3 weeks ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 weeks ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
7 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
7 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
7 months ago
ASEAN ထိပ်သီးများ ရိုဟင်ဂျာအရေး ဆွေးနွေး
8 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
8 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
8 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
9 months ago
ဘာသာပေါင်းစုံ ဆုတောင်းပွဲ (ရုပ်သံ)
9 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

မတ် ၈၊ ၂၀၁၈
M-Media

– ဒေါ်အောဆန်းစုကြည်ကို ချီးမြှင့်ထားတဲ့ လူ့အခွင့်အရေးဆိုင်ရာ ဂုဏ်ပြုဆုတစ်ခုကို အမေရိကန် ဟိုလိုကက်စ် အောက်မေ့ဖွယ်ပြတိုက် United States Holocaust Memorial Museum က မနေ့မှာ ပြန်ရုပ်သိမ်းလိုက်ပြီး တိုင်းပြည်အတွင်း ရိုဟင်ဂျာမွတ်စလင် လူနည်းစုတွေအပေါ် လူမျိုးစုလိုက် ရှင်လင်းဖယ်ရှားမှုကို ၀န်ခံပြောကြားတာမျိုး၊ ရပ်တန့်အောင် ဆောင်ရွက်တာမျိုး မရှိတာကြောင့်လို့ ဆိုပါတယ်။

နာဇီတွေရဲ့ လူမျိုးတုန်းသတ်ဖြတ်မှုကနေ လွတ်မြောက်ခဲ့ပြီး နိုဘယ် ငြိမ်းချမ်းရေးဆုရှင် ဖြစ်ခဲ့တဲ့ ဂျူးလူမျိုး အီလီ ၀ိုက်ဆဲလ်ကို ဂုဏ်ပြုကာ ချီးမြှင့်တဲ့ Elie Wiesel ဆုဖြစ်ပြီး ၂၀၁၂ ခုနှစ်မှာ ဒေါ်အောင်ဆန်းစုကြည်က ရရှိခဲ့တာပါ။

ပထမဆုံးရရှိသူက ၀ိုက်ဆဲလ်ဖြစ်ပြီး၊ ဒေါ်အောင်ဆန်းစုကြည်က ဒုတိယမြောက် ရရှိခဲ့တာ ဖြစ်ပါတယ်။

ဒီဆုဟာ ကမ္ဘာတစ်ဝှမ်းက အမုန်းတရားဆန့်ကျင်ခြင်း၊ လူမျိုးတုန်းသတ်ဖြတ်မှုကို တားဆီးခြင်း၊ လူ့ဂုဏ်သိက္ခာကို မြှင့်တင်ခြင်း စတဲ့ ပြတိုက်ရဲ့ ရည်ရွယ်ချက်တွေကို ဖော်ဆောင်ပေးသူတွေကို နှစ်စဉ် ပေးအပ်ချီးမြှင့်တာပါ။

ဒါပေမယ့် ဒေါ်အောင်ဆန်းစုကြည်ဟာ ဒီရည်ရွယ်ချက်ကို ရှင်သန်အောင် မလုပ်နိုင်ခဲ့ဘူးလို့ မနေ့က သူမထံ ပေးပို့တဲ့စာထဲမှာ ဖော်ပြထားပါတယ်။

“လူ့ဂုဏ်သိက္ခာနဲ့ ကမ္ဘာလုံးဆိုင်ရာ လူ့အခွင့်အရေးပေါ်မှာ နှစ်မြှုပ်ဆောင်ရွက်တယ်လို့ ကျွန်တော်တို့နဲ့ အခြားသူတွေ မှတ်ယူကြသူပီပီ ခင်ဗျားဟာ စစ်တပ်ရဲ့ ကြမ်းကြုတ်တဲ့လုပ်ရပ်တွေကို ရှုတ်ချဖို့၊ ရပ်တန့်စေဖို့ တစ်ခုခုလုပ်မယ်၊ ပစ်မှတ်ထားခံရတဲ့ ရိုဟင်ဂျာလူ့အဖွဲ့အစည်းနဲ့ တစ်သားတည်းရှိကြောင်း ပြောမယ်လို့ ကျွန်တော်တို့ ထင်ခဲ့တာပါ”

