5 years ago
ရိုဟင်ဂျာ ၇ ဦးကို အိန္ဒိယနိုင်ငံက မြန်မာကို ပထမဆုံးအကြိမ် ပြန်ပို့
6 years ago
ဓာတ်ပြားအဆိုတော် တေးသံရှင် ဒေါ်မာမာဝေ အသက်(၉၃) နှစ် ကွယ်လွန်
6 years ago
ဒုက္ခသည်စခန်းမှ လုပ်အားပေးဆရာမတစ်ဦး ရခိုင်မှ ရန်ကုန်သို့လာစဉ် လဝကဥပဒေဖြင့် အဖမ်းခံရပြီး ထောင်တစ်နှစ်ကျ
6 years ago
ဦးဇော်ဌေး (ခ) မှူးဇော်အား ဌာနပြောင်းရွှေ့တာဝန်ပေး
6 years ago
NVC ကဒ် လက်ခံရန် ဖိအားပေးခံရမှုကို ငြင်းဆိုသော ကမန်တိုင်းရင်းသားများ စီးပွားရေးပိတ်ဆို့ခံနေရ
6 years ago
ASEAN ထိပ်သီးများ ရိုဟင်ဂျာအရေး ဆွေးနွေး
6 years ago
Drone မှုနဲ့ဖမ်းခံရသူ သတင်းထောက်တွေ မိသားစုနဲ့တွေ့ခွင့်မရသေး
6 years ago
မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး
6 years ago
AA ဒုဗိုလ်မှူးကြီး အပါအ၀င် ၉ ဦးကို ငွေကြေးခ၀ါချမှုနဲ့ အမှုဖွင့်စစ်ဆေး
6 years ago
ဘာသာပေါင်းစုံ ဆုတောင်းပွဲ (ရုပ်သံ)

ဇူလိုင် ၂၂၊ ၂၀၁၈
M-Media

သမ္မတဒူတာတေးနှင့် MILF တာဝန်ရှိသူများ တွေ့ဆုံမှု

– နိုင်ငံတောင်ပိုင်းက မိုရိုလူမျိုးတွေကို အုပ်ချုပ်ရေးအာဏာ၊ သံယဇာတတွေ မျှဝေခံစားခွင့်ပေးမယ့် ဥပဒေတစ်ခုကို ဖိလစ်ပိုင်သမ္မတ ရော်ဒရီဂို ဒူတာတေးက မနက်ဖြန်မှာ လက်မှတ်ရေးထိုးဖို့ ရှိနေပါတယ်။

Bangsamoro Organic Law လို့ အမည်ပေးထားတဲ့ အဲဒီဥပဒေအရ နိုင်ငံတောင်ပိုင်း မင်ဒါနာအိုကျွန်းဟာ ကိုယ်ပိုင်အုပ်ချုပ်ခွင့်ရဒေသ ဖြစ်လာမှာဖြစ်ပြီး လူပေါင်း ၁ သိန်းကျော်လောက် သေဆုံးခဲ့တဲ့ ဆယ်စုနှစ် ၅ ခုကြာ မိုရိုလူမျိုးတွေရဲ့ သူပုန်ထမှုလည်း အဆုံးသတ်တော့မှာ ဖြစ်ပါတယ်။

တနင်္လာနေ့မှာ လက်မှတ်ရေးထိုးမယ့် ဥပဒေကို အခုနှစ်နှောင်းပိုင်းမှာ ပြည်သူ့ဆန္ဒခံယူပွဲ ပြုလုပ်မှာ ဖြစ်ပါတယ်။

အဲဒီနောက်မှာတော့ မိုရိုလူမျိုးတွေဟာ မင်ဒါနာအိုပြည်နယ်မှာ ကိုယ်ပိုင်လွှတ်တော် တည်ထောင်ခွင့်ရမှာဖြစ်ပြီး ဒေသတွင်းက သယံဇာတတွေကို ကိုယ်တိုင်စီမံခန့်ခွဲခွင့်၊ အဲဒီ သယံဇာတကရရှိတဲ့ အကျိုးအမြတ်ကို ဒေသခံ ပြည်သူတွေ မျှဝေခံစားခွင့်တွေ ရလာမှာဖြစ်သလို ဗဟိုအစိုးရက ဒေသကို ပုံသေ ထောက်ပံ့မှုတွေလည်း လုပ်ပေးသွားမှာ ဖြစ်ပါတယ်။

ပြည်နယ်ရဲ့ တရားရေးစနစ်မှာ အစ္စလာမ့် ဓလေ့ထုံးတမ်းဥပဒေတွေ ထည့်သွင်းကျင့်သုံးခွင့်လည်း ဒေသခံတွေက ရရှိမှာ ဖြစ်ပါတယ်။

