 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

ဖေဖော်ဝါရီ ၁၉၊ ၂၀၁၈
M-Media

လန်ဒန်မြို့မြောက်ဖက်က Finsbury Park ဗလီဝတ်ကျောင်းတော်ကို ဗြိတိန်မွတ်စလင်ကောင်စီရဲ့ အကြီးအကဲ ဟာရွန်ခန်း၊ ဒေသတွင်း လွှတ်တော်အမတ် အီမီလီ သောန်ဘာရီ၊ လေဘာပါတီခေါင်းဆောင် ဂျယ်ရီမီ ကော်ရ်ဘန်တို့အပါအ၀င် လူတော်တော်များများ လာရောက်ခဲ့ကြပါတယ်။

– အစ္စလာမ်သာသနာနဲ့ပတ်သက်ပြီး အထင်မှား အမြင်မှား ဖြစ်နေတာတွေကို တိုက်ဖျက်ဖို့အတွက် ဗြိတိန်မွတ်စလင်ကောင်စီက ဦးဆောင်ကာ Visit My Mosque Day လှုပ်ရှားမှုကို ဖေဖော်ဝါရီ ၁၈ ရက်နေ့မှာ ပြုလုပ်ခဲ့ပြီး ဗြိတိန်တစ်ဝှမ်းက ဗလီဝတ်ကျောင်းတော်ပေါင်း ၂၀၀ ကျော်လောက် ပါဝင်ခဲ့ပါတယ်။

အစ္စလာမ်ဘာသာဝင်မဟုတ်သူတွေ ဗလီဝတ်ကျောင်းတော်ကို လာရောက်လည်ပတ်နိုင်အောင်၊ အစ္စလာမ်နဲ့ ပတ်သက်ပြီး မရှင်းလင်းတာတွေကို မေးမြန်းနိုင်အောင် စီစဉ်ပေးတဲ့ ဒီလှုပ်ရှားမှုဟာ လူ့အဖွဲ့အစည်းအတွင်းမှာ ပိုမိုကောင်းမွန်တဲ့ ဆက်ဆံရေးရဖို့၊ အပြန်အလှန် နားလည်မှု တည်ဆောက်နိုင်ဖို့ ရည်ရွယ်တာ ဖြစ်ပါတယ်။

လန်ဒန်မြို့မြောက်ဖက်က Finsbury Park ဗလီဝတ်ကျောင်းတော်ကို ဗြိတိန်မွတ်စလင်ကောင်စီရဲ့ အကြီးအကဲ ဟာရွန်ခန်း၊ ဒေသတွင်း လွှတ်တော်အမတ် အီမီလီ သောန်ဘာရီ၊ လေဘာပါတီခေါင်းဆောင် ဂျယ်ရီမီ ကော်ရ်ဘန်တို့အပါအ၀င် လူတော်တော်များများ လာရောက်ခဲ့ကြပါတယ်။

“ဒီတနင်္ဂနွေ ဖေဖော်ဝါရီ ၁၈ ရက်နေ့မှာ ပြုလုပ်တဲ့ Visit My Mosque Day ဟာ ပြီးခဲ့တဲ့နှစ်က ဗလီဝတ်ကျောင်းတော်ကို တိုက်ခိုက်မှုနောက်ပိုင်း ထိလွယ်ရှလွယ်အနေအထားမျိုးမှာ ပြုလုပ်တဲ့ ပထမဆုံး လှုပ်ရှားမှုပါပဲ။ ဗလီဝတ်ကျောင်းတော်အတွက်တော့ ဒါဟာ ဒေသတွင်းလူ့အဖွဲ့အစည်းနဲ့ ယုံကြည်မှုတည်ဆောက်ဖို့ အရေးပါတဲ့ အခွင့်အလမ်းတစ်ခု ဖြစ်ပြီး၊ Finsbury Park ဗလီဝတ်ကျောင်းတော်ဟာ သာမန် ၀တ်ပြုရာနေရာတစ်ခုထက် ပိုတယ်ဆိုတာ ပြသလိုက်တာလည်း ဖြစ်ပါတယ်” လို့ ဂေါပကဥက္ကဌ မိုဟာမက် ကော့ဇ်ဘာက ပြောကြားခဲ့ပါတယ်။

ပြီးခဲ့တဲ့နှစ်မှာ ဒါရန် အော့စ်ဘုန်းဆိုသူက ဒီဗလီဝတ်ကျောင်းတော်ကနေ ထွက်လာသူတွေကို ကားနဲ့ဝင်တိုက်တဲ့ အကြမ်းဖက်တိုက်ခိုက်မှုတစ်ခု ဖြစ်ပွားပြီး လူ ၁ ဦးသေဆုံးကာ၊ အများအပြား ဒဏ်ရာရခဲ့ပါတယ်။

ဘရိုက်တန်မြို့က အလ်မဒီနာဗလီဝတ်ကျောင်းတော်

အင်္ဂလန်တောင်ပိုင်း ဘရိုက်တန်မြို့က အလ်မဒီနာဗလီဝတ်ကျောင်းတော်ကို လာရောက်လေ့လာ လည်ပတ်သူဟာ ရာနဲ့ချီ ရှိခဲ့ပါတယ်။

