3 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
9 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
9 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
9 months ago
ASEAN ထိပ်သီးများ ရိုဟင်ဂျာအရေး ဆွေးနွေး
10 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
10 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
10 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
10 months ago
ဘာသာပေါင်းစုံ ဆုတောင်းပွဲ (ရုပ်သံ)
11 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

ဇွန် ၁၁၊ ၂၀၁၈
M-Media

– ဗြိတိသျှမြို့တော်ရဲ့ ယဉ်ကျေးမှုနဲ့ ပညာရေးဆိုင်ရာ အချက်အခြာနေရာရှိတဲ့ Maet Street Gardens ပန်းခြံဟာ လမ်းဘေးဝဲယာ ပလိန်းပင်တွေ ပေါက်နေတဲ့ လမ်းမကျယ်ကြီးကြောင့် ထင်ရှားပါတယ်။

လန်ဒန်မြို့ ဘလွန်းစ်ဘူရီ ရပ်ကွက်မှာရှိတဲ့ ဒီပန်းခြံဟာ ပြီးခဲ့တဲ့ ၄ နှစ်အတွင်းမှာ ပုံစံတစ်မျိုးနဲ့ ကျော်ကြားလာပါတယ်။

ရမ်ဇာန်ဇရပ် စီမံကိန်း (Ramadan Tent Project (RTP)) က Open Iftar လှုပ်ရှားမှုကြောင့်ဖြစ်ပြီး မွတ်စလင်တွေရဲ့ ရမ်ဇာန်ဥပုသ်လမှာ လူပေါင်း ၃၀၀ လောက်ဟာ မွတ်စလင်တွေနဲ့အတူ ဒီပန်းခြံမှာ စုပေါင်း ၀ါဖြေကြပါတယ်။

Sunken Gareden ပန်းခြံက ကနုတ်ပန်းလက်ရာတွေနဲ့ ပုံဖော်ထားတဲ့ ဂိတ်တံခါးဟာ နေ့စဉ် ည ၈ နာရီဆို ပွင့်လာပြီး ဆာလောင်နေတဲ့ လန်ဒန်မြို့သားတွေဟာ ဇရပ်ကြီးဆီကို လှိမ့်ဝင်လာပါတယ်။ ပန်းခြံထဲက ဇရပ်ငယ်လေးတွေက မီးပြတိုက်တွေလို လင်းဝင်းနေပြီး အမိုးဖွင့်ထားတာကြောင့် လဟာပြင်က သစ်ပင်ပန်းမာလ်တွေကို အတိုင်းသား မြင်နေရပါတယ်။

စေတနာ့ဝန်ထမ်းတွေဟာ ၀င်ရောက်လာသူတွေကို ခရီးဦးကြိုပြုပြီး ဖိနပ်ထည့်ဖို့အတွက် အပြာရောင်အိတ်တွေကိုပေးကာ ဇရပ်ထဲကို ခြေဗလာနဲ့ ၀င်ရောက်စေပါတယ်။ ၂၀၁၁ ခုနှစ်မှာ အရှေ့တိုင်းနဲ့ အာဖရိကဆိုင်ရာ လေ့လာမှုကောလိပ်(SOAS) ကျောင်းသား အိုမာရ် ဆလ်ဟာ စီစဉ်ခဲ့တဲ့ Open Iftar ၀ါဖြေပွဲဟာ အစပိုင်းတုန်းက တိုင်းတစ်ပါးမှာ မိသားစုနဲ့ ဝေးကွာနေတဲ့ နိုင်ငံတကာကျောင်းသားတွေအတွက် ရည်ရွယ်တဲ့ လှုပ်ရှားမှုတစ်ခု ဖြစ်ပါတယ်။

“အိမ်နဲ့ဝေးနေတဲ့သူတွေ စိတ်သက်သာရာရဖို့ဆိုတဲ့ အတွေးကနေ စတာပါ။ SOAS ရဲ့ မြက်ခင်းပြင်ပေါ်မှာ ပြုလုပ်တဲ့ ပထမဆုံး Open Iftar ၀ါဖြေပွဲကို တက်ရောက်သူ ၁၅ ယောက်လောက်ပဲရှိပါတယ်” လို့ ဆလ်ဟာက ပြောပါတယ်။

အဲဒီနောက်ပိုင်းမှာ Open Iftar ဟာ တစ်နှစ်ထက်တစ်နှစ် စည်ကားလာခဲ့ပြီး လူတိုင်းပါဝင်နိုင်တဲ့ အခမ်းအနားတစ်ခု ဖြစ်လာပါတယ်။

“အိမ်ယာမဲ့တွေ၊ ဖြတ်သွားဖြတ်လာတွေ၊ လုပ်ငန်းနယ်ပယ်ကသူတွေ၊ ဘာသာစုံ၊ လူမျိုးစုံကလူတွေ စသဖြင့် နောက်ခံပေါင်းစုံက ပူးပေါင်းပါဝင်ကာ တစ်ဖြည်းဖြည်းနဲ့ ကြီးထွားလာခဲ့ပါတယ်”