သူမနဲ့ သူမရဲ့ပါတီ NLD က ကုလ စုံစမ်းစစ်ဆေးရေးမှူးတွေနဲ့ ပူးပေါင်းဆောင်ရွက်ဖို့ ငြင်းဆန်မှု၊ ဂျာနယ်လစ်တွေကို ၀င်ရောက်ခွင့်ပိတ်ပင်မှုတွေ ရှိခဲ့သလို ရိုဟင်ဂျာတွေနဲ့ပတ်သက်ပြီး အမုန်းစကားတွေ ပြန့်နှံ့တာကိုလည်း လစ်လျူရှုထားတယ်လို့ ပြတိုက်ရဲ့ ဒီစာမှာ ထည့်သွင်းဖော်ပြခဲ့ပါတယ်။

စစ်တပ်က ပြုလုပ်နေတဲ့ လူမျိုးစုအကြမ်းဖက်မှု၊ ဗုဒ္ဓဘာသာ အမျိုးသားရေးဝါဒတွေနဲ့ပတ်သက်ပြီး ရေငုံနှုတ်ပိတ်နေတဲ့အပေါ် နိုင်ငံတကာ ဝေဖန်ပြောဆိုမှုတွေထဲမှာ ဟိုလိုကက်စ်ပြတိုက်ရဲ့ ဆုပြန်ရုပ်သိမ်းဖို့ ဆုံးဖြတ်ချက်ဟာ အပြင်းထန်ဆုံး တုန့်ပြန်မှုတွေထဲက တစ်ခု ဖြစ်လာပါတယ်။

အမေရိကန်နဲ့ အခြားနိုင်ငံတွေက မြန်မာအာဏာပိုင်တွေဟာ ရိုဟင်ဂျာတွေအပေါ် လူမျိုးစုလိုက် သုတ်သင်ရှင်းလင်းမှုတွေ လုပ်နေတယ်လို့ စွပ်စွဲပြောဆိုထားပြီး ကုလကလည်း လူမျိုးတုန်းသတ်ဖြတ်မှု လက္ခဏာတွေကို မြင်နေရတယ်လို့ ပြောကြားထားပါတယ်။

ဒေါ်အောင်ဆန်းစုကြည်ဟာ အရပ်သားအစိုးရရဲ့ ခေါင်းဆောင် ဖြစ်ပေမယ့် စီးပွားရေးနဲ့ အရေးပါတဲ့ အစိုးရဌာနတွေကို စစ်တပ်က လွှမ်းမိုးကိုင်တွယ်ထားတာကြောင့် ဒေါ်အောင်ဆန်းစုကြည်ရဲ့ အာဏာဟာ အကန့်အသတ်နဲ့သာ ရှိနေပါတယ်။

ဟိုလိုကက်စ်ပြတိုက်က စစ်တပ်ရဲ့ ဆယ်စုနှစ်ချီ မတော်မတရား အုပ်စိုးခဲ့မှုကို ရင်ဆိုင်ရာမှာ ဒေါ်အောင်ဆန်းစုကြည်အနေနဲ့ ခက်ခဲတေဲ့အခြေအနေတစ်ခု ရှိမယ်ဆိုတာ နားလည်ကြောင်း၊ ဒါပေမယ့် ရိုဟင်ဂျာတွေ ခံစားနေရတဲ့ ဒုက္ခသုက္ခတွေနဲ့ပတ်သက်ရင်တော့ တုန့်ပြန်ဖို့လိုကြောင်း စာထဲမှာ ထည့်သွင်းရေးသားခဲ့ပါ
တယ်။

အကြမ်းဖက်မှုတွေနဲ့ပတ်သက်တဲ့ အသေးစိတ်အချက်အလက်တွေ ရယူဖို့အတွက် ကုလ စုံစမ်းစစ်ဆေးရေးမှူးတွေနဲ့ ပူးပေါင်းဆောင်ရွက်ဖို့၊ တာဝန်ရှိသူတွေကို အရေးယူဖို့၊ စစ်အာဏာရှင်လက်ထပ်က ပြဌာန်းခဲ့တဲ့ ၁၉၈၂ ခုနှစ် နိုင်ငံသားဥပဒေကို ပြင်ဆင်ဖို့လည်း တိုက်တွန်းခဲ့ပါတယ်။

“ကြားနေ၀ါဒဆိုတာ ထိခိုက်ခံစားရသူအတွက်မဟုတ်ဘဲ ဖိနှိပ်သူတွေကို ပံ့ပိုးပေးတာဖြစ်သလို၊ ဆိတ်ဆိတ်နေတယ်ဆိုတာဟာလည်း ညှင်းပမ်းသူကို အားပေးတာမျိုးဖြစ်ပါတယ်” လို့ ၀ိုက်ဆဲလ်ရဲ့ စကားတစ်ခွန်းနဲ့ စာကို နိဂုံချုပ်ထားပါတယ်။

Ref: NY Times



Comments are closed.