6 months ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
10 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
10 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
1 year ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
1 year ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
1 year ago
ASEAN ထိပ်သီးများ ရိုဟင်ဂျာအရေး ဆွေးနွေး
1 year ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
1 year ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
1 year ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
1 year ago
ဘာသာပေါင်းစုံ ဆုတောင်းပွဲ (ရုပ်သံ)

ဇွန် ၉၊ ၂၀၁၈
M-Media

– ဗြိတိသျှစစ်တပ်က ဂုဏ်ပြုတပ်ဖွဲ့ဝင် ဆစ်ခ်လူမျိုးတစ်ဦးဟာ စစ်ရေးပြအခမ်းအနားမှာ ဘာသာရေးရိုးရာ ခေါင်းပေါင်း ၀င်ဆင်ခွင့်ရတဲ့ ပထမဆုံး ဆစ်ခ်လူမျိုး ဖြစ်လာပါတယ်။

လက်စတာမြို့က အသက် ၂၂ နှစ်အရွယ် ချာရန်ပရိတ် ဆင်း လာလ်ဆိုသူဖြစ်ပြီး အဲလိဇဘက် ဘုရင်မကြီးရဲ့မွေးနေ့အထိမ်းအမှတ် အခမ်းအနားမှာ အခြား စစ်သားပေါင်း ၁၀၀ နဲ့အတူ ဂုဏ်ပြုတပ်ဖွဲ့မှာ ပါဝင်ခဲ့တာပါ။

ချာရန်ပရိတ် ဆင်း လာလ်

အင်္ဂလိပ် ဂုဏ်ပြုတပ်ဖွဲ့ဝင်တွေ ၀တ်ဆင်နေကျ အမွှေးပွဦးထုပ်မဟုတ်ဘဲ သူ့ရဲ့ ဆစ်ခ်ဘာသာရေးရိုးရာ ခေါင်းပေါင်းကို ၀င်ဆင်ခွင့်ပေးတဲ့လုပ်ရပ်ဟာ အခြားဘာသာတွေ၊ လူ့အဖွဲ့အစည်းကလူတွေ စစ်တပ်ထဲ ၀င်ရောက်ဖို့ အတွက် တိုက်တွန်းအားပေးရာရောက်မယ်လို့ ဆင်းက မျှော်လင့်နေပါတယ်။

“လူတွေက ဒါကိုကြည့်ပြီး သမိုင်းဝင် ပြောင်းလဲမှုပါလားဆိုပြီး နားလည် သဘောပေါက်ကြမယ်လို့ ကျွန်တော် မျှော်လင့်ပါတယ်။ ကျွန်တော့်လို ဆစ်ခ်တစ်ယောက်မဟုတ်ဘဲ အခြားသော ဘာသာတွေ၊ လူ့အဖွဲ့အစည်းကလူတွေ စစ်တပ်ထဲဝင်ဖို့အတွက် တွန်းအားတစ်ခုဖြစ်မယ်လို့လည်း ကျွန်တော် မျှော်လင့်ပါတယ်”

အိန္ဒိယနိုင်ငံ ပန်ဂျပ်ပြည်နယ်မှာ မွေးဖွားပြီး ရင်ခွင်ပိုက်ဘ၀ကတည်းက ယူကေကို မိဘတွေနဲ့အတူ ရောက်လာတဲ့ ဆင်းဟာ ၂၀၁၆ ခုနှစ်မှာ ဗြိတိသျှစစ်တပ်ထဲ ၀င်ရောက်ခဲ့တာဖြစ်ပါတယ်။

“ကျွန်တော် တော်တော်လေး ဂုဏ်ယူမိပြီး အခြားသူတွေကလည်း ဂုဏ်ယူကြမယ်ဆိုတာ ကျွန်တော်သိပါတယ်။ ဘုရင်မကြီးရဲ့ မွေးနေ့အခမ်းအနားမှာ ပါဝင်ရတဲ့၊ ဂုဏ်ပြုတပ်ဖွဲ့မှာ ပါဝင်ရတဲ့ ပထမဆုံး ခေါင်းပေါင်းဝတ် ဆစ်ခ်တစ်ယောက် ဖြစ်ရတဲ့အတွက် အရမ်းကို ဂုဏ်ယူမိပြီး အခြားသူတွေလည်း ဒီလိုဖြစ်လာဖို့ မျှော်လင့်ပါတယ်။ စစ်တက္ကသိုလ်က ဆင်းတဲ့အချိန် ကျွန်တော့်အမေဟာ ၀မ်းသာမျက်ရည်ကျခဲ့ပါတယ်။ ကျွန်တော့်ကို ဒီလိုမြင်ရရင် ဘယ်လိုဖြစ်မလဲ မသိပါဘူး” လို့ ဆင်းက အခမ်းအနားမတိုင်ခင်မှာ ပြောကြားခဲ့ပါတယ်။

Trooping the Colour လို့ခေါ်တဲ့ ဗြိတိသျှအရှင်သခင်ရဲ့ မွေးနေ့အခမ်းအနားကို လွန်ခဲ့တဲ့ နှစ်ပေါင်း ၂၅၀ ကတည်းက နှစ်စဉ် ဇွန်လမှာ ကျင်းပလေ့ရှိပြီး စစ်ရေးပြအခမ်းအနားတွေ၊ တေးသီချင်းသီဆိုတာတွေ ပါဝင်ပါတယ်။

Ref: BBC

Tags: ,

Comments are closed.