3 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
9 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
9 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
9 months ago
ASEAN ထိပ်သီးများ ရိုဟင်ဂျာအရေး ဆွေးနွေး
10 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
10 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
10 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
11 months ago
ဘာသာပေါင်းစုံ ဆုတောင်းပွဲ (ရုပ်သံ)
11 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

မေ ၁၅၊ ၂၀၁၈
M-Media

အစ္စရေးမှာ အကြမ်းဖက်တိုင်းပြည်ဟု အာဒိုဂန်ပြော
===============
အစ္စရေးဟာ အကြမ်းဖက်တိုင်းပြည်ဖြစ်တယ်လို့ တူရကီသမ္မတ အာဒိုဂန်က ပြောကြားလိုက်ပြီး အမေရိကန်နဲ့ အစ္စရေး သံအမတ်တွေကိုလည်း တူရကီက ပြန်လည်ခေါ်ဆောင်ခဲ့ပါတယ်။ အမေရိကန်သံရုံး ဂျေရုစလင်ကို ပြောင်းရွှေ့ခဲ့တဲ့ မနေ့က ဂါဇာမှာ အစ္စရေးလက်ချက်ကြောင့် လူ ၄၀ ကျော်လောက် သေဆုံးခဲ့ပြီးတဲ့နောက် အာဒိုဂန်က အခုလို ပြောကြားလိုက်တာပါ။ အိုအိုင်စီနဲ့ ကုလမှာ အရေးအပေါ်အစည်းအဝေးပြုလုပ်ဖို့အတွက်လည်း တူရကီက ဆော်သြခဲ့ပါတယ်။ ပါလက်စတိုင်းတွေကို အစ္စရေးက သတ်ဖြတ်နေတာကို ဆန့်ကျင်တဲ့အနေနဲ့ တောင်အာဖရိကနိုင်ငံကလည်း မနေ့မှာ အစ္စရေးဆိုင်ရာ သံအမတ်ကို ပြန်ခေါ်ခဲ့ပါတယ်။

အမေရိကန်သံရုံး ဂျေရုစလင်ကိုရွှေ့မှု မလေးအစိုးရသစ် ကန့်ကွက်
===============
အစ္စရေးက အမေရိကန်သံရုံး ဂျေရုစလင်ကို ရွှေ့ပြောင်းမှုကို ပြင်းပြင်းထန်ထန် ဆန့်ကျင်ကန့်ကွက်တယ်လို့ ၀န်ကြီးချုပ် မဟာသီယာမိုဟာမက် ဦးဆောင်တဲ့ မလေးရှားအစိုးရသစ်က ပြောကြားလိုက်ပါတယ်။ ဂျေရုစလင်က အမေရိကန်သံရုံးဖွင့်ပွဲအခမ်းအနားကို မနေ့မှာ ပြုလုပ်ခဲ့တာပါ။ မလေးရှားအစိုးရသစ် နိုင်ငံခြားရေးဝန်ကြီးဌာနရဲ့ ပထမဆုံးကြေငြာချက်မှာ အမေရိကန်ရဲ့ ဒီဆောင်ရွက်ချက်က ပါလက်စတိုင်း-အစ္စရေးပြဿနာကို ပိုမိုဆိုးရွားစေမှာ ဖြစ်ပြီး ဒေသတွင်း လုံခြုံရေးနဲ့ တည်ငြိမ်အေးချမ်းရေးကို ထိခိုက်စေလိမ့်မယ်လို့ ဖော်ပြထားပါတယ်။

အင်ဒိုနီးရှား ဒုတိယမြို့တော်ရှိ ရဲစခန်းတစ်ခု ဗုံးခွဲခံရ
==============
တနင်္ဂနွေနေ့က ခရစ်ယာန်ဘုရားကျောင်း ၃ ခု ဗုံးခွဲတိုက်ခိုက်ခံခဲ့ရတဲ့ အင်ဒိုနီးရှားနိုင်ငံ ဆူရာဘာယာမှာ မနေ့က ရဲဌာနချုပ်တစ်ခု အသေခံဗုံးခွဲတိုက်ခိုက်ခံခဲ့ရပြီး IS ကတော့ သူတို့လက်ချက်ဖြစ်တယ်လို့ ကြေငြာခဲ့ပါတယ်။ ကလေးငယ်တစ်ဦးပါဝင်တဲ့ မိသားစုတစ်စုက ဒီတိုက်ခိုက်မှုကို ပြုလုပ်တာဖြစ်ပြီး ရဲတပ်ဖွဲ့ဝင် ၄ ဦး အပါအ၀င် လူ ၁၀ ဦး ဒဏ်ရာရရှိခဲ့ပါတယ်။ ဘုရားကျောင်းတွေကို ဗုံးခွဲတိုက်ခိုက်မှုမှာလည်း လူ ၆ ဦးပါဝင်တဲ့ မိသားစုတစ်စုက ဆောင်ရွက်တာဖြစ်တယ်လို့ အင်ဒိုရဲတပ်ဖွဲ့က သတင်းထုတ်ပြန်ပါတယ်။ IS အကြမ်းဖက်အဖွဲ့ရဲ့ အဲဒီ ၂ ရက်တာ တိုကခိုက်မှုအတွင်း စစ်သွေးကြွလို့ ယူဆရသူ ၁၃ ဦး အပါအ၀င် ၂၅ ဦး သေဆုံးခဲ့ပါတယ်။

မူးယစ်မှောင်ခိုသမား ၁၇၀၀ ကို ဘင်္ဂလားဒေ့ရှ် ဖမ်းဆီး
===================
ပြီးခဲ့တဲ့တစ်ပတ်မှာ ပြုလုပ်ခဲ့တဲ့ မူးယစ်နှိမ်နှင်းမှု စစ်ဆင်ရေးအတွင်းမှာ မူးယစ်မှောင်ခိုသမား ၁၇၀၀ လောက်ကို ဖမ်းဆီးခဲ့တဲ့တယ်လို့ ဘင်္ဂလားဒေ့ရ်ှက ကြေငြာပါတယ်။ ဘင်္ဂလားဒေ့ရ်ှဟာ နယ်စပ်ဒေသ အထူးသဖြင့် မြန်မာနိုင်ငံနဲ့ ထိစပ်နေတဲ့နေစပ်မှာ မူးယစ်ပြဿနာ ကြီးထွားလာမှုကို ရင်ဆိုင်နေရတာပါ။ ဖမ်းဆီးခဲ့တဲ့ ၁၇၀၀ က ၁၄၀၀ ကို တရားစွဲဆိုထားပြီး နယ်စပ်မှာရှိနေတဲ့သူတွေအနေနဲ့ မူးယစ်ကိစ္စတွေနဲ့ ကင်းကင်းရှင်းရှင်းနေကြဖို့လည်း အစိုးရက သတိပေးထားပါတယ်။

Ref: CNA, Aljazeera



Comments are closed.