4 months ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
4 months ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
10 months ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
10 months ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
10 months ago
ASEAN ထိပ်သီးများ ရိုဟင်ဂျာအရေး ဆွေးနွေး
11 months ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
11 months ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
11 months ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
11 months ago
ဘာသာပေါင်းစုံ ဆုတောင်းပွဲ (ရုပ်သံ)
11 months ago
ရိုးရာ လက်ဝှေ့ အဖွဲ့ချူပ် ပြက္ခဒိန်တွင် ထွန်းထွန်းမင်း ဓါတ်ပုံ ချန်ထားခံရ

ဇူလိုင် ၄၊ ၂၀၁၈
M-Media

ကချင်ပြည်နယ်မှ ခရစ်ယာန် ဘုရားကျောင်းတစ်ခု

– ပြီးခဲ့တဲ့တစ်နှစ်ခွဲအတွင်း ကချင်ပြည်နယ်မှာ မြန်မာစစ်တပ်ဟာ ခရစ်ယာန်ဘုရားကျောင်း ၆၀ လောက်ကို ဖျက်ဆီးခဲ့ပြီး အဲဒီအထဲက တစ်ချို့ကို ဘုရားတွေအဖြစ် အသွင်ပြောင်းခဲ့တယ်လို့ ၀ါရှင်တန်အခြေစိုက် ကမ္ဘာ့အကြီးဆုံး ခရစ်ယာန်သတင်းဌာန The Christian Post က ဖော်ပြပါတယ်။

အဲဒီဒေသကို မကြာသေးခင်က သွားရောက်ခဲ့တဲ့ အမေရိကန် သင်းအုပ်ဆရာတစ်ဦးရဲ့ ပြောကြားမှုကို ကိုးကားပြီး ဖော်ပြခဲ့တာ ဖြစ်ပါတယ်။

ကချင်ပြည်နယ်မှာ ပြီးခဲ့တဲ့လတွေအတွင်း မြန်မာစစ်တပ်နဲ့ ကချင် လွတ်မြောက်ရေးတပ်ဖွဲ့ KIA တို့အကြား တိုက်ခိုက်မှုတွေ အရှိန်မြင့်ခဲ့ပြီး အိုးအိမ်စွန့်ခွာ ထွက်ပြေးရသူတွေလည်း အများအပြား ရှိခဲ့ပါတယ်။

အမေရိကန်ပြည်ထောင်စု တက္ကဆက်ပြည်နယ် ကဲလားမြို့မှာ Northwood Church ဘုရားကျောင်းကို တည်ထောင်ထားပြီး မကြာသေးခင်ကမှ ကချင်ပြည်နယ်ကို သွားရောက်ခဲ့တဲ့ သင်းအုပ်ဆရာ ဘော့ဘ် ရောဘတ်က KIA နဲ့ မြန်မာစစ်တပ်တို့ အပစ်ရပ်ရေး ပျက်ပြယ်သွားတဲ့ လွန်ခဲ့တဲ့ ၇ နှစ်ကတည်းက ကချင်ပြည်နယ်မှာ ရွာပေါင်း ၄၅၀ ကျော် မီးရှို့ဖျက်ဆီးခံခဲ့ရတယ်လို့ ပြောကြားခဲ့ပါတယ်။

ပြည်နယ်လူဦးရေရဲ့ ၉၅ ရာခိုင်နှုန်း ခရစ်ယာန်တွေဖြစ်ကြတဲ့ ကချင်တွေဟာ လတ်တလော တိုက်ခိုက်မှုတွေမှာ ပိုမိုဆိုးဝါးစွာ ထိခိုက်ခံစားခဲ့ရတယ်လို့လည်း သူက ဆိုပါတယ်။

“လွန်ခဲ့တဲ့ ၁၈ လအတွင်း သူတို့ဟာ ခရစ်ယာန်ဘုရားကျောင်း ၆၀ ကို ဗုံးကြဲခဲ့တယ်။ အဲဒီ ဗုံးကြဲခဲ့တဲ့ ၆၀ ထဲက နေရာ ၂၀ ကို ဘုရားတွေတည်ပြီး အပိုင်သိမ်းလိုက်ကြတယ်။ တော်တော်ကို ဆိုးဆိုးဝါးဝါး ကိစ္စပါ။ ရှင်းရှင်းလင်းလင်းပြောရရင် လူမျိုးစုလိုက် ရှင်းလင်းနေသလိုပါပဲ” လို့ သင်းအုပ်ဆရာ ရောဘတ်က The Christian Post နဲ့ အင်တာဗျူးမှာ ပြောကြားခဲ့ပါတယ်။

ပြီးခဲ့တဲ့နှစ်တွေအတွင်း ကမ္ဘာကြီးက ရိုဟင်ဂျာကိစ္စကိုသာ အာရုံစိုက်နေတဲ့အချိန် ရခိုင်မှာ အသုံးပြုခဲ့တဲ့ စစ်တပ် တော်တော်မျာများကို ကချင်ပြည်နယ်ကိုရွှေ့ပြီး တိုက်ခိုက်မှုတွေ အရှိန်မြှင့်လာတယ်လို့လည်း ဆိုပါတယ်။

