4 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
4 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
9 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
10 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
10 months ago
ASEAN ထိပ်သီးများ ရိုဟင်ဂျာအရေး ဆွေးနွေး
11 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
11 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
11 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
11 months ago
ဘာသာပေါင်းစုံ ဆုတောင်းပွဲ (ရုပ်သံ)
11 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

ဧပြီ ၁၆၊ ၂၀၁၈
M-Media

ပြန်လည်ဝင်ရောက်လာသူကို NVC ကဒ်ပြား ပေးနေစဉ်

– လူ ၅ ဦးပါဝင်တဲ့ ရိုဟင်ဂျာမိသားစုတစ်စု နေရပ်ပြန်လည်ဝင်ရောက်တယ်ဆိုတဲ့ မြန်မာအစိုးရရဲ့ ထုတ်ပြန်ချက်ကို ဘင်္ဂလားဒေ့ရ်ှအစိုးရနဲ့ ကုလ UNHCR တို့က ပယ်ချလိုက်ပြီး ဒီကိစ္စမှာ သူတို့အနေနဲ့ ပါဝင်ပတ်သက်ခြင်းမရှိဘူးလို့ ပြောကြားလိုက်ပါတယ်။

ဘင်္ဂလားဒေ့ရှ် ဒုက္ခသည်ဆိုင်ရာ ကယ်ဆယ်ရေးနဲ့ နေရပ်ပြန်လည်ပို့ဆောင်ရေး ကော်မရှင်နာမင်းကြီး အဘ်ဒူ ကလမ်က နှစ်နိုင်ငံကြား no man’s land ကနေ မြန်မာနိုင်ငံထဲ ပြန်လည်ဝင်ရောက်တဲ့ အဲဒီမိသားစုကို မြန်မာအစိုးရက စီစဉ်ထားတဲ့ ပြန်လည်လက်ခံရေးစင်တာကို ခေါ်ဆောင်သွားခဲ့တာဖြစ်တယ်လို့ ဆိုပါတယ်။

“ဒါဟာ နေရပ်ပြန်လည်ပို့ဆောင်တာမဟုတ်ပါဘူး။ ၀ါဒဖြန့်တာသာဖြစ်ပါတယ်” လို့ ကလမ်က ရိုက်တာသတင်းဌာနကို ပြောကြားခဲ့ပါတယ်။

Dhaka Tribune ရဲ့မေးမြန်းမှုမှာလည်း ကလမ်က ဒီမိသားစုဟာ ဘင်္ဂလားဒေ့ရ်ှနိုင်ငံအတွင်းကို ၀င်ရောက်မှုမရှိတာကြောင့် နေရပ်ပြန်တယ်လို့ ပြောလို့မရကြောင်း ဖြေကြားခဲ့ပါတယ်။

မနေ့ကထုတ်ပြန်တဲ့ UNHCR ရဲ့ ကြေငြာချက်မှာ သူတို့အနေနဲ့ ဒီကိစ္စကို တိုက်ရိုက် သိရှိခြင်းမရှိခဲ့ဘဲ၊ အကြံပေးတာ၊ ပါဝင်တာမျိုးလည်း မရှိကြောင်း ဖော်ပြခဲ့ပါတယ်။

မြန်မာအစိုးရရဲ့ ပြောရေးဆိုခွင့်ရှိသူ ဦးဇော်ဌေးက ဒါဟာ ၀ါဒဖြန့်တာမဟုတ်ဘဲ ဒီမိသားစုဟာ သူတို့ရဲ့ ကိုယ်ပိုင်သဘောဆန္ဒအတိုင်း ၀င်ရောက်လာခဲ့တာဖြစ်တယ်လို့ ပြောကြားခဲ့ပါတယ်။

“ကျွန်တော်တို့ သူတို့ကို စောင့်ရှောက်ထားပါတယ်”

မြန်မာနိုင်ငံကတော့ သူတို့အနေနဲ့ ဘင်္ဂလားဒေ့ရ်ှဖက်ရောက်သွားတဲ့ လူတွေထဲက ပထမဆုံးအဖြစ် ဒီမိသားစုကို ပြန်လည်လက်ခံခဲ့တာဖြစ်ကြောင်း၊ NVC ထုတ်ပေးတာ၊ ကျန်းမာရေးစောင့်ရှောက်မှုပေးတာ၊ လိုအပ်တဲ့ ပစ္စည်းတွေ ပေးအပ်တာတွေ လုပ်ဆောင်ကာ မောင်တောမြို့ပေါ်က သူတို့ရဲ့ ဆွေမျိုးတွေအိမ်မှာ နေရာချထားပေးခဲ့ကြောင်း စနေနေ့က သတင်းထုတ်ပြန်ပါတယ်။

ပြီးခဲ့တဲ့နှစ် သြဂုတ်လက စတင်တဲ့ ရခိုင်ပြည်နယ်မြောက်ပိုင်း မတည်ငြိမ်မှုတွေအတွင်း ရိုဟင်ဂျာ ၇ သိန်းနီးပါးလောက် အိုးအိမ်စွန့်ခွာ ထွက်ပြေးခဲ့ရပြီး ဒီလိုတွေ နေရပ်ပြန်နိုင်ရေး မြန်မာနဲ့ ဘင်္ဂလားဒေ့ရ်ှတို့ ပြီးခဲ့တဲ့နှစ် နှောင်းပိုင်းကတည်းက လက်မှတ်ထိုးထားပေမယ့် အခုအချိန်အထိ တရားဝင် ပို့ဆောင်တာမျိုး မရှိသေးပါဘူး။

Ref: Reuters



Comments are closed.