တာဝန်ရှိသူတွေက ဗလီဝတ်ကျောင်းတော်ကို လှည့်လည်ပြသခဲ့ပြီး နေ့လည်စာ တည့်ခင်းကျွေးမွေးတာတွေလည်း လုပ်ဆောင်ခဲ့ပါတယ်။

ဘရက်ဖို့ဒ်မြို့က မဒ်နီ ဗလီဝတ်ကျောင်းတော်ကို ဘရက်ဖို့ဒ် ဂိုဏ်းအုပ်ဘုန်းတော်ကြီး ဆရာတော် တိုနီ ဟောင်းဝါ့သ်အပါအ၀င် လူတော်များများ လာရောက်လည်ပတ်ခဲ့ကြပါတယ်။

အင်္ဂလန်နိုင်ငံအလယ်ပိုင်း အနောက်ယော့ခ်ရှိုင်းယားဒေသ ဘရက်ဖို့ဒ်မြို့က မဒ်နီ ဗလီဝတ်ကျောင်းတော်ကို ဘရက်ဖို့ဒ် ဂိုဏ်းအုပ်ဘုန်းတော်ကြီး ဆရာတော် တိုနီ ဟောင်းဝါ့သ်အပါအ၀င် လူတော်များများ လာရောက်လည်ပတ်ခဲ့ကြပါတယ်။

ဘရက်ဖို့ဒ်ခရိုင်က အခြားဗလီဝတ်ကျောင်းတော်တွေကိုလည်း လာရောက်သူ ရာနဲ့ချီ ရှိခဲ့ပါတယ်။

“လာရောက်သူတွေကို ဗလီ၊ အစ္စလာမ့်စင်တာတို့ကို ကျွန်တော်တို့ လိုက်ပြတယ်။ ရှေ့ဆောင်အီမာမ်က ဗလီဝတ်ကျောင်းတော်ရဲ့ အခန်းကဏ္ဍ၊ ဗလီထဲမှာ အသုံးပြုနေတဲ့ အရာတွေအကြောင်းကို ရှင်းပြခဲ့ပါတယ်” လို့ မဒ်နီဗလီက တာဝန်ရှိသူ ရီဖာကသ်အလီက ပြောကြားခဲ့ပါတယ်။

ဝေးလ်နိုင်ငံ နယူးပေါ့တ်မြို့က နယူးပေါ့အစ်ကရာဗလီနဲ့ ဂျာမီယာ ဗလီဝတ်ကျောင်းတော်တို့ဟာလည်း Visit My Mosque Day လှုပ်ရှားမှုမှာ ပါဝင်ခဲ့ပြီး ဗလီဝတ်ကျောင်းတော်မှာ အာရဘီ စာပန်းချီနဲ့ အခြား စိတ်ဝင်စားဖွယ် ပြခန်းတွေကိုလည်း ထည့်သွင်းခဲ့ပါတယ်။

ဂျာမီယာ ဗလီဝတ်ကျောင်းတော်ဟာ ဒီလှုပ်ရှားမှုမျိုးကို ပထမဆုံး ပြုလုပ်တာ ဖြစ်ပါတယ်

ဂျာမီယာ ဗလီဝတ်ကျောင်းတော်ဟာ ဒီလှုပ်ရှားမှုမျိုးကို ပထမဆုံး ပြုလုပ်တာဖြစ်ပြီး ဗလီတာဝန်ရှိသူ မိုဟာမက်ရဟ်မန်က ဒီလှုပ်ရှားမှုကြောင့် လူ့အဖွဲ့အစည်းတွေကြားထဲမှာ ပေါင်းစည်းမှု ဖြစ်လာလိမ့်မယ်လို့ မျှော်လင့်ကြောင်း ပြောကြားခဲ့ပါတယ်။

“ဒီဗလီဝတ်ကျောင်းတော်ဟာ အမြဲတမ်း တံခါးဖွင့်ထားပြီး မွတ်စလင်မဟုတ်သူတွေလည်း ကြိုက်တဲ့အချိန် လာနိုင်ပါတယ်။ ဒီနေ့ဟာ လူ့အဖွဲ့အစည်းတွေ ကျွန်တော်တို့ဆီလာပြီး ကျွန်တော်တို့ ထုံးတမ်းတွေကို လေ့လာဖို့ အကူအညီ ဖြစ်စေပါလိမ့်မယ်။ လူတွေအားလုံးလာကြပြီး သူတို့စိတ်ထဲမှာ သိချင်နေတဲ့ မေးခွန်းတွေကို
မေးမြန်းကြတာ ကျွန်တော်တို့အတွက်လည်း ကောင်းပါတယ်။ ဒါဟာ ကျွန်တော်တို့ကြားထဲက လစ်ဟာမှုတွေ၊ အထင်အမြင်မှားမှုတွေကို လျော့ကျစေမှာပါ။ ဒီနေ့ဟာ လူတိုင်းအတွင်း ပျော်ရွှင်စရာ နေ့တစ်နေ့ပါပဲ”

Ref: thetelegraphandargus, yenisafak,southwalesargus

Comments are closed.