“ရခိုင်က တပ်ဖွဲ့တွေကို သုံးနေတယ်ဆိုတဲ့ကိစ္စဟာ တော်တော်လေး စိုးရိမ်စရာကောင်းတဲ့ အချက်တွေထဲကတစ်ခုပါ။ ရခိုင်မှာ လူသတ်မှုတွေ၊ အဓမ္မကျင့်မှုတွေ၊ ဒီလို ဆိုးဆိုးဝါးဝါးတွေ ဖြစ်ခဲ့တယ်။ (ကချင်ပြည်နယ်မှာ) ရိုဟင်ဂျာတွေလို အခြေအနေမျိုး မဖြစ်သေးပေမယ့် လွယ်လွယ်ကူကူ ဖြစ်လာနိုင်တယ်ဆိုတဲ့ စိုးရိမ်မှုလည်း ရှိနေပါတယ်”

အခြေအနေတွေဟာ တစ်ဖြည်းဖြည်းနဲ့ ဆိုးဝါးလာမလားဆိုတဲ့ စိုးရိမ်မှုတွေ ကြီးကြီးမားမား ရှိနေကြောင်း၊ အိုးအိမ်စွန့်ခွာ ထွက်ပြေးလာရပြီး ပြည်နယ်တစ်ဝှမ်းက ခရစ်ယာန်ဘုရားကျောင်းတွေမှာ ခိုလှုံနေရတဲ့ ကချင်ပြည်သူ ၁၃၀၀၀၀ လောက်ရှိကြောင်း သင်းအုပ်ဆရာရောဘတ်က ထည့်သွင်း ပြောဆိုခဲ့ပါတယ်။

“ကချင်ပြည်နယ်က နှစ်ခြင်း ခရစ်ယာန်ဘုရားကျောင်းတိုင်းနီးပါးမှာ ဒုက္ခသည် ၄၀၀ ကနေ ၂၀၀၀ လောက်အထိ ရှိနေပါတယ်။ Kachin Baptist Convention အသင်းဟာ ကယ်ဆယ်ရေးလုပ်နေရပြီး၊ သူတို့တွေကို ကူညီဖို့ ကြိုးစားနေကြပါတယ်”

ရောဘတ်ဟာ ကချင်ဒုက္ခသည်တွေနဲ့လည်း တွေ့ဆုံ စကားပြောခဲ့ပြီး အမျိုးသမီးတွေ အဓမ္မကျင့်ခံရတာ၊ သတ်ဖြတ်မှု၊ မီးရှို့ဖျက်ဆီးမှုတွေကို မျက်မြင်ကြုံရတာ စတဲ့ အကြောင်းအရာတွေကို ကြားခဲ့ရတယ်လို့ ဆိုပါတယ်။

“သားအဖနှစ်ယောက်ဆိုရင် ကွင်းပြင်မှာ နွားကျောင်းနေရင် တိုက်လေယာဉ်တွေ၊ ရဟတ်ယာဉ်တွေ သူတို့ဆီပျံလာကာ ပစ်ခတ်တာနဲ့ ကြုံရပြီး သားကသေသွားတယ်။ ဖအေက ဒူးခေါင်းမှာ ဒဏ်ရာရခဲ့တယ်။ သူ့သားကို အမြန်မြေမြှုပ်ပြီး သူက ရွာကနေ ထွက်ပြေးခဲ့ရတယ်”

ပြီးခဲ့တဲ့နှစ်အတွင်း ကချင်ပြည်နယ်မှာ တိုက်လေယာဉ်တွေ၊ ရဟတ်ယာဉ်တွေနဲ့ တိုက်ခိုက်မှု အကြိမ် ၆ ၀၀ လောက်ရှိခဲ့တယ်လို့လည်း ရောဘတ်က ပြောပါတယ်။

အနောက်တိုင်းက ခရစ်ယာန်တွေဟာ သူတို့ကို မေ့ထားတယ်လို့ ကချင်ပြည်သူတွေက ခံစားနေရကြောင်း၊ တကယ်လည်း ကချင်ပြည်သူတွေ ခံစားနေရတဲ့ အခြေအနေတွေကို အနောက်နိုင်ငံတွေက မသိကြကြောင်း ရောဘတ်က ထည့်သွင်းပြောကြားခဲ့ပါတယ်။

အမေရိကန်က အသင်းတော်အနေနဲ့ ဒီကိစ္စကို ကျယ်ကျယ်လောင်လောင်ပြောကြားဖို့၊ ဒီကိစ္စတွေအပေါ် အရေးယူရေး အစိုးရကို ဖိအားပေးဖို့ တိုက်တွန်းခဲ့သလို၊ သူနဲ့ အခြား ဘာသာရေးခေါင်းဆောင်တွေဟာ ဒီကိစ္စအတွက် သမ္မတထရမ့်နဲ့ ဒုတိယသမ္မတ မိုက်ပန့်စ်တို့ဆီ စာရေးသားကာ မြန်မာနိုင်ငံ အပေါ် ပိုမိုအရေးယူဖို့၊ ပိတ်ဆို့မှုတွေ ပြန်လည်လုပ်ဆောင်ဖို့ တောင်းဆိုသွားမယ်လို့ ပြောကြားခဲ့ပါတယ်။

ရောဘတ်ဟာ အခြားသော ဧ၀ံဂေလိ ခရစ်ယာန်ခေါင်းဆောင်တွေ စာမှာ လက်မှတ်ထိုးဖို့ ပြောဆိုထားပြီး ဇူလိုင်လ ၁၀ ရက်နေ့မှာ ပေးပို့သွားဖို့ ရှိနေပါတယ်။

Kachin Baptist Convention ကို ငွေကြေးထောက်ပံ့ဖို့လည်း အမေရိကန်အသင်းတော်ကို ရောဘတ်က တိုက်တွန်းခဲ့ပါတယ်။

Ref: Christian Post



Comments are closed.