အပြန်အလှန်အားဖြင့် မိုရိုလူမျိုးတွေလွတ်မြောက်ရေး လှုပ်ရှားခဲ့တဲ့ မိုရိုအစ္စလာမ့်လွတ်မြောက်ရေးတပ်ဦး (MILF) ဟာ ထောင်နဲ့ချီတဲ့ သူတို့ရဲ့စစ်တပ်ကို တစ်ဖြည်းဖြည်းချင်း ဖျက်သိမ်းပေးရမှာ ဖြစ်ပါတယ်။

ဖိလစ်ပိုင်အစိုးရဟာ မိုရိုတွေတောင်းဆိုမှုရဲ့ ၈၅ ကနေ ၉၀ ရာခိုင်နှုန်းအထိသာ လိုက်လျောပေးခဲ့ပြီး MILF ခေါင်းဆောင်တွေကတော့ ဒါကို ကျေနပ်တယ်လို့ ပြောကြားခဲ့ပါတယ်။

“ပြည်ဝတဲ့ ဥပဒေမျိုး မဟုတ်ပေမယ့် ကောင်းမွန်တဲ့ စတင်ခြင်းမျိုးပါ။ ဘုရားသခင်အလိုတော်နဲ့ အခု ကျွန်တော်တို့ အစိုးရတစ်ရပ် ရှိလာပြီဆိုရင်တော့ ကျွန်တော်တို့ပြည်သူတွေရဲ့ဘ၀ကို တိုးတက်ကောင်းမွန်အောင် ဆောင်ရွက်နိုင်တော့မှာ ဖြစ်ပါတယ်” လို့ MILF ရဲ့ ဒုတိယစစ်ဦးစီးချုပ် ဂါဇာလီ ဂျက်ဖာရ်က ပြောကြားခဲ့ပါတယ်။

မျိုးနွယ်ခွဲပေါင်း အများအပြား ပါဝင်တဲ့ မိုရိုလူမျိုးစုဟာ လူဦးရေ ၁၀ သန်းကျော်လောက်ရှိပြီး ၁၆ ရာစုကနေ ၁၉ ရာစုအထိ ကြာမြင့်ခဲ့တဲ့ စပိန်ကိုလိုနီတွေရဲ့ ဖိလစ်ပိုင်နိုင်ငံကို စပိန်မှုပြုမှု၊ ခရစ်ယာန်မှုပြုမှုတွေကို ကြံ့ကြံ့ခံရင်ဆိုင်ကာ ရှောင်ကွင်းနိုင်ခဲ့တဲ့ လူမျိုးစုတစ်ခု ဖြစ်ပါတယ်။

မိုရိုတွေဟာ ၂၀ ရာစုအစပိုင်းက အမေရိကန်ရဲ့ ကိုလိုနီပြုမှုကိုလည်း ခုခံကာကွယ်နိုင်ခဲ့ပါတယ်။

ဖိလစ်ပိုင်နိုင်ငံ လွတ်လပ်ရေးရပြီးနောက်ပိုင်းမှာ ခွဲခြားဆက်ဆံမှုကို ခံရတာကြောင့် ၁၉၇၀ ပြည့်နှစ်မှာ မိုရိုတွေဟာ MNLF အမည်နဲ့ ခွဲထွက်ရေး ကြိုးပမ်းခဲ့ကြပြီး ၁၉၇၆ ခုနှစ်မှာ ကိုယ်ပိုင်အုပ်ချုပ်ခွင့်နဲ့ ပြဿနာပြေလည်ခဲ့ပါတယ်။

ဒါပေမယ့် MNLF က သဘောထားကွဲသူတစ်ချို့ ခွဲထွက်ကာ MILF အဖွဲ့ကို တည်ထောင်ခဲ့ပြီး ဆက်လက် သူပုန်ထခဲ့ပါတယ် ၁၉၉၆ ခုနှစ် သမ္မတ ဖီဒဲလ်ရာမို့စ်ရဲ့လ်ကထက်မှာ ညှိနှိုင်းခဲ့ပေမယ့် မအောင်မြင်ခဲ့ပါဘူး။

၂၀၀၁ ခုနှစ် သမ္မတ ဂလိုရီယာ အာရိုယိုလက်ထက်မှာ ညှိနှိုင်းဆွေးနွေးမှုကို ပြန်လည်စတင်ခဲ့ပြီး၊ ၂၀၁၂ ခုနှစ်အောက်တိုဘာလမှာ သမ္မတအကွီနိုနဲ့ ငြိမ်းချမ်းရေးရခဲ့ကာ၊ ၂၀၁၄ ခုနှစ် မတ်လမှာ ပြည့်ဝတဲ့ သဘောတူညီချက်တစ်ရပ်ကို လက်မှတ်ရေးထိုးခဲ့ပါတယ်။

MILF ဟာ မာရာဝီမြို့ကို IS အကြမ်းဖက်သမားတွေလက်ထဲကနေ ပြန်လည်ရယူရေး ဖိလစ်ပိုင်စစ်တပ်နဲ့အတူ လက်တွဲ တိုက်ပွဲဝင်ခဲ့တဲ့အဖွဲ့လည်း ဖြစ်ပါတယ်။

Ref: Aljazeera

Comments are closed.