တူရကီနိုင်ငံ အစ္စတန်ဘူလ်မြို့မှာ ရမ်ဇာန်ဥပုသ်လတိုင်း ဇရပ်ထိုးကာ စုပေါင်းဝါဖြေတဲ့ဓလေ့ကို အားကျပြီး ဆောင်ရွက်ခဲ့တဲ့ ဆလ်ဟာက ဇရပ်ထဲ မြေပြင်မှာထိုင်ရတာဟာ ရို့ကျိုးနှိမ့်ချဖို့ အသိပေးမှုတစ်ခု ဖြစ်တယ်လို့ ဆိုပါတယ်။

“ကျွန်တော်တို့အားလုံး မြေပြင်မှာ တစ်သားတည်းထိုင်ရတယ်ဆိုတဲ့အသိက ရို့ကျိုးနှိမ့်ချမှုကို အမှတ်ရစေပါတယ်။ ဘဏ်လုပ်ငန်းရှင်ကြီးပဲဖြစ်ဖြစ်၊ ဒရ၀မ်ပဲဖြစ်ဖြစ် ဒီမှာလာပြီး အားလုံးနဲ့ အတူတူထိုင်ရတယ်။ အားလုံး တန်းတူညီတူ ဆက်ဆံခံရပါတယ်”

Open Iftar လှုပ်ရှားမှုကို စတင်ပြီးကတည်းက ဇမ်ဘီယာနေ အမေရိကန်ပြည်ထောင်စုအထိ တိုက်ကြီးလေးတိုက်က တက္ကသိုလ် ၇ ခုမှာ ဧည့်သည်ပေါင်း ၅ သောင်းလောက်ကို ဧည့်ခံကျွေးမွေးခဲ့ပြီး ဖြစ်ပါတယ်။ အခုနှစ်မှာတော့ Open Iftar လှုပ်ရှားမှုကို ပထမဆုံးအကြိမ်အဖြစ် ဘရက်ဖို့ဒ်၊ ဘာမင်ဂမ်နဲ့ မန်ချက်စတာတို့မှာ ပြုလုပ်ခဲ့ပါတယ်။

Open Iftar ရဲ့ အရေးပါဆုံး ရည်ရွယ်ချက်က ဗြိတိသျှမွတ်စလင်တွေ တစ်ဦးနဲ့တစ်ဦး အထိအတွေ့ရှိဖို့၊ ယူကေမှာ မွတ်စလင်ဆန့်ကျင်ရေး သဘောထား မြင့်တက်လာနေတဲ့အချိန် အစ္စလာမ်နဲ့ မကျွမ်းဝင်သူတွေ အစ္စလာမ်အကြောင်း နားလည်လာဖို့ဖြစ်တယ်လို့ ဆလ်ဟာက ပြောပါတယ်။

“အမြဲတမ်းလိုလို မွတ်စလင်တွေက စွပ်စွဲခံနေရပြီး ပြန်ရှင်းပြခွင့်ရတယ်လို့ မရှိပါဘူး။ Open Iftar ဟာ မီဒီယာတွေမှာ ဖော်ပြခံနေရတဲ့ မွတ်စလင်တွေရဲ့ ပုံရိပ်ကု ပြောင်းပစ်ဖို့၊ ဒီလို လူမှုလှုပ်ရှားမှုတွေကနေတစ်ဆင့် တစ်ယောက်နဲ့တစ်ယောက် ထိတွေ့ဆက်ဆံဖို့ အခွင့်အလမ်းကောင်းတစ်ခု ဖြစ်ပါတယ်။ နိုင်ငံတော်တော်များများကနေလာကြတဲ့သူတွေ ဒီမှာလာစုတာကြောင့် ဒါဟာ သံတမန်ရေးဆန်တဲ့ လှုပ်ရှားမှု၊ ကျွေးမွေးမှု၊ ယုံကြည်မှုချင်း ဆက်သွယ်မှု ဖြစ်ပါတယ်”

စေတနာ့ဝန်ထမ်းများ

Open Iftar လှုပ်ရှားမှု အဆင်ပြေလွယ်ကူ ချောမွေ့တာဟာ စတနာ့ဝန်ထမ်းတွေရဲ့ ပါဝင်လှုပ်ရှားမှုကြောင့် ဖြစ်ပြီး သူတို့အများစုက ကျောင်းသားတွေ ဖြစ်ပါတယ်။

“လေးလအတွင်း ကျွန်မ စာတမ်းတစ်စောင် တင်ရမယ်။ ဒါ့ကြောင့် ဖိအား အရမ်း ရှိနေပါတယ်။ ဒါပေမယ့် ဘယ်လိုနေ့တွေကို ဖြတ်သန်းခဲ့ရပါစေ၊ ဒီကိုရောက်လာလိုက်တာနဲ့ အားလုံးကို နာရီအနည်းငယ်လောက် မေ့သွားပါတယ်” လို့ ပီအိတ်ခ်ျဒီ ကျောင်းသူတစ်ဦးဖြစ်တဲ့ ရာဖီယာက ပြောကြားခဲ့ပါတယ်။ သူမဟာ ဒီလှုပ်ရှား
မှုမှာ ပါဝင်လာတာ ၃ နှစ်ဆက်တိုက် ရှိပါပြီ။

