3 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
3 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
9 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
9 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
9 months ago
ASEAN ထိပ်သီးများ ရိုဟင်ဂျာအရေး ဆွေးနွေး
10 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
10 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
10 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
10 months ago
ဘာသာပေါင်းစုံ ဆုတောင်းပွဲ (ရုပ်သံ)
11 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

ဇွန် ၁၂၊ ၂၀၁၈
M-Media

ရီးယဲလ်နည်းပြဖြစ်လာမည့် ဂျူလီယန် လိုပေတေဂီ

စပိန်လက်ရွေးစင်အသင်းနည်းပြကို ရီးယဲလ်က နည်းပြသစ်အဖြစ် ခန့်အပ်
==================
ရီးယဲလ်မက်ဒရစ်အသင်းဟာ လစ်လပ်နေတဲ့ နည်းပြနေရာကို စပိန်လက်ရွေးစင်အသင်းရဲ့ နည်းပြ ဂျူလီယန် လိုပေတေဂီကို ခန့်အပ်လိုက်ပြီး ကမ္ဘာ့ဖလားပြိုင်ပွဲ ပြီးဆုံးတာနဲ့ ကိုင်တွယ်ရမှာ ဖြစ်ပါတယ်။ ချန်ပီယံလိဂ်ဗိုလ်စွဲပြီး ရက်ပိုင်းအကြာမှာပဲ နည်းပြဇီဒိန်းဟာ အသင်းကထွက်တော့မယ်လို့ ကြေငြာပြီးတဲ့နောက် ရီးယဲလ်က စပါးနည်းပြ ပိုချက်တီနိုအပါအ၀င် ထိပ်တန်းနည်းပြတွေနဲ့ ဆက်သွယ်မှုတွေ ပြုလုပ်ခဲ့ပါတယ်။ လိုပေတေဂီဟာ ပြီးခဲ့တဲ့လကမှ စပိန်ဘောလုံးအဖွဲ့ချုပ်နဲ့ ၂ နှစ်သက်တမ်းတိုးစာချုပ် ချုပ်ဆိုထားတာပါ။ ရီးယဲလ်ကတော့ လိုပေတေဂီအနေနဲ့ ကမ္ဘာ့ဖလားအပြီးကနေစပြီး အသင်းကို ၃ နှစ်တာ ကိုင်တွယ်သွားမယ်လို့ ထုတ်ပြန်ခဲ့ပါတယ်။

ကွင်းပိုင်ဆိုင်မှုကိစ္စ အင်္ဂလန်ဘောလုံးအဖွဲ့ချုပ် ပြန်လည်သုံးသပ်မည်
==============
ဘောလုံးအသင်းတွေရဲ့ အကျိုးစီးပွားကို ကာကွယ်ဖို့အတွက် အင်္ဂလန်ဘောလုံးအဖွဲ့ချုပ် FA နဲ့ ဗြိတိသျှတို့ဟာ ဘောလုံးကွင်း ပိုင်ဆိုင်မှုနဲ့ပတ်သက်ပြီး သုံးသပ်မှုတွ ပြုလုပ်ဖို့ ရှိနေပါတယ်။ အသင်းနဲ့ ကွင်းပိုင်ရှင်တွေအကြား မြေနဲ့ အခြား ဖွံ့ဖြိုးရေးဆိုင်ရာ ပြဿနာတွေ လတ်တလောမှာ များပြားလာခဲ့ပါတယ်။ National League South လိဂ်ကို ၀င်ကန်ခွင့်ရတဲ့ Dulwich Hamlet အသင်းဟာ ကွင်းပိုင်ရှင်က ကွင်းအသုံးပြုခွင့်မပေးတော့အတွက် ပြီးခဲ့တဲ့မတ်လကစလို့ ကစားမယ့်နေရာမရှိ ဖြစ်ခဲ့တာကြောင့် ဒီကိစ္စက ထိပ်ဆုံးကို ရောက်လာပါတယ်။ FA နဲ့ ဗြိတိန်အစိုးရတို့ရဲ့ အခုသုံးသပ်မှုကနေ ထွက်လာတဲ့ အကြံပြုချက်တွေဟာ ဘောလုံးအသင်းတွေရဲ့ အကျိုးစီးပွားကို ကာကွယ်ကာ၊ ပရိတ်သတ်တွေ စိတ်အေးစေဖို့ ရည်ရွယ်တယ်လို့ ဆိုပါတယ်။

Ballon d’Or ဆု ဆာလာဟ်ရနိုင်သည်ဟု ရော်နယ်ဒိုဟောကိန်းထုတ်
===============
အခုနှစ် ကမ္ဘာ့အကောင်းဆုံး ဘောလုံးသမားဆု Ballon d’Or အတွက် လီဗာပူးလ်တိုက်စစ်မှူး မိုဟာမက် ဆာလာဟ်ဟာ သူနဲ့ မက်ဆီတို့ကို စိန်ခေါ်နိုင်သူဖြစ်တယ်လို့ ရီးယဲလ်တိုက်စစ်မှူး ခရစ္စတီယာနို ရော်နယ်ဒိုက ပြောကြားလိုက်ပါတယ်။ လီဗာပူးလ်နဲ့ ပထမဆုံးရာသီမှာပဲ ဆာလာဟ်ဟာ ပြိုင်ပွဲအားလုံးမှာ ၄၄ ဂိုး သွင်းယူခဲ့ပြီး ပရီးမီးယားလိဂ် ရွှေဖိနပ်ဆုကိုလည်း ရယူနိုင်ခဲ့ပါတယ်။ ရော်နယ်ဒိုက Ballon d’Or ဟာ သူနဲ့ မက်ဆီတို့သာ ပြိုင်ရမယ့်ဆုလို့ လူတွေပြောနေကြတာ မဟုတ်မှန်ဘဲ အခြားကစားသမားတွေလည်း ရနိုင်ခွင့်ရှိကြောင်း၊ အဲဒီအထဲက အသေချာဆုံးက ဆာလာဟ်ဖြစ်ကြောင်း ပြောဆိုခဲ့ပါတယ်။

Ref: Goal, BBC



Comments are closed.