ကိုယ်နဲ့မသိတဲ့သူတွေနဲ့ ဘာသာရေးဆိုင်ရာ အပြန်အလှန်ဆွေးနွေးမှုတွေ ဖြစ်လာစေပြီး၊ ကျွမ်းဝင်လာမှု၊ တစ်ဦးကိုတစ်ဦး နားလည်မှုတွေ ဖြစ်လာစေတာကြောင့် Open Iftar ဟာ ရာဖီယာအတွက် ထူးခြားတဲ့ လှုပ်ရှားမှုတစ်ခု ဖြစ်ပါတယ်။

“ပြီးခဲ့တဲ့ ၄ နှစ်အရင်က ကျွန်မ ဒီကို ဧည့်သည်တစ်ယောက်အဖြစ် ရောက်ရှိခဲ့ပါတယ်။ ကျွန်မနဲ့သိတဲ့လူ တစ်ယောက်မှမရှိဘူး။ ဒါ့ကြောင့် ကျွန်မဘေးမှာ ထိုင်နေတဲ့သူကို၊ အလုပ်အကြောင်း၊ ဥပုသ်အကြောင်း အလာပသလာပ ပြောတယ်။ မွတ်စလင်မဟုတ်သူတွေကလည်း ဥပုသ်စောင့်မှုနဲ့ ဘုရားဝတ်ပြုမှုတွေအကြောင်း ကျွန်မကို မေးတယ်။ ဒါဟာ အစ္စလာမ်နဲ့ပတ်သက်ပြီး လူတွေ သိလာဖို့အတွက် တကယ်ကို နည်းလမ်းကောင်းတစ်ခုပါ။  မွတ်စလင်တွေ ဘာ့ကြောင့် ဥပုသ်စောင့်ရတာလဲ၊ တစ်နေ့ကို ဘုရားငါးကြိမ် ဘာ့ကြောင့်ဝတ်ပြုရတာလဲ၊ ဘာ့ကြောင့် ရေတောင်သောက်လို့မရတာလဲ ဆိုတာတွေကို လူတွေက သိပ်မသိကြပါဘူး”

ဂျူးတွေ၊ ခရစ်ယာန်တွေလည်း ဒီဝါဖြေပွဲကို လာရောက်တာကြောင့် သူတို့ရဲ့ ဘာသာတရားအကြောင်းကို လေ့လာခွင့်ရပြီး ဘာသာတရားတွေအကြား တူညီမှု၊ ခြားနားမှုတွေကို မှတ်သားခွင့်ရကြောင်းလည်း ရာဖီယာက ထည့်သွင်းပြောဆိုခဲ့ပါတယ်။

ထင်ရှားသူတွေ လာရောက်မှု

၂၀၁၇ ခုနှစ်ကစလို့ Open Iftar အခမ်းအနားမှာ ထင်ရှားကျော်ကြားသူတွေ တော်တော်များများ လာရောက်ကာ မိန့်ခွန်းပြောခဲ့ကြပါတယ်။

အခုနှစ် လာရောက်ကြသူတွေထဲမှာ Channel 4 သတင်းဌာနက အစီအစဉ်တင်ဆက်သူ ဂျွန်စနိုး၊ လန်ဒန်မြို့တော်ဝန် ဆာဒစ်ခန်းတို့ ပါဝင်ပါတယ်။

ဒီနှစ် လန်ဒန်က ၀ါဖြေပွဲဟာ Open Iftar လှုပ်ရှားမှု သမိုင်းတစ်လျှောက် လူဦးရေအများဆုံးလည်း ဖြစ်ပါတယ်။

“ဒီဇရပ်ထဲကိုကြည့်လိုက်ရင် နောက်ခံမျိုးစုံ၊ ဘာသာပေါင်းစုံ၊ အသက်အရွယ် ပေါင်းစုံ၊ လူမျိုးစုံ၊ နိုင်ငံမျိုးစုံကလူတွေ၊ အမျိုသားတွေအမျိုးသမီးတွေဟာ အရိုးအရှင်းဆုံး အလုပ်လေးတစ်ခုဖြစ်တဲ့ ၀ါလာဖြေကြတာကို တွေ့ရမှာပါ။ ဒါပေမယ့် မွတ်စလင်တွေကတော့ မြင့်မြတ်လှတဲ့ ရမ်ဇာန်ဥပုသ်လရဲ့ မြင့်မြတ်တဲ့အချိန်ကာလ နောက်ဆုံး ၁၀ ရက်မှာ တွေ့ဆုံရတာ ဖြစ်ပါတယ်” လို့ လန်ဒန်မြို့တော်ဝန် ဆာဒစ်ခန်းက ပြောကြားခဲ့ပါတယ်။

Ref: Aljazeera



Comments are closed.